Kompleti më i mirë i nivelit fillestar për fotot e natës dhe astrofotografinë

Drita është një komponent thelbësor i fotografisë, kështu që shkrepja gjatë natës ose në dritë të ulët paraqet një sfidë të veçantë. Por fotografia e natës ofron një grup unik mundësish krijuese. Portretet me ndriçim të lehtë përkundër një sfondi të errët mund të kenë një cilësi magjike, ndërkohë që izolojnë në mënyrë efikase subjektin kryesor brenda një skene. Kafshët e natës i japin një pjerrësi të ndryshme fotografisë së kafshëve të egra, ndërsa peizazhet e qytetit gjatë natës të rehen në shfaqjen e tyre të dritës. Për një shkëlqim vërtet madhështor, mund ta ktheni shikimin drejt qiellit dhe të kapni Kashtën e Kumtrit. 

Ora blu e muzgut para lindjes së diellit ose pasi perëndon është e preferuara për shumë fotografë. Ka ende pak ndriçim natyral për të nxjerrë në pah detajet, ndërsa dritat e qytetit priren t'i lajnë skenat me një shkëlqim të ngrohtë. Bluja e thellë në qiell shton gjithashtu një ndjesi dramatike. Sidoqoftë, ora blu mund të jetë shumë e shkurtër në varësi të gjerësisë gjeografike të vendndodhjes suaj dhe kohës së vitit, dhe mund të keni vetëm disa minuta për të përfituar plotësisht nga ndriçimi më i mirë. Është më mirë të planifikoni përpara duke parë orët e lindjes dhe të perëndimit të diellit, si dhe t'i zbuloni paraprakisht pozicionet për vendin ku dëshironi të fotografoni.

Gjithashtu, mos harroni se mund të ketë acar dhe vesë me të cilat mund të përballeni, ndaj këshillohet të merrni me vete rroba të ngrohta ose të papërshkueshme nga uji. Ndërsa shumë kamera dhe objektiva Canon kanë izolim të plotë ndaj motit, një çadër e madhe ia vlen për t'jua mbajtur kompletin të thatë.

Kamerat pa pasqyrë kanë një avantazh të madh ndaj DSLR-ve për fotografimin e natës. Inkuadruesit e tyre elektronikë mund të rrisin automatikisht nivelin e ndriçimit për të simuluar efektin e cilësimeve të ekspozimit. Kjo ju mundëson të shihni në errësirë me plot kuptimin e fjalës, ndërkohë që shqyrtoni ndriçimin e figurës që rezulton për çdo cilësim të caktuar ekspozimi, që para se të shkrepni.

Është mirë të keni mundësinë të shkrepni pa kufizime gjatë natës, pa qenë nevoja të mbani stativ. Kamerat si EOS R6 dhe EOS R7 vijnë me fotostabilizimin të integruar (IBIS), i cili ju ndihmon të kapni pamje të qëndrueshme dhe pa dridhje. Kombinuar me IS optike të objektivave të caktuar, kjo do të thotë se mund të arrini deri në 8 nivele fotostabilizimi, optimale për shkrepjen dorazi me shpejtësi shumë më të ulëta të shkrehësit. 

Vetëfokusimi i shpejtë dhe me precizion konstant mund të jetë gjithashtu një avantazh i madh. Sistemi EOS R6 AF funksionon në errësirë ​​thuajse të plotë në -6.5EV (Exposure Value). Kjo është baras me një peizazh nën dritën e çerekhënës. Është -5EV për EOS R7 dhe -4EV për EOS R10, përafërsisht e barabartë me ndriçimin e gjysmëhënës dhe të hënës së madhe respektivisht.

Objektivat me aperturë të gjerë lejojnë më shumë dritë në sensorin e kamerës, duke ju mundësuar të shkrepni edhe në netët më të errëta, ndërsa një kënd i gjerë do t'ju japë gjithashtu mundësinë e përdorimit të shpejtësive më të ulëta të shkrehësit. Lentet me IS optik janë të dobishme për zvogëlimin e turbullimit kur fotografoni dorazi.

Kamerat kuadërplota janë më të përshtatshme për astrofotografi sesa ekuivalentet e tyre të formatit APS-C sepse shpesh ju duhet një fushëpamje vërtet e gjerë për të kapur qiellin e natës. Megjithatë, nëse jeni duke shkrepur hënën, mund të kombinoni një kamerë APS-C me objektiv telefoto për të kapur detajet e satelitit të Tokës.

Canon EOS R6 funksionon veçanërisht mirë kur shkrep natën. Kombinimi i një sensori figure kuadërplotë dhe niveli modest 20.1MP do të thotë pikselë individualë relativisht të mëdhenj, me potencial më të madh për mbledhjen e dritës. Rezultati është zhurmë minimale figure kur përdorni cilësime të larta ISO për të shmangur shpejtësinë e ulët të shkrehësit nën ndriçim të ulët. Në të vërtetë, diapazoni standard i ndjeshmërisë shtrihet nga ISO100 deri në ISO102400.

Fokusimi manual preferohet përgjithësisht për astrofotografinë dhe kamerat e Canon pa pasqyrë EOS R System vijnë me opsionin e kulminimit të fokusit, të cilin mund ta përdorni për të ndriçuar konturet e subjektit në fokus në inkuadrues ose në ekranin e pasmë.

Objektivat e shpejtë me aperturë të shndritshme janë të preferueshme për të lejuar sa më shumë dritë të jetë e mundur. Objektivi Canon RF 16mm F2.8 STM funksionon mirë në të dyja rastet, ndërkohë që mundëson astrofotografime në formatin APS-C EOS R7 dhe EOS R10, ku gjatësia fokale efektive prej 25.6mm jep ende një fushëpamje të bollshme. 

Canon RF 24mm F1.8 MACRO IS STM është një tjetër mundësi e shkëlqyer për të kapur gjurmët e yjeve dhe spektaklet si dritat e veriut. Apertura e shpejtë maksimale f/1.8 ka një projektim rrethor me nëntë fletë që funksionon më së miri në ndriçim të ulët, duke dhënë zona të bukura jashtë fokusit dhe turbullimit të sfondit.

24.2MP Canon EOS R10 dhe 32.5MP EOS R7 ofrojnë cilësi mbresëlënëse figure për shkrepjet e natës, me diapazone standarde ndjeshmërie prej ISO100-32000. Kjo ju jep shumë hapësirë për të mbajtur shpejtësi mjaftueshëm të larta të shkrehësit për shkrepjen dorazi natës. Canon EOS RP është një tjetër opsion i dobishëm. Ai vjen me një sensor imazhi 26.2MP kuadërplotë dhe një gamë ndjeshmërie që shtrihet deri në ISO40000, e cila bën të mundur shkrepjen pa blic dhe ruajtjen e detajeve dhe të ngjyrave.

Me një kamerë me kuadërplotë, gjatësi fokale prej 85mm është përgjithësisht ideale për portrete. Objektivi Canon RF 85mm F2 MACRO IS STM me aperturën e shndritshme ju mundëson fiksimin e lëvizjes së subjektit me një shpejtësi të lartë të shkrehësit, edhe në kushte të errëta. Nuk ka pse ta rrisni shumë cilësimin ISO të kamerës për ta bërë këtë, ndaj mund të ruani cilësinë optimale të imazhit duke maksimizuar detajet dhe duke minimizuar zhurmën.

Një e mirë tjetër është se apertura e gjerë mundëson një rreze të vogël qartësie, që të mund t'i nxirrni jashtë fokusi sfondet shpërqendruese për të veçuar subjektin kryesor dhe t'i ktheni dritat e qytetit ose dritat festive në njolla të buta Boke.

Për Canon EOS R7 dhe EOS R10, objektivi kryesor fiks prej 50mm jep një gjatësi fokale efektive 80 mm të përshtatshme për portrete, duke siguruar kështu afërsisht të njëjtën fushëpamje si objektivi 85 mm në një kamerë kuadërplotë. Objektivi Canon RF 50mm F1.8 STM me aperturën e shndritshme është kompakt, peshëlehtë dhe me raport të jashtëzakonshëm vlerë-kosto, ndërsa objektivi më i shpejtë RF 50mm F1.2L USM është objektivi primar i nivelit profesional.

Nëse i fotografoni dorazi peizazhet e qytetit gjatë natës, fotostabilizimi është i dobishëm për shkrepje pa lëkundje dhe EOS R7 siguron stabilizim deri në 7 nivele me objektivat e përputhshëm. Megjithatë, për të kapur peizazhet e qytetit gjatë natës, ndoshta do t'ju duhet të përdorni një stativ ose të gjeni një sipërfaqe të përshtatshme të qëndrueshme për të mbështetur kamerën dhe duhet përdorur shpejtësi e ulët e shkrehësit ose ekspozim i gjatë.

Ashtu si me astrofotografinë, objektivi i shpejtë me kënd të gjerë është zgjidhja më e mirë për t'i përmbledhur peizazhe të gjera të qytetit dhe pamjet e natës në kuadër. Canon RF 16mm F2.8 STM dhe Canon RF 24mm F1.8 MACRO IS STM janë të dy pretendentë të fortë.

Aftësia për të zmadhuar del në pah kur lëvizja juaj kufizohet nga ndërtesat dhe pengesat e tjera në mjedisin e qytetit, dhe objektivi Canon RF 24-105mm F4L IS USM është një zgjedhje e shkëlqyer, veçanërisht nëse ju duhen më shumë mundësi telefoto për të mbuluar distancat ose nëse fokusoheni në pjesë më të vogla të një peizazhi të qytetit ose të natës.

Rrezja e gjatë telefoto do të ndihmojë kur shkrepni objekte në lëvizje, si kafshët e egra të natës. Zgjatuesit e objektivave si p.sh. Extender RF 1.4x dhe Extender RF 2x mund të jenë gjithashtu shumë të dobishëm për zgjatjen e rrezes.

Mund të arrini rezultate të shkëlqyera me objektivat Canon RF 24-105mm F4L IS USM ose RF 85mm F2 MACRO IS STM në distanca më të shkurtra fotografimi. Kjo është veçanërisht e vërtetë kur i përdorni me një Canon EOS R7 ose EOS R10, ku faktori i prerjes 1.6x e zgjeron rrezen telefoto të këtyre objektivave përkatësisht në 168 mm ose 136 mm.

Diapazoni fleksibël i zmadhimit këndgjerë deri në telefoto i objektivit RF 24-105 mm F4L IS USM është gjithashtu ideal për të filmuar trafikun në lëvizje për të krijuar gjurmë drite me ekspozime të gjata. Nëse jeni duke shkrepur një automjet të vetëm me blicin nga një Canon Speedlite për të shtuar ndriçimin, zgjidhni modalitetin Second Curtain Sync. Kjo do të bëjë që gjurmët e dritës të duken sikur shtrihen natyrshëm pas automjetit, në vend që të shtrihen përpara tij. Ju gjithashtu mund të kaloni të gjithë diapazonin e zmadhimit gjatë një ekspozimi të gjatë (seri zmadhimi), për të krijuar një lloj tjetër gjurmësh drite me përdredhje.


Kamerat më të fundit pa pasqyrë dhe objektivat mbështetës të Canon ju japin liri krijuese dhe fleksibilitet duke mbajtur çdo gjë të thjeshtë. Ka shumë për të zbuluar pas perëndimit të diellit dhe kompleti i duhur i Canon së bashku me kërkimin, durimin dhe ushtrimin garanton kapjen e fotove të arrira.


Shkruar nga Matthew Richards