TEKNIKA TË NDRIÇIMIT

7 kryekëshilla për fotografinë në ndriçim të ulët

Mësoni si ta përdorni më mirë kamerën tuaj Canon dhe si të krijoni imazhe mahnitëse nga agimi në mbrëmje.
Rreze drite shumëngjyrëshe që bien përmbi një shteg bregdetar.

Agimi dhe ngrysja janë oraret magjike. Këto janë momentet kur vijnë në jetë festivalet, gjendja shpirtërore e qytetit ndryshon marshin dhe shfaqen mundësi fotografike. Por kapja e detajeve kur drita është e pakët mund të jetë e vështirë – sidomos nëse përdorni kamerën e smartfonit.

situata me ndriçim të ulët, modalitetet krijuese të një kamere DSLR, pa pasqyrë apo kompakte të avancuar do t'ju ndihmojnë të nxirrni poza të mprehta, të detajuara të cilat nuk do të mund t'i arrinit ndryshe kaq lehtë.

1. Përdorni një aperturë të gjerë (numër i ulët f) për të lënë sa më shumë dritë të jetë e mundur

Një plan i afërt i fytyrës së një gruaje me flokë të errët që ka vënë buzëkuq dhe rimel rozë, në ndriçim të ulët.

Objektivat me aperturë të gjerë fusin më shumë dritë në sensorin e figurës, duke mundësuar shpejtësi më të larta shkrehësi për shkrepjen e detajeve dhe fiksimin e aksionit, pa qenë nevoja t'i çoni cilësimet ISO në nivele ultra të larta, çka do të rrezikonte dhe shtimin e zhurmës në figurë. Shkrepur në Canon EOS R6 me objektiv Canon RF 50mm F1.8 STM në 1/1250 sek, f/1.8 dhe ISO1250. © Ejiro Dafé

Nëse keni një kamerë me cilësime manuale, mund t'i kontrolloni aperturën duke përdorur modalitetin Aperture Priority (Av). Cilësimi i aperturës thjesht i tregon kamerës sa dritë të lejojë brenda saj. Në kushte ndriçimi të ulët, mund t'ju duhet të lini sa më shumë dritë të jetë e mundur për të marrë ekspozim të mirë dhe për të regjistruar detajet e skenës. Për ta bërë këtë, përdorni një aperturë të gjerë (numër i ulët f). Nëse poza juaj është ende e nënekspozuar (shumë e errët), përdorimi i një shpejtësie më të ulët shkrehësi fut më shumë dritë duke rritur kohën e ekspozimit, por me rrezikun e turbullimit – shikoni seksionin më poshtë për t'i mbajtur imazhet të qarta.

Cilësimi i aperturës ndikon më shumë se thjesht ekspozimi ama. Një aperturë e gjerë rezulton dhe në thellësi të ulët qartësie – d.m.th. në numër të ulët f, vetëm një pjesë e ngushtë e skenës do të jetë në fokus të mprehtë. Kjo mund të jetë ideale nëse shkrepni portrete para muzgut dhe dëshironi një sfond të turbulluar këndshëm, por nuk doni të shkrepni nuancat e veçanta të një peizazhi qyteti në muzg, p.sh. duke përdorur një aperturë më të ngushtë (numër i lartë f) do të nxirrte thellësi më të lartë qartësie, që të ketë më shumë pjesë nga skena në fokus. Për një ekspozim të mirë, do duhet të provonit në vijim të përdorni një shpejtësi më të ulët shkrehjeje.

Natyrisht disa objektiva kanë aperturë më të gjerë apo më "të shpejtë" se të tjerët. Opsionet e shkëlqyera kompakte për kamerat kuadërplota pa pasqyrë EOS R System, si p.sh. Canon EOS R6 dhe EOS RP përfshijnë Canon RF 35mm F1.8 MACRO IS STM, një zgjedhje fantastike për pozat këndgjera të peizazheve qytetëse të natës dhe skena të tjera me ndriçim të ulët. Canon RF 50mm F1.8 STM ofron më shumë perspektivë standarde (ngjashëm me syrin e njeriut) dhe është ideal për skena të arrira fotografie të rrugës të shkrepura natën, ndërsa rrezja më e gjatë telefoto e Canon RF 85mm F2 MACRO IS STM e bën mahnitëse për portrete në ndriçim të ulët.

Nëse përdorni DSLR, një objektiv si Canon EF 35mm f/2 IS USM ofron perspektivë natyrale dhe të mirën e një fotostabilizimi (IS) për shkrepje dorazi. Canon EF 35mm f/1.4L II USM, me aperturën e tij edhe më të gjerë maksimale, ka kapacitete të jashtëzakonshme në ndriçim të ulët. Nëse keni një kamerë DSLR me sensor formati APS-C, si p.sh. Canon EOS 850D, pastaj një objektiv EF-S, si p.sh. Canon EF-S 35mm f/2.8 Macro IS STM, do të ishte një opsion i mirë për një perspektivë natyrale. Nëse kërkoni perspektivë të ngjashme këndgjerë dhe natyrale për një kamerë pa pasqyra EOS M si p.sh. EOS M50 Mark II, që ka dhe sensor APS-C, mos kërkoni përtej objektivit petë ultrakompakt Canon EF-M 22mm f/2 STM dhe atij super të shpejtë Canon EF-M 32mm f/1.4 STM.

2. Rrisni vlerën e ISO për ndjeshmëri më të lartë ndaj dritës

Një masë e madhe uji e rrethuar nga kodra dhe male, në ndriçim të ulët.

Nëse keni përdorur një konfigurim aperture të gjerë, por ndjesia e ndriçimit të imazhit përsëri nuk është e mirë, provoni të rrisni konfigurimin ISO të kamerës. Kjo rrit ndjeshmërinë e sensorit ndaj dritës dhe është i dobishëm kur shkrepni natën pa blic. Sa më i lartë numri ISO, aq më e lartë ndjeshmëria. Kamerat DSLR, pa pasqyrë dhe kompakte të avancuara kanë sensorë të mëdhenj, ndaj japin foto me ISO të lartë më të mira se kamerat me sensorë të vegjël, si p.sh. kamerat e smartfonëve.

Sensorët kuadërplotë CMOS në kamerat pa pasqyrë Canon, si p.sh. Canon EOS RP dhe EOS R6, u mundësojnë realizimin e cilësisë së jashtëzakonshme me ISO të lartë, me pak apo aspak zhurmë figure apo kokrriza të dallueshme. Sensorët në kamerat më të fundit të Canon të formatit APS-C janë disi më të vogla, por ende sjellin cilësi figure të detajuar, por me zhurmë të ulët edhe në cilësime shumë të larta ISO, duke i bërë kamerat ideale për shkrepje dorazi natën.

3. Mbajtja e pamjeve të mprehta

Kur shkrepni dorazi në ndriçim të ulët, mund të përfundoni me rezultate të turbullta. Kjo ndodh zakonisht nëse keni kohë më të gjatë ekspozimi (shpejtësi më të ulët shkrehësi) për të futur më shumë dritë. Ja dhe një përfitim tjetër i përdorimit të aperturës së gjerë: sa më shumë dritë hyn në objektiv, aq më lart mund ta çoni shpejtësinë e shkrehësit. Kjo është e rëndësishme, pasi shpejtësitë e larta të shkrehësit fiksojnë lëvizjen – dhe sa më e shpejtë është lëvizja që doni të shkrepni, aq më e lartë do t'ju duhet dhe shpejtësia e shkrehësit për të shmangur turbullimin për shkak të lëvizjes. Në ndriçim të mirë, subjektet përgjithësisht jo në lëvizje, mund të shkrepen duke përdorur një shpejtësi shkrehësi rreth 1/50 sek, subjektet në ecje duan diçka më të shpejtë te rreth 1/250 sek dhe aksioni më i shpejtë mund të përfitojë nga shpejtësitë prej 1/1000 sek e lart. Në kushte ndriçimi të ulët nevojiten shpejtësi më të larta shkrehësi.

Përveç lëvizjes së subjektit, duhet marrë parasysh edhe lëkundja e kamerës – dhe sa më e madhe është gjatësia fokale, aq më e vështirë është shmangia e lëkundjes së kamerës kur shkrepni dorazi. Një rregull i përgjithshëm është të nisni me një vlerë aperture në përpjesëtim me gjatësinë fokale – pra, me një objektiv 50mm, përdorni të paktën 1/50 sek ose më të shpejtë; me objektiv 600mm, përdorni 1/600 sek e kështu me radhë. Përdorimi i një objektivi me fotostabilizim optik (IS) mundëson përdorimin e shpejtësive më të ulëta të shkrehësit duke arritur ende të njëjtën qartësi.

Canon EOS R6 ka një sistem të trupëzuar fotostabilizimi (IBIS) që punon së bashku me objektivat e pajisur me fotostabilizim për ekspozime të gjata ultra të mprehta gjatë shkrepjes dorazi. Mund dhe të përdorni ambientin rrethues për të reduktuar lëvizjen e kamerës: provoni të mbështeteni pas një muri apo ta vendosni kamerën në ndonjë sipërfaqe të fortë. Nëse keni stativ, përdoreni pasi ju jep fleksibilitet maksimal.

4. Shfrytëzojini në maksimum opsionet e balancës së të bardhës

Një foto e Bath Abbey në mbrëmje, ndriçuar nga projektorë me dritë të ngrohtë dhe një fener rruge të ndezur.

Rregullimi i cilësimit të balancës së të bardhës është një mënyrë krijuese për ta ndryshuar rrënjësisht pamjen përfundimtare të fotove tuaja. Shkrepur në Canon EOS 7D (tejkaluar tani nga Canon EOS 7D Mark II) me objektiv Canon EF 17-40mm f/4L USM në 2.5 sek, f/11 dhe ISO100. © Marcus Hawkins

Bath Abbey fotografuar natën, me ngjyra më të ftohta dhe qiellin në një nuancë të thellë bluje.

Në këtë variant të së njëjtës pozë, balanca e së bardhës është modifikuar, duke sjellë ngjyra më të natyrshme për gurët dhe duke e kthyer qiellin në një nuancë më të thellë bluje. Shkrepur në Canon EOS 7D me objektiv Canon EF 17-40mm f/4L USM në 21mm, 2.5 sek, f/11 dhe ISO100. © Marcus Hawkins

Cilësimi "Auto" i balancës së të bardhës i kamerave Canon sjell rezultate të sakta me koherencë kur shkrepni në ndriçimin e ditës dhe ruan performancë të mirë në fotografimin nën ndriçim të ulët. Por, mund t'u shtoni një dell stilistik imazheve tuaja në ndriçim të ulët, duke përdorur konfigurime alternative të balancës së të bardhës për të krijuar atmosfera të caktuara.

Për shkrepje nën dritat e qytetit në të ngrysur p.sh. cilësimi Tungsten i balancës së të bardhës ka prirjen t'u japë zonave me ndriçim artificial një temperaturë më neutrale ngjyrash, si dhe të përforcojë blunë e thellë të qiejve lart. Përndryshe, nëse dëshironi të theksoni ngrohtësinë e ndriçimit artificial, provoni të kaloni në cilësimin "Daylight" të balancës së të bardhës.

Shumë kamera të Canon, mes të cilave edhe modelet kompakte si p.sh. Canon PowerShot G5 X Mark II, mund të shkrepin në format skedarësh RAW. Zgjidheni këtë dhe mund ta ndryshoni ose punoni imët cilësimin e balancës së të bardhës gjatë pasprocesimit të imazheve duke përdorur softuerin tuaj të preferuar të procesimit për RAW, një i tillë është edhe softueri i fuqishëm dhe falas nga Canon, Digital Photo Professional.

5. Efektet e ndriçimit

Një mace në një dhomë me ndriçim të zbehtë me putrat e përparme vendosur mbi dy libra.

Vendosja e kamerës në stativ ju mundëson përdorimin e shpejtësive më të ulëta të shkrehësit për të kapur më shumë dritë ndërsa ruani cilësi të pastër figure. Dhe natyrisht që do të ishte ndihmesë për ju nëse do të kishit ndonjë subjekt që pozon pa u vërdallisur shumë. Shkrepur në Canon EOS 850D me objektiv Canon EF 50mm f/1.2L USM në 1/160 sek, f/2.8 dhe ISO100.

Një rrjet rrugësh natën me fenerët e makinave që krijojnë gjurmë të mirëpërcaktuara dritash.

Ekspozimet e gjata janë ideale për kthimin e trafikut të natës në gjurmë drite, duke i shndërruar skenat e rëndomta në imazhe krijuese që të lënë pa fjalë. Shkrepur në Canon EOS R6 me objektiv Canon RF 15-35mm F2.8L IS USM në 61 sek, f/16 dhe ISO400. © Lorenz Holder

Mund t'u shtoni dinamizëm fotove të natës duke krijuar gjurmë drite, duke përdorur çfarëdo qoftë nga dritat e pasme të automjeteve në lëvizje deri tek atraksionet me drita neoni të panaireve. Ju duhet një ekspozim i gjatë nëse dëshironi të kapni lëvizjen e dritës në fotografinë tuaj, që d.m.th. shpejtësi shkrehësi prej pak sekondash ose dhe diçka më shumë me kamerën në stativ apo në ndonjë sipërfaqe fikse. Eksperimentoni me ekspozime në kohëzgjatje të ndryshme. Përdorni vetëkronometrin e kamerës ose funksionin e shkrepjes në distancë për t'u siguruar që të mos e lëkundni kamerën kur të shtypni shkrehësin. Shumë kamera të Canon vijnë të pajisura me Wi-Fi, duke ju mundësuar të ndryshoni cilësimet dhe të aktivizoni shkrehësin nga smartfoni, duke përdorur aplikacionin Canon Camera Connect.

6. Provoni modalitetin e shkrepjes në seri

Një siluetë duke kërcyer me motor terrenesh mbi një kodër, përkundër qiellit në të ngrysur.

Shkrepja e vazhduar ose modaliteti në seri është ideal për fotografimin e aksionit në ndriçim të ulët, duke ju mundësuar gjithnjë shkrepjen e çastit të përkryer. Shkrepur në Canon EOS 7D Mark II me objektiv Canon EF 24-70mm f/2.8L II USM në 35mm, 1/1600 sek, f/8 dhe ISO3200.

Metoda e shkrepjes të vazhdueshme (e njohur gjithashtu si metoda e plasjes në disa kamera) do të kapë një sekuencë të shpejtë imazhesh në disa të qindtat e sekondës. Është e dobishme për të shkrepur një subjekt në lëvizje ose veprime në të qindtën e sekondës. Prandaj nëse kamera juaj e ka, aktivizojeni dhe bëjini një provë – do t'ju shtojë shanset e shkrepjes së pozave të arrira të aksionit në ndriçim të ulët që kërkoni.

7. Kamerat më të mira për fotografinë e ndriçimit të ulët

Një kamerë Canon EOS R6.

Cilatdo qofshin nevojat dhe buxheti juaj, ka një larmi të gjerë kamerash që përshtaten më së miri me fotografinë e ndriçimit të ulët, mes të cilave dhe Canon EOS R6.

Canon EOS R6 - Një kamerë kuadërplotë pa pasqyrë me figurë të përkryer për fotografi në ndriçim të ulët

  • Fotostabilizim i trupëzuar i efikasitetit të lartë
  • Sistemi i vetëfokusimit që orienton tregun në kategorinë e vet punon dhe në errësirë thuajse të plotë
  • Cilësi mbresëlënëse figure në cilësime të larta ISO

Canon EOS RP - Kamera optimale ekonomike pa pasqyra për fotografinë e natës

  • Sensor kuadërplotë figure për cilësi mahnitëse në ndriçim të ulët
  • Performancë e avancuar vetëfokusimi në ndriçim të ulët
  • Me çmim konkurrues për kamerat kuadërplota pa pasqyrë

Canon EOS M50 Mark II - Hapi i mëtejshëm ideal mbi fotografinë e smartfonëve

  • Avantazhet e modeleve pa pasqyrë në një trup elegant e peshëlehtë, me sensor figure formati APS-C
  • Efikasitet vetëfokusimi në ndriçim shumë të zbehtë deri në -4EV dhe shkrepje deri në ISO 25600
  • Gamë e dedikuar objektivash të ndërrueshëm, kompaktë EF-M

Canon EOS 850D - Hapi i radhës në kontrollin krijues: një DSLR peshëlehtë

  • Trup peshëlehtë 515g – optimal për fotografinë e rrugëve natën
  • Sensor 24.1MP APS-C, me cilësi të jashtëzakonshme figure
  • Prakticiteti i modeleve klasike DSLR dhe inkuadrues optik për lidhje të drejtpërdrejt me skenën

Canon PowerShot G5 X Mark II - I vogël dhe elegant, por dhe tejet i sofistikuar

  • Rreze e fuqishme zmadhuesi të brendshëm 5x, ekuivalente me 24-120mm
  • Sensor figure i vogël por i cilësisë së lartë tipi 1.0
  • Një larmi modalitetesh shkrepjeje nate, mes të cilave Star Portrait, Star Nightscape, Star Trails, Star Time-Lapse Movie dhe Handheld Night Scene

Lexoni këshilla të mëtejshme fotografie në ndriçim të ulët* nga mentori i Redline Challenge, Lorenz Holder.



Shkruar nga Matthew Richards



* Ofrohet vetëm në gjuhë të zgjedhura.

Produktet e lidhura

Artikujt e lidhur

  • Një plan i afërt i hënës së plotë mbi një pemë të vetmuar në një fushë.

    TEKNIKA TË FOTOGRAFISË SË NATËS

    8 këshillat kryesore për fotografinë e superhënës

    Zbuloni si të fotografoni një nga pamjet më mahnitëse në qiellin e natës.

  • Këshilla për fotografinë e natës

    FOTOGRAFIA E NATËS

    Këshilla për fotografinë e natës

    Kur drita zbehet, krijohen një sërë shansesh të reja.

  • Gjurmë dritash makinash në ndriçimin e mbrëmjes përgjatë një ure të harkuar. Mjegulla e trashë, si re errëson bazamentet e urës dhe tokën poshtë saj.

    FOTOGRAFI PEIZAZHI

    Krijimi i gjurmëve të dritave

    Si të përdorni ekspozimet e gjata për të krijuar gjurmë drite: këshilla nga fituesi i Canon Redline Challenge.

  • Fauna e egër në ndriçim të ulët

    FOTOGRAFIA E NATYRËS

    Fauna e egër në ndriçim të ulët

    Zbuloni jetët e fshehta të kafshëve me këshillat tona kryesore për fotografinë e natës