FOTOGRAFIA E NATYRËS
Fotografia e natyrës nuk është luks vetëm për ata që jetojnë në zonat rurale. Shikoni në kopshtin tuaj, në rrugë, nën shkëmbinj, rreth pellgjeve dhe në parket e qytetit, dhe do të gjeni mundësinë e përsosur për fotografinë e natyrës në qytet, pikërisht në pragun e derës suaj.
Fotografi i ri finlandez Ossi Saarinen ka siguruar një numër ndjekësish me gjashtë shifra në Instagram, duke fotografuar natyrën në qytet - ketrat e adhurueshëm, minjtë dhe dhelprat që shikojnë drejt e te inkuadruesi i kamerës, si dhe zogj të rrumbullakët dhe gazmorë plot karakter. Këtu ai ndan këshillat e tij kryesore për fotografimin e natyrës në qytet, duke përfshirë edhe vendet më të mira për të gjetur dhelprat, parametrat e tij të preferuara të kamerës dhe kompozimin që i kap më mirë personazhet e çuditshme në jetën reale.
Në Helsinki, Ossi ndonjëherë përballet rastësisht me kafshët, por duke e kuptuar se si sillen kafshët që përpiqet të fotografojë, ai e di se ku dhe kur duhet të shikojë. "Në pranverë, përpiqem të gjej foletë e dhelprave në vendet që nuk janë pikërisht në qendër të qytetit, por që përsëri janë afër njerëzve. Unë përpiqem të gjej vrima në tokë ku mund të kenë folenë dhe më pas kërkoj për gjurmë të qimeve dhe për erën e tyre të fortë", - thotë Ossi.
"Mendoj se një nga gjërat më të rëndësishme në fotografinë e kafshëve është të njohësh zakonet e kafshëve. Nëse gjej një fole dhelpre me këlyshë të vegjël në të, e di se ata kalojnë të gjithë kohën aty, kështu që mund të shtrihem aty pranë dhe të fotografoj këlyshët duke luajtur. Dhelprat e rritura dalin gjatë natës dhe ndonjëherë, edhe në pasdite. Zakonisht ato përdorin të njëjtën rrugë gjithmonë, kështu që mund t'i ndjek për të parë se cilat rrugë përdorin - dhe herën tjetër mund të shkoj në mes të asaj rruge dhe të pres që të vijë dhelpra."
Rrugët e qytetit plot lëvizje, rruginat plot gjallëri dhe zhurmat e qytetërimit janë në kontradiktë me fotografimin e natyrës - por kjo nuk do të thotë se nuk është aty, duke pritur të shfaqet me largimin e njerëzve. "Nuk fotografoj asnjëherë në mes të ditës", - thotë Ossi. "Shumë kafshë janë më aktive gjatë natës, por është më e vështirë të fotografosh në errësirë, kështu që regjistroj rreth lindjes dhe perëndimit të diellit. Drita është më e mirë në atë kohë, kështu që fotografitë janë më tërheqëse."
Megjithëse një kamerë me kuadër të plotë (si Canon EOS 6D) do të ketë rendiment më të mirë në parametrat e larta të ISO-s, mund të bëni përsëri fotografi të shkëlqyera të natyrës me një kamerë me sensor të prerë APS-C (si p.sh. Canon EOS 7D Mark II), - thotë Ossi. "Për zogjtë dhe bletët, nëse nuk mund të ofroheni shumë, sensorët e prerë mund t'ju ndihmojnë po ashtu ta bëni kafshën të duket më e madhe në kuadër", - falë fushës së kufizuar të pamjes me një sensor me kuadër të prerë.
"Nëse dëshironi të afroheni vërtet, zakonisht duket të lini që kafsha t'ju shikojë", - shpjegon Ossi. "Çelësi është të kaloni shumë kohë me kafshën që ajo të mësohet me praninë tuaj. Duhet të silleni me shumë qetësi - mos bëni asnjë lëvizje të papritur. Mund të mësoni se si sillen dhe si reagojnë ndaj lëvizjeve tuaja, dhe sa afër mund të afroheni para se ato të vrapojnë e të largohen."
Për fotografinë e natyrës urbane, Ossi pëlqen të përdorë lentet me zmadhim "sepse situata ndryshon gjatë të gjithë kohës - kafsha mund të jetë shumë afër, por atëherë mund të lëvizë papritur. Me lenten time Canon EF 70-200mm f/2.8L USM lens mund të bëj fotografi shumë afër ose në distancë me gjatësinë fokale të plotë 200 mm. Sidomos kur filloni me fotografinë e natyrës, është e vështirë të afroheni me kafshët. Për këtë arsye, është më mirë të filloni me një lente të gjatë si p.sh. 300mm ose 400mm." Lentja Canon EF 75-300mm f/4-5.6 III është një lente kompakte dhe e njohur me një mbulim të mirë, por për një zgjidhje edhe më kompakte dhe të përshtatshme nga ana ekonomike, zmadhimi optik 40x i kamerës Canon PowerShot SX740 HS ju jep po ashtu aftësinë të zmadhoni dhe të zvogëloni me lehtësi dhe me shpejtësi.
Natyra shpesh është më spektakolare në mëngjes herët ose në mbrëmje vonë, kur zbehen dritat e ditës. Për këtë arsye, aftësia për të fotografuar në ndriçim të dobët është një nga arsyet pse Ossi preferon të përdorë një kamerë si ajo me kuadër të plotë Canon EOS 6D për fotografinë e natyrës urbane. Ajo ka një gamë të madhe të ISO-s me një sistem fokusi automatik me 11 pika që është mjaft i ndjeshëm për të funksionuar nën dritën e hënës, duke rritur mundësitë tuaja për një fotografi të qartë. Kamera pasuese, Canon EOS 6D Mark II, e çon këtë një hap më tej, me 45 pika të fokusit automatik të tipit të kryqëzuar dhe një gamë edhe më të madhe të ISO-s.
Por metoda e tij funksionon edhe me kamerat me kuadër të prerë: ai rekomandon të rritni ISO-në dhe të regjistroni me hapje të gjerë për të realizuar fotografinë. "Nëse është e nevojshme, unë e vendos ISO-në shumë lart - është më mirë të keni një fotografi pak me zhurmë se sa të mos keni asnjë fotografi." - thotë ai. Ossi shton se pëlqen të qëndrojë nën ISO 10000 me kamerën e tij, por të gjitha modelet e kamerave variojnë në kushte të ndryshme, kështu që çelësi është të eksperimentoni me atë që mund të kapni ju dhe kamera juaj në zonën lokale.
Ossi i këshillon fotografët që dëshirojnë të kapin natyrën në qyet që të zgjedhin një kamerë me një fokus automatik të shpejtë - "sa më i shpejtë, aq më mirë" - dhe stabilizimin e imazhit. Kamera Canon EOS 7D Mark II ka një sistem AF me 65 pika të gjitha të tipit të kryqëzuar dhe përfshin Dual Pixel CMOS AF, i cili do të rritë mundësitë e fokusimit për subjektet në lëvizje, edhe në kushtet e ndriçimit të dobët. Përdorimi i hapjes më të gjerë të lentes suaj do të lejojë hyrjen e dritës maksimale dhe do të bëjë të mundur të rritni shpejtësitë e obturatorit: "Unë preferoj lente me një hapje të gjerë të diafragmës, pasi ju duhen shpejtësi të larta të obturatorit për të ngrirë kafshët në lëvizje", - thotë Ossi.
Për stilin e tij të dallueshëm me hapjen e gjerë të diafragmës, që i shfaq subjektet e tij plotësisht të qarta dhe të izoluara nga sfondet plot objekte të tjera, Ossi përdor modalitetin e Prioritetit të hapjes së diafragmës (modaliteti Av) dhe një hapje të gjerë të diafragmës. Ai përdor po ashtu procesin e pasprodhimit për të përmirësuar imazhet e tij: "Unë bëj redaktime bazë të ndriçimit, kontrastit dhe pak rregullime të ngjyrave. Shpesh përpiqem ta bëj kafshën të dallohet më mirë nga sfondi duke e bërë më të ndritshme ose duke e bërë sfondin më të errët. Unë përpiqem t'i mbaj fotografitë e mia sa më reale."
Merrni frymëzuar është burimi juaj kryesor i këshillave të dobishme të fotografisë, udhëzuesve të blerësit dhe intervistave inteligjente - gjithçka që ju nevojitet për të gjetur kamerën më të mirë ose printerin më të mirë dhe të krijoni ide të ardhshme krijuese.
Shiko të gjitha artikujtFOTOGRAFIA E NATYRËS
Vetëm tre vite pas marrjes së një kamere, fotografitë e kafshëve plot karakter nga Ossi janë një sukses në median sociale. Ai ndan me ne se si nisi hobi i tij.
FOTOGRAFIA E NATYRËS
Këshilla dhe teknika për ta shpënë fotografinë tuaj të kafshëve të egra një shkallë më tej si dhe duke e shfrytëzuar më së miri kamerën dhe objektivat tuaj të Canon.
FOTOGRAFIA E NATYRËS
Dy fitues të çmimit Young Wildlife Photographer of the Year rrëfejnë se çfarë kuptimi ka pasur për ta suksesi i hershëm.
Kapni çdo detaj me zmadhimin optik 40x dhe Përkufizimin ultra të lartë 4K nga një kamerë kompakte në madhësinë e xhepit.