Objektivat optimalë ekonomikë për fotografinë e natyrës

Shkrepja e imazheve intime të kafshëve dhe shpendëve të egra në habitatin e tyre natyral kërkon një kuptim të sjelljes së kafshëve, aftësi terreni, durim dhe këmbëngulje. Por edhe me të gjitha këto, përsëri nuk do të bëni shumë progres nëse nuk keni pajisjet e duhura për fotografi të faunës së egër, duke përfshirë objektivat telefoto.

E mira është se nuk keni pse mbeteni trokë për të blerë një objektiv profesional sa për të hedhur hapat e parë në fotografinë e natyrës. Mund të zgjidhni nga një larmi objektivësh të lehtë dhe me rendiment të lartë, me opsione për modele me gjatësi fikse fokale dhe zmadhim, të përshtatshme për kamerat EOS R System pa pasqyra, duke përfshirë Canon EOS R7 dhe EOS R100.

• Si të zgjedhësh objektivin më të mirë për fotografinë e faunës së egër: Pyetje të shpeshta
• Objektivi më i mirë zmadhues me kënd të gjerë deri në telefoto RF-S, për nivelin fillestar, për fotografinë e faunës së egër
• Objektivi më i mirë zmadhues telefoto RF-S, për nivelin fillestar, për fotografinë e faunës së egër
• Objektivi më i mirë zmadhues telefoto RF, për nivelin fillestar, për fotografinë e faunës së egër
• Objektivi zmadhues më fleksibël RF, për nivelin fillestar, për fotografinë e faunës së egër dhe natyrës
• Objektivi më i mirë zmadhues supertelefoto RF, për nivelin fillestar, për fotografinë e faunës së egër
• Objektivi më i mirë supertelefoto me gjatësi fikse fokale RF, për nivelin fillestar, për fotografinë e faunës së egër
• Objektiva alternativë për natyrën

Jo gjithmonë. Ndonjëherë mund të përdorësh objektiv këndgjerë – zakonisht përcaktohet me gjatësi fokale prej 35mm e poshtë – për të shkrepur foto të kafshëve të egra në mjedisin e tyre, por do t'ju duhet të t'u afroheni më shumë për t'ia dalë mbanë. Nëse doni të nxirrni foto të natyrës që ju mbushin kuadrin, rëndom ju duhet një objektiv me rreze telefoto (85mm e lart për gjatësitë më të mëdha fokale) ose supertelefoto (300mm e lart). Këto lloje objektivësh kapin njëfushëpamje më të ngushtë, vetëm një grimë të skenës që keni përpara, gjë që i bën kafshët dhe shpendët në largësi të duken shumë më të mëdhenj në fotografi.

Objektivat zmadhues telefoto janë më fleksibël, duke ju mundësuar të ndryshoni inkuadrimin e fotos pa qenë nevoja të ndryshoni pozicionin apo të kaloni në objektiv tjetër. Objektivat fikës janë vetëm për një gjatësi fokale, por përgjithësisht janë më të lehtë në peshë se objektivat e barasvlershëm zmadhues. Ata ofrohen gjithashtu në gjatësi më të mëdha fokale, duke e bërë të lehtë fotografimin e natyrës në raste kur nuk afroheni dot më shumë edhe nëse objektivi zmadhues nuk ka rreze të mjaftueshme.

Shpendët janë zakonisht më të vegjël dhe të vështirë për t'iu afruar se kafshët e tjera të egra, prandaj ju duhet shpesh një gjatësi më e madhe fokale për t'i fotografuar. Ndërsa mund të realizoni poza kuadërmbushëse të një gjitari të madh me objektivat 300mm apo 400mm, mund t'ju duhet të përdorni objektiv a 500mm, 600mm apo edhe 800mm për fotografimin e llojeve të caktuar zogjsh.

Madhësia e sensorit të kamerës suaj mund t'ju ndihmojë sakaq. Sensorët brenda kamerave APS-C pa pasqyra, si p.sh. EOS R7 dhe EOS R100 janë më të vegjël se sensorët me kuadër të plotë që hasen në kamerat e tjera të gamës EOS R System, si p.sh EOS R6 Mark II. Ndaj në thelb, ato e presin imazhin nga objektivi, duke e bërë subjektin të mbushë një pjesë më të madhe të kuadrit tuaj. Faktori i prerjes 1.6x rrit rrezen e objektivit, p.sh. duke përdorur objektivin RF 50mm F1.8 STM në një kamerë APS-C, do të merrni të njëjtën fushëpamje që do të merrnit me një objektiv 80mm në një kamerë me kuadër të plotë dhe duke përdorur një objektiv 100mm, do të merrni të njëjtën fushëpamje si me një kamerë me kuadër të plotë me objektiv 160mm.

Objektivat me gjatësi më të mëdha fokale mund të jenë më të vështirë për t'i mbajtur pa lëvizur, por fotostabilizuesi i integruar optik (IS) mund të ndihmojë me korrigjimin e çfarëdo turbullimi të shkaktuar nga dridhja e kamerës. Kamerat EOS R7 dhe EOS R6 Mark II vijnë gjithashtu me fotostabilizim të integruar (IBIS) që mund të arrijë deri në 7 dhe 8 nivele të IS përkatësisht kur përdoret me një objektiv të pajtueshëm.

Një motor i fuqishëm fokusimi sakaq, do t'ju ndihmojë të ndiqni ritmin e kafshëve të shpejta, dhe sa më i qetë është në punë aq më pak gjasa ka të trembë kafshët. Mbërthyesja RF në kamerat EOS R System mundëson lidhje super të shpejtë midis kamerës dhe objektivit për shpejtësi tejet të larta dhe të qëndrueshme fokusimi. Kamerat Canon EOS R7, EOS R10 dhe EOS R6 Mark II shfrytëzojnë gjithashtu më së miri shpejtësinë e brendshme të vetëfokusimit të një objektivi dhe kanë një procesor që përdor inteligjencën artificiale me trajnim të thelluar për të njohur dhe gjurmuar kafshët dhe shpendët me shpejtësi dhe efikasitet mahnitës. Për t'ju garantuar që do të arrini të kryeni shkrepjet që doni gjatë fotografimit me bazë aksioni të faunës së egër, është më mirë të shkrepni një grup imazhesh njëherësh, dhe kamerat EOS R7 dhe EOS R10 ofrojnë shpejtësi mahnitëse prej deri në 30fps dhe 23fps përkatësisht², të kompletuara me gjurmim AF.

Një aperturë më e madhe maksimale (numër më i ulët f) do të thotë që objektivi mund të lejojë më shumë dritë në kamerë, gjë që mund t’ju ndihmojë nëse jeni duke fotografuar kafshë që lëvizin shpejt, në kushte ndriçimi të ulët. Kamerat me kuadër të plotë pa pasqyra, si p.sh. EOS R6 Mark II dhe EOS R8 punojnë veçanërisht mirë në këtë skenar.

Së fundi duhet të kini parasysh madhësinë dhe peshën e objektivit tuaj, sepse ka më shumë të ngjarë të mbani me vete një objektiv kompakt e peshëlehtë. Në 300g, por me një gamë të fuqishme zmadhimi efektiv prej 28.8-240mm, RF-S 18-150mm F3.5-6.3 IS STM, p.sh. ju mundëson t'i shfrytëzoni më së miri shanset për fotografinë e faunës së egër.

Objektivi Canon RF-S 18-150mm F3.5-6.3 IS STM është një prej objektivëve të parë që është dizajnuar posaçërisht për kamerat APS-C EOS R System si p.sh. EOS R7 dhe EOS R100. Vjen me një diapazon të fuqishëm zmadhimi 8.33x që shtrihet nga këndshikimi i gjerë deri në distanca telefoto. Kjo ju jep avantazhin e veçantë nëse shkrepni në ambiente me pluhur apo nëse ju duhet të reagoni shpejt ndaj shanseve të ndryshme për fotografimin e faunës së egër, në rrethana kur përndryshe mund ta humbisnit pozën teksa ndërronit objektivat.

Falë faktorit të prerjes 1.6x në këto kamera, objektivi ka një gamë zmadhimi efikas që një objektiv 28.8-240mm do të kishte në një kamerë kuadërplotë, por është krahasimisht kompakte dhe peshëlehtë, në vetëm 300g.

Një tjetër objektiv zmadhues fleksibël që është dizajnuar për kamerat EOS R System me sensorë APS-C, Canon RF-S 55-210mm F5-7.1 IS STM ofron edhe më shumë zmadhim në kapacitetin e telefotos. Në fakt është pak më i lehtë për t'u mbajtur me vete sesa objektivi RF-S 18-150mm F3.5-6.3 IS STM dhe ofron të njëjtën performancë të fotostabilizimit me 4,5 nivele, kështu që është i lehtë për t'u përdorur për fotografimin me kamerën në dorë të kafshëve të egra.

Kur montohet në një kamerë APS-C, objektivi RF-S 55-210mm F5-7.1 IS STM ka një rreze efektive 88 - 336 mm, që është pikërisht e duhura për gjitarët dhe shpendët më të mëdhenj.

Objektivi Canon RF 75-300mm F4-5.6 është një objektiv zmadhues, i gjithanshëm dhe i përshtatshëm, që mbulon një gamë të gjerë të gjatësisë fokale 75 - 300 mm. Është një objektiv klasik për nivelin fillestar, për fotografimin e faunës së egër, që ofron opsione fleksibël të inkuadrimit për kafshët më të mëdha. Fiksoni objektivin RF 75-300mm F4-5.6 në një kamerë APS-C si p.sh. EOS R10 ose EOS R100 dhe do të përfitoni një rreze efektive zmadhimi prej 120 - 480 mm. Ky kapacitet i jashtëzakonshëm zmadhimi bën të mundur fotografimin e subjekteve shumë të vogla ose të largëta, si dhe zogjve dhe kafshëve të ndrojtura që do të trembeshin nga një fotograf që përpiqet t’u afrohet. Në anën e telefotos së rrezes, ai fokusohet gjithashtu dhe në afërsi deri në 1,5 metra, kështu që ju mund të kapni më shumë detaje të subjekteve të arritshme si insektet dhe zogjtë e kopshtit.

Me një peshë prej vetëm 507 g dhe ngjeshje deri në afërsisht 146 mm në gjatësi, RF 75-300 mm F4-5.6 është një objektiv i lehtë për t’u marrë me vete kur udhëtoni dhe meqë është i pajtueshëm me Dual Pixel CMOS AF, ofron gjurmim të besueshëm me vetëfokusim të kafshëve kur çiftohet me një kamerë që ofron zbulim të avancuar të subjektit.

Nëse jeni duke kërkuar për një objektiv që është i gatshëm për të kryer një gamë të gjerë detyrash për fotografimin e faunës së egër dhe natyrës, objektivi fleksibël RF 24-240mm F4-6.3 IS USM është një opsion i shkëlqyer. Ky zmadhim 10x mund të kapë fotografi gjithëpërfshirëse të kafshëve në mjedisin e tyre dhe më pas të zmadhojë drejtpërdrejt për të kapur portrete të kafshëve të egra. Është projektuar për kamerat me kuadër të plotë EOS R System si p.sh. EOS R6 Mark II dhe EOS R8, por kur çiftohet me një model APS-C si EOS R100 ofron të njëjtën fushëpamje si të një objektivi 38 - 384 mm. Është i lehtë me një peshë prej vetëm 750 g dhe mund të mbahet me lehtësi me vete gjatë një dite në kopshtin zoologjik apo në një park kafshësh të egra, ose për çfarëdo udhëtimi të mëtejshëm në terren.

Objektivët RF nga Canon për kamerat EOS R System vijnë me një sërë risish në dizajn dhe Canon RF 100-400mm F5.6-8 IS USM nuk bën përjashtim. Është një nga objektivët më të mirë për fotografinë e jetës së egër për fillestarët. Më i lehtë se objektivi EF 70-300mm f/4-5.6 IS II USM por me një rreze më të gjatë, e cila mund të rritet më tej me zgjeruesit RF. Ka avantazhin e një fotostabilizuesi 5.5-nivelësh për poza më të mprehta në shkrepjen me kamerën në dorë, që rritet në 6 nivele me kamerat e pajisura me IBIS, si p.sh. EOS R6 Mark II dhe EOS R7. Përdor gjithashtu teknologjinë super të shpejtë por thuajse të heshtur të vetëfokusimit, Nano USM, që nuk i tremb subjektet të cilave tentoni t'u afroheni. Ky objektiv ka një gamë të përforcuar zmadhimi efektiv prej 160 - 640 mm kur përdoret me kamerat APS-C si p.sh EOS R7 dhe EOS R10.

Objektivi RF 800mm F11 IS STM ju mundëson shkrepje ku subjekti mbush të gjithë kuadrin, të faunës së egër, pavarësisht nëse fotografoni shpendët dhe kafshët e mëdha apo zogjtë në oborrin e shtëpisë. Shtoni Canon Extender RF 1.4x ose Canon Extender RF 2x në objektiv dhe mund të arrini edhe një rreze më të gjerë, deri në 1600 mm me këtë të fundit. Kamerat e EOS R System mund të fokusojnë automatikisht në këtë gjatësi fokale mbresëlënëse. Montojeni objektivin në kamerën Canon EOS R7 oseEOS R10 dhe faktori i prerjes do t’ju mundësojë një gjatësi fokale efektive prej plot 1280 mm, pa reduktimin e aperturës që shkaktohet nga zgjatuesit 1.4x ose 2x.

Për një objektiv me rreze kaq të gjatë, RF 800mm F11 IS STM, është befasisht kompakt dhe peshëlehtë, dhe vjen me fotostabilizues optik 4-nivelësh për foto dhe video më të qarta dore.

Edhe pse objektivi Canon RF 800mm F11 IS STM është veçanërisht i përshtatshëm për fotografimin e shpendëve, RF 600mm F11 IS STM është një objektiv supertelefoto për përdorim më të përgjithshëm, i përshtatshëm për fotografimin e shpendëve dhe kafshëve. Funksionet që ofron janë të ngjashme me RF 800mm, duke përfshirë aperturën pa fletë prej f/11 për turbullim të këndshëm të sfondit dhe një motor STM për vetëfokusim thuajse të heshtur, si dhe punon me Canon Extender RF 1.4x (duke dhënë gjatësi fokale pre j840mm) dhe Canon Extender RF 2x (duke ju dhënë 1200mm). Te kamerat APS-C të tilla si EOS R7 dhe EOS R100, ka një gjatësi fokale efektive prej 960 mm pa zgjatues. Objektivi mblidhet gjithashtu deri në më pak se 20cm gjatësi, duke e bërë një supertelefoto fleksibël që mund ta merrni kudo.

Ndonëse telefotot janë objektivat kryesorë të punës për fotografinë e natyrës, ka dhe shumë objektiva të tjerë që mund të përdoren me krijimtari në fotografimin e kafshëve dhe të shpendëve.

Makroobjektivat si Canon RF 100mm F2.8L MACRO IS USM dhe Canon RF 35mm F1.8 MACRO IS STM janë idealë për shkrepjen e fotove të insekteve dhe të krijesave të tjera të vogla. Ndonëse Canon RF 100-400mm F5.6-8 IS USM nuk është makroobjektiv i dedikuar, ai ka një zmadhim mbresëlënës thuajse në gjysmën e madhësisë. Ju gjithashtu mund të përdorni objektivët me kuadër të plotë RF-S me kamerat EOS R System, si p.sh. EOS R8 dhe EOS R6 Mark II, dhe kamera do të riinkuadrojë automatikisht për rrethin më të vogël të imazhit të objektivave, duke ju mundësuar shkrepje më të afërta, pak a shumë sikur t’i shtonit objektivit një zgjatues 1.6x.

Objektivët me kënd të gjerë si p.sh. Canon RF 14-35mm F4L IS USM dhe modeli me kënd ultra të gjerë Canon RF 16mm F2.8 STM mund të jenë gjithashtu të mirë për shkrepjen e habitatit të kafshëve, ose të një tufe të tërë zogjsh, apo edhe për të regjistruar një videoblog ku të jeni në kuadër duke folur për kafshët e egra që ndodhen pas jush.

Shkruar nga Marcus Hawkins

¹Gjatë shkrepjes së fotove me objektiv f/1.2, Centre AF point, One-Shot AF, në 23°C/73°F, ISO100. Me përjashtim të objektivave RF me Defocus Smoothing Coating.

²Shpejtësia e shkrepjeve të vazhdueshme mund të ndryshojë në varësi të kushteve të ndryshme. Shikoni specifikimet për detajet.