Objektivat optimalë ekonomikë për fotografinë e natyrës

Shkrepja e imazheve intime të kafshëve dhe shpendëve të egra në habitatin e tyre natyral kërkon një kuptim të sjelljes së kafshëve, aftësi terreni, durim dhe këmbëngulje. Por edhe me të gjitha këto, nuk do të shkoni larg pa pasur një objektiv telefoto.

E mira është se nuk keni pse mbeteni trokë për të blerë një objektiv profesional sa për të hedhur hapat e parë në fotografinë e natyrës. Ka një larmi objektivash peshëlehtë dhe rendimenti të lartë prej nga ku mund të zgjidhni, me opsione fikse dhe zmadhuese që u përshtaten kamerave të EOS R System pa pasqyra, duke përfshirë Canon EOS R7 dhe EOS R10.

A më duhet objektiv telefoto për të shkrepur fotografi natyre?

A duhet të përdor objektiv zmadhues apo fiks për fotografinë e natyrës?

Shpendët janë zakonisht më të vegjël dhe të vështirë për t'iu afruar se kafshët e tjera të egra, ndaj ju duhet shpesh një gjatësi më e madhe fokale për t'i fotografuar. Ndërsa mund të realizoni poza kuadërmbushëse të një gjitari të madh me objektivat 300mm apo 400mm, mund t'ju duhet të përdorni objektiv a 500mm, 600mm apo edhe 800mm për fotografimin e llojeve të caktuar zogjsh.

Madhësia e sensorit të kamerës suaj mund t'ju ndihmojë sakaq. Sensorët brenda kamerave APS-C pa pasqyra, si p.sh. EOS R7 dhe EOS R10 janë më të vegjël se sensorët kuadërplotë që hasen në kamerat e tjera të gamës së EOS R System, si p.sh. EOS R6. Ndaj në thelb, ato e presin imazhin nga objektivi, duke e bërë subjektin të mbushë një pjesë më të madhe të kuadrit tuaj. Ky faktor 1.6x rritet me rrezen e objektivit, p.sh. duke përdorur objektivin RF 50mm F1.8 STM në një kamerë APS-C merrni të njëjtën fushëpamje që do të merrnit me një objektiv 80mm në një kamerë kuadërplotë dhe duke përdorur një objektiv standard 100mm merrni të njëjtën fushëpamje si kamera kuadërplotë me objektiv 160mm. Ju keni të njëjtin përfitim kur përdorni një objektiv EF në EOS R7 ose EOS R10 përmes cilitdo nga gama e EF-EOS R Mount Adapters.

Objektivat me gjatësi më të mëdha fokale mund të jenë më të vështirë për t'i mbajtur pa lëvizur, por fotostabilizuesi i integruar optik (IS) mund të ndihmojë me korrigjimin e çfarëdo turbullimi të shkaktuar nga dridhja e kamerës. EOS R7 dhe Canon EOS R6 vijnë gjithashtu me fotostabilizim që mund të arrijë deri në 7 nivele kur përdoret me objektiv të pajtueshëm.

Turbullimi nuk është gjithnjë i keq ama, siç shpjegon fotografi profesionist i faunës së egër, Ben Hall, në videon e tij të krijimtarisë me fotografinë abstrakte të natyrës (më poshtë)².

Një motor i fuqishëm fokusimi sakaq, do t'ju ndihmojë të ndiqni ritmin e kafshëve të shpejta, dhe sa më i qetë është në punë aq më pak gjasa ka të trembë kafshët. Mbërthyesja RF në kamerat e EOS R System mundëson lidhje super të shpejtë midis kamerës dhe objektivit për shpejtësi ultra të larta dhe të qëndrueshme fokusimi. Canon EOS R7, EOS R10 dhe EOS R6 e shfrytëzojnë gjithashtu më së miri shpejtësinë e brendshme të vetëfokusimit të një objektivi dhe kanë një procesor që përdor vetëpërmirësimin e thelluar programatik për të njohur dhe gjurmuar kafshët dhe shpendët me shpejtësi dhe efikasitet mahnitës. Për t'ju garantuar që ta nxirrni pozën në fotografinë me bazë aksioni, është më mirë të nxirrni një tufë imazhesh njëherësh, dhe EOS R7 e EOS R10 arrijnë shpejtësi mahnitëse prej deri në 30fps dhe 23fps përkatësisht³, të kompletuara me gjurmim AF.

Një aperturë më e madhe maksimale (numër më i ulët f) do të thotë që objektivi mund të marrë më shumë dritë në kamerë, çka mund të ndihmojë nëse jeni duke fotografuar kafshë me lëvizje të shpejta në kushte ndriçimi të ulët. Kamerat kuadërplota pa pasqyrë, si p.sh. EOS R6 punojnë veçanërisht mirë në këtë skenar.

Së fundi duhet të kini parasysh madhësinë dhe peshën e objektivit tuaj, sepse ka më shumë të ngjarë të mbani me vete një objektiv kompakt e peshëlehtë. Në 300g, por me një gamë të fuqishme zmadhimi efektiv prej 28.8-240mm, RF-S 18-150mm F3.5-6.3 IS STM, p.sh. ju mundëson t'i shfrytëzoni më së miri shanset për fotografinë e faunës së egër.

Këtu ka një përzgjedhje të objektivave praktikë fiksë dhe zmadhues që japin foto cilësore të kafshëve dhe shpendëve të egra.

• Canon RF-S 18-150mm F3.5-6.3 IS STM
• Canon RF 100mm F2.8L MACRO IS USM
• Canon RF 100-400mm F5.6-8 IS USM
• Canon RF 800mm F11 IS STM
• Canon RF 600mm F11 IS STM
• Canon EF 70-300mm f/4-5.6 IS II USM
• Canon EF-S 55-250mm f/4-5.6 IS STM
• Canon RF 35mm F1.8 MACRO IS STM

Canon RF-S 18-150mm F3.5-6.3 IS STM është një prej objektivave të parë për t'u projektuar posaçërisht për kamerat e APS-C EOS R System si p.sh. EOS R7 dhe EOS R10. Vjen me një diapazon të fuqishëm zmadhimi 8.33x që shtrihet nga këndshikimi i gjerë deri në distanca telefoto. Kjo ju jep avantazhin e veçantë nëse shkrepni në ambiente me pluhur apo nëse ju duhet të reagoni shpejt ndaj shanseve të ndryshme për fotografimin e faunës së egër, në rrethana kur përndryshe mund ta humbisnit pozën teksa ndërronit objektivat.

Falë faktorit të prerjes 1.6x në këto kamera, objektivi ka një gamë zmadhimi efikas që një objektiv 28.8-240mm do të kishte në një kamerë kuadërplotë, por është krahasimisht kompakte dhe peshëlehtë, në vetëm 300g.

Objektivi RF nga Canon për kamerat e EOS R System vjen me një sërë risish projektimi dhe Canon RF 100-400mm F5.6-8 IS USM nuk bën përjashtim. Është më i lehtë se Canon EF 70-300mm f/4-5.6 IS II USM, por ka rreze më të gjatë, që mund të përforcohet edhe më me zgjatuesit e RF. Ka avantazhin e një fotostabilizuesi 5.5-nivelësh për poza më të mprehta në shkrepjen dorazi, çka rritet në 6 nivele me kamerat e pajisura me IBIS, si p.sh. EOS R6 dhe EOS R7. Përdor gjithashtu teknologjinë super të shpejtë por thuajse të heshtur të vetëfokusimit, Nano USM, që nuk i tremb subjektet të cilave tentoni t'u afroheni. Ky objektiv ka një gamë të përforcuar zmadhimi efektiv prej 160-640mm kur përdoret me EOS R7 dhe EOS R10.

RF 800mm F11 IS STM ju mundëson nxjerrjen e pozave kuadërmbushëse të natyrës, qoftë nëse fotografoni kafshë të vështira gjahu apo shpendët në oborrin e shtëpisë. Shtoni Canon Extender RF 1.4x ose Canon Extender RF 2x në objektiv dhe mund të arrini edhe më shumë me deri në 1600mm me këtë të fundit. Kamerat e EOS R System mund të fokusojnë automatikisht në këtë gjatësi fokale mbresëlënëse. Montojeni objektivin në Canon EOS R7 ose EOS R10 dhe faktori i prerjes ju jep një gjatësi fokale efektive prej plot 1280mm, pa reduktimin e aperturës që shkaktohet nga zgjatuesit 1.4x ose 2x.

Për një objektiv me rreze kaq të gjatë, RF 800mm F11 IS STM, është befasisht kompakt dhe peshëlehtë, dhe vjen me fotostabilizues optik 4-nivelësh për foto dhe video më të qarta dore.

Ndërsa Canon RF 800mm F11 IS STM është veçanërisht i përshtatshëm për fotografimin e shpendëve, RF 600mm F11 IS STM, është një objektiv supertelefoto përdorimi më të përgjithshëm, i përshtatshëm si për shpendë ashtu edhe për kafshë. Funksionet që ofron janë të ngjashme me RF 800mm, duke përfshirë aperturën pa fletë prej f/11 për turbullim të këndshëm të sfondit dhe një motor STM për vetëfokusim thuajse të heshtur, si dhe punon me Canon Extender RF 1.4x (duke dhënë gjatësi fokale pre j840mm) dhe Canon Extender RF 2x (duke ju dhënë 1200mm). Tek EOS R7 dhe EOS R10 ka një gjatësi fokale efektive prej 960mm pa zgjatues. Objektivi mblidhet gjithashtu deri në më pak se 20cm gjatësi, duke e bërë një supertelefoto fleksibël që mund ta merrni kudo.

Ky është një zmadhues që mbulon një diapazon të gjerë gjatësie fokale 70-300mm dhe përbën një objektiv klasik për fillestarët e natyrës, duke ofruar opsione fleksibël inkuadrimi për kafshët e mëdha. Për të vajtur edhe më pranë, vendosni Canon EF 70-300mm f/4-5.6 IS II USM në Canon EOS R10 ose EOS R7 përmes një Canon Mount Adapter EF-EOS R dhe do të keni diapazon zmadhimi efektiv prej 112-480mm.

Me peshë prej vetëm 710g dhe tkurrje në vetëm 14.55cm, është një objektiv i lehtë për udhëtim në kategorinë e vet ndërsa fotostabilizuesi 4-nivelësh ndihmon të reduktoni turbullimin nga lëkundja e kamerës për imazhe edhe më të mprehta.

Nëse po kërkoni për zmadhues telefotot për të plotësuar një objektiv 18-55mm, ky është një opsion i mirë. Krijuar për EOS DSLR me sensorë APS-C, si p.sh. Canon EOS 90D dhe EOS 850D, EF-S 55-250mm f/4-5.6 IS STM jep një imazh me fushëpamje të barasvlershme të objektivit 88-400mm në kamerat kuadërplota. Është i vogël, peshëlehtë dhe mbahet me lehtësi me vete gjatë ditës në kopshtin zoologjik apo në një park kafshësh të egra, ose për çfarëdo udhëtimi të mëtejshëm në terren.

Ndonëse telefotot janë objektivat kryesorë të punës për fotografinë e natyrës, ka dhe shumë objektiva të tjerë që mund të përdoren me krijimtari në fotografimin e kafshëve dhe të shpendëve.

Makroobjektivat si Canon RF 100mm F2.8L MACRO IS USM dhe Canon RF 35mm F1.8 MACRO IS STM janë idealë për shkrepjen e fotove të insekteve dhe të krijesave të tjera të vogla. Ndonëse Canon RF 100-400mm F5.6-8 IS USM nuk është makroobjektiv i dedikuar, ai ka një zmadhim mbresëlënës thuajse në gjysmën e madhësisë. Objektivat EF dhe EF-S janë plotësisht të përputhshëm me EOS R7 dhe EOS R10, përmes Canon Mount Adapter EF-EOS R. Objektivat EF-S mund t'i përdorni edhe përmes adaptorit në kamerat kuadërplota të EOS R System, si p.sh. EOS RP dhe EOS R6, nëse dëshironi të përdorni modalitetin 1.6x.

Objektivat këndgjerë si Canon RF 14-35mm F4L IS USM dhe modeli ultrakëndgjerë Canon RF 16mm F2.8 STMmund të jenë gjithashtu të mirë për shkrepjen e habitatit të kafshëve, ose të një tufe të tërë zogjsh, apo edhe për të videobloguar veten në kuadër duke folur për natyrën që shfaq nga pas.

Shkruar nga Marcus Hawkins dhe Matthew Richards

¹Gjatë shkrepjes së fotove me objektiv f/1.2, Centre AF point, One-Shot AF, në 23°C/73°F, ISO100. Me përjashtim të objektivave RF me Defocus Smoothing Coating.

²Videoja ofrohet vetëm në anglisht.

³Shpejtësia e vazhduar e shkrepjes mund të ndryshojë në varësi të kushteve të ndryshme, shikoni detajet për hollësi.