Si të shkrepni foto spektakolare të kafshëve të egra me kamerën tuaj Canon

Kafshët e paparashikueshme që lëvizin shpejt dhe çrregullt mund të jenë nga subjektet më të vështira për t'u fotografuar.

Por njohuritë e duhur do t'jua bëjnë më të lehtë realizimin e fotove për të cilat do të jeni krenarë. Ngjashëm si me fotografinë sportive, përgatitja efikase, gjetja e pozicionit të duhur, të diturit se cili komplet ju duhet (dhe si ta përdorni), si dhe pritja e së papriturës janë të gjitha gjëra thelbësore që duhen marrë parasysh për shkrepjen e kafshëve të egra.

Këtu janë 10 këshillat tona kryesore për shkrepjen e imazheve fantastike të kafshëve të egra.

Njohja e habitatit dhe e sjelljes së kafshës që jeni duke fotografuar është thelbësisht e rëndësishme dhe do t'ju kursejë me orë të tëra në terren. Të diturit e kohës kur është aktive një specie gjatë vitit do t'ju ndihmojë me planifikimin. Imazhet e arrira të kafshëve të egra rrallë nxirren pa njohuri dhe organizim.

Nuk ka dhe shumë vlerë të jesh në vendin e duhur në çastin e duhur nëse nuk ke mundësi ta fotografosh atë që ke përpara. Aftësia për të shkrepur sa hap e mbyll sytë kërkon praktikë. Shkrepja e kafshëve dredharake kërkon që të provoni e gaboni derisa të mësoni se çfarë ju bën punë juve personalisht.

Merrni p.sh. parasysh të ngrini pika ushqimi për zogjtë në oborrin tuaj dhe t'i shkrepni nga dritarja apo ndonjë skutë e improvizuar, duke përdorur objektiv zmadhues me rreze telefoto si p.sh. Canon RF 24-240mm F4-6.3 IS USM ose Canon RF 100-400mm F5.6-8 IS USM. Objektivi zmadhues ju mundëson të rregulloni gjatësinë fokale, p.sh. rrezen 400mm të RF 100-400mm F5.6-8 IS USM, që do të thotë që mund të zmadhoni edhe krijesat më të vogla të mundshme pa i shqetësuar fare.

Përndryshe shpenzoni ca kohë me aparatin tuaj në parkun apo strehën e kafshëve që keni pranë shtëpisë për të kuptuar më mirë sjelljen e kafshëve. Sa më shumë e stërvitni syrin dhe kohën e reagimit, aq më mirë do t'ia dilni kur të shkrepni në natyrë.

Shumica e fotove të kafshëve të egra tregojnë plane të afërta të aksionit. Por afrimi fizik ndaj kafshëve të egra sjell dhe ndryshime në sjelljen e tyre apo më keq akoma, i tremb për fare. Përdorimi i objektivave të gjatë është thelbësor për realizimin e fotove që e tregojnë aksionin në detaje dhe mund ta prisni imazhin përfundimtar edhe më tej për ta sjellë planin më afër.

Vetëfokusimi me gjurmim të kafshës që ofrohet në Canon EOS R7 dhe modelin kuadërplotë Canon EOS R6 jep mundësinë e njohjes së qenve, maceve dhe zogjve, duke diktuar trupin, fytyrën apo syrin e subjektit, duke mundësuar kështu shkrepjen e fotove të qarta të kafshëve në lëvizje.

Kur vjen puna tek objektivat, është në interesin tuaj të zgjidhni me kujdes. RF 100-400mm F5.6-8 IS USM ka një rreze të fuqishme zmadhimi që mundëson fleksibilitet të madh. Për rreze edhe më të gjatë supertelefoto në kamera kuadërplotë pa pasqyrë si Canon EOS RP, ofrohen objektivat fiksë Canon RF 600mm F11 IS STM dhe RF 800mm F11 IS STM.

Nëse keni kamerë formati APS-C si Canon EOS R7 dhe dëshironi të filloni nga hapat e vegjël për sa i përket konstruktit dhe buxhetit, kini parasysh RF-S 18-150MM F3.5-6.3 IS STM.

Duke qenë se sensori në një kamerë APS-C është më i vogël se sensori i kamerës kuadërplotë, nuk shkrep gjerësinë e plotë të imazhit që do të prodhonte i njëjti objektiv në një kamerë kuadërplotë – ka një "faktor prerjeje" prej 1.6x, që ka efektin e zmadhimit brenda skenës, pasi subjekti juaj është po aq më i madh brenda kuadrit. Çiftoni objektivin RF 100-400mm F5.6-8 IS USM me Canon EOS R7, për shembull, dhe përfitoni nga një “gjatësi efektive fokale" prej 160-640mm.

Për të gjetur gjatësinë efektive fokale të objektivit të kamerës suaj, përdorni programin Canon Photo Companion pa pagesë me llogaritësen Effective Focal Length.

Dridhja e kamerës është armiku i pamjes së qartë kur përdorni objektiva telefoto.

Shumica dërrmuese e objektivave telefoto Canon vijnë me fotostabilizim tejet efikas optik për ta luftuar këtë efekt, rëndom duke barazuar me 3 deri në 5 nivele në vlerë ekspozimi. Kjo mund të bëjë dallim shumë të madh në fotografimin e kafshëve të egra, ku shpejtësitë e larta të shkrehësit mund të jenë jopraktike në të gjitha skenat që nuk kanë dritë të drejtpërdrejtë të diellit. Fotostabilizuesi 5-nivelësh në Canon RF 600mm F11 IS STM duhet të mundësojë poza me qartësi konsistente në 1/20 e sekondës në vend të 1/640.

Përdoreni fotostabilizimin për fotografinë me telefoto dhe makro, sidomos kur punoni dorazi me kamerën. Por, nëse kamerën e keni në stativ, atëherë shpeshherë është më mirë ta çaktivizoni fotostabilizimin.

E rëndësishmja në fotot e kafshëve të egra është të siguroheni që subjekti të jetë i mprehtë në zonën e duhur. Gama e kamerave pa pasqyra EOS R të Canon kanë sistem tejet efikas Dual Pixel AF që mundëson vetëfokusim të shpejtë me zbulim faze drejtpërdrejt në sensorin e figurës dhe mbulon gjithashtu shumicën e kuadrit të figurës. Dual Pixel AF përfshihet edhe në shumicën e EOS DSLR-ve të fundit dhe ofrohet kur shkrepni në modalitetin Live View.

Përpiquni ta mbani fokusin në pjesën më të rëndësishme të subjektit, zakonisht te sytë. Canon EOS R7 dhe EOS R6 vijnë me modalitet zbulimi të syve të kafshëve, duke kërkuar automatikisht për sytë në skenë dhe duke i fiksuar në vend. Modaliteti i vetëfokusimit AI Servo gjurmon vazhdimisht kafshët e egra në lëvizje, edhe nëse këto lëvizin shumë shpejtë, për të siguruar poza të mprehta. Provoni të shkrepni një seri pozash në modalitetin më të shpejtë në seri të kamerës suaj, për të ndihmuar kapjen e çastit vendimtar.

Vendosja e shpejtësisë së duhur të shkrehësit është pjesë thelbësore e shkrepjes së kafshëve të egra në pamjet më të mira të tyre. Hapi logjik i radhës kur shkrepni aksion me lëvizje të shpejtë është të rrisni shpejtësinë e shkrehësit. Por mund të doni të fusni dhe pak turbullim në shpejtësitë më të ulëta të shkrehësit, te majat e krahëve të një shpendi p.sh., për të dhënë ndjesinë e lëvizjes.

Teksa ia merrni më mirë dorën pajisjes suaj, mund ta ulni edhe më tej shpejtësinë e shkrehësit, madje deri në 1/10 sek, si dhe të përdorni një teknikë panoramimi për ta shtuar edhe më ndjesinë e lëvizjes.

Rregulli bazë është se ju duhet një shpejtësi shkrehësi që është të paktën në një nivel me gjatësinë përkatëse fokale kuadërplotë. Pra, nëse përdorni një objektiv 600mm si Canon RF 600mm F11 IS STM, ju duhet një shpejtësi shkrehësi prej të paktën 1/600 e sekondës me fotostabilizim joaktiv – në shumicën e kamerave ky do të jetë 1/640.

Mund t'i përmirësoni fotot tuaja duke zgjedhur kushtet e duhura të ndriçimit për të fotografuar subjektet tuaja. Duke marrë parasysh modelet e sjelljes së kafshëve, përpiquni të përdorni diellin e mëngjesit herët apo të pasdites së vonë për një dritë të ngrohtë diellore që jep ngjyra të pasura dhe hije të thella.

Kjo këshillë është vërtet e rëndësishme. Në fotografinë standarde është e zakonshme të përdorni modalitetin e shkrepjes Aperture Priority (AV në diskun e kamerës). Për makroobjektivat, për shkak të distancave të ngushta të punës apertura mbyllet deri në f/16, f/22 a më shumë për të maksimizuar qartësinë e thellësisë dhe për të siguruar që e gjithë fotoja të jetë në fokus.

Mund ta përmirësoni fotografinë tuaj të kafshëve të egra duke përdorur bokeh, duke e bërë subjektin tuaj pikë fokale të imazhit. Por, mund të dëshironi ta evitoni turbullimin e sfondit nëse doni t'i shkrepni kafshët e egra në ambientin e tyre natyror.

Një gjatësi më e madhe fokale mund të rezultojë në turbullira më të forta të sfondit. Kjo është arsyeja pse zmadhuesit telefoto mund të përdoren për të izoluar një subjekt dhe për ta shndërruar sfondin në një turbullim pa detaje. Nëse doni të përmirësoni efektin Bokeh, bëni disa hapa prapa dhe zmadhoni në një gjatësi më të madhe fokale.

Përcaktimi i skenës dhe vendosja e subjektit tuaj në kontekstin e vet natyror mund të japë një imazh të goditur kafshe të egër. Për këtë ju duhet një objektiv këndgjerë. Për subjektet e vogla, si zogjtë dhe madje edhe insektet, shkrepja në plane të afërta ekstreme do të rezultojë më efikase si foto fundore, ndaj dhe subjekti s'ka pse ju humbet në një pozë së gjeri. Kjo do të kërkonte një makroobjektiv të dedikuar. Ndonëse nuk është makroobjektiv, mund dhe të përdorni Canon RF 100-400mm F5.6-8 IS USM, që ka zmadhim 0.41x dhe kapacitet fokusimi afërsie që mund të nxjerrë imazhe që janë shumë pranë fotove makro.

Makroobjektivat aktualë të Canon vijnë zakonisht me funksionin e "fotostabilizimit hibrid" që korrigjon edhe shmangien x-y, edhe dridhjen më të zakontë këndore. Kjo i bën të dallohen në shkrepjen dorazi të planeve në afërsi ekstreme. Objektivat Canon RF 35mm F1.8 IS MACRO STM dhe RF 85mm F2 MACRO IS STM janë shembuj objektivash fiksë që ofrojnë faktori zmadhimi 0.5x për fotografi makro në distancat më të afërta të fokusimit.

Bukuria e një makroobjektivi është se ju mundëson të krijoni foto që tregojnë diçka më të madhe se çdo të shikonit zakonisht në ekran apo printim. Mund të shfaqni insekte të imëta si përbindësha spektakolarë me sy kandrrash ose detaje komplekse që normalisht nuk do të viheshin re nga syri i njeriut.

Nëse po kërkoni për objektivin e duhur për fotografimin e kafshëve të egra, përse të mos i hidhni një sy udhëzuesit tonë të plotë.


Shkruar nga Matthew Richards