Si të bëni makrofotografi të pabesueshme të bletëve

Bletët janë krijesa të pabesueshme. Përveçse janë të këndshme e të bukura, ato janë gjithashtu vendimtare për biodiversitetin e planetit tonë. Bletët pllenojnë bimët në mbështetje të njeriut dhe të kafshëve të egra, por për fat të keq, ato janë nën kërcënim.

"Gjatë 20 viteve të fundit, shumë lloje bletësh janë përballur me zhdukjen," - thotë fotoreporteri i kafshëve të egra dhe përfaqësues nderi i Canon Christian Ziegler, i cili beson se është jashtëzakonisht e rëndësishme për të dhe të tjerët që të fotografojë bletët për të theksuar bukurinë dhe rëndësinë e tyre, si dhe për të rritur ndërgjegjësimin për sfidën me të cilën përballen.

Por si mund t'i fotografoni vetë bletët? Nuk është e lehtë, por me ndihmën e duhur është e arritshme – edhe për fillestarët. Këtu, Christian dhe makrofotografët e kafshëve të egra, Matt Doogue dhe Ingo Arndt, japin këshillat e tyre për krijimin e një mjedisi miqësor ndaj insekteve për fotografimin e bletëve në pamje mahnitëse nga afër.

• Krijoni një kopsht miqësor ndaj bletëve
• Ruani distancën
• Shkrepni në kohën e duhur
• Kërkoni ngjyra dhe tekstura
• Shkrepini bletët teksa fluturojnë
• Eksperimentoni me fokusin manual
• Përdorni blic të shpërhapur për ndriçim
• Provoni mbivendosjen e fokusit

Nuk ka nevojë të udhëtoni larg për të fotografuar bletët. Nëse e bëni kopshtin sa më miqësor ndaj bletëve, ato do të vijnë te ju, duke ju dhënë shumë mundësi për të bërë fotografi të mahnitshme. Më mirë akoma, hapat që ndërmerrni për të tërhequr bletët do t'i ndihmojnë gjithashtu të shtohen.

“Këshilla ime për të krijuar një kopsht miqësor ndaj bletëve është të rrisësh bimë vendase me shumë pjalm dhe nektar”, - thotë Christian. “Bimët si livanda dhe sherebela tërheqin bletët pasi lulëzojnë për më gjatë. Dhe mos e kositni lëndinën – edhe një zonë e vogël me rritje të bollshme ofron habitat të mrekullueshëm për bletët.”

Matt thotë se lulet vendase janë ato me të cilat bletët janë ushqyer për vite me radhë. "Bëni kërkimet tuaja," - vazhdon ai. "Zbuloni se çfarë i pëlqen të hajë subjektit tuaj, ku i pëlqen të rrijë, me çfarë bimësh çiftëzohet."

“Hotelet e bletëve janë fantastike”, - shton ai. "Mund t'i blini në dyqane ose t'i bëni vetë duke hapur vrima në disa dru."

Mos harroni të qëndroni të sigurt. Është e rëndësishme t'i respektoni bletët dhe të mbani distancën ndërsa i fotografoni në habitatin e tyre natyror pasi mund t'ju pickojnë. “Bletët fluturojnë larg kur u afroheni shumë, por mund të jetë e rrezikshme të fotografoni pranë kosheres”, - shpjegon Ingo.

Mënyra më e lehtë për të mbajtur distancën është të përdorni një objektiv telefoto. Objektivat me gjatësi më të madhe fokale si Canon RF 85mm F2 MACRO IS STM ose objektivat zmadhues me rreze telefoto si Canon RF-S 18-150mm F3.5-6.3 IS STM, ose Canon RF-S 55-210mm F5-7.1 IS STM, ju mundësojnë t'i fotografoni bletët pa qenë nevoja të afroheni shumë.

Aplikacioni Canon Camera Connect është gjithashtu një mjet i dobishëm, pasi ju mundëson të kontrolloni kamerën tuaj nga distanca.

Lexoni udhëzuesin tonë të blerësit për të mësuar më shumë rreth kompletit më të mirë fillestar për shkrepje makro.

Ora e artë – menjëherë pas lindjes së diellit dhe pak para perëndimit të diellit, kur dielli i ulët krijon dritë të bukur të ngrohtë dhe hije të gjata – është perfekte për të fotografuar bletët. Është gjithashtu një kohë kur bletët janë më të ngadalta dhe më të qeta, dhe për këtë arsye më të lehta për t'u fotografuar. “Bletët janë më aktive kur është ngrohtë”, - shpjegon Ingo. “Në mesditë keni edhe problemin e dritës dhe kontrastit shumë të fortë, gjë që normalisht nuk është e mirë për fotografinë. Kohët e mia të preferuara janë një orë pas lindjes së diellit dhe një orë para perëndimit të diellit."

Nëse dilni ca më herët bletët mund të jenë ende në gjumë. "Disa bletë flenë mbi bimë," - thotë Matt. "Ato kafshojnë deri në fund dhe nuk lëvizin, kështu që është fantastike të praktikoni dhe të mbivendosni fokusin [shih më poshtë]. Grerëzat, për shembull, gjenden shpesh në barishtet Jacobaea vulgaris herët në mëngjes. Ato thjesht ngrohen dhe nuk lëvizin shumë, kështu që është koha optimale për të provuar makron."

Ashtu si me çdo zhanër fotografie, synoni elemente që i bëjnë imazhet tuaja të dallohen. Teksturat e bimëve dhe format gjeometrike të syve të insekteve janë ideale, dhe Matt ju këshillon të kërkoni ngjyra të ndezura si e kuqja, vjollca dhe e kaltra. Mendoni për ngjyrën e luleve kur vendosni se cilat bimë miqësore ndaj bletëve do të rriten, ose ndoshta përdorni një sfond me ngjyra në kopshtin ose ballkonin tuaj për ta bërë më të lehtë shkrepjen e insekteve në veprim.

Christian, nga ana tjetër, kërkon modele, tekstura dhe dritë interesante. “Por unë orientohem nga sjellja e insekteve”, - shton ai.

"Sjellja është e mrekullueshme për t'u kapur," - pajtohet Matt. “Kjo është ajo që e bën fotografinë. Mund të keni një portret të një milingone, gjë që është e mrekullueshme, ose mund ta kapni duke mbajtur një milingonë tjetër të ngordhur ose duke sjellë ushqim në pirgun e saj, çka e ndryshon plotësisht fotografinë. Ndryshon mënyrën se si ne e shohim dhe jemi më të interesuar për të."

Disa nga imazhet më të habitshme të bletëve tregojnë insektet në fluturim, por kjo mund të jetë e ndërlikuar për t'u kapur për shkak të shpejtësisë së lëvizjes së tyre. “Duhet të jesh i shpejtë dhe të përdorësh shpejtësi shumë të larta të shkreësit për të fiksuar lëvizjen”, - shpjegon Ingo.

Që të dy, Ingo dhe Matt, sugjerojnë ta ngushtoni fokusin në një zonë ku bleta ka të ngjarë të kalojë, si p.sh. ndonjë lule. "Fokusohuni paraprakisht në një zonë me fokus manual (MF) dhe prisni", - thotë Matt.

Për të kapur bletët në fluturim pa blic, Christian sugjeron përdorimin e modalitetit të Shutter Priority (Tv) dhe vendosjen e një shpejtësie jo më pak se 1/500 sek. Ai gjithashtu këshillon vendosjen e një shpejtësie të lartë të diafragmës kur shkrepni në modalitetin manual (M) dhe më pas rregullimin e ISO për të balancuar ekspozimin. "Kur nuk përdorni flash, ISO është zgjidhja," - thotë ai. "Pa blic, mund të shkoni në ISO 8,000. Unë madje kam përdorur ISO 25,600 dhe funksionon mirë."

Matt, Christian dhe Ingo, që të tre sugjerojnë të eksperimentoni me fokusimin manual. "Është më mirë të vendosni saktësisht se ku është fokusi tek insekti," - këshillon Ingo, i cili rekomandon përdorimin e një fokusi manual të vendosur në mënyrë që të mund të reagoni më shpejt ndaj lëvizjeve të insektit. “Shumicën e kohës duhet të jesh shumë i shpejtë”, - vazhdon ai. “Unë e rregulloj fokusin paraprakisht, gjej distancën e duhur dhe më pas shkoj te bletët dhe lëviz kokën përpara dhe mbrapa për të marrë fokusin. Jam gjithmonë duke lëvizur vetë apo kamerën, në vend që të rregulloj fokusin në objektiv. Është shumë më e shpejtë”.

Për të ndihmuar në komandimin e fokusit, mund të përdorni kulminimin e fokusit që nxjerr në pah planin fokal. Mund të përdorni gjithashtu Live View për të zmadhuar kuadrin dhe për të kontrolluar fokusin gjatë kompozimit. "Është më e mira që mund të bëni për t'u siguruar që e keni subjektin në fokus," - thotë Matt. "Gjithmonë kontrolloni dy herë, veçanërisht kur jeni duke shkrepur në fokus manual."

Përdorimi i programit Canon Camera Connect ju mundëson rregullimin e fokusit manual në objektivat nga smartfoni juaj.

Me zmadhim të lartë, është e vështirë të gjeni rreze të mjaftueshme qartësie për të kapur syrin e plotë të insektit në fokus të plotë. Zgjidhja më e mirë është ndriçimi artificial, si p.sh. blici, i cili ju lejon të ekspozoni mjaftueshëm gjatë përdorimit të një aperture të ngushtë për një rreze të gjerë qartësie, një shpejtësi mjaft të lartë të shkrehësit për të shmangur turbullimin dhe një ISO të ulët për pamje më të pastër.

Blici ndikon gjithashtu në ngjyrat dhe impaktin e fotove tuaja. “Është shumë më mirë të kesh dritë artificiale në vend të dritës natyrale për të nxjerrë në pah sytë e insekteve”, - shpjegon Ingo. "Ndonjëherë ato janë me shkëlqim ose kanë ngjyra ylberi. Kur përdorni blicin, merrni më shumë ngjyra."

Ingo këshillon gjithashtu përdorimin e blicit nga lart për të imituar dritën që vjen nga dielli. "Nëse shkrepni në orientim peizazhi, lëreni blicin në kamerë. Në portret, mbajeni blicin në dorë, të pozicionuar sipër”, - thotë ai.

Mund ta poziciononi blicin edhe anash, duke krijuar hije anësore mbi subjektet për një pamje krijuese. Sido që të jetë konfigurimi juaj, Matt rekomandon shpërhapjen e blicit. "Nëse nuk e bëni, do të merrni dritë të ashpër," - thotë ai. “Kërkojmë një cilësi të këndshme për dritën tonë. Shpërhapja e shmang kadencën e fortë mes dritës dhe hijes."

Shumë blice Canon Speedlite vijnë me shpërhapës për zbutjen e dritës, por mund dhe të krijoni tuajin thjesht duke vendosur një fletë të bardhë përpara blicit.

Mund ta menaxhoni gjithashtu rrezen e qartësisë duke përdorur mbivendosjen e fokusit, ndonëse kjo funksionon vetëm për subjekte fikse, si bletët që flenë.

"Mund ta luftoni mungesën e dritës duke hapur aperturën dhe duke mbivendosur imazhet," - shpjegon Matt. Mbivendosja e fokusit ndodh kur kamera kap një sërë pamjesh, duke lëvizur pikën qendrore për secilën prej tyre, në mënyrë që të mund të shtresoni seksione në fokus. Kjo ju mundëson të përdorni një shpejtësi të lartë shkrehësi, si dhe aperturë të gjerë, por të keni ende plan të gjerë fokal, pa pasur nevojë për blic apo ISO të lartë.

Canon EOS R10, EOS R8 dhe EOS R7 karakterizohen nga mbivendosja e fokusit dhe kompozimi i thellësisë, i cili vendos së bashku imazhet e mbivendosura me fokus në mënyrë që imazhi përfundimtar të krijohet tërësisht në kamerë.

Mos i bini vetes në qafë nëse fotot nuk duken menjëherë aq mbresëlënëse sa pamjet e këtij artikulli. Mos harroni: duhet kohë për të zotëruar çdo lloj fotografie. Ajo që ka rëndësi është të jeni krijues, të përmirësoni aftësitë dhe të bëni fotografi me të cilat jeni të kënaqur.

“Është e vështirë, veçanërisht me rrjetet sociale, të mos krahasosh fotot e tua me fotot e arrira të të tjerëve”, - pranon Matt. "Por nëse këmëngulni, vijoni të praktikoni dhe vijoni të sfidoni veten, do të arrini fotografi të mahnitshme."



Shkruar nga Peter Wolinski