VIDEOBLOGIMI

Kamerat më të mira nga "Canon" për videoblogime

Mësoni se si këto kamera fantastike për videoblogime nga Canon jua bëjnë shumë të lehtë t'i jepni jetë videoblogut tuaj, me më shumë kontroll e cilësi mahnitëse videoje.
Canon Camera
Videoblogimi është një mënyrë fantastike për t'ju bërë të njohur tek të tjerët – dhe për të filmuar për videobloge, ju duhet një kamerë për videobloge. Qoftë nëse dëshironi të bëheni ndikues me mijëra ndjekës apo nëse thjesht doni të argëtoheni duke dokumentuar hobin tuaj apo aventurat e pushimeve, keni shumë mënyra për të qenë krijues dhe për të treguar vetveten tuaj të vërtetë përmes një videoblogu. Është e vërtetë se tanimë ka shumë videoblogerë rreth e rrotull, por personat e shoqërueshëm dhe krijues do të gjejnë gjithmonë një mënyrë për t'u dëgjuar.

E tani, shoqërimin dhe mesazhin e keni në dorë vetë. Por kur vjen puna te kamerat më të mira të "Canon" për videobloge, tri modelet e këtushme do t'jua bëjnë argëtuese dhe të lehtë që t'i sillni idetë në jetë, teksa ju japin cilësinë e videos dhe kontrollin krijues që ju duhet për të krijuar një videoblog me pamje profesionale. Të gjitha kamerat e "Canon" për videobloge kanë "Wi-Fi" dhe "Bluetooth" të integruar, që të mund t'i ndani videot dhe fotot në çast duke i transferuar krijimet tuaja përmes lidhjes me valë drejt pajisjes suaj inteligjente për t'i ngarkuar në rrjetet sociale.
Një burrë me një bluzë bezhë dhe syze duke parë në ekranin rrotullues të një kamere Canon M50 Mark II.

Bukëpjekësi dhe videoblogeri me famë, Matt Adlard, përdorni Canon EOS M50 Mark II për të shkrepur krijimet e tij të goditura ushqimore.

Një larmi kompletesh të sistemuar në formë drejtkëndore, duke përfshirë EOS M50 Mark II, objektivin, një blic dhe një mikrofon.

Për fleksibilitet krijues EOS M50 Mark II mund të përdorë objektivat EF dhe EF-S me një Canon Mount Adapter EF-EOS M, por objektivat kompaktë dhe të dedikuar Canon EF-M janë idealë për videoblogim.

1. Canon EOS M50 Mark II

Një kamerë praktike pa pasqyra nga "Canon" e menduar si për përdorim në ambiente të brendshme, ashtu edhe në ato të jashtme

  • Sensori: 24.1MP APS-C format
  • Ekrani: ekran 7.5cm rrotullues, me prekje
  • Sistemi i vetëfokusimit: Dual Pixel CMOS AF me gjurmim të fytyrës dhe të objekteve
  • Rezolucioni maksimal i videos: 4K (3840 x 2160)
  • Sistemi i objektivit: objektiv i dedikuar i vogël e peshëlehtë EF-M; pajtueshmëri me objektivat EF dhe EF-S përmes një Canon Mount Adapter EF-EOS M.
  • Audioja: hyrje mikrofoni
  • Modalitet vetëkronometrimi filmash: 2 sekonda, 10 sekonda, telekomandë
  • Filma: ka format kuadri vertikal


Canon EOS M50 Mark II është zhvilluar duke pasur sidomos parasysh videot dhe videoblogimin. Në radhë të parë, EOS M50 Mark II ofron deri në 143 pika vetëfokusimi (në varësi të objektivit në përdorim) me Dual Pixel AF që vjen me gjurmim të fytyrës dhe të objekteve. Zgjidhni një subjekt nga kudo brenda pothuajse të gjithë kornizës, mos e tërhiqni gishtin, thjesht prekni ku doni të fokusoni për të lëvizur në pikën AF ose për të krijuar një efekt fokusi të tërhequr profesional.

EOS M50 Mark II është fantastik për filmime në ndriçim të ulët. Kur shkrepni në 4K, kamera ofron ndjeshmëri deri në ISO 6400, që do të thotë se mund të mbështeteni mbi filmimet e qarta dhe me ngjyra të sakta, qoftë nëse filmoni veten duke shpaketuar produkte në dhomën tuaj me ndriçim llambe gjatë natës apo qoftë kur ecni nëpër rrugët e kryeqytetit nën rrezet e diellit të fortë të mesditës. Nëse nuk ju duhet të shkrepni në 4K, atëherë shkrepja në cilësi HD ju bën të mundur ta shtyni gamën e ISO nga 100 deri në fund, deri në 25,600, që do të thotë se mund të filmoni nën dritën e hënës dhe njerëzit do ta kenë ende të mundur të të shohin fytyrën!

Me ekranin me nyjëtim të plotë dhe kënd të ndryshueshëm mund ta kthesh me të shpejtë dhe të inkuadrohesh në lëvizje për foto çasti kur je duke lëvizur nëpër tregun ushqimor të qytetit ose kur ke marrë shtigjet malore mes Apalaçeve. Sistemi i avancuar i vetëfokusimit të EOS M50 Mark II ju vendos një katror përreth fytyrës për t'ju treguar se jeni në fokus, ndërsa Movie Digital IS brenda kamerës ju ndihmon të siguroni filmim të stabilizuar edhe kur shkrepni duke e mbajtur kamerën në dorë.

Ka dhe një mikrofon stereo të integruar, plus një minifole stereo 3.5mm për lidhjen e një mikrofoni të jashtëm. Dhe duke montuar objektivin e kitit Canon EF-M 15-45mm f/3.5-6.3 IS STM, EOS M50 Mark II ju rri më së miri në dorë. Kjo do të thotë që mund të filmoni veten në distancë krahu pa u lodhur.
Një burrë në një pardesy të madhe filmon veten me Canon Powershot G7 X Mark III në një stativ dore.

Videografi dhe fotografi, Jamie James, vuri në provë Canon PowerShot G7 X Mark IIIshkrepjet e tij në natyrë.

Një Canon Powershot G7 X Mark III në një shtrojë gurkali, me një mikrofon të jashtëm dhe telekomandë.

Mos e lini zërin t’ju pezmatojë. PowerShot G7 X Mark III vjen me një fole 3.5mm për një mikrofon të jashtëm, që do të thotë se cilësia juaj mahnitëse e videos do të përputhet me audio perfekte.

2. Canon PowerShot G7 X Mark III

Kamera në madhësi xhepi dhe e gjithanshme e videoblogimit nga "Canon"

  • Sensori: 20.1MP Stacked CMOS 1.0
  • Ekrani: 7.5cm me anim dhe me prekje
  • Sistemi i vetëfokusimit: vetëfokusim i vazhduar me gjurmim fytyre dhe objektesh me 31 pika; stabilizues figure tipi lëvizës objektivi me 4 nivele, stabilizim inteligjent figure dinamik dhe i avancuar me 5 boshte, si dhe vetënivelim
  • Rezolucioni maksimal i videos: 4K (3840 x 2160)
  • Filtri: pa filtër të integruar ND
  • Filma: ka format kuadri vertikal


Canon PowerShot G7 X Mark III është një kamerë xhepi, me sensor të madh dhe kompakte, me një objektiv të integruar 24-100mm (i barasvlershëm) f/1.8-2.8. Kombinimi i peshës së lehtë dhe sensorit të madh e bëjnë të lakmuar nga videoblogerët dhe kamerën më të mirë për videoblogim në lëvizje në YouTube. Mund ta mbani në xhep dhe ta merrni me vete kudo që shkoni - do të përballojë çfarëdo që mund t'i vini përpara. Objektivi i integruar është i shpejtë rrufe, që do të thotë se asnjë çast nuk do t'ju shkojë dëm dhe ekrani me kthim e bën inkuadrimin më se të lehtë kur jeni në lëvizje.

PowerShot G7 X Mark III ju jep një diapazon të gjerë fokal me mbulim të jashtëzakonshëm. Kështu që në aktivitete sportive mund të shkrepni një skenë të tërë përpara se ta zmadhoni pamjen te pika 100mm e diapazonit fokal për të shkrepur aksionin. Në vijim zvogëlojeni pamjen, ktheni ekranin me prekje, shtypni ekranin dhe regjistroni reagimin tuaj!

PowerShot G7 X Mark III vjen dhe me modalitet fantastik pikasjeje të fytyrës dhe gjurmimi. Kjo do të thotë që mund të lëvizni lirshëm përreth, të ngrini duart përpjetë nga emocionet dhe të tregoni se cili është reagimi juaj ndaj situatave që ndodhin, e të gjitha këto pa u shqetësuar nëse fytyra do t'ju dalë jashtë zonës së qartësisë.

PowerShot G7 X Mark II ia del mbanë më së miri në të gjitha kushtet e ndriçimit, qoftë nën rrezet e forta të diellit apo në dhomat me llamba, gjë që e bën ideal për një kamerë të gjithanshme.

Do të keni mundësi të shkrepni filmime me stabilitet të pabesueshëm edhe në zmadhim të plotë të pamjes, edhe kur panoramizoni apo kur jeni në lëvizje, falë stabilizimit të avancuar dinamik të figurës me 5 boshte që kundërvepron ndaj dridhjeve të kamerës.
Përfaqësuesi i nderit i Canon, Piotr Malecki, duke qëndruar në gjunjë në një plazh duke filmuar një lojtar volejbolli.

EOS M6 Mark II është kamera më e mirë e videoblogimit për krijuesit që duan që kompleti i tyre të rritet së bashku me ta. Me një inkuadrues të heqshëm elektronik, një fole 3.5mm për lidhjen e mikrofonave të jashtëm dhe një mbërthyese aktive për aksesorët e blicit dhe aksesorë të tjerë të pajtueshëm, EOS M6 Mark II ofron pamje të mjaftueshme për të zgjeruar krijimtarinë tuaj.

3. Canon EOS M6 Mark II

Kamera optimale e Canon për videoblogime për krijuesit e përmbajtjes

  • Sensori: 32.5MP APS-C
  • Ekrani: 7.5cm me anim dhe me prekje
  • Sistemi i vetëfokusimit: Dual Pixel CMOS AF me gjurmim fytyre dhe objektesh, dhe AF të syve
  • Rezolucioni maksimal i videos: 4K (3840 x 2160)
  • Sistemi i objektivit: objektiv i dedikuar i vogël e peshëlehtë EF-M; pajtueshmëri me objektivat EF dhe EF-S përmes një Canon Mount Adapter EF-EOS M.
  • Audioja: hyrje mikrofoni


Canon EOS M6 Mark II është paketa optimale për krijuesit e përmbajtjeve. Me një dizajn portativ, madhësie xhepi dhe mbështetje të integruar për objektivat kompaktë EF-M, EOS M6 Mark II do ta keni përkrah kudo që t’ju shpjerë krijimtaria dhe aventura.

Me sensorin e saj 32.5-megapikselësh, EOS M6 Mark II i nxjerr videot 4K në detaje të shkëlqyera, ndërsa ndjeshmëria e tij prej deri në ISO25,600 gjatë filmimit siguron që t’ia dalë mbanë kudo nga konfigurimet e shndritshme në studio deri te pamjet e qytetit natën. Ai shkrep gjithashtu në Full HD me deri në 120fps për shkrepje kinematike me lëvizje të ngadaltë.

Po kërkoni për kamerën më të mirë për videoblogime me ekran të kthyeshëm? Ekrani me prekje i EOS M6 Mark II kthehet me deri në 180 gradë për të filmuar veten në shtëpi apo studio, dhe me 45 gradë poshtë, që do të thotë se mund ta realizoni pozën pavarësisht këndit.

Me sistemin e tij të avancuar të vetëfokusimit Dual Pixel CMOS, EOS M6 Mark II mund t’i zbulojë automatikisht fytyrat dhe subjektet dhe t’i ndjekë nëpër kuadër. Ai lejon gjithashtu t’i zgjidhni manualisht pikat e fokusit ne prekjen e ekranit, duke jua mbajtur gjithmonë fokusin aty ku e dëshironi.

Montoni Canon Mount Adapter EF-EOS M dhe EOS M6 Mark II mbështet gjithashtu objektivat EF-S dhe EF, duke ju lejuar të arrini një efekt thellësie të qartësisë që i japin videos suaj avantazhin profesional.

Shkruar nga Jeff Meyer dhe Wolinski

Produktet e lidhura

Artikuj të ngjashëm

  • Një grua duke konfiguruar Canon PowerShot G7 X Mark III në krah të laptopit të saj për të filmuar një kurs joge nga dhoma e saj e ndenjjes.

    KAMERA KOMPAKTE

    Më të mirat për përmbajtje kompakte

    Zbuloni se si PowerShot G7 X Mark III mund t'ju ndihmojë të çlironi dellin krijues në jetën e përditshme.

  • Bukëpjekësi i famshëm, Matt Adlard, duke bërë një foto të një ëmbëlsire me çokollatë me Canon EOS M50 Mark II.

    FOTOGRAFIA E USHQIMEVE

    Një recetë për sukses: prezantimi i Canon EOS M50 Mark II

    Bukëpjekësi autodidakt dhe ylli i rrjeteve sociale, Matt Adlard, provon modelin EOS M50 Mark II.

  • Një person në një plazh duke mbajtur një kamerë mbi një mbajtëse stativi përpara tyre.

    VIDEOBLOGIMI

    Fillojeni videoblogimin sot

    Ndiqni këshillat tona për videoblogimin dhe mësoni si të regjistroni filmime të bukura për të kënaqur dhe shikuesit më kërkues.

  • Ylli i YouTube dhe videoblogeri, Mike Gray, shtyp butonin e regjistrimit në ekranin me prekje të Canon PowerShot G7 X Mark III.

    VIDEOBLOGIMI

    Videoblogim krijues me "PowerShot G7 X Mark III"

    Ylli i "YouTube", MikeVisuals, rrëfen se si ia del të krijojë videoblogë tërheqës me ndihmën e modelit kompakt "Canon PowerShot G7 X Mark III", dhe ndan këshillat tij kryesore të videoblogimit.