Kalojeni krijimin tuaj të përmbajtjeve në tjetër nivel me Canon EOS R50

Krijimi i përmbajtjeve është më konkurrues se kurrë, dhe nëse jeni duke krijuar videobloge ushqimore me ritme të shpejta apo filma frymëzues fitnesi, vjen një çast kur ia vlen të mendoni nëse mund ta përmirësoni videon me një kamerë që ofron rendiment, funksione dhe cilësi më të lartë figure.

Këtu hyn dhe Canon EOS R50. Një kamerë pa pasqyra e nivelit fillestar në EOS R System të Canon, me sensor rezolucioni të lartë 24.2MP, modalitete të avancuara automatike dhe një ndërfaqe intuitive që e bën ideale për krijuesit aspirantë të përmbajtjeve dhe influencerët e rrjeteve sociale.

Ka kaq shumë mënyra se si EOS R50 thjeshton krijimin e përmbajtjes, nga projektimi kompakt dhe portativ deri tek ekrani i qartë me prekje dhe rrotullim, duke e bërë ideale për vetëxhirime dhe transmetime të drejtpërdrejta.

Katër krijues dinamikë përmbajtjesh nga Britania, Franca dhe Gjermania kanë përdorur Canon EOS R50 për të regjistruar pasionet që kanë më për zemër. Ata tregojnë histori të ndryshme, por të gjithë kanë qenë në gjendje ta përmirësojnë përmbajtjen e tyre me këtë kamerë të fuqishme APS-C.

Lexoni më tej për të mësuar se si EOS R50 e bën shkrepjen dhe shpërndarjen e përmbajtjes më të lehtë, më të shpejtë dhe më të mirë se kurrë.

Blogerja e bukurisë me qëndrim në Paris, Fatou, u apasionua pas fotografisë kur ishte e re, teksa shikonte të atin e saj që e merrte kamerën Canon kudo me vete. Në vitin 2007, ajo nisi blogun Black Beauty Bag për të folur për modën, veçanërisht për gratë e zeza, dhe tani ndan fotot e saj me më shumë se 150 mijë ndjekës në @blackbeautybag. “Për mua moda dhe fotografia shkojnë dora-dorës”, - thotë ajo.

Fatou udhëtoi nëpër Paris duke përdorur Canon EOS R50 për të shkrepur veten me biçikletë, në pazar dhe duke filmuar veshje, ndërsa fotostabilizimi digjital filmik (IS) i kamerës ruante mprehtësinë e filmimeve dhe ekranin fleksibël rrotullues me 1.62M pika e bënte vetëfotografimin të lehtë. "Mund ta rregulloni vetëfokusimin duke prekur subjektin në ekranin me prekje," - thotë Fatou. Kamera më pas do t'ju gjurmojë vetiu juve ose cilindo subjekt të zgjedhur.

Fatou thotë se i pëlqyen përmasat e EOS R50. “Nuk e prisja që një kamerë kaq e vogël të kishte aftësitë e një DSLR të madhe,” - vazhdon ajo. "EOS R50 ju mundëson të zgjidhni stile të ndryshme fotografie nga modaliteti automatik i grupimit krijues."

Ashtu si me smartfonat, EOS R50 vjen me profile dhe filtra, dhe modaliteti i grupimit krijues zbaton automatikisht katër efekte të ndryshme krijuese për çdo pamje që realizoni, ndaj mund të zgjidhni pamjen tuaj të preferuar.

Megjithëse Fatou nuk është e re në fotografi, ajo vuri re se këto mjete ia përshpejtuan procesin e punës. “Për dikë që nuk di shumë për fotografinë, EOS R50 është zgjedhja e duhur”, - përfundon ajo.

Elena, e fokusuar në fitnes, hapi @trainhard_eatwell në vitin 2014 pasi u transferua në Shtutgart, Gjermani dhe vuri re se nuk kishte asnjë klub sportiv aty pranë. Ajo ndan pasionin e saj për lëvizjen në internet, duke motivuar ndjekësit e saj me receta të shëndetshme dhe video stërvitore – si dhe ka nevojë për një kamerë që mund ta ndjekë në ritëm.

Shpejtësia e shkrepjes së vazhdueshme 12fps e Canon EOS R50 dhe videoja e ngadalësuar 120p janë ideale për përmbajtjen me ritëm të shpejtë të Elena-s. Sistemi i vetëfokusimit Dual Pixel CMOS AF II e gjurmoi Elena-n gjatë stërvitjeve të saj dhe e mbajti në fokus të mprehtë. "Videot e mia të vrapimit janë kaq fluide," - thotë ajo. "Unë bëj shumë përmbajtje sportive dhe ajo që është e mrekullueshme është se vetëfokusimi të ndjek gjatë ushtrimeve."

Duke ardhur nga puna me smartfon, EOS R50 iu duk intuitiv për t'u përdorur. "Është kaq e lehtë të kalosh midis modalitetit të videos dhe fotos," - vazhdon ajo.

EOS R50 vjen gjithashtu me 14 modalitete skene për fotografi, duke i konfiguruar automatikisht cilësimet për situata si autoportrete dhe sporte, së bashku me gjashtë modalitete filmimi.

Duke publikuar si @lagomchef, videot e Martyn në TikTok i mësojnë njerëzit se si të reduktojnë mbeturinat ushqimore dhe të argëtohen në kuzhinë. Me një diplomë fotografie dhe përvojë me DSLR, Martyn ka përdorur një smartfon për krijimin spontan të përmbajtjes, por u mahnit nga aftësia e EOS R50 për të shkrepur video 4K 30p, si dhe 120p Full HD.

"Cilësia me prekjen e një butoni është kaq e rëndësishme për mua sepse përmbajtja ime është shumë e paplanifikuar," - thotë Martyn. “Por e di që mund të marr kamerën, të shtyp regjistrimin dhe të nxjerr menjëherë pamje të bukura 4K. Aftësia për të filmuar me lëvizje të ngadalësuar ka shtuar gjithashtu një dinamikë të re në përmbajtjen time ushqimore."

Modalitetet praktike të shkrepjes të Canon EOS R50 e ndihmuan gjithashtu me fotot e ushqimit nga afër. "Një nga funksionet e arrira është grupimi i fokusit, që ju mundëson të nxirrni shumë lehtë makrofoto, duke zgjedhur rrezen e duhur të qartësisë."

Falë komandimit të kamerës me Bluetooth të EOS R50 dhe lidhjes me valë, Martyn-i mund të postojë menjëherë përmbajtje në kanalet e tij sociale. "Është vërtet e lehtë të dërgosh foto dhe video nga EOS R50 në telefon nëpërmjet programit Canon Camera Connect, i cili të mundëson të vendosësh përmbajtjen në internet sapo regjistrohet," - thotë ai.

Zeena (@heartzeena) me qëndrim në Londër është një disenjatore, stiliste, prezantuese dhe autore që ka rizbuluar artin shekullor të punës me motive mermeri gjatë kufizimit të lëvizjes. Pasi e kapi fillimisht mjeshtërinë e saj në një smartfon, ajo po kërkonte një nivel më të lartë në cilësi.

Pamjet e sakta dhe të mprehta të EOS R50 kënaqën syrin artistik të Zeena-s për tone dhe detaje të ndritshme. "Ngjyra është shumë e bukur," thotë ajo. "Është kaq besnike ndaj reales dhe është kaq e bukur teksa ndan definicionin e lartë dhe fortësinë e bukur të ngjyrave me audiencën."

Grupimi krijues ju mundëson modifikime të shumta për çdo pamje, çka i mundësoi Zeena-s t'i dërgonte përmbajtjet e saj direkt në rrjetet sociale. "Filtrat e gatshme bëjnë të mundur publikimin e pamjeve në çast," - shpjegon ajo.

Mbi të gjitha, Zeena-s i pëlqeu përdorimi i funksionit të ngadalësimit të lëvizjes tek EOS R50 për të kapur efektin magjepsës të bojërave të përdredhura në videot e saj me motive mermeri. "Është e vetmja gjë që i mungonte përmbajtjes së telefonit tim," - vazhdon ajo. "Grupimi i fokusit tek EOS R50 është gjithashtu shumë i këndshëm. Ai kombinon pamje së bashku për të shtuar një rreze qartësie vërtet të bukur që nuk do të mund ta kapja në asnjë mënyrë tjetër."

Pavarësisht nëse dëshironi funksione gjurmimi të fytyrës dhe vetëfokusimi, modalitete intuitive fotografimi, një ekran rrotullues me prekje për të kontrolluar kompozimin dhe cilësimet tuaja, cilësi të detajuar dhe vibrante figure apo akses në gamën fleksibël të objektivave që mund të ofrojë një kamerë e EOS R System, EOS R50 është shoqëruesi ideal për krijimin e përmbajtjeve mahnitëse për t'u ndarë si me shoqërinë, ashtu edhe me audiencën tuaj.


Shkruar nga Lauren Scott