VIDEOBLOGIMI

Teknika videoblogimi: këshilla të provuara videoblogimi

Videoblogimi është zbavitës dhe përmbushës - thjesht ndiqni këshillat tona për videoblogimin për të realizuar filmime të bukura për të kënaqur shikuesit më kërkues.
Canon Camera
Keni gjetur specialitetin tuaj, një pikë interesante dhe një histori po aq interesante për të videobloguar. Mund të keni tanimë të gjithë përbërësit për të ngritur një videoblog ideal, por nuk dini se çfarë kompleti të zgjidhni dhe si ta filmoni videon në standard mjaftueshëm të lartë për të kënaqur audiencat me pritshmëri të larta.

Në këto teknika videoblogimi, ju zbulojmë shtatë këshilla për fillestarë dhe për videoblogerë që dëshirojnë të përmirësojnë cilësinë e videove të tyre. Mësoni si të nxirrni filmime që do t'i bëjnë shikuesit tuaj të kthehen për më shumë – si të realizoni filmime të stabilizuara (pa tundje) dhe të qarta, rëndësinë e inkuadrimit krijues dhe se çfarë ju duhet për të regjistruar zë të qartë e të pastër. Cilado qoftë kamera juaj e videoblogimit, qoftë nëse shkrepni në Canon PowerShot G7 X Mark III, Canon EOS M50 Mark II apo Canon EOS M6 Mark II, ja çfarë duhet të keni parasysh kur krijoni videoblogimet tuaja të para.

1. Kur zgjidhni një komplet, balanconi madhësinë e kamerës dhe të sensorit

Një burrë me një xhaketë duke vendosur një PowerShot G7 X Mark III në xhep.

Cilado qoftë kamera e zgjedhjes suaj, ndiqni shtatë këshillat kryesore në këtë artikull dhe zbuloni se si mund të hidhni hapat e parë në botën e videoblogimit.

Një kamerë me sensor më të madh do t'ju japë foto me cilësi më të mirë, por kur jeni duke videobloguar është e rëndësishme ta balanconi madhësinë e sensorit me madhësinë e përgjithshme të kamerës. Për shembull, një kamerë e serisë "PowerShot G" me objektiv të integruar, si p.sh. Canon PowerShot G7 X Mark III është një kamerë super kompakte dhe portative për videoblogim. Por një kamerë pa pasqyra apo një DSLR me objektiva të ndërrueshëm mund t'ju ofrojë një larmi më të madhe opsionesh për objektivat.

Kur merrni edhe një kamerë të vogël është një të madhe mbuloni më shumë raste kur ju duhet të shkrepni për qëllime të ndryshme, si dhe ju mundëson kënde të mëtejshme për kamerën në videoblogimet tuaja.

2. Përdorni një objektiv këndgjerë

Shumë videoblogerë përdorin objektiva këndgjerë pasi këta mund të përdoren në hapësira të ngushta si p.sh. në dhomën e gjumit apo në kuzhinë për të treguar sa më shumë të jetë e mundur nga skena. Një objektiv 24 mm është i mirë për këtë qëllim, por një objektiv ultra i gjerë është edhe më i mirë. Kështu nëse shkrepni me kamerë me sensor APS-C si p.sh. Canon EOS M6 Mark II apo Canon EOS M50 Mark II, nëse e çiftoni me një objektiv zmadhues me kënd ultra të gjerë si p.sh. Canon EF-M 11-22mm f/4-5.6 IS STM do të keni gjithashtu mundësinë të përfshini më shumë në kuadër. Për përdoruesit e DSLR apo ata që përdorin Canon Mount Adapter EF-EOS M me trupin pa pasqyra, objektivi Canon EF-S 10-18mm f/4.5-5.6 IS STM ofron mundësi të ngjashme.

Cilindo objektiv të zgjidhni, kthejeni ekranin e kamerës për t'ju ndihmuar të vendosni veten në kuadër për ta bërë fare të lehtë filmimin e autoportreteve dhe shkrepjen në kënd të ulët. Shumë kamera, si p.sh. Canon PowerShot G7 X Mark III, mund të lidhen dhe me "Bluetooth" me aplikacionin "Canon Camera Connect" në pajisjen tuaj inteligjente për ta filmuar apo shkrepur veten në distancë.

3. Vendosni për rezolucionin dhe shpejtësinë tuaj të kuadrove

Ekrani i cilësimeve i një Canon EOS M50 Mark II me një mikrofon të lidhur.

Opsioni për shkrepje në 4K nuk është më i kufizuar vetëm në modelet profesionale të kamerave. Ai po fillon të shfaqet në kamerat e vogla por shumëfunksionale, si p.sh. Canon EOS M50 Mark II.

Kërkesa për video po rritet dhe, së bashku me të, edhe pritshmëritë për cilësinë. Sado krijuese të jetë përmbajtja juaj, nëse filmimi nuk ka detaje ia vlen ta përmirësoni edhe më. Shikoni për kamera Full HD ose me 4K video – Full HD është standard i mirë, por 4K ju jep edhe më shumë detaje, duke ju lejuar ta prisni dhe stabilizoni filmimin pa cenuar cilësinë. Filmimi në 4K nuk do të thotë se duhet të publikoni detyrimisht në 4K, por kini parasysh se filmimi në 4K do të marrë më shumë kohë për t'u modifikuar dhe ngarkuar.

Më e rëndësishmja është të merrni parasysh se çfarë shpejtësie kuadrosh i përshtatet më mirë subjektit tuaj. 60 kuadro në sekondë (fps) është optimal për videobloge aksioni dhe ju ofron një opsion për të nxjerrë efekte me lëvizje të ngadaltë. 30 ose 25 fps është në rregull për gjithçka tjetër. Për filmime edhe më të detajuara në lëvizje të ngadaltë, Canon EOS M6 Mark II dhe Canon PowerShot G7 X Mark III ofrojnë shpejtësi të larta kuadrosh deri në 120fps kur shkrepni në Full HD.

4. Mbajeni filmimin të stabilizuar dhe në fokus

Një burrë duke ecur në pyll, duke filmuar veten me PowerShot G7 X Mark III.

Për ta pasur videoblogimin fluid e pa siklete, provoni një mbajtëse stativi si p.sh. Canon HG-100TBR.

Një grua duke mbajtur një mbajtëse stativi me një kamerë të montuar PowerShot G7 X Mark III, me ekranin të kthyer për lart.

Mund dhe ta konfiguroni kamerën tuaj të videoblogimit mbi një stativ për të ruajtur koherencën e inkuadrimit. Nëse keni një kamerë videoblogimi me ekran të kthyeshëm si p.sh. PowerShot G7 X Mark III kjo mund t’ju ndihmojë të shikoni se çfarë po regjistroni.

Madhësia kompakte dhe pesha e lehtë e kamerave të Canon për videoblogim, si p.sh. Canon PowerShot G7 X Mark III, Canon EOS M50 Mark II dhe Canon EOS M6 Mark II i bëjnë ideale për regjistrimin e lëvizjeve. Një videoblog tërheqës duhet ta shpjerë audiencën në një udhëtim me ju – qoftë përmes rrugëve të ngjeshura të një qyteti, qoftë kur tregon reagimin tuaj ndaj shpaketimit të blerjes suaj më të fundit – dhe lëvizja mund të jetë thelbi i gjithë kësaj. Në vend të filmimeve me lëkundje dhe të pafokusuara, sigurohuni që pozat t'i keni të shtruara në mënyrë që shikuesit të mund të përqendrohen te vendndodhja juaj emocionuese apo rrëfimi interesant.

Për t'i mbajtur pozat të qëndrueshme, mbështeteni kamerën nga poshtë me pëllëmbën e dorës dhe kapeni nga ana. Nëse ju duhet mbështetje e mëtejshme, një aksesor kapës që montohet në trupin e kamerës, duke ju mundësuar diku ku të kapeni, mund të jetë një suplement i dobishëm. Teknologjia e mirë ndihmon gjithashtu së tepërmi: për filma të qartë e të qëndrueshëm përdorni një kamerë me Image Stabilisation ose objektiv me Optical IS, që jua bën pozat më të qarta dhe më të lehta për t'i parë, si p.sh. Canon PowerShot G7 X Mark III. Stabilizimi 5-boshtor dinamik i figurës i kamerës është krijuar për të kundërvepruar ndaj lëkundjes së kamerës gjatë vrapimit, panoramimit apo shkrepjes në zmadhim të plotë.

Si videobloger, fytyra juaj është ajo që njerëzit shohin, kështu që mbajtja e saj në fokus është thelbësore. Teknologjia Face Detection dhe Eye Detection nga Canon mund t'jua gjurmojë automatikisht fytyrën dhe t'jua mbajë në fokus.

5. Panoramoni me synim të qartë

Një burrë që mban një Canon EOS M6 Mark II te syri.

Disa kamera, si p.sh. Canon PowerShot G7 X Mark III, si dhe Canon EOS M6 Mark II vijnë gjithashtu të pajisura me një tregues niveli që ju ndihmon t'i arrini lehtësisht horizontet e drejta.

Lëvizja e kamerës horizontalisht gjatë shkrepjes ose "panoramimit" do t'i mundësojë audiencës të shikojë përmes syve tuaj - të jetë atje me ju teksa shikoni përgjatë gjirit madhështor ose në horizontin e mbushur me ndërtesa tërheqëse. Panoramizimi i tepruar mund të jetë çorientues, por kur bëhet me korë mund të shtojë interesin dhe të nxisë narrativën.

Përdoreni me kujdes panoramizimin, pa nxituar dhe mbajini horizontet drejt. Nëse nuk keni këmbalec, vendoseni kamerën mbi diçka të qëndrueshme - si p.sh. në skajin e një banke apo tryeze - mbajeni kamerën në të njëjtin vend dhe lëvizeni qëndrueshëm, me synim të qartë, për anash.

6. Lidhni një mikrofon të jashtëm për cilësi më të mirë zëri

Një person që mban një objektiv në njërën dorë dhe një kamerë Canon EOS M50 Mark II me mikrofon të lidhur.

Përmirësoni cilësinë e videos duke përdorur një mikrofon të dedikuar të lidhur si p.sh. Canon DM-E100.

Shumica e kamerave që shkrepin video do të ofrojnë cilësi të pranueshme zëri, por nëse zëri perfekt është i rëndësishëm për videoblogimin tuaj, kini parasysh të lidhni një mikrofon të jashtëm. Një mikrofon i jashtëm është veçanërisht i dobishëm kur punoni në natyrë, pasi mikrofoni i integruar i kamerës mund të regjistrojë zhurma hutuese në sfond, si p.sh. erën, ndërsa mikrofonat e jashtëm mund t'i ripoziciononi për ta evituar diçka të tillë. Nëse dëshironi të përdorni një mikrofon të jashtëm, shikoni për një kamerë me fole mikrofoni të jashtëm, si p.sh. Canon EOS M50 Mark II ose Canon PowerShot G7 X Mark III.

7. Përdorni Wi-Fi për ngarkimin e materialit

Shumë kamera në treg sot, duke përfshirë Canon EOS M50 Mark II dhe Canon EOS M6 Mark II, ofrojnë Wi-Fi dhe Bluetooth të integruar, duke ju dhënë mundësinë të ngarkoni e rezervoni nëpërmjet lidhjes me valë kudo që të jeni anembanë botës. Kamerat si p.sh. Canon PowerShot G7 X Mark II (e tejkaluar tanimë nga Canon PowerShot G7 X Mark III) vijnë madje me një buton Wi-Fi, duke e bërë ruajtjen dhe ngarkimin më të thjeshtë se kurrë më parë.

Canon PowerShot G7 X Mark III ka Bluetooth dhe Wi-Fi për lidhje pa ndërprerje me pajisjen tuaj inteligjente – plus, lidhuni përmes Wi-Fi me pajisjen tuaj inteligjente ose rrjetin me akses në internet dhe mund të transmetoni Live Stream në kanalin tuaj të YouTube1.



Shkruar nga Natalie Denton
  1. Shërbimi i transmetimit të drejtpërdrejtë i këtij produkti mbështet transmetim të drejtpërdrejtë vetëm në YouTube. Për të përdorur shërbimin e transmetimit të drejtpërdrejtë, nevojitet regjistrimi i mëparshëm në image.canon.

    Në përputhje me “Kufizimet për transmetimin e drejtpërdrejtë” nga "YouTube", përdoruesit duhet të kenë së paku 1000 abonentë në kanal, për të pasur mundësi transmetimi të drejtpërdrejtë nga pajisjet celulare. Ky kufizim vlen dhe për shërbimin e transmetimit të drejtpërdrejtë të "YouTube" që ofrohet përmes "Canon PowerShot G7 X Mark III"

    Për informacion të përditësuar në lidhje me kufizimet, vizitoni mbështetjen teknike të "Google"

    Transmetimi i drejtpërdrejtë në "YouTube" mund të ndryshojë, ndalojë apo përfundojë pa njoftim paraprak.

    Vini re paraprakisht se "Canon" nuk merr përsipër asnjë përgjegjësi për shërbimet e ofruara nga palë të treta, duke përfshirë dhe transmetimin e drejtpërdrejtë në "YouTube".

Produktet e lidhura

Artikujt e lidhur