Prezantimi i Canon PowerShot V10, kamera e lehtë 4K për videoblogim

Nëse thjesht dëshironi të ndani pasionin tuaj me botën, atëherë keni nevojë për një zgjidhje videoblogimi pa telashe dhe ndërlikime. Nëse jeni mbështetur te smartfonat për të treguar historitë tuaja, atëherë njihuni me PowerShot V10: zgjidhja peshëlehtë, gjithëpërfshirëse e videoblogimit që do t'ju sjellë një proces pune më të shpejtë e të thjeshtë.

PowerShot V10 është projektuar posaçërisht për këdo që dëshiron një kamerë të dedikuar për videoblog që është më e lehtë për t'u kontrolluar dhe e shpejtë, si dhe e thjeshtë për t'u përdorur, pavarësisht nëse jeni duke paraqitur aventurën e pushimeve në qytet apo dokumentoni hobi.

Me vetëm 211g, pothuajse gjysma e peshës së modelit kompakt PowerShot G7 X Mark III, PowerShot V10 është kamera më e vogël e Canon për videoblog dhe përmasat e saj të vogla ju mundësojnë ta merrni kudo për videoblogim spontan, në lëvizje e sipër.

Pavarësisht përmasave të saj të vogla, PowerShot V10 vjen me dy mikrofona të integruar me diametër të madh që mund të kapin audio me cilësi më të mirë se sa ndoshta merrni nga smartfoni juaj. Kjo pasi mikrofonat e smartfonave janë të optimizuar për telefonata, kur pajisja mbahet ngjitur me faqen. Ndërsa mikrofonat e PowerShot V10 janë projektuar për të kapur audio stereo në distancat tipike të videoblogimit, sintonizuar me zërin tuaj, ndërkohë që kapin dhe atmosferën e mjedisit tuaj, pavarësisht nëse jeni në treg apo në ndonjë festë. Nëse jeni duke regjistruar në kushte me erë, vendosni mburojën e erës për të zvogëluar zhurmën e padëshiruar.

Nëse dëshironi edhe më shumë kontroll mbi audion, PowerShot V10 ka dhe një fole mikrofoni 3.5mm nga ana për të lidhur një mikrofon të jashtëm. Një mbërthyese e mëtejshme opsionale për aksesorë, që ofrohet veçmas, ju jep fleksibilitet maksimal në vendin ku vendosni mikrofonin e jashtëm rreth kamerës.

Gjithashtu unike për PowerShot V10 është një mbështetëse e integruar që ju lejon të konfiguroni kamerën për të filmuar nga kënde të ndryshme animi, duke filluar nga -30° në -10° për shkrepjen me kënd të lartë dhe 10° deri në 30° për shkrepjet me kënd të ulët. Mbështetësja paloset për ruajtje më kompakte dhe përdorim dorazi. Për më shumë fleksibilitet, PowerShot V10 ka një mbërthyese standarde për stativ, ndaj keni mundësinë ta lidhni me çfarëdo stativi që dëshironi, duke përfshirë modelin kompakt Canon Tripod Grip HG-100TBR.

Çelësi i suksesit me videoblogun është rafinimi i përmbajtjes suaj. PowerShot V10 e bën këtë të lehtë me ekranin rrotullues LCD - kthejeni lart për t'u parë në kuadër për vetëxhirime pa mundim ose vendoseni në kënde të ndryshme për të parë çfarëdo ku drejtoni kamerën. Ai gjithashtu ofron komanda me prekje për të gjitha veçoritë standarde të regjistrimit në një ndërfaqe të thjeshtë. Nëse jeni duke shkrepur për një platformë sociale që kërkon format të caktuar kuadri, mund të shfaqni shënuesit e aspektit në ekran për të kontrolluar nëse elementët kryesorë do të jenë në kuadër kur të prisni më vonë pamjen.

Objektivi 6,6 mm (rreze fokale ekuivalente 35mm në 19mm) ofron një kënd të gjerë shikimi, ideal për të inkuadruar lehtësisht veten dhe për të kapur shumë nga ambienti përreth. Sensori i madh 1.0 inç mbledh më shumë dritë edhe në kushte me ndriçim të ulët, ndaj mund të jeni të sigurt për video me pamje natyrale gjatë gjithë ditës.

PowerShot V10 mund të regjistrojë video deri në 4K UHD me 25/30fps dhe Full HD deri në 50/60fps. Ai ka dhe fokusim automatik të gjurmimit të fytyrës - njerëzit kudo në zonën e imazhit zbulohen automatikisht, ose mund të prekni nëse dëshironi subjektet në ekran për ta drejtuar kamerën që t'i gjurmojë.

Ka një larmi modalitetesh regjistrimi. Modalitetet Auto movie dhe Smooth Skin ofrojnë opsione regjistrimi me një prekje kur thjesht dëshironi të ndani historinë tuaj dhe ta lini kamerën të gjykojë se si. Veçoritë e integruara të avancuara si Auto Lighting Optimizer, Auto ND dhe Auto White Balance sigurojnë rezultate të shkëlqyera. Nëse dëshironi të keni më shumë kontroll, modaliteti i filmit Manual Exposure ju lejon të merrni kontrollin e shumë cilësimeve.

Mund të aktivizoni Movie Digital IS për të stabilizuar pamjen kur shkrepni dorazi ose në lëvizje, ose përndryshe Auto Level për të ruajtur nivelin e skenës ndërsa regjistroni.¹

Nëse kërkoni një pamje dhe atmosferë të caktuar, keni 14 filtra me ngjyra (të gjitha ofrohen në modalitetet e filmit Auto dhe Manual Exposure), që janë profile që mund t'i zbatoni me një prekje përpara regjistrimit të filmit. Këto përfshijnë RetroGreen dhe Sepiatone për t'i dhënë një pamje retro një qyteti ose peizazhi, TastyWarm për klipet e shijshme të ushqimit të nxehtë e më tej. Ka gjithashtu cilësime për tonalitetin e ngjyrave me rrëshqitëse që mund t'i përdorni për personalizim të mëtejshëm – dhe kamera do të ruajë të gjitha cilësimet tuaja të ngjyrave, që herën tjetër që ta ndizni, është gati për të shkrepur me pamjen tuaj unike.

Nëse doni ta çoni videon në nivel tjetër, ka opsione dhe cilësime të mëtejshme që mund t'i hapni duke shtypur butonin Q, si madhësia për regjistrimin e filmit, metoda e vetëfokusimit, zmadhimi digjital etj.

PowerShot V10 e bën gjithashtu të shpejtë dhe të lehtë ndarjen e videove me ndjekësit tuaj, me lidhjen e integruar me Bluetooth dhe Wi-Fi. Instaloni programin falas Canon Camera Connect në smarton dhe mund t'i transferoni pa probleme klipet drejt telefonit – madje ta kontrolloni kamerën nga distanca duke përdorur programin. Filmat mund të transkodohen automatikisht ndërsa dërgohen nga kamera në telefon, duke e bërë më të lehtë se kurrë krijimin e videove për t'u shtuar në të gjitha kanalet tuaja sociale.

Për të shmangur zënien e hapësirës ruajtëse të telefonit me shumë skedarë të mëdhenj video, mund të ngarkoni përmbajtjen tuaj në shërbimin e resë kompjuterike image.canon, automatikisht nëse dëshironi, dhe prej andej ta përcillni në Google Drive™, YouTube dhe Frame.io, mes shërbimeve të ndryshme të internetit. Videot dhe imazhet e ruajtura në Frame.io mund të importohen më së miri në programet e redaktimit të videove si Adobe Premiere Pro dhe Final Cut Pro, ku mund t'i modifikoni dhe rafinoni filmimet.

Me PowerShot V10, transmetimi i drejtpërdrejtë është më i lehtë se kurrë - mund t'i bëni të gjitha me disa prekje mbi ekranin LCD. Pasi të konfiguroni destinacionin e preferuar të transmetimit në programin Camera Connect (dhe duke supozuar se llogaria juaj e rrjeteve sociale lejon transmetimin), thjesht zgjidhni YouTube Live ose Facebook Live ose shtoni një lidhje RTMP,² dhe filloni transmetimin.³

Mund të përdorni gjithashtu PowerShot V10 si një kamerë interneti. Kamera ka të integruar drejtuesit UVC dhe UAC standardë të sektorit, ndaj nuk ka nevojë për softuer të mëtejshëm – thjesht lidheni dhe luani nga USB (duke përdorur kabllon e dhënë) si në Windows ashtu edhe në macOS, dhe përdoreni PowerShot V10 në Full HD me 30fps për programet e zakonshme të videotelefonatave. Zmadhimi digjital mundësohet gjithashtu për transmetim, si dhe përdorimi i kamerës si kamerë interneti – thjesht pozicionojeni kamerën sipas dëshirës dhe jeni gati – ose mund të zgjidhni nga një sërë profilesh të tjera të kamerës, duke përfshirë modalitetet e filmit Smooth Skin dhe Auto, Face Tracking AF ose AF me kornizë të specifikuar, filtër me ngjyra dhe shumë të tjera.¹

Cilido qoftë pasioni apo audienca juaj, PowerShot V10 ju ndihmon të lidheni pa konfigurime të komplikuara ose pa nevojën për një çantë plot me aksesorë. Mbështetja e tij e integruar e bën të lehtë konfigurimin dhe përdorimin pothuajse kudo, pavarësisht nëse jeni duke bërë video në lidhje me gatimin apo lojërat. Komandat e tij të thjeshta, dizajni kompakt dhe modalitetet e automatizuara ju mundësojnë të filloni në videoblog pa pasur nevojë për njohuri të specializuara, si dhe ka shumë opsione e veçori më të avancuara kur të jeni gati për të ecur më tej.

Shkruar nga Jeff Meyer dhe Alex Summersby