FOTOGRAFIA E UDHËTIMEVE

48 orë në Sevilje me EOS R10

Nga ushqimi te flamenkoja, zbuloni se si blogerja e udhëtimeve, Diana Millos, fikson frymën e qytetit spanjoll me Canon EOS R10.
Një grua me një fustan veror dhe kapelë dielli mban Canon EOS R10 në fytyrë për të parë përmes inkuadruesit, ndërsa qëndron përballë arkitekturës së detajuar spanjolle.

Nëse dëshironi të shihni një destinacion pushimesh nën një dritë të re, atëherë vendosni orën e alarmit, thotë krijuesja e përmbajtjeve për udhëtime, Diana Millos. “Lindja e diellit është koha ime e preferuar për të eksploruar dhe bërë foto”, - shpjegon ajo. “Zakonisht nuk ka njeri përreth dhe drita është vërtet e butë. Është thjesht më magjike në atë kohë të ditës”.

Diana ka shkrepur lindjen e diellit në mbarë globin me Canon EOS 80D (pasuar tani nga Canon EOS 90D) dhe Canon EOS 7D Mark II. Imazhet e saj kanë tërhequr më shumë se 135 mijë ndjekës në Instagram, dhe ajo ka vizituar një larmi të gjerë vendesh – nga destinacionet e distancave të gjata si India, Meksika dhe Vietnami, deri te pushimet e shkurtra në qytetet evropiane në Rumani, Gjeorgji dhe Itali.

Megjithatë, në një pushim të fundit në qytet në vendlindjen e saj, Spanjë, Dianës iu bashkua një shoqërues i ri udhëtimi: Canon EOS R10. EOS R10 është një nga dy kamerat pa pasqyrë në EOS R System, së bashku me EOS R7, që përmban një sensor APS-C, duke hapur rrugë të reja për Canon. Rezolucioni mbresëlënës 24.2MP i EOS R10, projektimi kompakt – me peshë vetëm 429g – dhe funksionet krijuese për foto dhe video, e bëjnë atë ideal për eksploruesit që kërkojnë të tregojnë historitë e tyre në mënyra unike dhe novatore.

Diana mori EOS R10 për të kapur skena nga Sevilja në një udhëtim 48-orësh në kryeqytetin andaluzian. Fotografia arkitekturore është një nga specialitetet e saj dhe ajo vizitoi disa nga monumentet simbol të qytetit, duke përfshirë Plaza de España, Giralda (kambanoren e Katedrales së Seviljes) dhe Metropol Parasol - një nga strukturat më të mëdha prej druri në botë.

Një Canon EOS R10 vendoset në bazën e një shtylle të lyer qeramike.

“Zgjohesha çdo ditë para lindjes së diellit për të përfituar sa më shumë nga drita e bukur”, - tregon Diana. “Në shkurt ishte vërtet si verë. Sevilja është një qytet i tillë dekorativ dhe është vërtet i bukur.

"Kam përdorur EOS R10 në një sërë situatash, nga shkrepja e kërcimtareve të flamenkos deri te fotografimi i rremëtarëve në lumë, dhe kam luajtur me fokusimin automatik të kamerës, shkrepjen e vazhdueshme me shpejtësi të lartë dhe opsionet e videos."

Përveçse ishte EOS R10 e parë që Diana kishte fotografuar Seviljen, udhëtimi ishte gjithashtu mundësia e saj e parë për të përdorur një kamerë pa pasqyrë. "M'u duk shumë i thjeshtë kalimi në EOS R10," - thotë ajo. "Kishte disa butona të ndryshëm sipër, por ishte vërtet i lehtë për t'u përdorur."

Diana ishte pajisur gjithashtu me dy objektiva të rinj zmadhues RF-S të projektuar për APS-C EOS R System, të cilët ofrojnë që të dy cilësi fantastike imazhi. Modeli i vogël dhe relativisht diskret, Canon RF-S 18-45mm F4.5-6.3 IS STM vjen me një gamë fokale 18-45mm për një larmi të gjerë skenarësh udhëtimi, ndërsa RF-S 18-150mm F3.5-6.3 IS STM i gjithanshëm ka aftësi të shkëlqyera nga afër, si dhe ofron një rreze telefoto dhe zmadhim të lartë me një diapazon fokale 18-150mm. Të dy objektivat kanë gjithashtu fotostabilizim.

Rezolucioni dhe shpejtësia për dramë dhe aksion

Një grua me një fustan të verdhë qëndron poshtë një harku të zbukuruar përpara një pellgu të gjatë e të ngushtë uji, në të cilin mund të shihet reflektimi i saj.

Arkitektura për Diana-n është një nga subjektet e preferuara për t'u shkrepur. "Ajo tregon historië e një vendi," - thotë ajo. “Gjithmonë përpiqem të kërkoj vende me ngjyra, ose ato që kanë shumë detaje”. Shkrepur në Canon EOS R10 me objektiv Canon RF-S 18-150mm F3.5-6.3 IS STM në 35mm, 1/2000 sek, f/5.6 dhe ISO12800.

Një grua me një fustan të verdhë ecën përgjatë një shtegu të shtruar me palma me një kullë guri në sfond.

Diana preferon të punojë me kamera me shkrepje të shpejtë. “Më pëlqen të përdor shkrepjen e vazhdueshme me shpejtësi të lartë, në mënyrë që të kem më shumë fotografi për të zgjedhur”, - thotë ajo. EOS R10 mund të shkrepë deri në 23fps me shkrehësn elektronik dhe deri në 15fps me shkrehësin mekanik 1 . Shkrepur në Canon EOS R10 me objektiv Canon RF-S 18-45mm F4.5-6.3 IS STM në 18mm, 1/1000 sek, f/5,6 dhe ISO100.

Ndalesa e parë në shëtitjen e Dianës ishte Plaza de España, një ndërtesë historike që paraqet një sërë stilesh arkitekturore. “Përzihet ndikimi i trashëgimisë arabe që kemi në Spanjë me arkitekturën iberike”, - thotë Diana. “Ata që më ndjekin në rrjetet sociale duhet ta dinë se fotografia ime tipike është një foto me kënd të gjerë e një ndërtese me mua përballë saj, kështu që unë po përdorja RF-S 18-45mm F4.5-6.3 IS STM të montuar në EOS R10, por kalova edhe në RF-S 18-150mm F3.5-6.3 IS STM për të bërë fotografi nga afër të pllakave të bukura në shesh."

Më pas Diana e përqendroi vëmendjen e saj në shkrepjen e pamjeve dramatike dhe lëvizjes së kërcimtareve të flamenkos. Këtu, ajo përfitoi nga vetëfokusimi i avancuar i EOS R10, i cili përdor Eye Detection AF për të gjurmuar njerëzit me saktësi të mëtejshme, si dhe shpejtësinë e lartë të shkrepjes së vazhdueshme prej 15 kuadrosh në sekondë (fps) duke përdorur shkrehësin mekanik të kamerës1.

Dy kërcimtare flamenkoje me veshje tradicionale pozojnë në një oborr me krahët ngritur.

“Edhe pse kërcimtaret rrotulloheshin dhe lëviznin gjatë gjithë kohës, kamera qëndroi e fokusuar tek to, edhe gjatë shkrepjeve të shpejta në seri, kështu që ishte e mahnitshme”, - thotë Diana. “Në disa shkrepje kam përdorur një shpejtësi relativisht të ngadaltë të shkrehësit, e cila turbullonte pak cepat e fustaneve të vajzave, në mënyrë që të merrni një ndjesi të lëvizjes së kërcimtareve. Më pëlqen mënyra se si mban gjithçka në fokus dhe sa qartë duken fotot."

Diana thotë se inkuadruesi elektronik (EVF) ishte një avantazh kur erdhi puna për të konfirmuar nëse imazhet e saj ishin të qarta. "Mund të shohësh Face Detection dhe Eye Detection që veprojnë në inkuadrues, dhe kjo është shumë e dobishme, sepse mund të dallosh saktësisht se çfarë është në fokus."

EVF është gjithashtu i dobishëm kur shkrepni në ditë të ndritshme dhe me diell, pasi ju mundëson të kontrolloni ekspozimin tuaj dhe të bëni ndonjë rregullim përpara se të shtypni butonin e shkrehësit. Aftësia për të parë efektet e cilësimeve të kamerës është veçanërisht e dobishme për fotografët me më pak me përvojë, sepse e bën shkrepjen më intuitive.

Pamje nga afër të ushqimit me detaje të arrira

Një tas sallate plot me karota të grira, vezë të ziera të prera në katërsh, feta lakre të kuqe, kërpudha dhe misër të ëmbël.

Diana provoi funksionet e qartësisë së përbërë dhe të fragmentimit të fokusit brenda kamerës të EOS R10, të cilat i mundësuar të shkrepte pamje ushqimesh nga afër me më shumë pjesë nga subjekti në fokus të mprehtë. Programi Canon Photo Companion është një mjet i dobishëm nëse po provoni një kamerë të re për herë të parë, pasi shpjegon të gjitha funksionet dhe rrotullat. Shkrepur në Canon EOS R10 me objektiv Canon RF-S 18-150mm F3.5-6.3 IS STM në 35mm, 1/2000 sek, f/5 dhe ISO1600.

Një pamje nga afër e një luleshtrydheje.

"Kam shkrepur frutat duke përdorur funksionin makro të fokusit qendror të Canon RF-S 18-150mm F3.5-6.3 IS STM", - shpjegon Diana. "Ishte vërtet interesante tek isha në gjendje të afrohesha kaq shumë për të kapur të gjitha teksturat," - thotë ajo. Shkrepur në Canon EOS R10 me objektiv Canon RF-S 18-150mm F3.5-6.3 IS STM në 35mm, 1/200 sek, f/10 dhe ISO400.

Përveç arkitekturës së veçantë, fotografitë e kuzhinës vendase janë një ingredient thelbësor i ditarit të udhëtimeve të Dianës. “Më pëlqen të punoj me ngjyrat dhe shpesh ngjyrat e vendeve që vizitoj lidhen me ushqimin”, - thotë ajo. "Ushqimi është pjesë e kulturës dhe i rëndësishëm për t'u fotografuar kur doni të kapni thelbin e një vendi."

Diana përdori EOS R10 për të kapur nga afër ushqimin në një lokal pitesh tapas dhe në një treg të zonës. "Doja të fotografoja përbërësit me ngjyra dhe teksturat," - thotë ajo, - "kështu që përdora veçorinë makro të fokusit qendror të RF-S 18-150mm F3.5-6.3 IS STM."

Eksperimentimi me përdorimin e fokusit manual dhe makro i mundësoi Diana-s të afrohej edhe më shumë me subjektet e saj – një gjatësi fokale 35mm jep një zmadhim maksimal prej 0.59x – ndaj ajo mundi të kapte çdo detaj.

Diana provoi gjithashtu funksionet e qartësisë së përbërë dhe të fragmentimit të fokusit brenda kamerës. “Nuk është diçka që e kam përdorur më parë, dhe ishte vërtet interesante tek isha në gjendje të shkrepje një seri fotosh me një shtypje të vetme të butonit të shkrehësit dhe më pas t'i shikoje ato të kombinuara në një imazh me gjithçka në fokus. Kamera ruajti gjithashtu të gjitha fotot individuale, të cilat kishin në fokus pjesë të ndryshme të kuadrit. Më pëlqeu si funksion”.

Pamje panoramike të qytetit dhe kënde interesante

Një pozë panoramike e horizontit të Seviljes.

Diana përdori modalitetin e pozës panaromike të Canon EOS R10, i cili bën bashkë një seri pozash brenda kamerës, të shkrepura ndërsa e rrotullonte kamerën vertikalisht ose horizontalisht, për të fotografuar horizontin e Seviljes. Shkrepur në Canon EOS R10 me objektiv Canon RF-S 18-45mm F4.5-6.3 IS STM në 45mm, 1/500 sek, f/7,1 dhe ISO100.

Në ditën e dytë të qëndrimit të saj në qytet, Diana u drejtua për në Metropol Parasol, i njohur edhe si 'Kërpudhat e mishërimit'. "Ka pamje të mahnitshme në të gjithë Seviljen dhe mund të shkrepni të gjitha çatitë dhe ndërtesat në distancë," - thotë ajo. Struktura moderne prej druri shërbeu si kontrast për arkitekturën tradicionale dhe Diana e dinte se do t'i mundësonte imazhe interesante.

Një grua me një fustan të verdhë të derdhur ulet për të rregulluar pozicionin e një Canon EOS R10 në një stativ të vogël.

EOS R10 mund të kontrollohet me valë nga një smartfon nëpërmjet programit Canon Camera Connect ose me telekomandën me valë Canon BR-E1.

Një grua me një fustan të verdhë pozon në një vendkalim të lakuar.

Diana shpesh u drejtohet rrjeteve sociale për të gjetur frymëzim për fotografinë e saj të udhëtimit, por ajo gjithmonë përpiqet të kërkojë kënde krijuese që nuk janë bërë më parë. "Të shkosh diku që ndoshta duket pak si e rastësishme dhe të përpiqesh të shohësh nëse ia vlen të shkrepësh, kjo është mënyra ime e preferuar për të bërë fotografi," - thotë ajo. Shkrepur në Canon EOS R10 me objektiv Canon RF-S 18-150mm F3.5-6.3 IS STM në 18mm, 1/500 sek, f/5,6 dhe ISO100.

Për të dalë dhe vetë në foto, Diana zakonisht përdor një stativ të vogël për të mbështetur kamerën dhe për këtë udhëtim ajo mori modelin tejet portativ Canon Tripod Grip HG-100TBR. "Është një stativ i shkurtër, ndaj EOS R10 ishte mjaft afër tokës, por ekrani me prekje dhe rrotullim më bëri të mundur ta shikoj imazhin me lehtësi, ashtu siç e bëj me modelin tim EOS 80D," - thotë ajo.

Aftësitë video për shkrepësit hibridë

Pjesa e pasme e një Canon EOS R10 që tregon opsionet e videos së kamerës.

EOS R10 ka një opsion Movie digital IS që mund të aktivizohet për të stabilizuar pamjet e regjistruara gjatë ecjes ose shkrepjes dorazi.

Kamerat më të mira të udhëtimit duhet të jenë performues të aftë hibrideë dhe EOS R10 nuk bën përjashtim. E pajisur me një grup të fuqishëm të funksioneve video, kjo kamerë mund të regjistrojë përtej kufirit kohor konvencional prej 30 minutash, duke lejuar që kujtimet e udhëtimit të regjistrohen në 4K 60p, 4K 30p me mbikampionim 6K dhe me cilësi të lartë Full HD, dhe duke e bërë atë një nga kamerat më të mira për videoblog në linjën e Canon.

Kamera me shpejtësi të lartë 4K UHD 60/50fps është ideale për filmimin e klipeve të aksionit me detaje të mprehta dhe Diana i përdori këto aftësi video ndërsa regjistronte rremëtarët në lumë. Imazhi pritet2 kur shkrepni me këtë shpejtësi më të lartë, gjë që mund të jetë avantazh kur filmoni subjekte të largëta që dëshironi të duken më të mëdha në kuadër.

Regjistrimi me shpejtësi të lartë të kuadrove mbështetet kur EOS R10 vendoset në video Full HD, duke mundësuar regjistrimin e videove me lëvizje të ngadalta super të shtruar me 120/100 fps. “Për një video ndoqa rremëtarët dhe arrita të përfshij edhe një familje rosash në xhirim”, - thotë Diana. "Kur e shihni në lëvizje të ngadaltë, është vërtet fantastike."

Nga shkëlqimet e arkitekturës historike dhe kërcimtaret rrotulluese të flamenkos e deri te ushqimet shumëngjyrëshe në një pamje të shijshme nga afër, Canon EOS R10 është krijuar për t'u dhënë krijuesve të përmbajtjeve liri edhe më të madhe për të eksploruar botën në mënyra të reja dhe krijuese. Ai ofron të gjitha përfitimet që vijnë me kamerat EOS R System të Canon, dhe megjithatë do të jetë një propozim i njohur për videoblogerët dhe blogerët si Diana, të cilët janë mësuar të shkrepin me një DSLR dhe duan një kamerë kompakte, të shpejtë dhe ekonomike. "Kjo është ajo që më pëlqen vërtet në lidhje me të," - shton Diana. "Është e vogël dhe e lehtë, por gjithsesi e fuqishme."

Shkruar nga Marcus Hawkins

  1. Shpejtësia e vazhduar e shkrepjes mund të ndryshojë në varësi të kushteve të ndryshme, shikoni detajet për hollësi.
  2. Modaliteti i fotografimit 4K 60p pritet në 64% të sipërfaqes horizontale.

Produktet e lidhura

Artikujt e lidhur

  • Një foto e ndarë që tregon një Canon EOS R6 në një gur të madh me lëmyshqe, dhe një Canon EOS R7 duke qëndruar gjithashtu mbi një gur.

    TEKNOLOGJIA

    Shpjegimi i APS-C krahasuar me kuadërplotat

    Cila është diferenca midis kamerave APS-C dhe kuadërplota, dhe cila është e duhura për ju?

  • Një grua e veshur me një fustan të kuq pa rripa duke u ulur për të bërë një foto me një Canon EOS R10.

    FOTOGRAFIA E UDHËTIMEVE

    10 këshilla fotografie për udhëtime

    Fotografja dhe blogere, Diana Millos, ndan këshillat e saj kryesore për foto të arrira të udhëtimeve.

  • VIDEOBLOGIMI

    Videoblogim udhëtimesh me një objektiv ultra të gjerë

    Videobloguesja e udhëtimeve, Chloe Gunning, shkrep një ditë udhëtimi nëpër qytet me Canon RF 16mm F2.8 STM.

  • Një vajzë e re me gërsheta duke filmuar veten me një kamerë në një mbajtëse dore përpara vijës hekurudhore.

    VIDEOBLOGIMI

    Përmirësoni përmbajtjen tuaj në internet

    Gjashtë këshilla dhe teknika nga ekspertët për ta dalluar nga turma përmbajtjen tuaj në rrjetet sociale.