A girl playing in a park holds a yellow frisbee in front of her, framing her face. Taken on a Canon EOS M50 by Katja Gaskell.

FOTOGRAFIA FAMILJARE

Shkrepni portrete më të bukura: 5 sfida argëtuese fotografie në familje

Për blogeren e temave të udhëtimit, Katja Gaskell, nuk ka asgjë më të bukur se sa të udhëtojë me familjen e vet dhe të fotografojë çastet e tyre të paharruara anembanë botës. Katja, i shoqi i saj dhe tre fëmijët e tyre janë kthyer së fundi në Britani pas 12 viteve jetë jashtë vendit në Australi, Indi e Meksikë. Gjatë kësaj kohe ajo ka dokumentuar aventurat e tyre në internet në blogun e tyre, "Globetotting" – duke përdorur një celular 400-550 sterlina – dhe i ka ndarë fotot me 16400 ndjekësit e saj në "Instagram".

Fëmijët e saj janë rritur nëpër katër kontinente – Alfie (tani 11) ka lindur në Sidnei, Tess (9) në Delhi dhe Sam (4) në Meksiko. "Unë besoj shumë tek udhëtimet familjare dhe mendoj se udhëtimi është arsimi më i mirë," - pohon ajo. Fotografia është një pjesë e mirë e jetës së tyre. "Më pëlqen vërtet të shkrep foto si për punë, ashtu edhe për dokumentimin e jetës dhe të udhëtimeve familjare.

"Që kur nisa 'Globetotting', fotot i kam shkrepur nga telefoni," - thotë Katja. "Por kam dashur ta përmirësoj fotografinë time dhe kam kuptuar se kamera e celularit ka ca kufizime."

Ajo kërkon aftësitë e zmadhimit që nuk ofrohen nga kamerat e celularëve të nivelit mesatar,si dhe skedarë më cilësorë që të mund të zmadhojë detajet dhe t'i printojë fotot e familjes së saj në përmasa të ndryshme. "Çdo vit bëj një album vjetor, por ndonjëherë nuk i përdor dot fotot që kam shkrepur me telefon, pasi cilësia është shumë e dobët, sipas syrit tim."

Tani që është thyer në Londër, Katja po punon me forma të reja se si ta fotografojë familjen. Duke përdorur modelin praktik Canon EOS M50 dhe një objektiv "Canon EF-M 15-45mm f/3.5-6.3 IS STM", si dhe një objektiv "Canon EF-M 32mm f/1.4 STM", ajo eksploron funksionet manuale si p.sh. thellësia e qartësisë dhe shpejtësia e shkrehjes.

"E mira me Canon EOS M50 është se është vërtet portativ," - thotë ajo. "Mund thjesht ta hedhësh në sup e të nisesh ku të duash. Dhe ndonëse është i vogël si model, mund të përdorësh objektiva të ndryshme me të për situata të ndryshme. Ndaj është vërtet e lehtë të shkrepësh foto të fëmijëve kur janë së bashku si familje."

Artikujt e lidhur
A baby plays with an abacus.

FOTOGRAFIA E BEBEVE

12 këshilla për fotografinë e bebeve që mund t'i përdorni sot

Ruajini çastet e çmuara dhe shkrepni rritjen e bebes suaj me forma inteligjente për ta bërë fotografimin e bebeve sa më argëtues duke marrë rezultate fantastike

A mother picks her son up to hug, both of them wearing sunglasses. Photo by Christian Anderl.

FOTOGRAFIA FAMILJARE

Si të shkrepni portrete krijuese dhe të natyrshme të familjes

Fotografi profesionist, Christian Anderl, ju tregon se si të përdorni kamerën "Canon" për të shkrepur foto të dëlira të gëzimeve familjare.

Për t'i ndihmuar të jenë më krijues me fotografinë e saj në Canon EOS M50, fotografi austriak i portreteve dhe përfaqësues nderi i "Canon", Christian Anderl, i vuri Katja-s një sërë sfidash fotografike duke përdorur teknika që do ta ngrinin fotografinë e saj në nivel më krijues e mbresëlënës.

1. Përdorni thellësi që ulët qartësie

A portrait of a girl smiling, the background blurred. Taken on a Canon EOS M50 by Katja Gaskell.

Duke zgjeruar aperturën, Katja mund të provojë të shkrepë portrete me thellësi më të ulët qartësie, ku subjekti është në fokus të mprehtë dhe gjithçka tjetër është jashtë fokusit. "Shkrep një portret nga shumë pranë, duke përdorur aperturën më të gjerë të mundshme [f-numër sa më i vogël], pastaj luaj ca, duke e ngushtuar gradualisht aperturën," - ishte sfida e Christian. "Fokusohu te sytë dhe sigurohu që njëri sy të jetë më pranë teje – nëse subjekti nuk të shikon drejtpërdrejt – syri më pranë është në fokus." Ndërsa disa kamera celularësh mund ta simulojnë thellësinë e qartësisë me subjekte si njeriu, dhe ka aplikacione që mund t'ju ndihmojnë të shtoni efekte të ngjashme pas shkrepjes, rregullimi i thellësisë së qartësisë nuk është si i vërteti. Christian pohon: "Do të shihni se sa më shumë mund të nxirrni nga kamera nëse i kushtoni kohën e duhur."

Katja përdori objektivin "Canon EF-M 32mm f/1.4 STM" për shkrepjen e portreteve të fëmijëve të saj në park, kopsht dhe në shtëpinë e tyre. Duke shkrepur në modalitet "Aperture Priority (Av)", ajo provoi të dy skajet ekstreme të aperturës për të eksperimentuar me mundësinë që ofronte opsioni. "E mira me këtë objektiv është se ka aperturë f/1.4, që do të thotë se nxjerr thellësi vërtet të ulët qartësie," - thotë ajo. "Mund ta shoh vërtet veten duke e përdorur këtë në udhëtimet e mia, duke i mbajtur fëmijët në plan të parë dhe kudo që të jemi, duke e zbehur disi fushën nga pas. Kjo do ta bënte dhe buletinin tim në "Instagram" shumë më interesant. "Më pëlqejnë vërtet rezultatet – Nuk kam pasur mundësi të nxjerr ndonjëherë të tilla nga celulari pa përdorur filtra. Më pëlqen vërtet efekti ku sytë janë në fokus me një sfond më të butë dhe si kjo bën që njerëzit të bien më në sy."

2. Fotografojini fëmijët duke u zbavitur në ujë

Three pictures show a young boy playing with a cup of water. Taken on a Canon EOS M50 by Katja Gaskell.

Christian sugjeroi që Katja mund ta provonte modalitetin e shkrepjes së vazhduar në shpejtësi të lartë të Canon EOS M50, duke i fotografuar fëmijët teksa luajnë me ujin. "Përdor një shpejtësi të lartë shkrehësi, gjej ndriçim të mirë dhe përdor modalitetin e vazhduar në shpejtësi të lartë në kamerë, për të shkrepur sa më shumë poza të mundesh," - këshillon Christian. Kjo do të thotë që në vijim mund t'i zgjedhësh pozat atje ku ka lëvizje uji dhe pozicioni është më interesant dhe i këndshëm nga ana vizuale. "Shiko nëse mund ta pozicionosh veten përballë diellit, që t'u japë ndriçim të pasmë bulave të ujit. Sfondi i errët mund ta theksojë gjithashtu ujin. Shiko nëse mund të shkrepësh një ylber ngjyrash në pasqyrimin e ujit."

Duke shkrepur me modalitetin "Shutter Priority (Tv)", Katja pati mundësi të ndjente se si caktimi manual i shpejtësisë së shkrehësit te Canon EOS M50 mund të përjetësojë momentin. Duke përdorur objektivin Canon EF-M 32mm f/1.4 STM, ajo fotografoi fëmijën e saj më të vogël, Sam, duke derdhur e hedhur ujë nga një kupë. Duke shfrytëzuar më së miri kapacitetin e kamerës me 10 kuadro në sekondë dhe aperturë f/1.4, Katja shkrepi një pamje që "ngriu" një rrjedhë uji.

"Luajta pak me shpejtësi më të lartë shkrehësi," - thotë Katja. "Ishte zbavitëse teksa përpiqeshe të shkrepësh lëvizjen në ujë. Ka qenë vërtet më e thjeshtë të fokusohesh në gjëra të ndryshme – kështu që në vend që të fokusosh manualisht në zona të caktuara, mund të shikoj se çfarë efektesh dalin po të ndryshoj dhe vetëm shpejtësinë e shkrehësit."

3. Kapni të qeshurat

A brother and sister play in a huge tree, laughing. Taken on a Canon EOS M50 by Katja Gaskell.

"Me kamerat, ke modalitetin e shkrepjes së vazhduar të shpejtë, ndaj mund të shkrepësh çaste të fëmijëve që qeshin e luajnë," - thotë Christian. "Provo të shohësh sa fytyra të qeshura mund të kapësh në qartësi! Nuk është se ke shumë kohë kur je duke shkrepur fëmijë, ndaj krijo një ambient dhe provoje për nja pesë minuta derisa atyre t'u humbasë interesi."

Katja dhe fëmijët u nisën pasdite në një park atypari që të mund t'i fotografonte gjatë lodrave. "Për mua mënyra më e mirë për t'i pasur fëmijët pranë është të mos i mbaj për shumë gjatë, si dhe tu jap gjëra të mira më pas," - pohon ajo. "U kam nxjerrë poza teksa luajnë në lisharës, duke vrapuar vërdallë dhe duke u kacavjerrë nëpër pemë. Ka plot gaz e të qeshura, dhe për disa prej këtyre madje kam përdorur dhe thellësi të ulët qartësie."

4. Shkrepni lëvizjet argëtuese

A young boy swings on a swing, laughing. Taken on a Canon EOS M50 by Katja Gaskell.

Fëmijët rrallëherë qëndrojnë pa lëvizur dhe shkrepja e dinamizmit të tyre jep foto vibrante të familjes. "Thjesht duhet të jeni të vëmendshëm për lëvizjet përreth jush – nëse janë të shpejta apo të ngadalta," - thotë Christian.

Për të shkrepur fëmijët e saj të hidhen pupthi, kërcejnë e luajnë në lisharës, Katja përdori objektivin "Canon EF-M 15-45mm f/3.5-6.3 IS STM". "Përdora objektiv zmadhues dhe një shpejtësi të lartë shkrehësi për t'u siguruar që të mos humbisja asnjë çast. Objektivi është super elastik dhe të jep çdo mundësi për t'i shkrepur fëmijët në lëvizje."

Për ta nxjerrë këtë foto, Katja ka shkrepur me 1/640 sek, f/3.5 dhe ISO 100. "Ishte fantastike, pasi shkrepa vërtet çaste që nuk i kam realizuar më parë, si p.sh. Sam në lisharës. Fotot më dalin më interesante, pas ka më shumë variacion."

5. Krijoni një fotointerval

Një mënyrë interesante për të shtuar variacion është të provoni të shkrepni fotointervale të shkurtra të familjes suaj. Mënyra më e mirë është gjeni një aksion angazhues për familjen, dhe jo subjekte të ngadalta, për të krijuar fragmente dinamike e zbavitëse, thotë Christian. "Gjithkush që provon fotointervalet për herë të parë bën gabimin e fotografimit të reve për çdo 10 sekonda. Retë lëvizin shumë ngadalë, ndaj dhe fotointervalet bëhen shumë të ngadalta. Ideja është të të lexosh lëvizjet përreth dhe të kuptosh se çfarë funksionon më mirë nëse ka fëmijë që lëvizin atypari."

Katja vuri re se shkrepja e fotointervaleve me Canon EOS M50 ishte e thjeshtë dhe e këndshme. "Ishte vërtet aq e thjeshtë sa të aktivizosh cilësimin për fotointervalet, t'ia dalësh që të kesh bashkëpunimin e fëmijëve dhe të shtypësh regjistrimin," - thotë ajo. "Është një funksion argëtues që fillimisht nuk mendoja se do ta përdorja shumë, por tani që ia kam marrë dorën mund ta shoh se si mund ta përdor më shumë te 'Globetotting'."

A boy looks into a yellow bowl on the table in front of him. Taken on a Canon EOS M50 by Katja Gaskell.

Në tërësi Canon EOS M50 e ka frymëzuar Katja-n të jetë më ambicioze në fotografinë e saj. Angazhimi me kompozimin e ka përfshirë tanimë atë një një mënyrë krejt të re menduari për fotografimin e familjes. "Më parë ishte thjesht drejto e shkrep," - thotë ajo. "Thjesht thosha 'ndal' dhe shkrepja foto pa fund, dhe mbase ndonjëra dilte mirë. Është zbavitëse të jesh më krijuese në mendimin se çfarë lloji fotoje po krijon, sesa të shkrepësh fotot e rastit që nxirrja unë.

"Ka qenë që një kalim befasisht i lehtë nga celulari për te EOS M50. Është vërtet i lehtë në përdorim, cilësimet të japin komandën e plotë dhe ka hapësirë përmirësimi, ndaj mund t'i çosh vërtet shumë më tej aftësitë në fotografim. Ka shumë më shumë hapësirë për t'i shkrepur gjërat ndryshe."

Shkruar nga Lucy Fulford

Artikujt e lidhur

"Get Inspired" është burimi juaj kryesor i këshillave të dobishme të fotografisë, udhëzuesve të blerësit dhe intervistave inteligjente - gjithçka që ju nevojitet për të gjetur kamerën më të mirë ose printerin më të mirë dhe të krijoni ide të ardhshme krijuese.

Kthehu tek të gjitha këshillat e teknikat

Produktet e lidhura