Printerët më të mirë për studentë

Në ditët e sotme të epokës digjitale pjesa më e madhe e komunikimit tonë me shkrim bëhet përmes mesazheve me tekst, emailit dhe dokumenteve elektronike, por ka ende shumë raste kur ju duhet të printoni. Dhe krijimi i një kopjeje në letër mund të jetë ekonomik dhe i lehtë për t'u bërë.

Gama e printerëve të Canon është e njohur për efikasitetin e kostos, efikasitetin dhe besueshmërinë e tyre. Disa janë më të mirë për tekst, ndërsa të tjerët janë të përshtatshëm për produksione grafike dhe fotografike, dhe ka shumë modele që bëjnë një punë të shkëlqyeshme të të dyjave, edhe nëse keni një buxhet të ulët.

Për studentët, si dhe nevojën për të paraqitur ndonjëherë punime në shtyp, ka përfitime të tjera më pak të dukshme nga printimi. Krijimi i shënimeve fizike për referencë të shpejtë dhe të lehtë mund të jetë një ndihmë e shkëlqyer për të mësuar dhe rishikuar. Dhe edhe nëse do të dorëzoni dokumente në mënyrë elektronike, leximi i tyre fillimisht në format të printuar mund ta bëjë shumë më të lehtë zbulimin e gabimeve, si dhe të jetë një pushim i mirëpritur për sytë nga shikimi i gjithçkaje në ekran. Për kurset grafike dhe fotografike, ku shpesh duhet të dorëzoni projekte fizike, krijimi i printimeve mund t'ju ndihmojë vërtet të kritikoni punën tuaj dhe të përcaktoni fushat për përmirësim.

Nëse nuk jeni mësuar të faqosni projekte për printim, mund të përdorni programin Easy-PhotoPrint Editor të Canon-it, i cili ju lejon të modifikoni foto dhe të krijoni kolazhe, postera dhe më shumë duke përdorur një seri shabllonesh të gatshme. Dhe programi Canon Easy-Layout Editor madje ju lejon të faqosni skedarë të shumtë (dokumente teksti, fletëllogaritëse, PDF, imazhe etj.) si një skedar dhe t'i printoni së bashku në një fije letër. Mund ta përdorni gjithashtu për të zgjedhur pjesët specifike të një faqeje interneti që dëshironi të printoni.

Shumë kolegje dhe universitete përdorin tani Google Classroom për të organizuar detyrat – nëse juaji është një prej tyre, mund të përdorni printerin Canon për të printuar fletët e punës nëpërmjet resë kompjuterike. Thjesht identifikohuni në Google Classroom nëpërmjet ekranit me prekje të printerit ose programit në pajisjen tuaj inteligjente dhe mund të klikoni në lëndë individuale dhe të printoni fletët e detyrave të caktuara nga mësuesit dhe pedagogët tuaj. Pasi të keni mbaruar punën, nëse printeri juaj Canon vjen me skaner të integruar, madje mund t'i skanoni përsëri faqet e përfunduara dhe t'i dorëzoni përsëri drejtpërdrejt përmes ekranit ose programit të printerit.

Ka një larmi të gjerë printerësh në dispozicion për t'iu përshtatur të gjitha nevojave, por ne ju ndihmojmë këtu me disa udhëzime për të gjetur një printer për studentë që përputhet më së miri me kërkesat dhe buxhetin tuaj. Lexoni më tej për t'u njohur me partnerin tuaj ideal të printimit.

Nëse ka një konstante në jetën studentore, është përpjekja për t'iu përmbajtur një buxheti. Për fat të mirë, printerët me bojë të Canon fillojnë me një çmim shumë modest, në formën kompakte dhe elegante të Canon PIXMA TS205 Series.

I thjeshtë, i drejtpërdrejtë dhe i lehtë për t'u përdorur, PIXMA TS205 është gjithashtu mjaft i shpejtë, duke nxjerrë faqe mono A4 me 7,7 ipm (impresione në minutë) dhe me ngjyra të plota me 4 ipm. Mund të prodhojë edhe printime fotografish 6x4 inçë me shkëlqim dhe pa bordura në pak më shumë se një minutë¹.

Jo vetëm që printeri është ekonomik në blerje, por edhe kostot e funksionimit janë të ulëta. Kërkon vetëm një palë fishekë boje, një të zezë dhe një me ngjyrë, të cilët zëvendësohen shpejt dhe lehtë. Ka opsione rendimenti të lartë me kosto efikase nëse keni nevojë të printoni në vëllime më të mëdha. Çdo palë fishekë XL zgjat për rreth 400 dokumente mono A4 ose deri në 300 me ngjyra të plota.

Canon PIXMA TS305 Series shton lidhjen Wi-Fi për printim me valë dhe përputhet gjithashtu me aplikacionin falas Canon PRINT, duke ju mundësuar printim pa probleme nga pajisjet tuaja inteligjente. Kjo gjithashtu do të thotë se mund të kopjoni dokumente duke përdorur kamerën e pajisjes inteligjente, edhe nëse printeri nuk përfshin një skaner.

Canon PIXMA TS4150i shton një skaner të integruar, që të mund të dixhitalizoni shpejt dhe me lehtësi ose të krijoni kopje të imazheve dhe të dokumenteve ekzistuese të printuara². Ai vjen gjithashtu me lidhje Wi-Fi dhe është i pajtueshëm me Apple AirPrint dhe Mopria™ për Android, që të mund të printoni drejtpërdrejt nga pajisja juaj. Përdor të njëjtët fishekë boje si Canon PIXMA TS205 Series dhe Canon PIXMA TS305 Series, me të njëjtat opsione rendimenti të lartë.

Ashtu si PIXMA TS4150i, seria PIXMA TS3550i përfshin një ekran të dobishëm 3,8 cm për monitorimin e statusit të printerit dhe mund të nxjerrë printime fotografish më të mëdha pa bordurë deri në madhësinë 7x5 inçë². Mund dhe të printojë nga reja kompjuterike duke përdorur PIXMA Cloud Link nëpërmjet programit Canon PRINT.

Akomodimi i studentëve zakonisht nuk njihet si me hapësirë të gjerë, kështu që preferohen shpesh printerë peshëlehtë me përmasa të vogla. Printerët studentorë Canon që kemi përmendur deri më tani fillojnë me përmasa rreth 426x255x131mm dhe peshë 2.5kg për pajisjet vetëm për printim, dhe 435x316x145mm dhe 3.9kg për pajisjet shumëfunksionale. Ata zënë shumë pak vend dhe është e lehtë t'i lëvizësh nga një vend në tjetrin kur është e nevojshme.

Një avantazh i lidhjes Wi-Fi që vjen me shumicën e printerëve Canon është se mund ta mbani printerin diku ku ju volit, në vend që t'ju duhet ta lidhni me një kompjuter. Është gjithashtu praktik për të printuar nga kudo duke përdorur laptopin ose telefonin, pa pasur nevojë ta lidhni fizikisht me printerin me një kabllo që e ndjek nga pas. Për shembull, mund të dërgoni një punë printimi nga laptopi në printer para se të ngriheni dhe nga shtrati në mëngjes dhe ta merrni nga sirtari i daljes kur të jeni gati.

Modeli kompakt Canon PIXMA TS305 Series është vetëm 430 x 282 x 143 mm dhe peshon 2,9 kg dhe printon dokumente A4 me përmasa të plota deri në 7,7 ipm për mono dhe 4 ipm me ngjyra të plota. Mund të nxjerrë gjithashtu printime fotografish me shkëlqim 6x4 inç pa bordura në vetëm 65 sekonda.

Canon PIXMA TS5350a Series i çon gjërat edhe më tej, duke ju mundësuar rritje të produktivitetit. Ai përmban si veçori lidhjen me Wi-Fi dhe është drejtpërdrejt e pajtueshme me AirPrint-in e Apple-it, Mopria-n e Android-it dhe PIXMA Cloud Link-un e vetë Canon-it. Ajo përfshin gjithashtu një skaner me rezolucion më të lartë që mundëson regjistrimin dhe kopjimin e detajeve jashtëzakonisht të imta kur skanoni dokumente ose foto dhe imazhe të tjera. Është gjithashtu më i shpejtë, duke nxjerrë dokumente mono A4 deri në 13 ipm dhe me ngjyra deri në 6,8 ipm. Mund të prodhojë edhe printime fotografish me shkëlqim pa bordurë deri në madhësinë A4 dhe të nxjerrë fotografi 6x4 inçë pa bordurë në vetëm 36 sekonda.

PIXMA TS5350a Series përmban një kasetë A4 me mbushje nga përpara, si dhe një sirtar për mbushje letre nga pas që mund të marrë madhësi të ndryshme letre deri në A4. Është një veçori vërtet e dobishme nëse dëshironi të printoni punime artistike dhe foto, si dhe dokumente, pasi mund të përdorni kasetën e përparme për letër të zakonshme dhe të futni materialet e specializuara ose letrën fotografike në sirtarin e pasmë, sipas nevojës. Një tjetër bonus si për kursimin e parave, ashtu edhe për aspektin mjedisor është se printeri përfshin një strukturë vetëdyanëshe, për printimin automatik të dokumenteve të dyanshme pa pasur nevojë t'i ktheni faqet manualisht.

Printeri kompakt Canon PIXMA TS7650i është një opsion tjetër ekonomik për studentët. Është i shpejtë, nxjerr faqe njëngjyrëshe dhe me ngjyra në përkatësisht 15 ipm dhe 10 ipm dhe boja e zezë me pigment ka më pak gjasa të lërë njolla në letër të zakonshme. Ky është një avantazh i madh kur përdorni shënjues theksues në dokumente për të përsëritur.

Printeri PIXMA TS7650i është i lehtë për t’u konfiguruar, në sajë të një ndërfaqeje intuitive të bazuar rreth ekranit me ngjyra dhe me anim. Është i lidhur mirë, me çiftim të shpejtë dhe të lehtë me pajisjet iOS me anë të Wi-Fi, duke eliminuar nevojën për fjalëkalime. Gjithashtu mund të lidheni me anë të Wi-Fi Direct në pajisjet iOS dhe Android, në sajë të një kodi QR të shfaqur në ekranin e printerit.

Për sa i përket PIXMA TS5350i Series, një kasetë individuale e brendshme për letrën dhe një sirtar i pasmë hyrjeje mundësojnë ngarkimin e letrës së thjeshtë dhe letrës së fotos në të njëjtën kohë. Ekziston gjithashtu një version paksa më i lartë PIXMA TS7750i që përmban një ADF të integruar me 35 fletë (Furnizues Automatik i Dokumenteve), i cili mund të kursejë shumë kohë gjatë skanimit ose kopjimit të dokumenteve me shumë fletë.

Të dy modelet janë gjithashtu të përputhshme me PIXMA Print Plan², që mund të reduktojë kostot e fishekëve të bojës deri në 50%³. Shërbimi me abonim monitoron nivelet e bojës së printerit dhe ju dërgon fishekë të rinj në adresën tuaj sapo zbulon se po ju mbaron boja, duke ju kursyer kështu kohë dhe mundim.

Të gjithë printerët studentorë që kemi përmendur ndërthurin çmime blerjeje shumë të volitshme me kosto funksionimi shumë konkurruese. Për të shmangur rrezikun e mbarimit të bojës pikërisht atëherë kur ju nevojitet, printerët e Canon ju informojnë kur janë duke mbaruar dhe e bëjnë procesin e riporositjes intuitiv dhe pa telashe. Zëvendësimi i fishekëve të bojës është një proces i shpejtë dhe i lehtë që zgjat vetëm pak sekonda.

Edhe pse fishekët e bojës janë të përshtatshëm, megjithatë, ata kanë më pak efikasitet kostoje nëse keni nevojë të printoni rregullisht vëllime të larta faqesh. Printerët MegaTank të Canon ofrojnë një alternativë që ju kursen para, si dhe më të qëndrueshme që mund ulë së tepërmi kostot e funksionimit.

Në vend të fishekëve të bojës, printerët MegaTank kanë depozita boje, të cilat mund t'i rimbushni me bojëra origjinale në shishe nga Canon që kushtojnë vetëm sa një pjesë e çmimit të fishekëve. Shishet pa shtrydhje janë gjithashtu të projektuara në mënyrë që mbushja të jetë një proces i thjeshtë dhe plotësisht pa telashe dhe secila ngjyrë ka një formë unike të grykës, duke e bërë të pamundur futjen e bojës së gabuar në depozitën e gabuar.

Canon PIXMA G3420 është një printer MegaTank shumëfunksional me lehtësitë e zakonshme të printimit, skanimit dhe kopjimit, si dhe lidhjen Wi-Fi dhe në renë kompjuterike. Ai vjen i kompletuar me bojë të mjaftueshme për të printuar deri në 6000 faqe mono (më shumë se 7600 në modalitetin ekonomik) ose deri në 7700 faqe me ngjyra.

Nëse i dëshironi të gjitha këto avantazhe, por nuk keni nevojë për lidhje Wi-Fi, Canon PIXMA G2420 është edhe më ekonomik për t'u blerë dhe ka saktësisht të njëjtat kosto të ulëta funksionimi. Plus, të dyja këto modele mund të printojnë edhe pankarta me ngjyra të plota deri në 1.2 metra gjatësi, vetëm në letër të zakonshme.

Për të qenë një hap përpara në jetën e ngarkuar studentore, është mirë të jeni në gjendje të printoni çfarë të doni, kurdo që dëshironi, në vend që t'ju duhet të mbështeteni te persona apo shërbime të tjera për të bërë punën tuaj. Gama e printerëve PIXMA nga Canon që nuk cenojnë buxhetin ju jep printimin më të përshtatshëm, të shpejtë dhe pa telashe, me rezistencë dhe besueshmëri maksimale. Dhe shumica e tyre shtojnë luksin e lidhjes Wi-Fi, së bashku me programet për pajisjet tuaja inteligjente, duke shtuar akoma më shumë komoditet dhe zhdërvjelltësi në përvojën tuaj të printimit si studentë.



Shkruar nga Matthew Richards