PRINTIMI

Printerët më të mirë për disenjatorët

Printerët janë mjete thelbësore për disenjatorët e vetëpunësuar dhe ata që punojnë nga shtëpia, por si ta zgjidhni modelin e duhur për nevojat tuaja?
Canon Camera
Ndërsa mënyra se si punojmë bëhet gjithnjë e më fleksibël, është gjithnjë e më e rëndësishme që zyra ose studioja juaj të pajiset me mjetet që ju nevojiten për ta bërë punën tuaj në mënyrë efikase. Për ata që punojnë në sektorin krijues, veçanërisht disenjatorët, printeri është një mjet thelbësor. Nga korrigjimi i faqosjes deri në krijimin e kopjeve të printuara për miratimin e klientit dhe kujdesi i përditshëm, një printer me cilësi të lartë mund t'ju kursejë kohë dhe t'ju ndihmojë fitoni më shumë punë. Por për çfarë karakteristikash duhet të kërkoni?

Teksti i mprehtë dhe detajet e dizajnit, gradacionet e lëmuara, besnikëria e ngjyrave dhe qëndrueshmëria e printimit janë kërkesa thelbësore për provat e klientit. Fleksibiliteti është një tjetër atribut themelor i printerit. Si disenjator, mund të keni për detyrë të prodhoni gjithçka, nga kartat e biznesit dhe fletëpalosjet deri te printimet në madhësi posteri, kështu që një printer që mbështet një larmi të gjerë të llojeve dhe madhësive të materialeve ju jep mundësi më krijuese ju rrallon rrugët për te studioja e printimit. Qëndrueshmëria dhe lehtësia e përdorimit janë gjithashtu cilësi themelore, si dhe tiparet e komoditetit si p.sh. lidhja me valë, vetëmbushja e letrës dhe shpejtësia sa më e lartë e printimit.

Për t'ju ndihmuar të vendosni se cili është printeri më i mirë për nevojat tuaja të dizajnit, ne kemi përmbledhur një përzgjedhje printerëve të përshtatshëm Canon PIXMA për t'u marrë parasysh.

Printeri më i mirë për projekte të mëdha disenjimi: Canon PIXMA TS9550 Series

Një printer i Canon PIXMA TS9550 Series në një tryezë pranë një laptopi, blloku shënimesh, fotografish dhe lapsash.

Printeri Canon PIXMA TS9550 Series ka kapacitetin për printime A3 pa bordura dhe megjithatë nuk është shumë më i madh se një printer standard A4. © Natasha Alipour

Dora e një gruaje tregohet duke kthyer një fletë letre për të demonstruar aftësitë e printimit të Canon PIXMA TS9550 Series në të dy anët.

Printimi automatik dyanësh dhe vetëmbushësja e dokumenteve me 20 fletë janë vetëm dy nga shumë veçoritë e Canon PIXMA TS9550 Series. © Natasha Alipour

Printeri shumëfunksional Canon PIXMA TS9550 Series zë të njëjtën hapësirë si një printer A4, por është në gjendje të japë printime A3 pa bordura, dhe ka një mori karakteristikash që u mundësojnë disenjatorëve të jenë më produktivë me kohën e tyre. Një ekran me prekje LCD 10.8cm e bën të thjeshtë rregullimin e cilësimeve të printimit, ndërsa printimi automatik në të dy anët dhe vetëmbushësja me 20 fletë e letrës A4 rrallon numrin e mbushjeve që duhet të kryeni. Është gjithashtu një model i lidhur mirë, me të dy opsionet Ethernet dhe me valë, dhe mbështetje për AirPrint (iOS) dhe Mopria (Android) dhe aplikacionin Canon PRINT, që të mund të printoni, skanoni e kopjoni ide dhe frymëzim direkt nga pajisja juaj inteligjente.

Sigurisht, prova përfundimtare e një printeri është vetë cilësia e printimit dhe PIXMA TS9550 Series përdor pesë fishekë individualë boje ChromaLife100, duke përfshirë një bojë të zezë me pigment për tekst të mprehtë, në mënyrë që të nxjerrë printime të detajuara me një jetëgjatësi albumi deri në 100 vitesh1. PIXMA TS9550 Series mbështet gjithashtu një gamë të gjerë materialesh krijuese, duke përfshirë Canon High Resolution Paper, Magnetic Photo Paper dhe kartelat 12x12 in.

Për grafistët që nuk kanë nevojë të printojnë në përmasa mbi A4, printeri shumëfunksional Canon PIXMA TS8350 Series është po aq i bukur për t'u parë sa printimet që nxjerr. Dizajni elegant do të plotësojë hapësirën e punës të çdo krijuesi dhe do ta çojë performancën e printimit një shkallë më tej, me një sistem me gjashtë bojëra individuale që zvogëlon zhurmën e figurës.

Printeri më i mirë për kosto të ulët: Canon PIXMA G6040

Një printer Canon PIXMA G6040 që printon figurën e një steme.

Canon PIXMA G6040 mund të printojë deri 18,0002 faqe nga vetëm tri shishe me bojë të zezë, duke e bërë atë një zgjedhje inteligjente për ata që janë buxhet. © Jake Baggaley

Një dorë shihet duke mbushur depozitën e bojës së zezë në printerin Canon PIXMA G6040.

Shishet e bojës pa shtrydhje, pa telashe të Canon e bëjnë të shpejtë e të thjeshtë rimbushjen e depozitave të bojës me rendiment të lartë të Canon PIXMA G6040. Shishet ndalojnë së rimbushuri automatikisht kur depozitat janë plot.

Për disenjatorët që duhet të nxjerrin volum të lartë bocash, një model në gamën e printerëve të Canon PIXMA G Series MegaTank do të ishte opsion shumë praktik. Canon PIXMA G6040 ka katër depozita boje me rimbushje, me rendiment të lartë dhe mund të nxjerrë deri në 18,0002 faqe nga tri shishe me bojë të zezë ose 7,7002 faqe nga një set bojërash me ngjyra. Ai gjithashtu vjen me një kapacitet prej 350 fletësh letre të thjeshtë dhe printim automatik dyanësh, që të mund të kaloni më pak kohë duke rimbushur PIXMA G6040 me letër dhe bojë, dhe më shumë kohë duke u kujdesur për anën krijuese të gjërave.

Teknologjia e kokave të printimit te PIXMA G6040 nxjerr printime të mprehta dhe të detajuara, dhe gjithashtu ofron printime pa bordura nga katrore 89x89 mm deri në A4. Është gjithashtu një mundësi fleksibël tre-në-një, me fotokopjim dhe skanim A4, duke ju mundësuar të importoni punime artistike dhe materiale të tjera burimore në një projekt disenjim pa pasur nevojë për pajisje shtesë. PIXMA G6040 është gjithashtu i gatshëm për renë kompjuterike, që dizajnet të mund të printohen nga kudo duke përdorur shërbime të përputhshme, si Google Drive dhe Dropbox.

Printeri më i mirë për disenjatorët në lëvizje: Canon PIXMA TR150

Një burrë i ulur në një tryezë shqyrton fotografinë që sapo ka nxjerrë printeri i tij Canon PIXMA TR150.

Canon PIXMA TR150 nxjerr shpejt printime dinamike falë sistemit të bojës hibride dhe shpejtësive të printimit deri në 5.5 ipm3 (figura në minutë). © Jake Baggaley

Një burrë vendos një printer Canon PIXMA TR150 në një çantë shpine të zezë.

Me vendosje të lehtë në çantë shpine dhe kapacitetin për lidhje me valë, modeli i vogël dhe i lehtë i Canon PIXMA TR150 është printeri ideal portativ. © Jake Baggaley

Qoftë nëse jeni grafist që kërkoni të nxirrni boca për fituar klientin apo kur jeni në lëvizje apo duke punuar në distancë, qoftë nëse thjesht doni të rigjeni pak hapësirë në studion e shtëpisë - printeri kompakt e peshëlehtë Canon PIXMA TR150 është zgjedhja ideale Me aftësinë për të nxjerrë dokumente dhe fotografi pa bordura deri në madhësi A4, ky printer portativ mund marrë korrent nga priza apo paketa opsionale e baterisë për një zgjidhje me të vërtetë portative.

PIXMA TR150 përdor një sistem boje hibride që përmban një bojë të zezë me pigment me ngjyra të bazuara në bojë për printime dinamike arkivore. Është gjithashtu e shpejtë, me shpejtësi printimi deri në 5.5 ipm3 (imazhe në minutë) me ngjyra dhe 9 ipm3 në të zezë dhe të bardhë. Është gjithashtu i përputhshëm me zarfe dhe letër të specializuar, duke përfshirë Canon High Resolution Paper, Matte Photo Paper, Double-sided Matte Paper, Restickable Photo Paper dhe Magnetic Photo Paper.

Të gjitha lidhjet dhe kabllot janë të fiksuara në njërën anë të printerit, kështu që mund të vendoset lehtë në hapësira të ngushta, dhe vjen me mbështetje për 2.4GHz dhe 5GHz Wi-Fi4, si dhe Wi-Fi Direct që të vazhdoni printimin përmes lidhjes me valë pa qenë nevoja për ruter interneti. Ka edhe ekran OLED 1.44 in, që të mund të kontrolloni statusin e lidhjes, autorizimet dhe nivelet e bojës.

Nëse nevojat tuaja për printime portative nuk janë aq kërkuese, modeli kompakt e komod Canon SELPHY Square QX10 realizon imazhe vibrante 68x68 mm me një bordurë për diçitura, që të mund të shtoni shënime ose komente, të cilat do të ishin ideale për krijimin e një tabele idesh. Karakteristikat e dobishme përfshijnë karikimin me USB dhe lidhjen me Wi-Fi, me sete boje dhe letre për rimbushje SELPHY që ju mundëson t'i zëvendësoni të dyja me një hap të thjeshtë.

Shkruar nga Marcus Hawkins
  1. Letrat fotografike të pajtueshme me ChromaLife 100 përfshijnë Photo Paper Pro Platinum, Photo Paper Plus Glossy II, Photo Paper Plus Semi-Gloss dhe Photo Photo Glossy. Në bazë të provave të përshpejtuara nga Canon në vende të errëta ruajtjeje në kushte temperature, lagështie dhe ajri të kontrolluar, që simulojnë mbajtjen në albume me faqe plastike. "Canon" nuk mund ta garantojnë jetëgjatësinë e printimeve; rezultate mund të ndryshojnë në varësi të fotos së printuar, kohës së tharjes, kushteve të paraqitjes/ruajtjes dhe faktorëve mjedisorë.
  2. * Rendimenti i faqeve është vlera e llogaritur bazuar në metodën individuale të provës së "Canon" duke përdorur grafikun ISO/IEC 24712 dhe simulimin e printimit të vazhduar me shishet zëvendësuese të bojës pas konfigurimit fillestar.
  3. Shpejtësia e printimit të dokumenteve A4 në letër të zakonshme është matur duke u bazuar në mesataren e ESAT në testit të kategorisë për zyrat të standardit ISO/IEC 24734.
  4. Mund të mos ketë mbështetje për 5 GHz në rajonin tuaj.

Artikujt e lidhur

  • Një printer Canon PIXMA G540 i rrethuar nga foto të printuara me ngjyra 4x6.

    PRINTIMI

    Njihuni me PIXMA G640 dhe PIXMA G540

    Zbuloni funksionet e reja të gjeneratës së re të printerëve Canon MegaTank.

  • PRINTIMI

    Seria Canon PIXMA G

    Tri studime rasti shqyrtojnë se si seria "Canon PIXMA G" mund t'ju përmirësojë biznesin.

  • Dy punëtorë ndërtimi printojnë dokumente në një Canon PIXMA TR150. Në tryezën krah tyre ndodhet një kokore portokalli.

    KËSHILLA PRINTIMI

    Printoni kudo që të ndodheni me PIXMA TR150

    Mësoni se si mund ta ndihmojë një printer portativ punën tuaj në lëvizje.

  • KËSHILLA PRINTIMI

    Gjashtë arsye përse ju duhet një printer MegaTank

    Printerët Canon MegaTank kanë depozita boje me rimbushje që mund të printojnë mbi 7000 faqe. Mësoni më shumë rreth kësaj game përplot me funksione.