VIDEOBLOGIMI

Teknika për të përmirësuar përmbajtjen tuaj

Nxjerrja në pah e përmbajtjes suaj për rrjetet sociale nuk ka pse të jetë e vështirë. Përmirësojeni cilësinë e postimeve tuaja me këto këshilla fotografie dhe videoblogimi.
Canon Camera
Platformat e rrjeteve sociale janë përplot me njerëz që përpiqen të nxjerrin në pah përmbajtjen e vet. Por si t’i bëni postimet tuaja të dallojnë nga të tjerët?

Sipas katër artistëve që morën pjesë në fushatën bashkëpunuese Crew Create të Canon, ju duhen vetëm tri gjëra: pasioni për atë që krijoni, dëshira për t’i shtyrë më tej limitet e krijimtarisë suaj dhe postimet e cilësisë më të mirë të mundshme.

Dy të parat i keni në dorë vetë, por për t’ju ndihmuar me të fundit, ja disa këshilla fotografie dhe videoje për fillestarët dhe figurat me përvojë në rrjetet sociale.

1. Merrni një kapëse… dhe një stativ

Një grua me flokë blu qëndron përpara një laptopi ndërsa e filmon një kamerë Canon mbi një stativ të vogël.
Videoblogimi në kamerë është një teknikë klasike, e bërë më e lehtë nga kamerat më të mira të videoblogimit të Canon, si p.sh. Canon EOS M50 Mark II me ekranin rrotullues dhe anues në Canon PowerShot G7 X Mark III, që ju mundësojnë të shikoni veten gjatë filmimit. Nëse investoni në kapëse, do të ndihmoni në rafinimin e mëtejshëm të përmbajtjes së filmuar dorazi. Kapëset bëjnë të mundur kënde të reja e komode të kamerës dhe janë në mirë dhe të aspektit estetik të filmimeve tuaja. Adaptori anues në Canon Tripod Grip HG-100TBR lejon shkrepjen vertikale – ideale kur jeni duke shkrepur për historitë e Instagram ose për TikTok. Dhe nëse përdorni rrezen e tyre të gjatë mund të realizoni kënde më të arrira për autoportrete, duke u dhënë postimeve tuaja një lustrim të mëtejshëm.

Canon Tripod Grip HG-100TBR mund të shërbejë dhe si stativ për fleksibilitet krijues, duke ofruar një bazament të qëndrueshëm shkrepës për poza në gjithë gjatësinë e trupit, udhëzues apo skena së gjeri që përfshijnë ambientin përreth apo shoqërinë tuaj. Ylli dhe valltare e TikTok, Nifè, e përdor këtë kapëse për një larmi përmbajtjesh, shpesh duke e lidhur telekomandën e saj të integruar me Bluetooth me vetëkronometrin filmik të EOS M50 Mark II.

"Ndonjëherë shkrep dorazi, por ndonjëherë më duhet të përgatitem e të shkoj më mbrapa. Mund të më duhet kraharori në poza ose i gjithë trupi. Më duhet të kem mundësinë të lëviz përreth dhe kam nevojë të shkoj në pozicion përpara se të filloj," - thotë ajo. "Telekomanda është shumë e dobishme. Bën që fragmentet e mia të jenë më të shkurtra. Nuk më duhet t’ua modifikoj fillimin apo të rinis muzikën se kënga nisi qëkur.”

2. Mos humbisni kurrë asnjë moment me anë të lëvizjes së ngadalësuar

Një person filmon një luleshtrydhe me neon të pikturuar me grafiti në një mur duke përdorur kamerën Canon PowerShot G7 X Mark III.
Është e rëndësishme t’u tregoni ndjekësve tuaj sa më shumë detaje mahnitëse të jetë e mundur. Ndaj dhe shumë nga kamerat më të mira për krijues përmbajtjesh e xhirojnë videon në lëvizje të ngadalësuar. Provoni ta përdorni lëvizjen e ngadalësuar për të shtuar dramën ose suspansën në përmbajtjen tuaj, ose për t’u siguruar që të mos humbisni momentet fluturake.

Në modalitetin filmik Canon PowerShot G7 X Mark III mund të regjistrojë me 120fps në Full HD. Lëvizja e ngadalësuar me 120fps ju jep automatikisht një film 30fps që është katër herë më i ngadaltë se sa kur filmohet. Fat Cap Sprays e përdor këtë teknike për të regjistruar shpërthimet e ngjyrave intense, duke kapur vibrancën dhe bukurinë e artit të tij.

"Njerëzit i përgjigjen më mirë përmbajtjes cilësore, shikimit të ngjyrave të ndezura në ekran po ashtu siç do të bënin nëse shikonin artin tim në rrugë,” - shpjegon ai. "Kur jam duke pikturuar efektet vezulluese, bëhet shumë si me pluhur. Është si një flakë e madhe. PowerShot G7 X Mark III shkrep me 120fps, çka më mundëson t’i kap shumë bukur efektet e flakës së pluhurosur. Mund t’i paraqes detajet mahnitëse të artit tim dhe ju të shikoni aksionin teksa ndodh.”

3. Ruani mprehtësinë me gjurmimin AF

Një Canon EOS R6 me mikrofon të shkëputur të vendosur në bar – një person po kryen në stil futbollistik në sfond.
Për ta mbajtur përmbajtjen tuaj në stilin e duhur, sigurohuni që gjithçka të qëndrojnë e mprehtë duke përdorur sistemin e vetëfokusimit të kamerës.

Canon EOS RP dhe Canon EOS R6 përmbajnë të dyja Dual Pixel CMOS AF, si dhe gjurmim të fytyrës dhe të syve, duke i bërë ideale për filmimin e përmbajtjeve solo nga shtëpia ose për të ndjekur lëvizjen e përshpejtuar. Aktivizoni Movie Servo AF në panelin AF Operation të kamerës dhe do ta gjeni fokusin vazhdimisht gjatë regjistrimit. Duke e caktuar AF Method në Face Detection and Tracking, kamera do të zbulojë, fokusojë dhe ndjekë automatikisht fytyrat brenda kuadrit, ndërsa objektet mund të gjurmohen me një prekje të lehtë të ekranit me prekje.

Videoblogeri i aftësive futbollistike, Ewan Baggott (aka EABSkills), përdor Canon EOS R6, që gjurmon pikat e fokusimit në 100% të kuadrit, për ta mbajtur veten në fokusi pavarësisht se sa shpejt mund të jetë duke lëvizur.

"Ajo veçori që është absolutisht thelbësore për mua është vetëfokusimi,” - thotë ai. "Zakonisht lëviz aq shpejt se pozat e mia shkojnë sa djathtas, majtas, para, mbrapa. Mund të jem duke fokusuar e shfokusuar pozën, por ajo është gjithnjë në fokus dhe nuk shkëputet kurrë.”

4. Personalizoni çdo foto

Fotot janë po aq të rëndësishme sa videoja për të garantuar që ndjekësit të marrin përmbajtjen të duan, ndaj është thelbësore që ato që ngarkoni në rrjetet sociale të pasqyrojnë krijimtarinë tuaj.

Të gjitha kamerat Canon EOS vijnë me Picture Styles të personalizuara për personalizimin e parametrave të fotove tuaja. Shkarkoni ose krijoni Picture Styles të personalizuara, ngarkoni në kamerën tuaj dhe shtoni pëlqimet falë imazheve unike.

Muzikanti dhe producent britanik e i nderuar me çmime, Jack Garratt, ka dëshirë të shprehet përmes fotografisë dhe përdor Picture Styles për individualizimin e fotove të tij. "Kam krijuar një Picture Style për Canon EOS RP – një profil bardhezi që bën çdo foto që shkrep të duket fantastike. Unë shkrep shumë foto të qenit tim dhe çdo foto që i kam nxjerrë deri më tani ka dalë me stilin e Annie Leibovitz,” - thotë ai.

5. Përdorni gjatësitë fokale për më shumë se thjesht zmadhim

Një djalë i ri me një bluzë të bardhë me kapuç rregullon cilësimet në kamerën e vet.

Gjatësitë fokale nuk janë vetëm për zmadhimin apo zvogëlimin, ato mund të përdoren dhe si një mjet për shprehje krijuese. Mund të ndryshoni të gjithë atmosferën e përmbajtjes suaj, duke zgjedhur thjesht gjatësinë e duhur të objektivit.

Gjatësia fokale mund ta ndryshojë rrënjësisht ndjesinë artistike të përmbajtjes suaj. Mund të eksperimentoni me objektiva të ndryshëm për të rafinuar atmosferën dhe impaktin.

Objektivat këndgjerë ndryshojnë perceptimin e distancës për shikuesin duke zmadhuar subjektet e planit të parë, me efekt që rrisin thellësinë e dukshme të një skene. Kjo rezulton në një tonalitet personal, duke i tërhequr shikuesit pasi i bën të ndihen sikur ndodhen në të njëjtin ambient me ty – fantastike për përmbajtje solo në shtëpi, si p.sh. udhëzuesit e ndryshëm.

Objektivat telefoto kanë një fushëpamje më të ngushtë dhe i bëjnë gjërat të duken më pranë se ç’janë në të vërtetë, duke e ngjeshur thellësinë e imazhit. Një objektiv telefoto mesatar si p.sh. ekuivalent 85mm mund të japë një estetikë të zbukuruar për fytyra, ndërsa një telefoto e gjatë është ideale për mbajtjen e kamerës larg ambientin kur filmohet aksion, si p.sh. stilet futbollistike. Ato gjithashtu e ngjeshin distancën, duke dhënë paraqitjen e një thellësie më të vogël të qartësisë duke e bërë sfondin e turbullt e jashtë fokusi të duket më pranë se çfarëdo që ndodhet në fokus. Përdorni objektivat e gjatë për të kontrolluar ambientin, duke përdorur turbullimin për të veçuar dhe theksuar aspekte të rëndësishme të kuadrit tuaj për një ndjesi profesionale.

Me këtë objektiv Canon EOS R6 dhe Canon RF 24-240mm F4-6.3 IS USM, Ewan përdor ngjeshjen e imazhit të telefotot për të inkuadruar veten brenda portës. "E shpie kamerën shumë mbrapa," - shpjegon ai. "E vendos në gjysmë të fushës dhe zmadhoj në nivelin e portës me 200mm. Ashtu merr një efekt të këndshëm thellësie të qartësisë.”

Kjo jo vetëm që krijon një pozë të arrirë, por gjithashtu ia mban kamerën larg hapësirës ku kryen stilet e tij.

6. Transmetoni drejtpërdrejt

Një i ri me mjekër qëndron mbi një divan të verdhë, përgatit një kamerë Canon për të filmuar veten.
Lidhja dhe ndërveprimi me një audiencë të drejtpërdrejtë është një pjesë masive e të qenit krijues i suksesshëm në internet, duke ju mundësuar ta ndani krijimtarinë tuaj me të tjerët në momentin që shpaloset. Fatmirësisht, shumica e kamerave pa pasqyrë dhe DSLR të Canon mund të përdorin Canon EOS Webcam Utility Software për të transmetuar përmbajtje të drejtpërdrejta në internet përmes kompjuterit apo Mac. Kamera juaj është porta e lidhjes me audiencën tuaj, kështu që bëjini një provë.

“Jam gjithnjë duke u përpjekur të ndaj muzikën time me pjesën tjetër të botës ndërsa e krijoj, dhe një nga mënyrat më të mira dhe të lehta për ta bërë këtë është nëpërmjet transmetimit," - thotë Jack-u, i cili synon të përdorë Canon EOS RP për të transmetuar drejt audiencës së vet. "Më ka bërë të mendoj për mënyrat si mund të përfshij më shumë transmetime, sidomos nga studioja ime."

Për të mësuar rreth kompletit Canon që përdorin katër krijuesit tanë, lexoni më shumë këtu.


Shkruar nga Peter Wolinski

Produktet e lidhura

Artikujt e lidhur

  • Një muzikant, një kërcimtare dhe një futbollist qëndrojnë para një muri me një buf neoni të pikturuar përsipër me grafiti.

    VIDEOBLOGIMI

    Një bashkëpunim krijues

    Katër artistë që përdorin pajisjet e Canon bashkojnë forcat, duke përdorur aftësitë e tyre të ndryshme për të prodhuar një film të jashtëzakonshëm metrazhi të shkurtër.

  • Një Canon PowerShot G7 X Mark III me një stativ dore të montuar, vendosur në një mur pranë disa kënaçeve boje spraj.

    VIDEOBLOGIMI

    Komplet optimal për krijim përmbajtjesh

    Zbuloni kompletin që përdorin këta katër krijues përmbajtjesh të ndryshme në internet dhe se si i ndihmon ta shpien përmbajtjen e tyre në tjetër nivel.

  • Një grua duke konfiguruar Canon PowerShot G7 X Mark III në krah të laptopit të saj për të filmuar një kurs joge nga dhoma e saj e ndenjjes.

    KAMERA KOMPAKTE

    Më të mirat për përmbajtje kompakte

    Zbuloni se si PowerShot G7 X Mark III mund t'ju ndihmojë të çlironi dellin krijues në jetën e përditshme.

  • VIDEOBLOGIMI

    Videoblogim udhëtimesh me një objektiv ultra të gjerë

    Videobloguesja e udhëtimeve, Chloe Gunning, shkrep një ditë udhëtimi nëpër qytet me Canon RF 16mm F2.8 STM.