VIDEOBLOGIMI

Katër artistë, katër talente, një bashkëpunim krijues

Mësoni se çfarë ndodh kur krijuesit e përmbajtjeve që përdorin pajisjet e Canon për të ekspozuar punën e tyre në internet bëhen bashkë për të krijuar një film metrazhi të shkurtër.
Canon Camera
Rrjetet sociale na kanë kthyer të gjithëve në krijues përmbajtjesh, kështu pra si t’i përmirësoni videoklipet dhe postimet tuaja për t’u siguruar që të dallohen mbi turmën? Fushata Crew Create nga Canon bëri bashkë katër artistë britanikë që përdorin të gjithë një larmi kamerash dhe objektivash të Canon për të krijuar postimet dhe videot e tyre për rrjetet sociale, për të demonstruar se çfarë mund të arrihet – sido qoftë buxheti apo aftësitë tuaja.

Futbollisti i lirë Ewan Baggott, aka EABskills, ka qenë një fotograf i mirë që në fëmijëri dhe përdor modelin primar Canon EOS R6 për të filmuar aftësitë dhe teknikat për 107 mijë ndjekësit e tij në Instagram. "Unë kam qenë i fiksuar me fotografinë kur kam qenë më i vogël ,” - thotë ai. "Pasja e cilësisë maksimale të figurës është thelbësore për atë që bëj.”

Muzikanti dhe producenti britanik i nderuar me çmime, Jack Garratt përdor një Canon EOS RP për të dokumentuar procesin e tij krijues dhe për të ndarë fotot e jetës në rrugë me 90.9 mijë ndjekësit e tij në Instagram. "Më pëlqen të nxjerr foto," - thotë ai. "Kur jam jashtë në rrugë, mbaj gjithnjë një kamerë me vete.”

Valltarja Nifè ka mbi 1,5 milionë ndjekës në TikTok. Ajo përdor një Canon EOS M50 Mark II për të filmuar sfidat dhe tutorialet e saj të kërcimit. “Është peshëlehtë, praktik dhe mund thjesht ta marr në çantë," - thotë ajo.

Artistit të grafitit Fat Cap Sprays i pëlqen të ruajë një profil të ulët, ndaj ai i filmon videot e tij me proces forme të shkurtër, që i kanë dhënë më se 72 milionë pëlqime në TikTok me një Canon PowerShot G7 X Mark III. "Është vërtet kompakt dhe shumë i lehtë, që është optimale kur mbaj kënaçen e sprajit në dorën tjetër," - thotë ai.

Këtu ne takohemi me katër artistët, mësojmë pak më shumë rreth procesit të tyre krijues dhe zbulojmë çfarë kanë mësuar nga puna së bashku në film metrazhi të shkurtër që tregon aftësitë e tyre.

Lexo më shumë:

Futbollisti i lirë

Një i ri duke gjuajtur një top futbolli drejt një porte, me një kamerë Canon të konfiguruar mbi një stativ pas tij.

"Jam gjithnjë duke bashkëpunuar me figura të tjera të internetit," - thotë futbollisti i lirë, Ewan Baggott, aka EABskills. "Ka një komunitet të këndshëm të vogël në botën e futbollistëve të lirë ku pak a shumë ndihmojmë njëri-tjetrin. Bashkëpunimi shpie drejt miqësive të jetës.”

Canon Camera

Ewan Baggott

Futbollist i lirë, prezantues dhe producent.

Rrjetet sociale:@eabskills

Kamera e preferuara:Canon EOS R6

"Kur isha më i vogël, isha i fiksuar me futbollin dhe isha dhe i fiksuar me fotografinë,” - thotë Ewan. "Mendova, 'Si mund ta kombinoj futbollin dhe kamerat?'”

Ewan filloi të filmonte stile e teknika dhe t’i ndante në internet, ndërsa tani i poston montazhet e tij me temë futbollistike në TikTok, Instagram dhe YouTube. "Më pëlqen mundësia të jem i lirë dhe të bëj çfarë të dua," - thotë ai.

"Bashkëpunimi ishte një shans vërtet interesant për të bërë bashkë krijues të ndryshëm dhe për të marrë aspekte të ndryshme të punës së secilit," - shton ai. "Ne bëmë një telefonatë paraprake për të rrahur idetë me njëri-tjetrin. Unë po dëgjoja [muzikën] që kishte krijuar Jack-u dhe mendoja, 'Më duhet të bëj një stil të lirë te kjo kadenca apo ky akord.’

“Kishte definitivisht ca gjëra që më shqetësonin atë ditë. Kisha merak mos më binte topi, si dhe orientimi në hapësirë. Më duhet të punoja me hapësirën, me katër muret që më rrethonin dhe duhet të sigurohesha që kur topi të vinte drejt meje të mos godiste kamerën!”

"Është e rëndësishme të punosh me të tjerë pasi gjithsecili është ndryshe. Mund të marrësh pak këtej e pak andej. Më e mira ama është gjithnjë se mëson diçka. Nëse punon me dikë tjetër, je duke mësuar prej tjetrit dhe tjetri mëson prej teje.”

Muzikanti dhe producenti

Një burrë me pantallona me një motiv floral të artë, ulur në një studio regjistrimi shtëpie me një kamerë Canon të vendosur mbi gju.

"Idetë e mia mund të vijnë prej kudo," - thotë muzikanti dhe producenti i nderuar me çmime, Jack Garratt. "Ndonjëherë një melodi më vjen plotësisht e formuar në kokë. Herë të tjera mund të më marrë me vite.”

Canon Camera

Jack Garratt

Muzikant dhe producent britanik, i nderuar me çmime.

Rrjetet sociale:@jackgarratt

Kamera e preferuar:Canon EOS RP

Jack-u ka qenë gjithnjë pasionant për muzikën. "Ajo që kam dashur t’i kushtohem gjithnjë me gjithë zemër ka qenë kompozimi dhe interpretimit," - thotë ai. "Kënga e parë që shkrova ishte kur isha mbase 13 apo 14 vjeç – ishte gjithnjë diçka që më vinte krejt natyrshëm."

AI mendon se rrjetet sociale e kanë inkurajuar të jetë dhe fotograf më i mirë dhe interpretues më i mirë, por ai është përzgjedhës për ato që poston në internet. "Në një farë mënyre i zgjedh vetë momentet kur dua të përfshij njerëzit. Ndonjëherë luaj një motiv rreth një kënge që mund të jem duke punuar dhe i luaj ca tela apo linjë basi përsipër. Ndonjëherë thjesht ulem me kitarën dhe murmuris ndonjë këngë që kam filluar të kompozoj."

Ai kishte shumë kureshtje të shikonte si do të interpretohej muzika e tij nga artistët e tjerë në ditën e fundit – si dhe për t'u siguruar që të përkonte me energjinë e interpretimeve të tyre. "Doja të sigurohesha që ajo që luaja pasqyronte atë që bënin gjithë të tjerët. Më pëlqente mundësia që në njëfarë mënyre të pasqyroja dhe përafroja energjinë e të tjerëve.

"Ishte një përvojë mahnitëse të shikoje muzikën të përfaqësuar në artin e të tjerëve. Një pjesë vërtet mahnitëse e krijimit është të shikosh dhe si e interpretojnë të tjerët."

Valltarja

Një grua me një kamerë të konfiguruar filmon veten duke u hedhur në ajër, duke kryer një rutinë kërcimi përpara shinave të trenit.

"Krijimi i përmbajtjes më jep liri," - thotë kërcimtarja Nifè. "Kam lirinë të jem ajo që dua, të bëj atë që dua, të krijoj atë që dua.”

Canon Camera

Nifè

Valltare me banim në Londër që ekspozon lëvizjet e saj në TikTok dhe Instagram.

Rrjetet sociale:@itsjustnifee

Kamera e preferuar:Canon EOS M50 Mark II

Nifè ka kërcyer gjatë gjithë jetës së saj. "Ime më më thoshte se madje linda duke kërcyer," - thotë ajo. "Isha shumë e ndrojtur kur isha më e vogël. Kërcimi ishte ai që më dha vetëbesimin. Edhe tani, mendoj se e kam vetëbesimin vetëm prej asaj që kam mësuar nga kërcimi. Kam mësuar si të prezantohem, si të lëviz, si të jem komode me trupin tim dhe me cila jam."

Nifè ra dakord për krijimin e një rutine vallëzimi për videon, por ajo kërkonte të linte ca hapësirë në koreografinë e saj që të mund ta bënte me stil të lirë në ditën e fundit.

"E dija se kur hyra në ambient, do të kishte diçka me të cilën do të mund të punoja," - thotë ajo.

"Muzika për [bashkëpunimin] nuk ishte ajo që do të kisha zgjedhur vetë zakonisht, por më duhet të shikoj se cila pjesë e imja do të bënte diçka ndryshe. Duhet të shikoj se si punojnë të tjerët me diçka. Duhet të bashkëveprosh me krijuesit e tjerë për të mësuar më shumë, për të rrahur idetë, për t'i dhënë këshilla njëri-tjetrit. Unë kisha merak se mos do kisha nervozizëm. Nervat mund të jenë shumë bezdisëse, por ja që i ke gjithsesi. Kisha gjithashtu merak mos shkonte ndonjë gjë mbrapsht, në lidhje me hapësirën. Më duhej të punoja ca më fort me këtë rast. Më duhej të isha pak më inteligjente."

Artisti i grafitit

Një artist grafiti duke pikturuar figurën e një luleshtrydheje vezulluese neoni me spraj  në një mur të zi, ndërsa një kamerë Canon regjistron procesin.

"Ka shumë tipa krijues andej nga jam unë, Londra, kështu që piqemi me njëri-tjetrin," - thotë artisti i grafitit Fat Cap Sprays. "Më pëlqen shumë të merrem me mure të neglizhuara, të harruara dhe t’i risjell në jetë.”

Canon Camera

Fat Cap Sprays

Artist grafiti nga Londra Lindore i njohur për dizajnet e tij me stil vizatimor me neon vezullues.

Rrjetet sociale:@fatcapsprays

Kamera e preferuar:Canon PowerShot G7 X Mark III

"Kur njerëzit shikojnë një punim artistik ata shikojnë vetëm rezultatin përfundimtar, por kur e filmoj, tregoj dhe procesin – se si bëhet gjëja shtresë pas shtrese," - thotë artisti i grafitit, Fat Cap Sprays. "Plus kam rastin t'u tregoj të gjithëve kënaqësinë që marr kur pikturoj. Është diçka e fuqishme të mund ta ndash krijimtarinë me të tjerët. Sjell hare në jetët e njerëzve."

Fat Cap Sprays kishte për detyrë të krijonte artin në sfond për videon. Ai skicoi një buf me të kuqe neoni që bie në sy nga sfondi i zi. "Bufat kanë shikimin më të mirë dhe janë dhe krijesa nate, ndaj dhe dëshiroja që sytë të ishin si objektivat e kamerave – sytë mbi krijuesit e përmbajtjeve," - thotë ai.

"Pjesa ime ishte shumë e ndryshme nga ajo e pjesëmarrësve të tjerë. Nëse bëja ndonjë gjë keq, mund ta ripikturoja dhe të vazhdoja ta modifikoja e përshtatja derisa të isha i kënaqur me rezultatin. Kishte shumë më shumë presion mbi krijuesit e tjerë të përmbajtjeve, pasi atyre u duhej të interpretonin me kamerën drejt tyre dhe ta bënin sa herë të duhej derisa t'ia dilnin mbanë.

"Takimi me njëri-tjetrin na mundësoi të krijonim diçka të ndryshme që nuk ishte parë më përpara. Thelbi është te rrahja e mendimeve për të krijuar diçka të veçantë. Të gjithë kemi talente të ndryshme, por të gjithë mund të bëjmë përmbajtje së bashku në forma argëtuese."

Shikoni çfarë ndodh me këta krijues të njohur kur bashkojnë talentet e tyre krijuese në këtë punim fantastik:
Një burrë me bluzë të kuqe duke luajtur një kitarë elektrike.
Shkruar nga Andrea Ball

Produktet e lidhura

Artikujt e lidhur

  • Një person në një plazh duke mbajtur një kamerë mbi një mbajtëse stativi përpara tyre.

    VIDEOBLOGIMI

    Fillojeni videoblogimin sot

    Ndiqni këshillat tona për videoblogimin dhe mësoni si të regjistroni filmime të bukura për të kënaqur dhe shikuesit më kërkues.

  • Videoblogeri, Matt Adlard, ulur në një tryezë kuzhine duke filmuar një video me EOS M50 Mark II.

    VIDEOBLOGIMI

    Kamerat më të mira nga "Canon" për videoblogime

    Zbuloni se si PowerShot G7 X Mark III mund t'ju ndihmojë të çlironi dellin krijues në jetën e përditshme.

  • Një grua duke konfiguruar Canon PowerShot G7 X Mark III në krah të laptopit të saj për të filmuar një kurs joge nga dhoma e saj e ndenjjes.

    KAMERA KOMPAKTE

    Më të mirat për përmbajtje kompakte

    Zbuloni se si PowerShot G7 X Mark III mund t'ju ndihmojë të çlironi dellin krijues në jetën e përditshme.

  • Bukëpjekësi i famshëm, Matt Adlard, duke bërë një foto të një ëmbëlsire me çokollatë me Canon EOS M50 Mark II.

    FOTOGRAFIA E USHQIMEVE

    Një recetë për sukses: prezantimi i Canon EOS M50 Mark II

    Bukëpjekësi autodidakt dhe ylli i rrjeteve sociale, Matt Adlard, provon modelin EOS M50 Mark II.