Fotografia e festave
Një nga gjërat më të mira të stinës së festave është festat dhe ngjarjet e panumërta ku mblidhen miqtë ose familjarët për të gëzuar, kërcyer, për t'u qetësuar dhe për të qenë në kontakt me njëri-tjetrin. Pavarësisht nëse po shkoni në një takim të vogël me shokët tuaj apo në një festë të shkëlqyer për Krishtlindje me të gjithë familjen, të dini se si të fotografoni argëtimin dhe festimet në mënyrë krijuese do t'ju ndihmojë të krijoni kujtime që do t'ju emocionojnë përgjithmonë. Me këto këshilla dhe teknika të dobishme, do të realizoni fotografi të shkëlqyera festive që do t'i pëlqejnë dhe do t'i shpërndajnë të gjithë.
Festat shpesh përfshijnë subjekte që janë në lëvizje dhe një ndriçim të ulët, kështu që është e rëndësishme të siguroheni që kamera juaj të jetë përgatitur si duhet për të regjistruar në këtë lloj ambienti.
Nuk keni pse të përdorni blicin, por duhet të siguroheni që shpejtësia e obturatorit është mjaft e shpejtë për t'iu përshtatur lëvizjes. Caktoni një shpejtësi obturatori rreth 1/160 sekonda ose 1/250 sekonda minimumi dhe sigurohuni që hapja e diafragmës është relativisht shumë e hapur (numri f më i ulët). Rritja e vlerës ISO në një parametër mesatar ose të lartë, si p.sh. ISO 3200 ose ISO 6400, do t'ju ndihmojë po ashtu.
Nëse përdorni blicin, sigurohuni që të jetë konfiguruar në një mënyrë që i përshtatet subjekteve tuaja. Nëse përdorni një blic Speedlite, në vend që ta drejtoni drejtpërdrejt tek objekti që po përpiqeni të regjistroni, drejtojeni në një kënd drejt tavanit që drita të përplaset drejt subjekteve tuaja. Kjo jo vetëm që do të sigurojë një ndriçim më natyral, por do të jetë më e përshtatshme edhe për subjektet tuaja.
Blici Speedlite 470EX-AI, blici i parë në botë me Përplasjen automatike inteligjente, kujdeset që të zgjedhë këndin optimal të përplasjes duke vlerësuar mjedisin rrethues dhe duke e anuar automatikisht kokën e blicit për një përplasje në pikën e duhur në mure ose të tavan - duke ju lejuar të fokusoheni vetëm te realizimi i fotografisë suaj.
Nëse kamera juaj është e pajisur me Wi-Fi dhe mund të siguroni një blic të jashtëm me aftësinë e lidhjes pa tela - ose nëse nuk përdorni lidhjen pa tela, por keni një kordon për lidhje jashtë kamerës - atëherë mund ta vendosni blicin në një anë dhe ta aktivizoni atë në largësi.
Një mënyrë alternative për të siguruar rezultate të shkëlqyera nga blici juaj është të përdorni një kapak për shpërndarjen ose një kuti të vogël zbutëse mbi kokën e blicit. Kjo do ta shpërndajë dhe do ta zbutë dritën e blicit, duke ju ndihmuar të siguroni tone më natyrale të lëkurës, ndërkohë që kapni dhe ngrini aksionin.
Imazhet e pozave sigurisht që kanë vendin e tyre, por nëse dëshironi të kapni shprehjet e natyrshme të gëzimit në një festë, fotografitë spontane është mënyra e duhur.
Një lente më e gjatë, si p.sh. Canon EF-S 17-55mm f/2.8 IS USM, do t'ju ndihmojë të inkuadroni subjektet në distancë dhe do t'ju lejojë të regjistroni pa qenë shumë e dukshme që e keni drejtuar kamerën te dikush në veçanti. Për të njëjtën arsye, duhet ta fikni dritën ndihmëse të fokusit automatik AF të kamerës.
Në vend që të përdorni blicin e kamerës kur realizoni fotografi spontane, është më mirë të përdorni një hapje të gjerë të diafragmës dhe një parametër mesatar ose të lartë të ISO-s që subjektet të jenë në fokus dhe të qarta.
Nuk keni pse të përdorni blicin, por duhet të siguroheni që shpejtësia e obturatorit është mjaft e shpejtë për t'iu përshtatur lëvizjes.
Pavarësisht nëse është një det dritash krishtlindjesh nëpër pemë apo një qiri i thjeshtë, periudha e festave është plot me drita tërheqëse që mund të shndërrohen në globe të bukura që shkëlqejnë në sfondin e fotografive tuaja, me parametrat e duhur. Fjala japoneze "bokeh" përdoret për të përshkruar cilësitë estetike të këtyre elementeve të veçanta të shfokusuara.
Elementet e veçanta të mjegulluara në sfond mund të jenë të mëdha dhe abstrakte, ose më të vogla dhe më të dallueshme, dhe mund të tregoni po ashtu krijimtarinë tuaj dhe të bëni elemente të mjegulluara në formë ylli, zemre ose peme krishtlindjesh - zbuloni se si të veproni në videon më sipër.
Efekti mund të realizohet më lehtë kur lentja është në hapjen më të gjerë të diafragmës, si p.sh. f/2.8 ose f/2, e cila ju lejon të zgjidhni me saktësi se ku po fokusoheni që ta bëni subjektin tuaj të dallohet nga sfondi i mjegulluar. Por mund të siguroni po ashtu elemente të veçanta të mjegulluara dhe tërheqëse duke përdorur hapje më të vogla të diafragmës, si p.sh. f/5.6. Rriteni efektin duke rritur distancën mes subjektit dhe sfondit, ose duke qëndruar më afër subjektit tuaj.
Ndërsa shpejtësitë më të larta të obturatorit do t'ju ndihmojnë të kapni me qartësi subjektet në lëvizje, një metodë alternative është të përdorni një shpejtësi shumë më të ngadaltë të obturatorit për të krijuar lëvizje në skenë me subjektet statike.
Caktoni një shpejtësi obturatori rreth 1/10 sek ose 1/20 sek nëse regjistroni me kamerën në duar dhe sigurohuni që një subjekt statik (ose relativisht statik) është i dukshëm qartësisht në skenë. Do të jetë e dobishme nëse lentja juaj ka Stabilizuesin e imazhit, pasi kjo do t'ju ndihmojë për t'i mbajtur imazhet tuaja të qarta edhe në shpejtësi më të ngadalta të obturatorit. Disa kamera kanë stabilizimin e imazhit IS të integruar, në një rast të tillë stabilizimi i imazhit i kamerës do të funksionojë me çdo lente.
Nëse po përdorni një trekëmbësh, do të mund të përdorni shpejtësi shumë më të ngadalta të obturatorit për të siguruar këtë efekt. Aktivizoni obturatorin duke përdorur një telekomandë me tela ose pa tela, aplikacionin Canon Camera Connect ose modalitetin e kohëmatësit automatik.
Duke kontrolluar kohën kur kamera aktivizon blicin gjatë ekspozimit, mund të kapni gjurmë dritash plot ngjyra për të transmetuar atmosferën e festës në një mënyrë krijuese, ndërkohë që i mbani subjektet të qarta. Zgjidhni një shpejtësi të ngadaltë të obturatorit me rreth një sekondë dhe zgjidhni mes modalitetit të sinkronizimit të perdes së parë ose perdes së dytë në menynë e opsioneve të blicit në kamerën tuaj.
Sinkronizimi i perdes së parë është opsioni i parazgjedhur në shumicën e kamerave. Ai e aktivizon blicin në fillim të ekspozimit dhe regjistron çdo mjegullim përpara subjektit. Sinkronizimi i perdes së dytë e aktivizon blicin në fund të ekspozimit, duke regjistruar gjurmë dritash dhe detaje të tjera prapa subjektit.
Mos harroni se imazhet e festimeve nuk është e nevojshme të jenë gjithmonë të mbushura me njerëz. Fokusimi te detajet më të vogla, te zbukurimet e varura nga një pemë, objektet në qendër të tavolinës ose objekte të tjera që shprehin festimet, mund të jetë përsëri efektiv për të transmetuar ndjesinë dhe atmosferën e rastit në fjalë.
Nëse nuk mund të afroheni shumë te subjekti me lenten që po përdorni, merrni në konsideratë të përdorni një makro, si p.sh. Canon EF-S 35mm f/2.8 Macro IS STM, Canon EF-S 60mm f/2.8 Macro USM ose Canon EF 100mm f/2.8L Macro IS USM. Ndërsa një opsion relativisht i gjerë, si p.sh. Canon EF-M 28mm f/3.5 Macro IS STM (për kamerat EOS M) do të bëjë të mundur të afroheni dhe t'ju lejojë përsëri të kapni më shumë nga ambienti, për më shumë kontekst.
Shkruar nga Matt Golowczynski
Me kontrolle si në smartfon dhe një cilësi të mrekullueshme, fotografia e shkëlqyer nuk ka qenë asnjëherë kaq e lehtë.
Ecni drejt së ardhmes me teknologjinë novatore në këtë kamerë pa pasqyra, elegante, kompakte dhe plot lidhje.
Një lente me kënd të gjerë me një këndvështrim natyral dhe Stabilizuesin e imazhit, që është ideale për fotografinë me kamerën në duar
Një lente STM fikse, kompakte dhe me kosto të pranueshme me një hapje të diafragmës f/2.8, ideale për udhëtime dhe fotografinë e rrugës.
Një lente profesionale e serisë L me zmadhim për përdorim të përditshëm, e cila siguron një cilësi të lartë të imazhit me një hapje konstante të diafragmës f/2.8.
Një lente USM me zmadhim me rendiment të lartë, me hapjen e diafragmës f/2.8 dhe Stabilizuesin e imazhit, e shkëlqyer për kushtet e ndriçimit të dobët.
Shtoni një ndriçim dinamik me fuqi dhe saktësi të lartë në imazhet e kamerës tuaj EOS.
)