Bota juaj në printime: personalizoni, krijoni e frymëzoni!

Vërjuni punëdores me "Creative Park"

Nëse po kërkoni për frymëzim, hidhini një sy larmisë fantastike të shablloneve që ofron Creative Park, burimi falas nga "Canon" për materiale punëdoreje për printerin tuaj "Canon". Atje ka vërtet diçka për të këdo. Mbase mund t'ia nisni duke bërë një pandë të stërmadhe në 3D, një derr të egër të lezetshëm për ta mbajtur në dorë apo një komplet kukullash për leximin e fatit duke treguar Kësulëkuqen? Thjesht zgjidhni çfarë dëshironi të bëni, shkarkoni shabllonin dhe udhëzimet praktike, printoni në letrën e rekomanduar dhe jeni gati për orë të tëra zbavitjeje!

Dëshironi sfida më të vështira? Përse të mos krijoni një miniaturë të një atraksioni turistik, si p.sh. Tower Bridge të Londrës, ndonjë dinozaur si p.sh. tiranozaurin apo triceratopsi, apo ndonjë model të vjetër Mercedes Benz 500K kabriole? Apo nëse ju pëlqen pak ngjyrë rreth shtëpisë, ka shabllone për celular me flutur, kurora dekorative dhe madje edhe një përzgjedhje lulesh e vazosh që t'i printoni e të krijoni një buqetë me lule.

Bëjeni shtëpinë tuaj të vijë në jetë

Mbusheni printerin me Magnetic Photo Paper dhe mund të krijoni pamje të posaçme për frigoriferin tuaj – dhe mund t'i shkartisni me lehtësi nëse ju duhet ndonjë rifreskim. Ose përse të mos i jepni ca gëzim studios në shtëpi me një dërrasë magnetike për t'ju ndihmuar të fokusoheni në idetë tuaja? Magnetet mund t'i modifikoni me anë të aplikacionit "Easy-PhotoPrint Editor" nga "Canon" për të krijuar një pamje çasti që tërheq shikimin.

Përhapni dashuri

Qoftë nëse jeni duke festuar me shokët e apartamentit dhe familjen, apo nëse po publikoni një aktivitet në internet, gjithkush mund të bëhet pjesë me veshjen e vet të festës dhe aksesorë nga "Creative Park" – aty ka plot ide të punuara me dorë për zbavitje në festa, si dhe letra cilësore Matte Photo Paper nga "Canon" është ideale për krijimin e dekorimeve me tematikën e zgjedhjes suaj.

Vijoni të festoni duke printuar fotot e shoqërisë për t'i varur në mur. Fusni ca fotoletër katrore 5×5 in Plus Glossy II në printer (ose dhe 3,5×3,5 nëse e mbështet printeri juaj) dhe mund të printoni pozat tuaja të preferuara në format "Instagram". Këto printime stili retro duken të bukura kudo, por shkojnë më së miri të varura në ndonjë spango për t'i dhënë hare ndonjë muri apo rafti, si dhe për të krijuar atmosferë festive.

Edhe nëse nuk bëheni dot bashkë për të festuar ditëlindjen apo ndonjë ditë tjetër të veçantë, mund ta ndani dashurinë duke dërguar kartolina të bëra vetë. Letra 7×10 in Double-sided Matte Paper nga "Canon" vjen me palosje të gatshme qendrore që t'i dërgoni kartolinat e personalizuar në zarfet shoqëruese – ku ka më mirë se t'u tregoni të dashurve tuaj se sa shumë i çmoni!

Shkruar nga Angela Nicholson