Rikrijoni pikturat e famshme me minipunëdore

A keni krijuar ndonjëherë një dioramë, një model që shfaq një skenë me anë të figurave tredimensionale? Diorama mund të marrë formën e një dizajni në shkallë të vogël ose të madhe, dhe edhe pse mund të duket e ndërlikuar, nuk keni përse të shpenzoni shumë para për të krijuar një të tillë vetë.

Pak persona e njohin artin e të krijuarit të dioramave në miniaturë më mirë se Ole Friedrich dhe Esther Mora Chavarria, të cilët kanë grumbulluar rreth 114 000 ndjekës në TikTok. Ata kanë tërhequr vëmendjen e audiencës së tyre duke krijuar diorama historike të ndërlikuara shumë të sakta, duke filluar nga ato parahistorike me dinozaurë, e deri në pamje nga safari me rinoqerontë dhe drerë.

Në rubrikën e fundit të serisë Canon SELPHY Craft Club, Ole dhe Esther krijuan një galeri arti në miniaturë ku shfaqin dy nga pikturat më të njohura në histori, duke shtuar detaje nga vetja e tyre. Për këtë projekt, ata kanë zgjedhur pikturat “Vajza me vëth perle” të Johannes Vermeer-it dhe “Puthjen” e Gustav Klimt-it.

Shihni se si i kanë realizuar duke përdorur një printer Canon SELPHY Square QX10, teksa ju tregojnë procesin dhe ju ofrojnë këshilla e marifete për t'ju ndihmuar që të krijoni edhe ju modelin tuaj.

Të vendosur në Barcelonë, Spanjë, Ole-ja dhe Esther-i janë njohur gjatë studimeve për arkeologji në Universitetin e Barcelonës në vitin 2019. Ata vizituan “Miniatur Wunderland” në Hamburg, Gjermani, dhe u mahnitën shumë nga modelet që panë aty dhe vendosën të krijonin vetë skena në miniaturë. “Ishte një mënyrë interesante për të shpjeguar historinë e një kishe për shembull, në një mënyrë ndërvepruese dhe argëtuese që fëmijët dhe të rriturit të mund ta kuptonin historinë,” thotë Esther-i.

Ata të dy kanë formim artistik, prandaj duan të kombinojnë aftësitë e tyre në vizatim dhe pikturë me diplomën që kanë. Ata tani krijojnë diorama për të edukuar të tjerët, por kjo ishte hera e parë që ata krijuan një galeri arti në miniaturë.

Galeritë e artit në miniaturë mund të jenë aq të thjeshta ose aq të komplikuara sa dëshironi ju, në varësi të asaj që doni të arrini. Ju mund të krijoni një galeri me shumë piktura dhe figurina njerëzish ose mund të krijoni diçka më të vogël dhe të mblidhni disa figurina në vetëm një pikturë. Nuk është e nevojshme as të shpenzoni shumë para. Ole-ja dhe Esther-i kontrolluan shtëpinë e tyre dhe ripërdorën artikuj nga projektet e kaluara dhe objekte të rëndomta që kishin mbledhur ndër vite.

• Kërkimi: “Gjëja e parë që duhet të dini është nëse piktura është publike apo jo, që të mund ta përdorni për çdo aktivitet,” thotë Esther-i. “Ne krijojmë diorama reale, prandaj kërkojmë piktura të famshme në Google Art Project, por gjithashtu mund të vizatojmë diçka me dorë.”
• Mbledhja e materialeve: “Për këtë projekt, kemi përdorur shkumë të fortë për të krijuar muret dhe dyshemenë,” thotë Ole-ja. “Dyshemeja është veçanërisht e rëndësishme pasi duhet të krijosh një teksturë, prandaj e lyem me bojë natyrale për t’i dhënë pamjen e një dyshemeje galerie prej druri.”
• Dizajni dhe struktura: “Mendoni se si dëshironi të duken pikturat: nëse dëshironi t'i bëni në formën drejtkëndore tradicionale apo dëshironi të eksperimentoni diçka ndryshe,” thotë Esther-i. “Aplikacioni Canon SELPHY Photo Layout ju jep shumë opsione që mund të eksploroni; mundësitë janë të pafundme. Më pas, mendoni për kornizën. Ju mund të retushoni brenda aplikacionit, pra mund të zgjidhni nëse doni një kornizë tradicionale që nuk është se vihet shumë re, ose dëshironi që ta bëni më ekstravagante me dizajne të ndryshme.”
• Printimi: “E mira e përdorimit të Canon SELPHY Square QX10 është fakti se, duke qenë se është aq i vogël, mund ta marrim me vete gjithandej në ambientin e punës,” thotë Esther-i. “Edhe printimi ishte i shpejtë, kështu mund të vazhdonim të eksperimentonim.” Printimet nga SELPHY Square QX10 janë ngjitëse në pjesën e pasme, çka i bën edhe më të thjeshta për t'ia shtuar dioramës suaj.
• Elementi njerëzor: “Më pas, duhet të kërkoni ose krijoni një figurinë,” thotë Ole-ja. “Gjithashtu, figurina duhet të pozicionohet në mënyrë që të duket sikur po ndërvepron me hapësirën për të treguar pak lëvizje dhe për ta bërë më tërheqëse.”
• Kleçka të fshehura: “Në të gjitha punimet tona, shtojmë gjithmonë objekte të rëndomta të cilat shikuesit mund t’i shohin dhe t’i bëjnë për të qeshur,” thotë Esther-i. “Në këtë projekt, përfshimë një kolonë të thyer, nga një projekt tjetër dhe në të vendosëm një ketër të vogël. Ky ishte një mendim spontan, dhe ne e bëjmë këtë vetëm në fund për t’u argëtuar pak. Po shtoni një diçka nga vetja dhe kjo është një ide që vjen vetëm pasi të keni mbaruar projektin dhe të keni vënë re një hapësirë boshe.”
• Ngjitja: “Ju i krijoni të gjitha elementet më vete dhe nga hiçi krijohet diçka shumë e bukur,” thotë Esther-i. “Bashkimi i të gjitha elementeve e sjell punimin në jetë.”

Gjatë bashkëpunimit të tyre, Ole-ja dhe Esther-i nuk kanë përdorur asnjëherë printer. Ata i kanë vizatuar dhe pikturuar gjithmonë përbërësit e projekteve të tyre me dorë. “Kjo mund të marrë shumë kohë,” vëren Ole-ja. Puna me Canon SELPHY Square QX10 në një farë mënyre, ka revolucionuar procesin e tyre të punës. “SELPHY Square QX10 është plotësisht ndryshe nga printeri tipik që mund të kemi,” thotë Esther-i. “Deri në këtë moment, ne nuk kemi përdorur printer për punimet tona sepse nuk e kemi parë si diçka me potencial, por ky printer e ka ndryshuar këtë gjë.”

Një nga gjërat më të mira rreth printerit, thotë Esther-i, është cilësia e printimeve. “Është shumë e rëndësishme që të ndërtohet një miniaturë që duket si reale, printimet ishin cilësore dhe ngjyrat dukeshin të ndezura,” shton ajo. Printimet zgjasin deri në 100 vjet¹, prandaj ky printer kompakt është printeri ideal për një projekt të tillë.

Çiftit i pëlqeu edhe përdorimi i aplikacionit Canon SELPHY Photo Layout. “Mjeti ynë kryesor i punës është telefoni, pasi e përdorim për të regjistruar video për rrjetet tona sociale,” thotë Esther-i. “Ky aplikacion ishte shumë i dobishëm pasi mund të printonim çfarë të donim pa u dashur të hapim kompjuterin tonë dhe të kërkonim një aplikacion.” Aplikacioni, i përshtatshëm për iOS dhe Android, i mundësoi Ole-s dhe Esther-it të modifikonin shpejt fotot e tyre dhe të zgjidhnin paraqitjen, dhe SELPHY Square QX10 iu deshën afërsisht 43 sekonda për të printuar, duke ua lehtësuar punën. “Edhe lidhja e aplikacionit me printerin ishte e lehtë; gjithçka që duhej të bënim ishte të skanonim kodin QR,” thotë Ole-ja. “Nuk mund të ishte më e thjeshtë”

Personat e dhënë pas historisë ju japin tre këshilla për të realizuar një galeri arti të suksesshme në miniaturë:

• Kërkoni frymëzim. Mund të vijë nga një shfaqje televizive ose postim në Pinterest - duhet të keni referenca vizuale.
• Eksperimentoni me materiale, mos merrni gjënë e parë që shikoni. Ndonjëherë, mund të gjeni shumë gjëra në shtëpinë tuaj ose jashtë në natyrë, kështu që eksperimentoni dhe shihni sesi funksionon.
• Ripërdorni gjithçka. Shumica e materialeve që Ole-ja dhe Esther-i përdorin janë të ricikluara, si për shembull kuti të vjetra vezësh. Në këtë mënyrë, ju mund të argëtoheni pa dëmtuar mjedisin.

“Ne jemi mësuar të krijojmë më shumë diorama arkeologjike, kështu që galeria e artit në miniaturë ishte diçka sfiduese për ne,” reflekton Ole-ja. “Por ishte shumë argëtuese. Puna me materiale që i njohim, por shndërrimi i tyre në diçka të panjohur, na bëri të ndiheshim sikur kishim arritur diçka të madhe.”

Ole-ja dhe Esther-i kalojnë shumë kohë së bashku, kështu që ata thonë se ndarja e detyrave është e rëndësishme në mënyrë që të mos pengoni njëri-tjetrin. “Kur filluam projektin, ishim spontanë, por për shembull, shpejt vumë re se njëri prej nesh dinte më shumë për ngjyrat dhe tjetri dinte më shumë për strukturën”, thotë Ole-ja. “Shihni me cilën detyrë ndiheni më mirë. Është mirë të kesh specialitetin tënd dhe ndarja e detyrave të bën të ndihesh sikur po punoni së bashku por më vete. Besoni te njëri-tjetri dhe kini besim se rezultati do të jetë fantastik.”

Tani që je i pajisur me mjete dhe një udhëzues për krijimin e galerisë tënde të arteve në miniaturë, pse nuk e provon? Jo vetëm që është e kënaqshme, por është edhe edukative - kushedi çfarë faktesh interesante mund të mësoni rreth botës së gjerë dhe të bukur të artit. Ose. nëse dëshironi mund të provoni një qasje më personale, pse nuk krijoni një galeri me punimet artistike të fëmijëve tuaj, për të treguar se sa vlerë kanë për ju? Ose, pse të mos krijoni një dhuratë të personalizuar me fotografi nga pushimet? Mundësitë janë të pafundme!

Shkruar nga Nikita Achanta