Nga dixhitale në analoge: printimi i ngjitëseve dhe minifotografive për skejtbord në parkun e skejtbordit

Ka një energji të veçantë në parqet e skejtbordit. Zakonisht janë të mbushura me grafiti mjaft kreativë, ndërsa skejtbordet gjithmonë bien në sy për dizajnet dhe ngjitëset e tyre shumëngjyrëshe. Skejtbordistëve u pëlqen t’i dekorojnë dërrasat e tyre me grafika unike dhe të personalizuara. “Kjo kulturë ka kaq shumë pika të përbashkëta me muzikën, modën, dizajnin dhe njerëzit krijues të të gjitha llojeve”, thotë skejtbordistja profesioniste Helena Long. Çfarë mund të përshtatej më natyrshëm në këtë botë kreative sesa Canon Zoemini 2? Është një printer portativ me valë, që mund ta fusni në xhep dhe ta merrni me vete në parkun e skejtbordit, ku mund të printoni miniprintime me ngjitje, rezistente ndaj ujit dhe gërvishtjeve, të gatshme për t’u përdorur menjëherë.

Këtë bëri edhe Helena.

“Gjithmonë kam bërë fotografi dhe kam mbajtur albume e ditarë, duke dokumentuar udhëtimet e mia”, thotë ajo. “Si edhe ngjitëse. Çdo skejtbordist i pëlqen shumë ngjitëset. Prandaj më pëlqeu shumë të krijoja ngjitëset e mia dhe t’i printoja.”

Për Helenën, mundësia për të printuar fotografi në vend nuk kishte të bënte thjesht me dokumentimin e një manovre të caktuar, por më shumë me përjetimin e emocionit të suksesit të një miku. Ajo përpiqej të zgjidhte fotografi ku të dallohej personi dhe të kuptohej saktësisht se çfarë manovre po kryente, të paktën nëse e njihje sadopak botën e skejtbordit.

Përveç fotografive në aksion, Helena printoi po aq fotografi të njerëzve, vendeve dhe momenteve që ndodhën. Ajo ua dhuroi fotografitë e printuara miqve si kujtim të një dite të veçantë dhe pranon se zakonisht printonte edhe një kopje për vete, në mënyrë që edhe ajo ta ruante atë moment.

Zgjedhja e kompozimit të duhur nuk ishte gjithmonë e lehtë. “Dëshiron të kapësh gjithçka: personin, mundësisht fytyrën e tij, si dhe gjithashtu skejtbordin e tij”, thotë ajo. “Nuk dëshiron t’i presësh këmbët, krahët apo lëvizjet. Edhe kjo kërkon mjeshtëri.”

Sigurisht, me aplikacionin Canon Zoemini 2 dhe Canon Mini Print, nuk është e nevojshme të realizoni paraprakisht fotografinë perfekte për të marrë printime të bukura.

“Është gjëja më e lehtë për t’u përdorur”, shpjegon Helena. “Thjesht instalon aplikacionin në telefon dhe ai lidhet me printerin me Bluetooth. Mund t’i modifikoni fotografitë tuaja, t’i prisni dhe t’u shtoni vija të çrregullta, stampa dhe vizatime zbavitëse, si dhe korniza, filtra dhe efekte, përpara se t’i printoni. Është gjithashtu argëtuese të shikosh në aplikacion ecurinë e printimit, ndërsa fotografia del fizikisht nga printeri.

“Printimi zgjat më pak se një minutë dhe mund t’i përdorni menjëherë ngjitëset, duke i vendosur kudo që dëshironi. I ngjita në skejtbordin tim, në biçikletë, në fletoren time dhe në pjesën e pasme të kapakut të telefonit.”

Canon Zoemini 2 funksionon me bateri, kështu që mund ta përdorni kudo dhe nuk ka nevojë për fishekë boje, pasi përdor letër pa bojë ZINK¹ dhe mund të printojë minifotografi me përmasa 2 x 3 inç ose rrathë 1,3 inç të prerë paraprakisht, të dyja me pjesë të pasme me ngjitje. Fotografitë e printuara janë plotësisht të thata sapo dalin nga printeri dhe janë rezistente ndaj ujit dhe gjurmëve të gishtave.

“Në fillim, kisha pak frikë se mos i njollosja fotografitë e printuara, sidomos nëse i kisha duart pak të pista nga skejtbordi”, rrëfen Helena. “Por nuk pati asnjë problem. Dhe mund të vizatosh menjëherë mbi to.”

Helena zbuloi se fotografitë e printuara me Canon Zoemini 2 ishin perfekte për ditarë dhe albume krijuese. Ajo përdori lapostila me majë me fibra ose me bojë për të vizatuar modele në faqe përpara se të ngjiste printimet dhe më pas skicoi dhe vizatoi edhe mbi to. Stilolapsat dhe, madje edhe bojërat nuk përhapen dhe nuk e dëmtojnë fotografinë.

Me formimin e saj në ilustrim, Helena sheh shumë mundësi për përdorimin e fotografive të printuara. Mund të vendosësh dy imazhe në një printim, si në një kolazh. Asaj i pëlqente ta përdorte këtë mundësi për të lidhur së bashku gjëra që kishin ndodhur në të njëjtën ditë ose që kishin lidhje me njëra-tjetrën, si për shembull një pikë referimi ose monument që i kujtonte një vend që kishte vizituar, së bashku me diçka që kishte ndodhur atje. “Kështu, bashkova disa kujtime nga një ditë e veçantë që kisha kaluar.”

Përveç letrës rrethore të prerë paraprakisht, “mund të kesh forma të ndryshme, të cilat, besoj, mund t’i presësh më pas dhe po mendoja t’i përdorja për kartolina dhe gjëra të ngjashme. Aplikacioni është vërtetë i lehtë në përdorim dhe ka shumë opsione për të krijuar gjëra të ndryshme.

“Pata një ditëlindje në fundjavë dhe bëra një ngjitëse të personalizuar dhe e ngjita në brendësi të letrës. Është e lehtë t’i personalizosh për miqtë, sepse mund të shkruash mesazhe si “Gëzuar ditëlindjen!” mbi to, kështu që mund të shërbejnë edhe si kartolina më vete.

Mund të printosh edhe etiketa, kështu që mund t’i etiketoj të gjitha. Partneri im u zhvendos në një shtëpi të re dhe duhej të vendoste emrin në kutinë postare, ndaj i bëra një ngjitëse të personalizuar me emrin e tij. Mendoj se është etiketa ngjitëse më e bukur për kuti postare nga të gjitha.”

“Udhëtoj shumë dhe gjithmonë përpiqem të marr me vete sa më pak gjëra”, thotë Helena. “Por, në të njëjtën kohë, më pëlqen të mbledh gjëra dhe të sjell me vete kujtime nga vendet që vizitoj. Ky është një printer vërtet i vogël dhe kompakt. Thjesht futet në xhep. Është afërsisht sa një karikues portativ ose pothuajse sa telefoni im, kështu që mund ta marr me vete me shumë lehtësi kudo.

“Mezi pres ta marr me vete në udhëtimet për skejtbord dhe t’u dhuroj ngjitëse miqve, si dhe të mbaj një album të vogël me kujtime nga udhëtimet, të cilin mund ta shfletoj përsëri një ditë në të ardhmen.”

Helena sheh një vlerë të veçantë në sjelljen e imazheve dixhitale përsëri në botën analoge. “Si në skejtbord, ashtu edhe në fotografi, është e rëndësishme të kesh një objekt fizik. Mendoj se sot shumë njerëz janë të përfshirë vetëm në botën e internetit dhe po humbasin kontaktin me gjërat fizike, si të mbash në duar një libër, një revistë ose një fotografi të printuar, madje edhe të kesh diçka të kornizuar në mur. Mendoj se është shumë e rëndësishme t’i ruajmë gjërat edhe në formë të printuar.

“Fakti që ekziston një pajisje e vogël teknologjike që e bën kaq të lehtë këtë gjë do të thotë, shpresoj, se edhe brezat e ardhshëm do të duan të vazhdojnë të mbledhin e të krijojnë gjëra dhe të mbajnë gjallë një album të vogël”. Gjëra të tilla, që të mos jenë gjithmonë në ekran.”

Në parkun e saj lokal të skejtbordit, Helena u tregoi miqve të saj se çfarë po bënte me Canon Zoemini 2. “Disa prej tyre që kanë fëmijë thanë: ‘Oh, vajzës sime do t’i pëlqente shumë!’ Dhe unë u thashë: “E di, mendoj se të gjithë e duam!” Është padyshim diçka për të gjithë. Por mendoj se skejtbordi, në veçanti, ka këtë energji të jashtëzakonshme fëmijërore, mund të jemi rritur, por thjesht duam vazhdimisht të luajmë. Dhe kjo ishte vërtet argëtuese!”

Jeni gati të krijoni një album ose të personalizoni skejtbordin tuaj? Zbuloni Canon Zoemini 2 me madhësi xhepi, që funksionon pa bojë dhe filloni t’i sillni fotografitë tuaja dixhitale në botën reale, kudo që të shkoni.



Shkruar nga Alex Summersby