Makrofotografia abstrakte: shkrepja e flluskave të sapunit në shtëpi

Bëhuni gati

Konfiguroni një fletë karte të zezë ose tekstili të zi për ta përdorur si sfondin tuaj. Një makroobjektiv me gjatësi fokale prej 100 mm është ideal, por çfarëdo makroobjektivi do ta bëjë punën, duke përfshirë Canon EF 100mm f/2.8L Macro IS USM ose Canon EF-S 60mm f/2.8 Macro USM. Nëse përdorni kamerë Canon EOS R System, objektivi Canon RF 35mm F1.8 MACRO IS STM është ideal ose me një kamerë Canon EOS M series, Canon EF-M 28mm f/3.5 Macro IS STM. Cilido prej këtyre do të ishte i përshtatshëm për këtë teknike dhe do t'ju bënte të mundur shkrepjen e detajeve të vështira.

Për të realizuar një flluskë sapuni që zgjat disi, përziejeni lëngun larës apo sapunin e lëngët me pak glicerinë (mund ta gjeni këtë në farmaci, në pavijonin e gatimit në supermarket ose në internet). Nisni me një përzierje prej 80% detergjent dhe 20% glicerinë, dhe shtoni ca ujë. Do t'ju duhet dhe një lak i vogël teli që mund ta fusni në përzierje – një tel për varje rrobash p.sh. mund të bëjë punë për këtë rast. Nxirreni lakun rrafsh dhe membrana e sapunit duhet të krijohet pas telit.

Ndriçimi

Mund të përdorni ose ndriçim natyror ose blicin për këtë teknike, por ngjyrat e ndezura bëhen të dukshme vetëm kur membrana e sapunit ndriçohet nga përpara me një kënd të lehtë. Provoni të lëvizni përreth që të mund të përdorni dritën nga dritarja apo ndonjë llambë për të ndripuar solucionin.

Nëse përdorni njësinë e blicit të integruar të kamerës për të shkrepur me valë një blic të jashtëm Canon Speedlite, funksioni mund të aktivizohet në menynë kryesore. Canon Speedlite do duhet caktuar gjithashtu në modalitetin "Receiver". Përdorimi i bliceve të jashtme Canon Speedlite, si p.sh. Canon Speedlite 470EX-AI, ju jep komandë më të madhe të drejtimit të dritës. Provoni ta pasqyroni dritën nga ndonjë mur i bardhë, tavan i ulët apo dhe ndonjë fletë e bardhë letre apo polistireni që e mbani mbi kamerë dhe duke ia drejtuar membranës së sapunit, për të përqendruar dritën (siç tregohet këtu).

Shkrepja

Për rezultate koherente, caktojeni kamerën në modalitetin "Manual". Përdorimi i serisë së shpejtë me dritë të pasqyruar nga një Canon Speedlite mund t'ju ndihmojë të arrini pamje më të mprehta, por sigurohuni që shpejtësia e sinkronizimit të blicit të jetë e njëjtë me shpejtësinë e shkrehjes (këtë informacion mund ta gjeni në manualin e kamerës). Në këtë Canon EOS 800D, shpejtësia e sinkronizimit të blicit është 1/200 sek. Për ta rritur thellësinë e fushës, caktoni një cilësim të vogël aperture, si p.sh. f/11 ose f/16, dhe filloni me ISO të ulët në rangun e 100-400.

Nëse përdorni ndriçimin e ambientit në vend të blicit, mund t'ju duhet ta rrisni ISO dhe ta shkrepni kamerën me anë të funksionit të kronometrit ose telekomandimit, për të arritur rezultate të qarta.

Eksperimentoni