Canon EF-M 28mm f/3.5 Macro IS STM

Zmadhoni detajet e imëta të subjekteve tuaja me këtë lente makro inovative, kompakte për serinë EOS M të Canon. Me lenten e parë autofokus në botë me Macro Lite* të integruar, mund të ndriçoni subjektin tuaj. Ndërsa zmadhimi i jashtëzakonshëm 1.2x do të thotë që tani mund të afroheni më shumë se kurrë më parë.

Kjo lente e serisë EF-M vjen me dy LED të integruara, të kontrollueshme (Macro Lite). Kjo veçori siguron ndriçim ekstra përpara lentes për të hequr hijet e panevojshme të cilat mund të kapen shpesh nga ju ose pajisjet tuaja kur shkrepni fotografi makro.

Me prekje të një butoni, mund ta ndryshoni Macro Lite midis ndriçimit të anës së majtë dhe të djathtë për të gjetur ekuilibrin e duhur dhe për të arritur imazhe mahnitëse, stilistike të cilat nuk do të ishit në gjendje t’i krijonit me mënyra të tjera. Një zgjedhje ideale kur doni të kapni poza nga afër të luleve dhe ushqimeve, si edhe objekteve të vogla me detaje të imëta si bizhuteritë.

Kështu mund të përfitoni në maksimum nga drita që keni në dispozicion, EF-M 28mm f/3.5 Macro IS STM është i ndërtuar me një cilindër lente konvergjente, për të minimizuar hijen e shkaktuar nga vetë lentja. Kjo bën të mundur gjithashtu pika kontakti në sipërfaqe për shkrepje pa lëvizur, kështu lentja mund të përdoret në një kënd prej 53 gradësh nga sipërfaqja në të cilin është vendosur objekti. Kombinimi i pikave të kontaktit dhe përdorimi i Macro Lite (kur nevojitet) ju lejon të kapni shkrepje makro të detajuara.

EF-M 28mm f/3.5 Macro IS STM ka raport të vërtetë zmadhimi prej 1:1 që do të thotë se objekti që po shkrepni shfaqet në imazhin tuaj me përmasat e botës reale. Kur doni të eksploroni dhe të zmadhoni detajet më të imëta të subjektit tua, mund të vini në punë metodën Super Macro. Me zmadhimin e jashtëzakonshëm 1.2x, mund ta zmadhoni subjektin përtej madhësisë reale. Duke marrë parasysh faktorin e prerjes të sensorit me madhësi APS-C të EOS M i cili rezulton në shkrepje 35mm me zmadhim ekuivalent me 1.92x, kështu përdoruesit mund të kapin detajet jashtëzakonisht të imëta në venat natyrale në bimë, ose në ndërtimin e detajuar të bizhuterive. Gjithashtu në metodën Super Macro, mund të afroheni jashtëzakonisht shumë (distancë pune prej 13 mm) që ju lejon të eksploroni objektet e vogla.

Krijoni pamje jashtëzakonisht të afruara duke kombinuar aftësitë makro të EF-M 28mm f/3.5 Macro IS STM me funksionalitetin e videos të EOS M.

Kur jeni në lëvizje, ndërtimi kompakt i EF-M 28mm f/3.5 Macro IS STM e bën perfekt për dokumentimin e aventurave të përditshme. Me optikë precizoni dhe peshë të lehtë (130 g), trup që mblidhet, EF-M 28mm f/3.5 Macro IS STM është ideale për fotografinë e përditshme si edhe për makro. Ndërsa përfshirja e elementëve të lenteve UD dhe asferike do të thotë që nuk ka nevojë të kompromentohet cilësia e imazhit me këtë lente.

Dridhjet këndore janë shumë më të theksuara në fotografinë makro; për shkak se kjo fotografi makro zakonisht kërkon një tripod më të qëndrueshëm. Sidoqoftë, Hybrid Image Stabilizer në EF-M 28mm f/3.5 Macro IS STM është ndërtuar në mënyrë specifike për të ndihmuar në minimizimin e dridhjeve këndore dhe lëvizjeve të kamerës. Duke ju dhënë më shumë elasticitet për t’iu përgjigjur subjektit nëse lëviz ose ndryshon pozicion, duke garantuar imazhe të qarta ndërsa shkrepni subjekte makro.

Me veçoritë që janë ndërtuar në mënyrë specifike për fotografinë makro, kjo lente është gjithashtu elastike mjaft për përdorimet e fotografisë të përditshme. Me një aperturë të gjerë prej f/3.5 dhe gjatësi fokale 35mm ekuivalente me rreth 44.8mm (për shkak të kamerave pa pasqyrë që kanë sensorë të prerë), mund të shkrepni me një kënd shikimi dhe perspektivë natyrale për një sërë pozash.

Kjo lente e përditshme është gjithashtu e shkëlqyer për fotografitë portret, veçanërisht me kombinimin e Hybrid Image Stabilizer dhe aperturës të gjerë rrethore me 7 fletë. Mund të arrini me lehtësi poza portreti që tërheqin syrin të fokusohet në detajet që doni, me subjektin të veçuar nga një sfond të këndshëm. Mund ta përdorni madje Macro Lite për t’i shtuar vezullim syve të subjektit tuaj.