Pavarësisht nëse është emocioni për t'u mbledhur me shoqërinë dhe familjen, një ditëlindje e rëndësishme apo hapat e parë të fëmijës suaj, disa raste meritojnë më shumë se një fotografim smartfoni.
Por ajo që nuk doni të bëni është të shpenzoni gjithë kohën duke u shqetësuar se si të shkrepni një imazh apo video të cilësisë së lartë. Një kamerë si Canon EOS R100 mund të bëjë të gjitha punët e vështira për ju, me funksione të automatizuara, filtra krijues dhe një modalitet të dobishëm Creative Assist, që të mund të përqendroheni te rasti që dëshironi të kapni dhe të jeni të sigurt për rezultatet fantastike.
Është një zgjidhje ideale për ata që kërkojnë prakticitetin që ofron smartfoni, por cilësinë superiore të imazhit dhe fleksibilitetin krijues që ofron një kamerë e dedikuar. Ja arsyet kryesore pse duhet të kaloni në një kamerë të përshtatshme për shkrepjen e momenteve që ia vlen t'i kujtoni.
4 arsye pse një kamerë e përshtatshme mund t'ju ndihmojë të nxirrni foto më të mira
1. Cilësi mbresëlënëse e figurës
Canon EOS R100 është ideal për shkrepjen e rasteve që kanë vërtet rëndësi dhe ju jep rezolucion të mprehtë dhe detaje mahnitëse që ju nevojiten për printime të mëdha cilësie të lartë. © Gary Morrisroe
Një sensor më i madh mundëson shkrepjen më të mirë të dritës së ulët. Shkrepur në Canon EOS R100 me objektiv Canon RF 16mm F2.8 STM në 1/64 sek, f/3.5 dhe ISO 1600. © Gary Morrisroe
Në fund të fundit, është cilësia e imazhit që ka rëndësi. Sensori 24.1MP APS-C në Canon EOS R100 është shumë më i madh se sensori i kamerës së smartfonit, duke nxjerrë pamje më të qarta me më pak zhurmë, ndërsa ju jep gjithashtu shumë detaje që të mund t'i prisni më tej apo të bëni printime të mëdha të fotove tuaja.
Drita e mëtejshme e mbledhur nga sensori i madh ju jep pamje më të mira kur shkrepni në ndriçim të ulët. Ajo ju jep gjithashtu kontroll më të madh mbi rrezen e qartësisë (sa pjesë e një skene është në fokus të mprehtë) dhe ju mundëson të fotografoni vërtet me Bokeh (turbullim sfondi).
Kamerat e telefonit mund të rikrijojnë në mënyrë digjitale efektin e rrezes së ulët të qartësisë, por llogaritjet shpesh e kanë të vështirë me skenat komplekse, duke turbulluar fijet e flokëve ose skajet e syzeve së bashku me sfondin. Nga prerjet e vështira deri te detajet e skalitura, sensorët e smartfonit thjesht nuk mund të konkurrojnë me sensorin më të madh në zemër të EOS R100.
Si kamerë me objektiv të ndërrueshëm, EOS R100 është i pajtueshëm me gamën e gjerë të objektivave RF dhe RF-S nga Canon, duke përfshirë opsionet e nivelit fillestar për portrete. Zmadhuesi optik, që përdor objektivin për të zmadhuar fizikisht imazhin, në vend që ta zmadhojë në mënyrë elektronike, do t'ju japë gjithashtu pamje shumë më cilësore kur dëshironi të afroheni më shumë në raste si p.sh. dasmat, diplomimet apo ndeshjet sportive.
2. Modalitete të dobishme teknike dhe automatike
Modaliteti Creative Assist i Canon ju mundëson të bëni rregullime të shpejta në turbullimin e sfondit, ndriçimin dhe kontrastin me një lëvizje të thjeshtë të niveluesit. © Gary Morrisroe
Edhe pse një kamerë e dedikuar ju ofron më shumë kontroll, ndonjëherë është mirë ta lini teknologjinë të marrë kontrollin dhe nëse dëshironi të përqendroheni plotësisht te çasti, modalitetet e automatizuara ju mundësojnë t'ia lini EOS R100 punën më të vështirë.
Modalitetet e veçanta të Scene përfshijnë Portrait, Landscape, Night Scene dhe ka gjithashtu një modalitet Silent për fotografimin e foshnjave që flenë ose të interpretimeve teatrale të fëmijës suaj në shkollë. Mund të përdorni gjithashtu filtra krijues për t'u dhënë fotove tuaja pamje të ndryshme, mes të cilave efektet Black and White, Fishyee dhe Miniature.
Për t'ju ndihmuar të nxirrni fotografi më të mira, EOS R100 vjen dhe me rrjeta e nivele elektronike për kompozim të përsosur, plus ka një modalitet Creative Assist me një komplet efektesh, filtrash dhe funksionesh rregullimi të ngjyrave, që të mund t'i redaktoni fotot për t'iu përshtatur stilit tuaj dhe të arrini rezultate fantastike pa qenë nevoja të zotëroni cilësimet e ndërlikuara të kamerës.
Nëse dëshironi të mësoni më shumë rreth shkrepjes së fotografive, EOS R100 është kamera e parë e EOS R System që ka menynë e bardhë me udhëzues Mode dhe udhëzues të funksioneve, që tregon informacion të dobishëm rreth modalitetit apo funksionit që po zgjidhet.
3. Fokusim i mprehtë dhe video me lëvizje të ngadalësuar
Procesori DIGIC 8 i Canon i mundëson EOS R100 të arrijë gjithçka, nga filmimi 4K, në shkrepje seriale 6.5fps e më tej. Shkrepur në Canon EOS R100 me objektiv Canon RF 50mm F1.8 STM në 1/1300 sek, f/3.5 dhe ISO 400. © Gary Morrisroe
Kur zgjidhet modaliteti Face Detect + Tracking, kamera fokusohet automatikisht në syrin që është më pranë kamerës. Me një sistem AF që mund t'i pikasë e gjurmojë kaq lehtë njerëzit, mund të shkrepni lirisht me njohurinë se nuk do ta humbisni kurrë fokusin në momentin kyç. © Gary Morrisroe
Procesori DIGIC 8 i Canon mundëson shumë prej funksioneve mbresëlënëse të EOS R100. Teknologjia AF e Dual Pixel CMOS ofron fokus të mprehtë, dhe modalitetet Eye Detect AF dhe Face Detect + Tracking mund të pikasin me zgjuarsi një fytyrë ose syrin më të afërt me kamerën dhe ta fiksojnë fokusin në më pak se një sekondë. EOS R100 mund ta bëjë të gjithë këtë në nivele drite deri në -4 EV - në thelb një natë me hënë.
Përveç mundësisë për të shkrepur video 4K, EOS R100 mund të shkrepë filmime Full HD në 60fps (HD në 120fps). Mundësia për të regjistruar në këto shpejtësi më të larta kuadrosh do të thotë se mund t'i ngadalësoni filmimet për të krijuar filma me lëvizje të ngadalësuar që theksojnë momentet e veçanta.
4. Lidhje për smartfon dhe në renë kompjuterike
Programi Canon Camera Connect e bën të shpejtë dhe të lehtë transferimin e fotove dhe të videove në një smartfon ose tabletë për ndarje me familjen dhe shoqërinë.
Bukuria e Canon EOS R100 është se mund të punojë në simbiozë me smartfonin tuaj, duke ju mundësuar të shfrytëzoni më të mirën e secilës pajisje. Mund të shkrepni foto dhe video më me pamje profesionale me EOS R100 dhe më pas të përdorni programin falas Canon Camera Connect për t'i shkarkuar në smartfonin tuaj, për t'i ndarë me shoqërinë dhe familjen, ose në rrjetet sociale.
Canon Camera Connect ju mundëson gjithashtu komandimin e EOS R100 nga distanca përmes smartfonit, që është e dobishme kur dëshironi t'i mblidhni njerëzit bashkë për një foto në grup.
Në vetëm 356g, Canon EOS R100 është një nga kamerat më të lehta me objektiv të ndërrueshëm - e lehtë për ta kapur në çast dhe mjaftueshëm e vogël për ta marrë kudo. E thjeshtë dhe intuitive në përdorim, është një përmirësim i qartë mbi smartfonin, duke ju mundësuar të shkrepni çastet e përsosura të jetës në cilësi të jashtëzakonshme. Ndaj, kur dëshironi të shkrepni kujtime të veçanta, shkrepni më mirë një 'foto' dhe jo 'pozë'.
Shkruar nga Jeff Meyer dhe Sarah Bakkland
Produktet e lidhura
-
Kamerat pa pasqyra
EOS R100
Krijoni kujtime të përsosura vizuale në cilësi të jashtëzakonshme me këtë kamerë intuitive EOS R që është gjithnjë gati. -
Lentet RF-S
RF-S 18-45mm F4.5-6.3 IS STM
Një objektiv zmadhues standard APS-C për serinë EOS R - që është ideal për situatat e përditshmërisë, si p.sh. familjen, stilin e jetesës, portretet dhe pushimet. -
Lentet RF-S
RF-S 18-150mm F3.5-6.3 IS STM
Një objektiv zmadhues EOS R-series APS-C i gjerë deri në telefoto që është ideal për udhëtime, faunën e egër, sportin dhe stilin e jetesës. -
Lentet RF-S
RF-S 55-210mm F5-7.1 IS STM
Afrohuni edhe më me këtë zmadhues telefoto, peshëlehtë, fleksibël, APS-C dhe gjeni një plan të ri për shkrepjen e udhëtimeve, sporteve, familjeve dhe kafshëve shtëpiake. -
Objektiv standard
RF 50mm F1.8 STM
Një objektiv kompakt, i qetë dhe peshëlehtë 50mm RF fiks, me aperturë të gjerë f/1.8, ideal për shfrytëzimin e vizionit tuaj krijues. -
Objektivat RF
RF 24-50mm F4.5-6.3 IS STM
Një objektiv zmadhues 24-50mm i serisë RF i vogël dhe më se peshëlehtë që mund ta përdorni çdo ditë për udhëtime, peizazhe dhe më shumë.