Mos humbisni asnjë çast: objektivat më të kërkuar për fotografinë e aksionit

Fotografia e aksionit ka të bëjë me shkrepjen e subjekteve në lëvizje, nga kafshët shtëpiake në lojë deri te zogjtë në fluturim, nga sportet atletike deri te lojërat me top. Zgjedhja e objektivit më të mirë për fotografinë e aksionit mund të bëjë një ndryshim të madh kur përpiqeni të kapni subjekte në lëvizje të shpejtë. Duke qenë se subjekti juaj lëviz me shpejtësi, mund të jetë e vështirë të arrini pozën që prisni, por përdorimi i kamerave dhe i objektivave më të përshtatshëm për shkrepjen e aksionit do t'ju japë një avantazh të madh.

Në përgjithësi, kamerat më të përshtatshme për fotografinë e aksionit do të kenë një sistem të avancuar vetëfokusimi me shumë pika vetëfokusimi (AF), duke ju ndihmuar të gjurmoni me saktësi dhe vazhdimisht subjektet, edhe kur ato lëvizin në mënyrë të çrregullt. Ato gjithashtu duhet të kenë një shpejtësi maksimale të shpejtë të kuadrove në modalitetin e shkrepjes së vazhdueshme, me një bufer të konsiderueshëm memorie, në mënyrë që të mund të kapni një seri më të madhe vetëm disa poza.

Trupat ideale të kamerës për fotografinë e aksionit përfshijnë EOS R6 Mark III kuadërplotë dhe APS-C EOS R7 nga Canon. Të dyja kanë AF inteligjente dhe të ndjeshme bazuar në vetëpërmirësim të thelluar programatik për gjurmimin e zogjve, kafshëve, njerëzve dhe madje edhe automjeteve, së bashku me shpejtësi super të larta të kuadrove.

Shpejtësia është thelbësore kur shkrepni subjekte në lëvizje dhe komunikimi jashtëzakonisht i shpejtë midis objektivave RF të Canon dhe trupave të EOS R System sjell një sërë përfitimesh, duke përfshirë shpejtësinë dhe saktësinë e gjurmimit të vetëfokusimit, së bashku me teknologji të përmirësuar të stabilizuesit optik të imazhit (IS). IS optik është jashtëzakonisht i dobishëm kur shkrepni në gjatësi të mëdha fokale telefoto, ku rreziku i imazheve të turbullta për shkak të lëkundjes së kamerës rritet në mënyrë të konsiderueshme. Stabilizuesi i imazhit nuk do të ngrijë lëvizjen e subjektit, por mund t’ju ndihmojë të arrini pamje panoramike më të lëmuara kur gjurmoni aksion. Ai vepron duke kompensuar për çdo dridhje ose parregullsi në lëvizjen tuaj panoramike, duke stabilizuar imazhin vertikalisht gjatë panoramimit të kamerës horizontalisht dhe anasjelltas.

Fotografët e aksionit synojnë ta tërheqin shikuesin në imazhet e tyre për të përcjellë përvojën e të qenit në terren ose të ulur pranë një piste garash, kështu që një objektiv me një gjatësi fokale të madhe – zakonisht në një diapazon mbi 70-200 mm – do t'ju mundësojë të mbushni kuadrin me subjektin tuaj. Zmadhuesit telefoto ose supertelefoto janë zakonisht alternativa më e mirë nëse shkrepni nga distanca, por një zmadhues standard mund të mjaftojë gjithashtu nëse e dini se do të jeni në gjendje t'i afroheni pak më shumë aksionit.

Një fotograf profesionist sportiv ka të ngjarë të përdorë objektiva sportivë të mëdhenj, me specifikime më të mira, duke përfshirë zmadhimin e nivelit profesional dhe objektivat supertelefoto. Megjithatë, Canon ofron gjithashtu telefoto të nivelit fillestar që janë ende shumë të afta për të kapur aksionin dhe për të ofruar cilësi të mprehtë imazhi. Këtu janë opsionet kryesore që u përshtaten një sërë buxhetesh.

• Objektivi optimal për fillestarët e fotografisë së aksionit
• Objektivi optimal, i nivelit fillestar, për fotografinë e aksionit për kamerat APS-C
• Objektivi më i mirë zmadhues supertelefoto, për nivelin fillestar, për fotografinë e aksionit
• Objektivi optimal supertelefoto i nivelit fillestar për fotografinë e aksionit
• Objektivi më i mirë telefoto për regjistrimin e aksionit dorazi
• Objektivat më fleksibël për fotografinë e aksionit

Objektivi 75-300 mm ofron shumë liri krijuese gjatë inkuadrimit të fotografive të aksionit. Mund të inkuadroni nga afër subjekte 300 mm larg, më pas të zvogëloni pamjen në 75 mm për të përfshirë më shumë nga mjedisi përreth.

Një avantazh kyç i Canon RF 75-300mm F4-5.6 është që është gjithashtu një objektiv zmadhues tejet kompakt me kamera kuadërplota të përputhshme. Me gjatësi rreth 14 cm kur mblidhet dhe me peshë vetëm 507 g, është i lehtë për t’u paketuar dhe komod për t’u mbajtur, duke ju dhënë lirinë të ndiqni aksionin për më gjatë pa u ndier të rënduar.

Ju arrini në mënyrë efikase rreze më të gjatë kur objektivi përdoret në një kamerë APS-C, të tillë si Canon EOS R7 – e barasvlershme me 120-480 mm në një kamerë kundërplotë. Kjo ju ofron opsione më fleksibël të inkuadrimit për sportet dhe faunën e egër në largësi, pa madhësinë e një objektivi telefoto më të madh.

Një tjetër objektiv telefoto që nuk do t’ju ngadalësojë është Canon RF-S 55-210mm F5-7.1 IS STM. Objektivat Canon RF-S janë projektuar për të qenë një përshtatje natyrore për kamerat EOS R System APS-C, ndërsa projektojnë një rreth imazhi që përputhet me sensorin më të vogël. Kjo do të thotë se ata mund të bëhen më kompaktë dhe peshëlehtë sesa objektivat për kamerat kuadërplota. Kësisoj, ky është një objektiv APS-C i shkëlqyer për sporte dhe fotografinë e aksionit, sidomos kur transportueshmëria është e rëndësishme.

RF-S 55-210mm F5-7.1 IS STM ofron një rreze të fuqishme – me një gamë të gjatësisë fokale kuadërplotë të barasvlershme prej 88-336 mm – megjithatë peshon vetëm 270 g dhe vjen gjithashtu me një stabilizues të imazhit optik që ofron deri në 4,5 nivele mbrojtjeje kundër dridhjes së kamerës. Ai gjithashtu mund të funksionojë bashkë me fotostabilizimin e integruar që gjendet në disa kamera Canon EOS R System për rezultate edhe më të besueshme gjatë fotografimit dorazi të aksionit me lëvizje të shpejtë.

Fokusimi është i shpejtë dhe i qetë, falë motorit STM të tipit me filetim, duke e bërë atë ideal kur duhet të qëndroni diskretë – si për shembull kur fotografoni faunën e egër, tenis ose golf.

Në fotografinë sportive dhe të faunës së egër ndodh shpesh që thjesht nuk mund t'i afroheni aksionit aq sa do të dëshironit. As një objektiv 75-300 mm, apo Canon RF 24-240mm F4-6.3 IS USM, mund të mos ketë rreze të mjaftueshme telefoto. Për të mbuluar distancën, do t'ju duhet një objektiv supertelefoto.

Në këto situata, zmadhimi telefoto i fuqishëm, si i Canon RF 100-400mm F5.6-8 IS USM mund të shërbejë si një objektiv i përsosur Canon për fotografinë e faunës së egër, duke ju ndihmuar të kapni me qartësi subjekte në largësi. RF 100-400mm F5.6-8 IS USM ju jep dy herë më shumë rreze telefoto sesa një objektiv 70-200 mm, por është relativisht kompakt dhe veçanërisht i lehtë me vetëm 635 g. Ka gjithmonë një rrezik të lartë që lëkundjet e kamerës të ulin mprehtësinë në gjatësitë fokale supertelefoto, por stabilizuesi i imazhit siguron fotografi të qarta në shkrepjen dorazi, si dhe filma të shtruar. Vetëfokusimi ultra i shpejtë Nano USM është shumë i aftë në gjurmimin e aksionit dhe nëse 400mm ende nuk ju jep rreze të mjaftueshme, objektivi është i pajtueshëm me Canon Extender RF 1.4x dhe Extender RF 2x.

Objektivat e zmadhimit telefoto dhe supertelefoto ju japin fleksibilitetin për të rregulluar fushëpamjen kur jeni të kufizuar në një pozicion të vetëm fotografimi, për shembull kur jeni në një zonë spektatorësh për një ngjarje sportive ose në një vend për të fotografuar kafshët e egra. Në raste të tjera, do t'ju duhet sa më shumë rreze telefoto që mund të merrni dhe diapazoni i zmadhimit bëhet i tepërt. Skenarët tipikë përfshijnë shkrepjen e zogjve në fluturim ose të kafshëve të egra në distancë.

Modeli revolucionar Canon RF 600mm F11 IS STM është mjeti ideal për këtë punë. Falë modelimit të mbledhshëm rrezja e veprimit është më pak se 27cm dhe objektivi peshon vetëm 930g. Është plotësisht i menaxhueshëm edhe për periudha të gjata të shkrepjes dorazi, në të cilat mprehtësia konsistente sigurohet nga IS optik me 5 nivele. Nëse ju nevojitet, Canon RF 800mm F11 IS STM jep rreze edhe më të madhe, dhe të dy këta objektiva mund të përdoren me Canon Extender RF 1.4x dhe Extender RF 2x.

Edhe pse ka raste kur aksioni ndodh afër, zakonisht do të shkrepni nga distanca. Kjo është veçanërisht e vërtetë për aktivitetet me spektatorë nga atletika deri te sportet motorike, ku një objektiv telefoto për fotografinë e aksionit ju ndihmon të inkuadroni subjektin nga afër ndërkohë që e mban sfondin të qartë dhe pa shpërqendrime. Duke lënë jashtë ekuacionit gjatësitë fokale këndgjera dhe standarde, mund të zgjidhni një objektiv që i kushtohet plotësisht rendimentit telefoto.

Modeli mahnitës kompakt Canon RF 70-200mm F4L IS USM dëshmon se objektivat telefoto nuk ka pse të jenë të mëdha dhe të rënda. Falë modelit të mbledhshëm, ai mblidhet në më pak se 12 cm në gjatësi për ruajtje të lehtë dhe peshon vetëm 695 g, pavarësisht se ka cilësi ndërtimi robuste, me izolim atmosferik me cilësi konstruksioni të serisë L, që i përshtatet një objektivi të projektuar për përdorim profesional.

Pikat kryesore të rendimentit përfshijnë një vlerësim të shpejtë të aperturës f/4 që mbetet konstant gjatë gjithë gamës së zmadhimit dhe AF jashtëzakonisht të shpejtë bazuar në motorët Dual Nano USM.

Nëse keni më shumë para për të shpenzuar dhe dëshironi një objektiv të projektuar pa kompromise për profesionistët më ekzaktë, Canon RF 70-200mm F2.8L IS USM dhe Canon RF 70-200mm F2.8L IS USM Z janë zgjidhjet më të rafinuara. Aperturat e tyre konstante f/2,8 mundësojnë shpejtësi të larta të obturatorit edhe në dritë të ulët, në të gjithë diapazonin e zmadhimit. Një tjetër e mirë është se mund të izoloni subjektin kryesor në një skenë duke turbulluar sfondin.

Një problem i zakonshëm kur shkrepni subjekte në lëvizje është se nuk e dini kurrë se ku do të ndodhë aksioni. Duke qëndruar pranë shtyllave të portës në një ndeshje futbolli amator, për shembull, mund të përpiqeni të shkrepni një ndërhyrje në fushë një minutë, pastaj një aksion pranë portës në minutën tjetër. Ndërrimi mes objektivave telefoto dhe këndgjerë mund të bëjë që t'i humbisni për fare çastet e rëndësishme.

Gama bujare e zmadhimit 10x e Canon RF 24-240mm F4-6.3 IS USM e bën atë ideal për këtë lloj shkrepjeje, duke ofruar gjithçka, nga pozat këndgjera deri te rrezja e fuqishme telefoto. Kombinimi i këtij objektivi kuadërplotë me një kamerë APS-C, të tillë si Canon EOS R7, në fakt do ta rrisë edhe më tej rrezen, duke dhënë një pamje të barabartë me një objektiv 38,4-384 mm në një kamerë kuadërplotë.

Përveç gjurmimit të aksionit me diapazonin e lartë të zmadhimit, objektivi ka gjithashtu një mekanizëm vetëfokusimi Nano USM ultra të shpejtë dhe stabilizues imazhi me 5 nivele, të gjitha të paketuara në një strukturë komode, kompakte dhe peshëlehtë.

Opsionet që kemi mbuluar këtu janë të gjitha perfekte për fotografinë e aksionit: peshëlehtë, të manovrueshme lehtë dhe të përshtatshme për një sërë buxhetesh. Pra, qoftë nëse planifikoni të qëndroni anash një ndeshjeje futbolli amator, qoftë nëse kërkoni të kapni një atlet që lëviz shpejt në pistë, duhet të ketë një objektiv në këtë formacion që plotëson kërkesat tuaja. E vetmja gjë që ju mbetet atëherë, është të dilni në terren, ta zbuloni vetë se çfarë është e mundur.



Shkruar nga Matthew Richards dhe Marcus Hawkins