PRINTIMI DHE PUNËDORET

Printoni momentet kyçe të jetës me Canon Zoemini S2

Nga udhëtimet solo deri tek ekspozitat e para, ne flasim me një grup të rinjsh rreth ngjarjeve që kanë pasur më shumë rëndësi për ta dhe se si i ndanë ato kujtime me printerin-kamerë çasti, Canon Zoemini S2.
Duar të shtrira mbajnë disa kamera Canon Zoemini S2, një që printon një imazh dhe një person gjithashtu mban një printim bardhezi.

Të gjithë kanë një moment të veçantë në jetë për të cilin janë krenarë, ose një përvojë që i ka bërë ata që janë sot. Pavarësisht nëse është diplomimi, pushimet e para me shoqërinë apo ndonjë notë e mirë në provim, këto arritje duhet të shënohen dhe të tregohen.

Rëndësia e atij "momenti të shënuar të jetës" mund të mos jetë menjëherë e dukshme, prandaj ia vlen të ruani sa më shumë kujtime - të mëdha apo të vogla - për t'i ndarë në çast me shoqërinë ose familjen, ose për të dekoruar dhomën ose sendet tuaja si një kujtim i lumtur i kohëve të mira.

Canon sfidoi një grup studentësh që të tregonin momentet e tyre të shënuara të jetës në printim. Mësoni se cilat ishin ato ngjarje që ndryshuan jetë dhe se si u festuan duke përdorur printerin-kamerë çasti Canon Zoemini S2.

Njihuni me grupin

Katër të rinj pozojnë për një autoportret në grup në një park, duke e shkrepur me një kamerë-printer Canon.

Grupi ynë ka kapur në foto momentin kur u takuan për herë të parë. Printeri-kamerë Canon Zoemini S2 ka një dritë rreth drite dhe pasqyrë, duke e bërë ideal për autoportrete në grup, të cilat mund t'i printoni menjëherë për t'i ndarë me të gjithë. Natyra kompakte e kamerës e bën gjithashtu të lehtë për t'u mbajtur me vete gjatë ecjes.

Një Canon Zoemini S2, smartfon dhe një përzgjedhje printimesh janë vendosur në një sipërfaqe druri. Një dorë mund të shihet duke përdorur ekranin me prekje në smartfon.

Canon Zoemini S2 mund të përdoret si kamerë dhe printer çasti, ndaj mund të printoni nga imazhet ekzistuese në albumin e kamerës suaj nëpërmjet programit Canon Mini Print.

Grupi ynë përbëhej nga katër studentë që studionin në Universitetin e Kardifit, Uells: studentët e masterit Ashvin Tiwana, Megan Gaen dhe Shubhangi Dua, plus studenten e vitit të parë të muzikës, Evie Ingles. Së bashku ato treguan dhe printuan momentet e tyre më krenare të jetës deri më sot.

Grupi përdori Canon Zoemini S2, një miniprinter-kamerë 2-në-1 që është e përsosur për të ruajtur kujtime të çmuara. Me një kohë printimi prej afërsisht 50 sekondash, ju mund t'i sillni fotot tuaja në jetë pothuajse menjëherë, ndërsa programi Canon Mini Print ju ndihmon të përfitoni më shumë nga fotot tuaja dhe t'i ktheni ato në mini vepra arti për t'u ekspozuar.

Ashvin Tiwana

Një person që përdor programin Canon Mini Print në një smartfon për t'i bërë fotot printime rrethore ngjitëse. Tabela në sfond është e mbuluar me printime nga Canon Zoemini S2.

"Më pëlqeu shumë t'i printoja imazhet e mia në Canon Zoemini S2," - thotë studenti i masterit Ashvin Tiwana. "Të kesh aftësinë për të shtuar tekst në programin Canon Mini Print është gjithashtu një veçori e dobishme sepse ju mundëson të mbani mend se ku keni qenë në udhëtimet tuaja. Do të jetë gjithmonë aty në foto si referencë."

Një burrë i buzëqesh kamerës, duke mbajtur para fytyrës një printim të vogël të fotove të pushimeve.

Çelësi rrëshqitës në pjesën e sipërme të Canon Zoemini S2 u lejon përdoruesit të ndërrojnë modalitete, duke përfshirë peizazhin pa blic, portretin me blic automatik dhe autoportretet me rrathë drite.

Ashvin zgjodhi një udhëtim rreth Vietnamit si momentin e tij të shënuar. Atij i pëlqen të udhëtojë i vetëm dhe ka shkuar kudo duke eksploruar kultura të ndryshme. Udhëtimi i tij i parë solo ishte një udhëtim në Francë dhe që atëherë ka udhëtuar nëpër Kamboxhë, Vietnam dhe Irlandë.

"Që kur isha 19 vjeç kam pasur fatin të udhëtoj nëpër botë", - thotë ai. "Më e mira e udhëtimeve solo është se nuk keni nevojë të ndiqni orarin e dikujt tjetër, dhe mund të eksploroni dhe provoni gjëra të reja bazuar në atë që ju pëlqen."

Fotografia që zgjodhi të printonte është realizuar në udhëtimin e tij në Vietnam në vitin 2020, kur ishte në një xhiro me varkë rreth Gjirit Halong.

"Më pëlqeu vërtet gjithë përvoja ime në Vietnam, sepse njoha një shok shumë të mirë në atë udhëtimin me varkë dhe ne jemi ende të afërt sot e kësaj dite," - thotë ai. "Kjo e forcoi arsyen pse më pëlqen të udhëtoj vetëm, sepse mund të takosh njerëz të bukur dhe mund të krijosh një lidhje të veçantë, jo vetëm me vendet që sheh për herë të parë, por edhe me njerëzit me të cilët i sheh."

Duar vendosin ngjitëse rrethore në pjesën e pasme të një smartfoni.

"Është bukur që mund të shtosh korniza, filtra dhe ngjitëse në programin Canon Mini Print," - thotë Ashvin.

Për të treguar me krenari një nga kujtimet e tij të preferuara, Ashvin vendosi të printojë foton e tij duke përdorur Canon ZINK 1.3" Pre-Cut Circle Sticker Paper dhe ta ngjitë këtë printim, si dhe imazhe shtesë nga aventurat e tij të tjera, në pjesën e pasme të telefonit të tij, që të mund t'i shohë çdo ditë si kujtim të udhëtimeve të tij. Printeri-kamerë, Canon Zoemini S2, dhe letra ngjitëse janë të vegjël dhe mjaft të lehtë për t'i marrë me vete në aventurat tuaja për kujtime të printuara çasti.

Evie Ingles

Një çantë e zezë banxhoje mbështetet pas një muri me pllaka të bardha, me një person që ngjit ngjitëse rrethore Canon mbi të.

" Canon Zoemini S2 m'u duk shumë zbavitës," thotë studentja e muzikës, Evie Ingles. "Është i vogël dhe kompakt, kështu që është me të vërtetë portativ gjithashtu. Mund të shkrepni imazhe në të ose të printoni imazhe nga smartfoni – është shumë e lehtë."

Një grua shikon drejt kamerës, duke mbajtur një printim të vogël të vetes në skenë para fytyrës së saj.

Për Evie-n, momenti i saj i shënuar duke interpretuar në skenë nuk ishte vetëm një koncert i këndshëm, por një përvojë domethënëse. "Ishte një nga gjërat më argëtuese që kam bërë ndonjëherë, dhe ishte një moment i shënuar në interpretimet e mia, si dhe për vetëbesimin tim," - thotë ajo.

Evie zgjodhi interpretimin e saj të parë pop si momentin e saj të shënuar të jetës dhe donte ta gëzonte kujtimin duke ngjitur printimin e saj nga Canon Zoemini S2 në çantën e banxhos, për ta mbajtur me vete për koncertet e ardhshme.

"Ka qenë ndoshta interpretimi më i shënuar që kam bërë deri më tani", - shpjegon ajo. "Ishte me kolektivin pop të Universitetit të Kardifit dhe ishte një arritje e madhe për mua, sepse po këndoja në një skenë të madhe para një publiku të madh".

Përveç këndimit, Evie luan saksofon, klarinetë, flaut, banxho dhe piano. Letra e printimit me shpinë ngjitëse e Canon Zoemini S2 i erdhi në ndihmë Evie-t gjatë printimit për çantën e banxhos. Ajo gjithashtu printoi disa imazhe në Canon ZINK 1.3" Pre-Cut Circle Sticker Paper për të shtuar më shumë dekorim në çantën e instrumentit.

"Më pëlqen të vendos ngjitëse të grupeve çantën time të banxhos, ndaj kam ngjitur edhe printimin tim nga Canon Zoemini S2 atje," - thotë ajo. "Kur të këndoj, do të kem një kujtim të mirë të kësaj arritjeje të shënuar."

Evie-t i pëlqeu gjithashtu të përdorte programin Canon Mini Print dhe shtoi një kornizë në imazhin e saj. "Ishte shumë e lehtë për t'u përdorur," - thotë ajo. "Ishte e thjeshtë ta lidhje Canon Zoemini S2 nëpërmjet Bluetooth, dhe unë shtova një kornizë në imazhin tim, që ishte fantastike dhe kishte të njëjtën skemë ngjyrash si fotografia, dhe që e përmirësoi vërtet."

Megan Gaen

Një palë duar mbajnë lart një Canon Zoemini S2 dhe një smartfon që tregon programin Canon Mini Print, me një foto diplomimi në ekran.

Studentes së masterit, Megan Gaen, i pëlqeu konfigurimi i veçorive të programit Canon Mini Print. Mund të përdorni cilësimin e vetëkohëmatësit dhe shkrehjen në distancë nëpërmjet programit, të kontrolloni pamjen e drejtpërdrejtë, të shtoni personalizime të këndshme dhe të bëni kolazhe.

Një grua ngjit një foto të vogël bardhezi në një varg dritash dekorative, përgjatë së cilës ka të kapura fotografi të tjera.

Megan-ës, Canon Zoemini S2 iu duk vërtet i lehtë për t'u përdorur. Ajo e vendosi printimin e saj në dhomën e gjumit të konviktit, të lidhur me një varg dritash dekorative.

Megan-a u fokusua në diplomimin e saj "nga shtëpia" si momenti i saj i shënuar. Ashtu si shumë studentë, përvojat universitare të të cilëve u prekën nga pandemia e COVID-19, diplomimi i Megan-ës nga Universiteti i Sauthamptonit u anulua.

"Momenti im i shënuar ishte në vitin 2021 kur dhashë diplomën në gjermanisht dhe spanjisht", - thotë ajo. "Ne mund t'i merrnim gjithsesi me qira veshjet e diplomimit, kështu që bëra një diplomim të vogël në shtëpi me prindërit e mi. Shkrepëm disa foto të bukura dhe kjo ishte me të vërtetë e rëndësishme, sepse ishin katër vite punë e palodhur dhe ndjeja se duhej festuar si moment."

Përveç vendosjes së printimit të saj në dhomën e gjumit të konviktit, Megan-a planifikon të shtojë një kopje në murin e galerisë së saj të fotografive në dhomën e saj në shtëpi. "Ka një motiv bardhezi, kështu që përdora programin Canon Mini Print për të shtuar një filtër bardhezi. Ishte vërtet i dobishëm, pasi nuk më duhej të shqetësohesha për redaktim nga kompjuteri", - shpjegon ajo.

Megan-a po printonte duke përdorur një imazh ekzistues nga albumi i kamerës së smartfonit, por ka një buton filtri në pjesën e pasme të Canon Zoemini S2 që ju lejon të kaloni nga ngjyra të gjalla në shkrepjen bardhezi. Ka gjithashtu një opsion për t'u lidhur me Facebook, Instagram dhe Google Photos përmes programit për t'i printuar imazhet tuaja prej atje.

"Mendova se shtimi i të gjitha ngjitësve, filtrave dhe kornizave të vogla ishte vërtet i lezetshëm dhe më pas mund ta personalizosh imazhin sipas dëshirës," - thotë ajo. "Ishte e thjeshtë dhe e shpejtë - dhe nuk më duhej të shqetësohesha për tharjen e bojës."

Shubhangi Dua

Një grua e re e ulur në një karrige të thurur mban me krenari një pikturë. Në prehrin e saj dhe pranë saj janë edhe dy vepra të tjera shumëngjyrëshe artistike.

Studentja e masterit, Shubhangi Dua, përdori Canon Zoemini S2 për të printuar një seri fotografish nga ekspozita e saj debutuese artistike. "Nuk e kam konsideruar kurrë artin si profesion më parë, por për shkak të ekspozitës tani ndihem sikur mund ta quaj veten artiste", - thotë ajo.

Shubhangi është një artiste aspiruese dhe natyrisht pasioni i saj krijues duhej të përshtatej në momentin e saj të shënuar të jetës. Së fundmi ajo përmbushi ëndrrën e saj të fëmijërisë për të pasur ekspozitën e saj të parë artistike në Festivalin e Arteve Fringe në Bath, Angli.

"Zgjodha këtë pikturë (shih më lart) që të jetë momenti im i shënuar, sepse kjo pjesë është nga ekspozita ime e parë", thotë ajo. "Thjesht duke parë punën time të varur në një mur mes shumë artistëve të tjerë të talentuar më dha një ndjenjë arritjeje dhe njohjeje për punën e palodhur që kam bërë. Gjithashtu, është një moment i shënuar sepse për shumë vite mendoja se nuk isha mjaftueshëm e mirë për të qenë artiste dhe jam e lumtur që dëshmova se e kisha gabim".

Një Canon Zoemini S2 qëndron me fytyrën poshtë mbi vepra shumëngjyrëshe, pranë një ngjitëseje të vogël artistike që vendoset në një ditar.

Shubhangi printon momentin e saj të shënuar të jetës për ditarin e saj. Canon Zoemini S2 ka një kohë karikimi prej afërsisht 120 minutash, madje mund të printoni gjatë karikimit.

Një grua me një pardesy gri i buzëqesh kamerës, ndërsa një dorë mban një printim të vogël të fotografive të veprave të artit përpara saj.

Butoni i bordurës shton një bordurë të bardhë ose të personalizuar në printimin tuaj.

Shubhangi gjithashtu printoi dy piktura nga ekspozita që ishin shumë personale për të. "Këto dy piktura kanë për qëllim të shikojnë njëra-tjetrën", - shpjegon ajo. "E madhja është e mamasë sime dhe e vogla jam unë kur isha më e vogël."

Programi Canon Mini Print vjen me një gamë të madhe ngjitësesh, nga lulet te kafshët. Shubhangi përdori programin për të shtuar disa ngjitëse lulesh në printimin e saj të pikturave, për të pasqyruar motivin e natyrës. "Unë i kam vendosur printimet në ditarin tim dhe do të bëj kopje e do t'i vendos në dhomën time si një tabelë arritjesh, për t'i kujtuar vetes çfarë kam bërë," - thotë ajo.


Pra, nëse doni ta bëni të zëshëm "momentin tuaj të shënuar" dhe t'ia tregoni botës ose ta mbani të gjallë kujtimin në një ditar personal, Canon Zoemini S2 dhe pjesa tjetër e gamës së Canon Zoemini janë ideale për krijimin e printimeve për t'u shfaqur në shtëpi, për të dekoruar pajisjet tuaja dhe për t'i ndarë me shoqërinë dhe familjen. Çfarë prisni? Mos harroni t'i ndani rezultatet me etiketën #FreeYourStory, duke etiketuar @canonemea.



Shkruar nga Tamzin Wilks

Produktet e lidhura

Artikuj të ngjashëm