FOTOGRAFIMI I KAFSHËVE SHTËPIAKE

Si të shkrepni portrete të suksesshme të kafshëve shtëpiake këtë fundvit

Mësoni si të nxirrni foto fantastike të kafshëve tuaja shtëpiake këtë fundvit me këto këshilla, stile e teknika për kamera.
Canon Camera
Kafshët shtëpiake mund të jenë shumë të lezetshme – shumë prej nesh kërkojnë me nxitim kamerën për t'u nxjerrë ato pozat e tyre të çmendura, shprehjet zbavitëse dhe sjelljet e çuditshme. Por festat e fundvitit janë koha ideale për të nxjerrë një portret të kafshës suaj të preferuar. Një foto e maces, qenit apo e hamsterit tuaj me aksesorë festivë mund të jetë argëtuese për kartolinat e printuara në shtëpi ose mund dhe ta vendosni në kornizë për të krijuar një dhuratë të personalizuar.

Sfida është se shumica e kafshëve janë fare të painteresuar që t'u nxjerrë kush foto. Në fakt, disa prej këtyre krijesave bëjnë gjithçka që munden për t'ju rraskapitur dhe për t'jua hedhur. Kështu që ju duhen ca ase nën mëngë për t'u tërhequr vëmendjen. Një kombinim aftësish me kamerën, stilesh pozimi dhe një grusht me ushqime të vogla me siguri që do t'ju japë avantazhin në këtë betejë këmbënguljeje.

1. Stilizoni skenën

Një burrë me pulovër të verdhë dekoron një pemë Viti të Ri.

Pema e Vitit të Ri krijon një sfond të fortë e të shndritshëm për fotot festive të kafshëve tuaja shtëpiake, sidomos nëse nxirret jashtë fokusi.

Një mace me lara të verdheme shikon nga poshtë një kapuçi Viti të Ri.

Aksesorët, kapelat dhe shallet mund të shtojnë praninë e ngjyrave, t'i japin më karakter fotos dhe - në këtë rast - t'i japin një ndjesi argëtuese e festive fotos.

Pema e Vitit të Ri është një sfond tërheqës alternativ për portretet e kafshëve tuaja për fundvit. Ju jep si ngjyra të forta, ashtu edhe ndriçime të mira. Aksesorët si kapuçi i plakut të Vitit të Ri dhe shallet mund të duken gjithashtu bukur, për sa kohë që kafshës ia ka qejfi t'i mbajë. Zgjidhja ideale do të ishte të shkonit te një dhomë me dritare të mëdha për shkrepjen e pozave. Ndriçimi natyral është ideal për portretet e kafshëve pasi është i butë dhe i plotëson lehtë hijet, kurse blici mund t'jua trembë kafshën. Vendoseni kafshën me drejtim nga dritarja, me pemën e Vitit të Ri dhe dritat nga mbrapa.

2. Pozojeni kafshën

Një grua tund një lodër për t'i hequr vëmendjen një maceje me lara të verdheme që po fotografohet në një dhomë të dekoruar për festat e fundvitit.

Do të ndihmonte nëse do të kishit një asistent që të mbante lodrën apo të qëndronte pas jush për të tërhequr shikimin e kafshës gjatë kohës që shkrepni.

Një burrë me pulovër të verdhë mban një tas me ushqim për mace mbi Canon EOS 850D.

Sillni lodrën e preferuar, tasin me ushqim apo çfarëdo tjetër që mund t'i tërheqë vëmendjen kafshës. Prekja e lehtë e tasit mbi objektiv funksionoi për ne këtu.

Qentë janë disi më të lehtë për të marrë poza sesa macet, pasi nuk do dhe shumë që të tregojnë interes për gjërat. Një fishkëllimë e shpejtë, një thirrmë "ku është macja" ose çfarëdo zhurme zbavitëse zakonisht u ngjall interes. Të gjitha kafshët kanë karakterin e tyre individual, por sinqerisht macet janë zakonisht më pak të gatshme të kënaqen me diçka. Durimi është çelësi këtu dhe mund t'ju duhet të prisni ca sa macja të jetë e relaksuar. Provoni ta vendosni në një pozicion, si p.sh. ndonjë karrige apo stol i rehatshëm (mund dhe të sillni shtratin e tyre të zakonshëm). Mbani një lodër të preferuar apo tas me ushqim atypari dhe bjerini lehtë mbi objektiv për t'i tërhequr vëmendjen maces. Nëse nuk bëjnë atë që doni, atëherë bëhuni gati të ndryshoni qasje - se fundja, nëse qëndrimi mënjanë është pjesë e karakterit të tyre, atëherë përse të mos nxirrni pikërisht këtë në fotografi?
Një mace me lara të verdheme në një kapuç të plakut të Vitit të Ri qëndron me kokën në dysheme.

Do të ndihmonte nëse mund ta mbani kafshën fikse në një pozicion. Nëse nuk duan të bashkëpunojnë, përshtatni planin tuaj për t'iu përshtatur humorit të tyre.

3. Përgatisni ekspozimin

Ekrani i cilësimeve në një Canon EOS 850D.

Nëse mendoni se kafsha do të rrijë relativisht pa lëvizur, shpejtësia 1/200 e sekondës është ideale. Ne rekomandojmë gjithashtu zgjedhjen e një aperture të gjerë dhe caktimin e ISO në "Auto".

Cilësimi i shkrepjes së vazhduar me shpejtësi të lartë në një Canon EOS 850D.

Shkrepja e vazhduar me shpejtësi të lartë bën që të lëshoni disa kuadro të shpejta njëherësh – shtatë kuadro në sekondë me EOS 850D – gjë që ju përmirëson shanset për të shkrepur ato shprehjet e këndshme por fluturake të kafshëve.

Zgjidhni një cilësim ekspozimi që mund ta caktoni një herë e të mos merreni më me të, pasi do t'ju lërë të lirë të përqendroheni te pozimi dhe inkuadrimi. Më e thjeshta për t'ia arritur kësaj është ta caktoni kamerën në modalitetin e ekspozimit manual (M).

Shpejtësia e shkrehjes duhet të jetë mjaftueshëm e shpejtë për të shkrepur aksionin. Diku te 1/200 sek është ideale nëse kafshët janë ende disi të qëndrueshme, por do t'ju duhet ta çoni më të shpejtë nëse shihni se lëvizin goxha rrotull. Ne rekomandojmë gjithashtu një aperturë të gjerë (f/5.6 këtu), pasi kjo ndan subjektin nga sfondi dhe krijon një efekt të këndshëm Bokeh.

Caktimi i ISO në "Auto" bën që të përshtatet me rrethanat - në ambient të ndriçuar me plot dritë nga dritaret, ISO duhet të jetë dikur mes 800-1600. Në këtë diapazon një kamera që punon mirë me ndriçim të ulët, si p.sh. Canon EOS 850D, ju mundëson shkrepjen e pozave relativisht pa zhurmë. Nëse - si p.sh. Canon EF-S 18-135mm f/3.5-5.6 IS USM që po përdorim këtu - objektivi juaj ka stabilizim, atëherë do të ishte mirë ta aktivizonit dhe këtë.

4. Fokusi

Pikat e vetëfokusimit mbi fytyrën e një maceje me lara të verdheme në modalitetin e pamjes së drejtpërdrejtë në një Canon EOS 850D.

"Live View" mund të jetë e dobishme kur fokusoheni - prekni ekranin për t'i pozicionuar pikat e fokusit mbi syrin që është më pranë jush.

Fokusimi mund të jetë një nga sfidat më të mëdha në portretet e kafshëve shtëpiake, pasi ju duhet të fokusoheni me precizion te sytë e kafshës e cila mund ta lëvizë kokën nga çasti në çast, apo dhe të turret tej.

E kështu është e pashmangshme që jo të gjitha pozat do të jenë të qarta, por nëse keni një kamerë që reagon në çast ndaj lëvizjeve të subjektit atëherë mund t'i përmirësoni gjasat. Caktojeni modalitetin e fokusit të Canon në "AI Servo". Kjo do të thotë se kamera do të gjurmojë lëvizjen e subjektit dhe do ta përshtatë fokusin për t'u fiksuar në pozicionet që ndërrojnë. Fokusimi preciz është thelbësor kur shkrepni plane nga afër, ndaj mund të mos mjaftojë që thjesht t'u fiksoni fytyrën. Përkundrazi, provoni të kaloni në një pikë të vetme fokusi, pastaj shënjoni për te syri që është më pranë kamerës.

5. Përmirësoni efektin Bokeh të sfondit

Një labrador i artë rreth një metër përpara një peme Viti të Ri.

Qeni qëndron vetëm një metër nga pema dhe sfondi duket ca si i ngarkuar.

Një labrador i artë qëndron më larg pemës së Vitit të Ri, sa dritat e pemës dalin të turbulluara.

Lëvizja e qenit më larg pemës krijon efekt më të fortë Bokeh dhe një sfond më tërheqës.

Zakonisht është më mirë të përdorni një aperturë të gjerë për portretet tuaja, pasi kjo do të thotë se pozat do të marrin thellësi qartësie dhe sfondi do të nxirret jashtë fokusi. Për pamje festive si kjo apertura e gjerë ka një të mirë tjetër – dritat festive jashtë fokusit transformohen në njolla të bukura efekti Bokeh. Efekti Bokeh do të jetë më i fortë nëse lini njëfarë distance mes subjektit dhe pemës, ndaj lëvizeni kafshën sa më larg pemës të mundeni. Përdorni një gjatësi më të madhe fokale që të forconi turbullimin, ndaj lëvizni ca mbrapa dhe zmadhoni me anë të objektivit.

6. Shtoni efekt Bokeh në planin kryesor

Një portret i një maceje me lara të verdheme të rrethuar nga drita të turbulluara dekorative.

Mund t'u shtojmë efekt të turbullt Bokeh në planin kryesor portreteve tona të kafshëve duke mbajtur një set dritash pranë objektivit dhe duke shkrepur përmes hapësirave të telit.

Një burrë duke fotografuar një mace me lara të verdheme me një set dritash festive transparente.

Kjo teknikë e thjeshtë mund të bëhet dhe me dritat me ngjyra ose edhe me dekorimet e festave të fundvitit.

Përveç nxjerrjes së sfondit jashtë fokusi mund të shtoni efekt Bokeh dhe në planin kryesor. Provoni t'i mbani dritat festive përpara objektivit dhe gjeni një hapësirë mes të cilës mund të shkrepni. Në këndin e duhur kjo mund të nxjerrë ndriçime të bukura jashtë fokusi që vijnë rreth subjektit, duke shtuar një element të mëtejshëm thellësie në skenë.

7. Uluni sa më poshtë

Një burrë qëndron përtokë në dhomën e ndenjjes për të fotografuar një mace me lara të verdhe përpara divanit.

Ulja përtokë për të shkrepur e vë subjektin dhe shikuesin në të njëjtin nivel.

Një mace me lara të verdheme e fotografuar në nivelin e syrit.

Qenia në të njëjtin nivel me subjektin i jep më impakt fotos.

Qoftë nëse shkrepni portrete të kafshëve tuaja shtëpiake apo të shoqërisë suaj, shkrepja e subjektit në nivel syri ndihmon në krijimin e raportit me subjektin, pasi e vendos shikuesin në të njëjtin nivel. Natyrisht që në rastin e kafshëve shtëpiake kjo do të bënte të shtriheshit nëpër dysheme për t'u ulur sa duhet, por kjo nxjerr dhe këndin e shikimit të kafshës.

Do të zbaviteni së tepërmi në përpjekjen për të nxjerrë atë pozën ideale – edhe sikur kafsha të mos jetë gjithnjë i gatshëm t'jua bëjë më të lehta gjërat. Qoftë nëse përpiqeni për një portret të kafshës me rastin e festave të fundvitit, apo në çfarëdo çasti tjetër, ky është një shans i mirë për të praktikuar teknikën tuaj dhe për të përmirësuar aftësitë tuaja fotografike.

Shkruar nga James Paterson

Artikujt e lidhur

  • Një kartolinë e printuar në shtëpi për festat e fundvitit, së bashku me dekorime të punuara vetë dhe një Canon Double-sided Matte Paper vendosur mbi një rrobë me motiv pemësh të festave të fundvitit.

    PRINTIMI DHE PUNËDORET

    Printimi i kartolinave të fundvitit

    Stilizoni seancën tuaj festive të fotografimit dhe printoni kartolina të personalizuara për festat.

  • FOTOGRAFIA FAMILJARE

    10 këshilla fotografie për festat e fundvitit

    Kapni atmosferën e festave të fundvitit me këto këshilla për portrete familjare natyrale dhe argëtuese.

  • Një pamje e afërt e disa qirinjve në një tortë, me drita të paqarta në sfond.

    PARIMET BAZË TË FOTOGRAFISË

    Si të krijoni efekt mahnitës Bokeh

    Ndiqni këto këshilla dhe teknika për t'i dhënë sfondit tuaj një turbullirë të bukur.

  • Një portret në profil i një burri gjysmë të zhveshur në një ambient me ndriçim të zbehtë duke parë drejt kamerës.

    FOTOGRAFI PORTRETI

    Këshilla e teknika të fotografisë së portreteve

    Përmirësoni fotografinë tuaj të portreteve me këto këshilla dhe teknika kryesore.