UDHËZUESI I BLERJEVE

Udhëzuesi i dhuratave Canon për festa

Nga printerët zbavitës portativë deri te kamerat kuadërplota pa pasqyrë, ja disa ide fantastike për dhurata që të gjithë ata që njihni t’ia nisin nga krijimtaria!
Canon Camera
Ju duhet disa ide dhuratash për festa për të gjithë njerëzit krijimtarë në jetën tuaj? Qoftë nëse kërkoni të surprizoni një të dashurin tuaj me një kamerë çasti apo t’i bëni dhuratë një kalim në model kuadërplotë një të apasionuari pas fotografisë, katalogu i Canon ka diçka për këdo.

Në këtë udhëzues blerjesh festive kemi mbledhur disa sugjerime për dhuratat më të mira të Canon për këdo që i pëlqen të jetë krijues, pavarësish buxhetit. Nga printerët portativë deri te kamerat pa pasqyrë do të gjeni disa ide fantastike për dhuratën ideale për festa!

Për videoblogerët, blogerët dhe krijuesit e përmbajtjeve: Canon PowerShot G7 X Mark III

Ylli i YouTube dhe videoblogeri, Mike Gray, shtyp butonin e regjistrimit në ekranin me prekje të Canon PowerShot G7 X Mark III.

Dhurata ideale e festave për dikë që ka interes të nis nga videoblogimi, Canon PowerShot G7 X Mark III ka aftësinë të regjistrojë filmime të detajuara 4K dhe vjen me një fole mikrofoni 3.5mm.

Filming a cat with the Canon PowerShot G7 X Mark III.
Si një prej kamerave më të avancuara kompakte, PowerShot G7 X Mark III është një përmirësim i konsiderueshëm nga kamera e telefonit apo modelet e thjeshta “drejto e shkrep”. Portativ dhe përplot me funksione krijuese, përbën gjithashtu një shoqërues të mirë për një kamerë pa pasqyra DSLR.

Sensori i madh 20.1MP CMOS dhe objektivi i mprehtë zmadhues këndgjerë f/1.8-2.8 i Canon PowerShot G7 X Mark III ofrojnë cilësi mahnitëse figure, qoftë nëse shkrepni foto apo filma 4K. Ekrani i anueshëm LCD e bën të lehtë shkrepjen nga kënde krijuese dhe ekrani mund të kthehet përpara për të ndihmuar gjithashtu në kompozimin e autoportretit ideal. Çiftojeni kamerën me Canon Tripod Grip HG-100TBR peshëlehtë për fleksibilitetin e shkrepjes dorazi me dorezën komode ose duke përdorur stativ për autoportrete super të qëndrueshme. PowerShot G7 X Mark III vjen dhe me Bluetooth e Wi-Fi gjithnjë aktive që i transferojnë automatikisht imazhet drejt telefonit, që të mund t’i ndani me të shpejtë ndërsa jeni në lëvizje.

Videoregjistrimi është pika e fortë e PowerShot G7 X Mark III. Ka aftësinë të regjistrojë filmime të detajuara në 4K dhe vjen i pajisur me një hyrje mikrofoni 3.5mm edhe për audio po aq të qartë. Mund dhe të regjistroni filma në Full HD me 120fps (kuadro në sekondë) për luajtje të shtruar të ngadalësuar, si dhe Bluetooth e Wi-Fi gjithnjë aktivë ju mundësojnë çiftimin e PowerShot G7 X Mark III me telefonin apo tabletën për ta bërë të lehtë ndarjen e përmbajtjes suaj në internet.

Për filmuesit e familjes: Canon EOS M50

Videoblogeri, Stef Michalak, duke filmuar të birin e tij të vogël teksa i jep një biçiklete me rrota ndihmëse.

Për ata që kërkojnë të kalojnë te filmimi i videove, EOS M50 do të ishte dhurata ideale.

Kamera Canon EOS M50.

EOS M50 prodhon filmime të mrekullueshme me rezolucion të lartë, me një pamje dhe ndjesi unike.

Me ofrim manovrimi të ngjashëm me DSLR dhe një sensor madhësie DSLR në trup të vogël, Canon EOS M50 ju jep kontroll të plotë mbi fotografinë tuaj pa peshën e një kamere në madhësi të plotë. Vjen me një dizajn pa pasqyra, ndaj është më i hollë e i qetë në punë se DSLR. Ka gjithashtu një inkuadrues të integruar elektronik OLED, që të mund të shikoni efektet e filtrave krijues dhe çfarëdo rregullimi ekspozimi përpara shkrepjes.

EOS M50 godet përtej peshës së vet për sa i përket rendimentit. Me një shpejtësi shkrepjeje të vazhduar prej 10fps, ka mundësi të shkrepë momentin ideal në sensorin e vet 24.1MP CMOS. Dual Pixel CMOS AF i mirënjohur i Canon ofron gjurmim me vetëfokusim të shpejtë e të saktë, ndërsa ekrani me prekje 3.0-inçësh me kënd të ndryshueshëm e bën të lehtë zgjedhjen e një pike fokusimi dhe rregullimin e cilësimeve.

Kamerat EOS M kanë një gamë të dedikuar objektivash peshëlehtë EF-M prej nga të zgjedhin – si dhe objektiva EF dhe EF-S kur përdorin adaptorin përkatës. Një zmadhues i gjerë si EF-M 11-22mm f/4-5.6 IS STM është zgjedhja ideale për eksplorimin e peizazheve të dimrit ose shkrepjen e portreteve të familjes në ambiente të brendshme. Motori i tij i shtruar e i qetë i fokusimit STM dhe fotostabilizimi dinamik e bëjnë të lehtë dhe regjistrimin e filmave me pamje profesionale 4K UHD.

Për një opsion ekonomik në fotografinë me DSLR: Canon EOS 850D

Canon EOS 850D.

Zbuloni krijimtarinë tuaj dhe merrni kontrollin me Canon EOS 850D, një model të gjithanshëm DSLR për filmim dhe fotografi.

Një qen i vogël i kafenjtë dhe i bardhë duke rendur mes pyllit.

I pajtueshëm me një sërë objektivash EF dhe EF-S, EOS 850D mund ta shpjerë fotografinë një shkallë më tej. Shkrepur në Canon EOS 850D me një objektiv Canon EF 70-200mm f2.8L IS III USM në f/2.8, 1/2700 sek dhe ISO800.

Canon EOS 850D është një model i avancuar i gjithanshëm që ka mundësinë të prodhojë foto me detaje befasuese 24.1MP dhe video të mprehtë në 4K. Me dizajnin e vet kompakt e peshëlehtë, është një kamerë e krijuar për ta marrë kudo. Një ekran këndndryshueshëm për kompozimin e pozave nga kënde të larta e të ulëta i shton edhe më tej fleksibilitetit të saj.

Përplot me funksione krijuese, EOS 850D është një zgjedhje fantastike për ata që duan ta shpien fotografinë një nivel më tej. Është më e madhe se EOS M50, por ka jetëgjatësi më të lartë të baterisë dhe vjen me inkuadrues optik në vend të atij elektronik, që është më komod për syrin kur të duhet të shohësh nga inkuadruesi për kohë të gjatë. Struktura e komandave vjen me një rrotullë të sipërme dhe të pasme për rregullimin e shpejtë të cilësimeve të shkrepjes dhe 45 pikat me zgjedhje të lirë të vetëfokusimit të tipit kryq ju mundësojnë të sillni detaje precize në fokus të qartë.

EF-S 18-135mm f/3.5-5.6 IS USM përbën një objektiv të shkëlqyer të parë për EOS 850D, me diapazon të gjerë zmadhimi që ju mundëson ta mbushni të gjithë kuadrin me skenikë e pamje urbane, si dhe të shkoni më pranë për të shkrepur aksionin. Teknologjia e tij Nano USM ofron fokusim të shtruar e të qetë që është fantastik për video dhe një fotostabilizues optik me 4 nivele ndihmon t’i mbani gjërat të qarta kur shkrepni në ndriçim të ulët apo kur zmadhoni.

Për një ngritje niveli në teknologjinë e kuadërplotave pa pasqyrë të gjeneratës së re: Canon EOS RP

Një Canon EOS RP duke u përdorur për të shkrepur një peizazh qyteti të ndriçuar gjatë natës.

Mbërthyesja RF e objektivit të Canon EOS RP bën që të mund të shfrytëzoni gamën e objektivave Canon RF të gjeneratës së re.

Canon EOS RP.

Kjo kamerë fleksibël kuadërplotë është ideale për shkrepjen e portreteve dhe të peizazheve.

Po kërkoni të kaloni në fotografinë e kuadërplotave? Canon EOS RP me 26.2MP është modeli fillestar në sistemin Canon EOS R të kamerave kuadërplota pa pasqyrë. Peshon thuajse sa një model APS-C, duke vërtetuar se kuadërplotë s’do të thotë detyrimisht e rëndë dhe është fantastike për këdo që dëshiron të nisë së zhvilluari aftësitë e tyre apo të atyre të interesuar në teknologjitë e fundit. Nuk lë pas as funksionet e avancuara, kështu që mund të eksploroni me rritjen e përvojës suaj.

Një nga pikat e forta të Canon EOS RP është mbërthyesja e objektivit RF, që ofron komunikim të shpejtësisë së lartë mes kamerës dhe objektivit. Përveç mundësimit të një vetëfokusimi më të shpejtë, ajo sjell fotostabilizim dhe cilësi figure niveli tjetër, falë gamës në rritje të objektivave RF të gjeneratës së re.

Çiftojeni kamerën me një objektiv zmadhues standard RF si Canon RF 24-105mm F4-7.1 IS STM apo Canon RF 24-240mm F4-6.3 IS USM, ose një objektiv kryesor kompakt e ekonomik si objektivi i ri Canon RF 50mm F1.8 STM dhe do të jeni gati të shkrepni gjithçka, nga peizazhet deri te portretet. Falë një game adaptorësh mbërthyes EF-EOS R, EOS RP është gjithashtu tërësisht i pajtueshëm me objektivat tuaj EF dhe EF-S, pa humbje cilësie.

Sistemi tejet sensitiv Dual Pixel CMOS AF i Canon EOS RP ofron deri në 4,779 pozicione të zgjedhshme vetëfokusimi me ekranin e pasmë si bllok prekjeje për pikat e vetëfokusimit edhe kur përdorni inkuadrues elektronik. Me Eye AF aktiv, kamera mund të diktojë automatikisht dhe të gjurmojë vazhdimisht syrin e një personi për portrete super të mprehta.

Për kujtime çasti dhe memento: Canon Zoemini S dhe Canon Zoemini C

Një grua që mban një Canon Zoemini S në njërën dorë dhe një Canon Zoemini C në tjetrën.

Kamerat e çastit 2-në-1 të Canon do të ishin një dhuratë zbavitëse për këdo që dëshiron një pajisje kompakte që mund të realizojë autoportrete grupi, printime etj.

Canon Zoemini S në Rose Gold.

Modeli Canon Zoemini S 8MP në madhësi xhepi vjen me unazë të integruar drite për autoportrete të sigurta dhe vjen në tri ngjyra, duke përfshirë Rose Gold.

Kamerat e çastit 2-në-1 të Canon u mundësojnë fotografëve të rinj shkrepjen e printimin nga e njëjta pajisje me madhësi xhepi. Canon Zoemini C dhe Canon Zoemini S përmbajnë të dyja pasqyra ballore për kompozimin e autoportreteve dhe të grupfotove ideale. Secila prej tyre përmban 10 fletë fotoletre 2x3-inçëshe me shpinë ngjitëse Canon ZINK™ – dhe nuk keni punë me bojërat, pasi secila është rezistente ndaj njollave, grisjes dhe ujit, falë shtresës së mikrokristaleve që reagojnë kur ngrohet. Thjesht drejtoni, shkrepni, printoni e ngjisni.

Canon Zoemini S vjen dhe me një unazë të integruar drite për rezultate të këndshme, si dhe me lidhje Bluetooth që opsionet e kamerës dhe të printimit, duke përfshirë printimin drejtpërdrejt nga albumi i kamerës, të mund të kontrollohen nga telefoni apo tableta përmes aplikacionit Canon Mini Print.

Kamerat e çastit, argëtuese e peshëlehta, Canon Zoemini vijnë në një larmi ngjyrash. Fëmijëve u pëlqejnë nuancat vibrante të Canon Zoemini C – mund të zgjidhni mes Bumble Bee Yellow, Mint Green, Seaside Blue ose Bubble Gum Pink. Ndërsa adoleshentët e dhënë pas stilit mund të preferojnë opsionet Rose Gold, Pearl White ose Matte Black që ofrohen për Canon Zoemini S.

Për printim e shpërndarje kudo: Canon SELPHY Square QX10 dhe SELPHY CP1300

Katër printerë Canon SELPHY Square QX10, secili me ngjyrë të ndryshme.

Një printer Canon SELPHY Square QX10 do të ishte dhuratë ideale për këdo që do t’i printojë fotot e celularit kudo që të ndodhet – si dhe vjen në katër ngjyra të ndryshme.

Një Canon SELPHY CP1300.

Canon SELPHY CP1300 është një fotoprinter i shpejtë me Wi-Fi ideal për krijimin e printimeve unike nga pajisje të përputhshme inteligjente, kamera etj.

Printerët kompaktë fotografikë Canon SELPHY janë pajisje me stil e portative që japin printime të cilësisë së lartë edhe kur jeni në lëvizje.

Kompakt, komod dhe i ofruar në katër ngjyra, Canon SELPHY Square QX10 që mbështet edhe Wi-Fi ju mundëson printimin e fotove të detajuara 68x68mm drejtpërdrejt nga celulari juaj. Ky printer me bateri është krijuar për t’ju shoqëruar kudo dhe mund të karikohet me lehtësi përmes një kablloje USB. SELPHY Square QX10 përdor teknologji dye-sub, që do të thotë se fotot tuaja do të zgjasin për deri në 100 vite kur ruhen në një album. Ngjitëset e printuara vibrante janë prej letre të cilësisë së lartë, gati me konture mbi të cilat mund të shkruani diçiturat dhe mund edhe të shtoni pulla e filtra krijuese përmes aplikacionit falas SELPHY Photo Layout nga Canon.

Nëse dëshironi më shumë kontroll mbi procesin e printimit, atëherë Canon SELPHY CP1300 është për ju. Mund të realizojë printim 10x15cm (4x6-inçësh) në cilësi studioje në vetëm 47 sekonda - ky printer me Wi-Fi vjen me një ekran të madh të anueshëm për lehtësi përdorimi. Canon SELPHY CP1300 ju jep zgjedhje mes katër finicioneve të printimit dhe vjen përplot me një gamë opsionesh faqosjeje dhe “shkartisjeje” përmes aplikacionit falas SELPHY Photo Layout, duke përfshirë edhe shirita stili fotokabine edhe printimin për dokumente identiteti.

Për një kamerë aktivitetesh në natyrë që mund të shkojë kudo: Canon IVY REC

Një kamerë aktivitetesh Canon IVY REC në ngjyrë blu.

Dizajni i thjeshtë i saj dhe kamera e fuqishme e bëjnë Canon IVY REC shoqëruesin ideal për aventurat në natyrë.

Një grua shikon përmes inkuadruesit të një kamere aktiviteti Canon IVY REC.

Kapësja e Canon IVY REC funksionon dhe si një inkuadrues praktik për t’ju ndihmuar të kompozoni pozat.

Eksploruesit e natyrës dhe adhuruesit e sporteve ekstreme do të dashurohen pas Canon IVY REC – një kamerë argëtuese dhe ekonomike për aktivitete në natyrë që është krijuar për një jetë plot aventurë. Qoftë në rast çiklizmi malor mes terreneve të ashpra apo mes stërkalave të lumenjve, Canon IVY REC është goditjeduruese1 dhe ujëduruese2.

Me kapësen e madhe që funksionon dhe si inkuadrues për t’ju ndihmuar me inkuadrimin e fotove, kjo kamerë e vogël mund të lidhet me një çantë apo rrip, ndaj e keni gati kurdo që ju vetë të jeni gati. Komandat e thjeshta të Canon IVY REC bëjnë gjithashtu që të mos rraskapiteni për të nxjerrë pozën apo videon.

Canon IVY REC shkrep foto në 13MP dhe filma në Full HD me 60fps, si dhe vjen me fotostabilizim elektronik për poza të mprehta në kushte të vështira shkrepjeje. Lidhet gjithashtu me një pajisje portative, që kamera të mund të komandohet në distancë përmes aplikacionit falas Canon Mini Cam dhe fotot e videot mund të shikohen e shpërndahen në internet.


Shkruar nga Marcus Hawkins


1 Goditjeduruese deri në dy metra. Metodat e provës së rezistencës ndaj goditjeve janë unike për këtë produkt dhe nuk garantojnë mbrojtjen nga dëmtimi apo defektet e produktit.
2 Ujëduruese deri në 30 minuta në thellësi prej dy metrash. Provuar vetëm në ujëra të ëmbla. Nëse ekspozohet ndaj ujërave jo të ëmbla, rekomandohet shpëlarja në çast me ujë të ëmbël.

Artikujt e lidhur

  • Kthejeni një ditë me familjen në një film fantastik familjar

    TEKNIKA PËR VIDEO

    Kthejeni një ditë me familjen në një film fantastik familjar

    Filmoni çaste të vyera me familjen dhe mësoni si t'i shfrytëzoni sa më mirë funksionet video të kamerës EOS me videoblogerin, Stef Michalak.

  • PRINTIME KRIJUESE

    Këshilla printimi të çastit me "Canon SELPHY SQUARE QX10"

    Stile e këshilla se si të rrisni krijimtarinë me printerin "Canon SELPHY SQUARE QX10".

  • Canon Zoemini C dhe Canon Zoemini S në një tryezë me një fletore shënimesh që ka të ngjitura foto.

    IDE KRIJUESE

    Bëhuni krijues me gamën "Canon Zoemini"

    8 mënyra për të çliruar krijimtarinë kudo që të jeni me anë të një kamere çasti dhe printeri xhepi.

  • Ylli i YouTube dhe videoblogeri, Mike Gray, shtyp butonin e regjistrimit në ekranin me prekje të Canon PowerShot G7 X Mark III.

    VIDEOBLOGIMI

    Videoblogim krijues me "PowerShot G7 X Mark III"

    Ylli i "YouTube", MikeVisuals, rrëfen se si ia del të krijojë videoblogë tërheqës me ndihmën e modelit kompakt "Canon PowerShot G7 X Mark III", dhe ndan këshillat tij kryesore të videoblogimit.