Mënyra inteligjente për të përdorur printerin tuaj me valë

Çdo shtëpi ka nevojë për një printer. Pavarësisht nëse jeni duke punuar në distancë, duke drejtuar një biznes të vogël apo duke studiuar në shtëpi, një printer i besueshëm me valë e bën jetën më të thjeshtë.

Printerët më të mirë për zyrat në shtëpi janë gjithashtu fleksibël. Printimi, skanimi dhe fotokopjimi janë pjesë e përditshmërisë për një pajisje të fuqishme në një ambient pune hibrid, së cilës padyshim që do t'i duhet të përmbushë edhe një sërë detyrash të tjera të përditshme. Ka shumë mundësi që të përdoret për gjithçka që nga printimi i fotografive familjare dhe i etiketave të postës nga smartfoni, deri te skanimi i certifikatave të pemës familjare dhe krijimi i kartolinave të urimit.

Kjo nuk do të thotë që printerët duhet të jenë kuti të mëdha dhe thjesht funksionale. Merrni për shembull printerin Canon PIXMA TS7550i. Ky printer me valë ka dizajn elegant dhe kompakt, që e bën praktike vendosjen në rafte të ngushtë ose tavolina të vogla. Të gjithë sirtarët e letrës janë të aksesueshëm nga pjesa e përparme, prandaj mund ta vendosni në një hapësirë të ngushtë pa pasur nevojë të lini hapësirë shtesë për manovrimin e letrës. Por, nuk është vetëm pamja që ka rëndësi. Ky printer ofron gjithashtu shpejtësi të lartë printimi me ngjyra dhe bardhezi, si dhe tekst me cilësi tejet të qartë falë shtimit të bojës me pigment të zi.

Printerët me valë të Canon janë të lehtë për t'u konfiguruar dhe përdorur. Me lidhjen Wi-Fi dhe programet si Canon PRINT, mund të kontrolloni funksionet e printerit nga smartfoni ose tableta - më shumë për këtë as pak. Konfigurimi është i thjeshtë, duke përdorur programin e smartfonit ose udhëzuesin e mbështetjes nga Canon në internet - thjesht gjeni numrin e modelit të printerit dhe ndiqni udhëzuesin hap pas hapi.

Në konfigurimin e shtëpive inteligjente në ditët e sotme, të gjitha pajisjet janë të lidhura - smartfonët, tabletët, laptopët, televizorët inteligjentë e të tjera. Printeri juaj duhet të jetë pjesë e këtyre pajisjeve. Lidhni një printer Canon me Wi-Fi me rrjetin e shtëpisë dhe mund të printoni gjithçka që ju duhet nga çdo dhomë. Printimi nga smartfoni nuk është më risi. Ai është kthyer në standardin e ri dhe me aplikacionet e Canon për printerët, mund të printoni ose skanoni direkt nga telefoni apo tableti dhe jo vetëm. Me Cloud Link të Canon mund të dërgoni skanime ose të printoni nga shërbime të njohura të resë kompjuterike, duke përfshirë Dropbox, Google Drive dhe Microsoft OneDrive.¹ Gjithashtu mund të printoni fotografitë tuaja të preferuara direkt nga llogaritë e rrjeteve sociale si Facebook dhe Instagram.

Nëse puna nga shtëpia është pjesë e rutinës suaj, një printer me Wi-Fi do t'i përmbushë nevojat e printimit në zyrën e shtëpisë po me aq lehtësi. Përveç që është i dobishëm për prodhimin e letrave dhe etiketave për biznesin e përditshëm, printeri mund t'ju ndihmojë dhe të jeni më produktiv e efikas. Leximi i printimeve bën që të jeni më pak i shpërqendruar nga njoftimet në ekran apo mbërritja e emaileve. Ia vlen gjithashtu të kujtoni që sytë duhet të bëjnë pushime periodike nga ekrani. Me shpejtësi më të larta dhe cilësi superiore printimi, printerët Canon PIXMA TS7550i, TS6550i dhe TS4150i do t'ju ndihmojnë të menaxhoni si dokumente të rëndësishme pune, ashtu edhe projekte familjare.

Printeri me Wi-Fi PIXMA G3470 Series (shihni videon më lart) është ideal për shtëpitë dinamike dhe inteligjente, duke kombinuar printimin, skanimin dhe fotokopjimin me depozita boje me kapacitet të lartë me rendiment deri në 6000 dokumente bardhezi dhe 7700 dokumente me ngjyra.² Sistemi MegaTank i Canon e bën edhe rimbushjen të lehtë, me shishe boje të thjeshta, praktike dhe tejet ekonomike. PIXMA G4470 shton një vetëmbushëse dokumentesh për skanim dhe fotokopjim pa probleme me shumë faqe.

Nuk janë vetëm profesionistët që përfitojnë nga pasja e një printeri me valë në shtëpi. Shërbimi Cloud Link i Canon mbështet edhe Google Classroom,¹ çka e bën të dobishëm për nxënësit dhe studentët. "Google Classroom" është ideuar për të ndihmuar në komunikimin mes mësuesve dhe nxënësve. Përdorimi i Cloud Link me Google Classroom do të thotë që studentët mund të printojnë listat e lëndëve që ndjekin, si dhe detyrat drejtpërdrejt nga ekrani i printerit apo nga pajisja e tyre inteligjente përmes aplikacionit Canon PRINT. Një e mirë e mëtejshme për mësuesit është fakti që mund të printojnë me lehtësi regjistrin e klasës për të parë pjesëmarrjen në lëndë.

Nëse jeni student që është mësuar të përdorë altoparlantë inteligjentë, si Alexa³ ose Google Home¹ për të kontrolluar ndriçimin, televizorin dhe temperaturën e dhomës me komandim zanor, atëherë do ta adhuroni gamën e printerëve Canon me valë që janë të pajtueshëm me kontrollin zanor. Mund t'u kërkoni të printojnë përmbajtje, si fletë me vija, fletë me pentagrame, faqe për ngjyrose e të tjera. Thjesht duhet të thoni: “Alexa, kërkoji printerit Canon printer të printojë një listë kontrolli”,⁴ dhe printimi realizohet. Nuk është e nevojshme as të jeni në të njëjtën dhomë ku është printeri. Ju mund të jeni në kuzhinë duke përgatitur mëngjesin, duke larë dhëmbët në tualet ose shtrirë në krevat...

Gjeni më shumë detaje lidhur me mënyrat se si mund të printoni përmes komandave zanore duke përdorur Alexa dhe Google Home.

Për thjeshtësi, fleksibilitet, efikasitet dhe krijimtari maksimale, Canon ofron një gamë të gjerë aplikacionesh dhe softuerësh pa pagesë për të përmirësuar përvojën e printimit me valë. Me aplikacionin Canon PRINT, mund të printoni, fotokopjoni dhe skanoni me valë nga pajisjet inteligjente, të ndryshoni cilësimet e printimit, të kryeni rutina mirëmbajtjeje, të kontrolloni nivelet e bojës dhe të porosisni lehtësisht bojë të re. Mund të regjistroheni gjithashtu edhe për PIXMA Print Plan (i disponueshëm për disa modele të caktuara printerësh në rajone të caktuara). Paguani një abonim fiks mujor në bazë të numrit të faqeve që printoni në muaj, dhe printeri monitoron vetë nivelin e bojës dhe porosit automatikisht bojërat e duhura kur janë drejt përfundimit, të cilat ju dërgohen në adresë.

Siç e kemi parë, aplikacionet e printimit portativ të Canon e bëjnë të lehtë printimin direkt nga telefoni në një printer me valë. Kur jeni duke punuar nga shtëpia ose jashtë zyre, përdorimi i aplikacionit Canon PRINT me shërbimin Cloud Link të Canon ju mundëson të lidheni me valë me një printer zyre, në mënyrë që të mund të ndani dokumente me anëtarët e tjerë të stafit. Ju gjithashtu mund të skanoni dokumente nga distanca duke përdorur kamerën e smartfonit dhe t'i printoni në zyrë, ose të skanoni dokumente duke përdorur printerin dhe t'i dërgoni në një smartfon. Kjo funksionon në të dyja drejtimet.

Me shtimin e një note krijuese, programi Easy-PhotoPrint Editor ju jep mundësinë t'i ktheni fotot digjitale në printime elegante dhe dhurata unike, me shabllone për kalendarët, kartolinat, posterët dhe më shumë.

Ekziston edhe shërbimi PosterArtist në internet për krijimin e posterëve, pankartave dhe fletushkave tuaja. Printerët MAXIFY GX3040 dhe MAXIFY GX4040 MegaTank janë veçanërisht të mirë për këtë, me një sirtar hyrës të sheshtë nga mbrapa që lehtëson krijimin e banderolave ​​me gjatësi deri në 1.2m në gjatësi dhe në material kartoni me trashësi deri në 0.7mm.

Për kompjuterët me Windows, Easy-Layout Editor është një modul i dobishëm zgjerimi për programet drejtuese të printerit që ju jep një pamje paraprake në ekran për paraqitjen dhe printimin e imazheve të ndryshme. Ose edhe pa shkarkuar ndonjë program, printerët Canon që janë të përputhshëm me Chromebook, Apple AirPrint dhe Mopria^® për Android ju mundësojnë thjesht lidhjen dhe printimin me valë nëpërmjet protokollit të printimit të integruar të smartfonit ose tabletës suaj.

Në përmbyllje printerët e Canon me Wi-Fi dhe gama e programeve janë krijuar për të punuar më së miri me njëri-tjetrin. Nga panelet e kontrollit fizik të printerëve deri te veçoritë dhe ndërfaqet e programeve, gjithçka është projektuar që të jetë e lehtë dhe intuitive për t'u përdorur, ndërkohë që ju jep lirinë për të përfunduar të gjitha llojet e detyrave të skanimit dhe printimit sa më shpejt dhe pa mundim. Me Canon në këndin tuaj, printimi me valë është i lehtë sa s'ka.