E njohur ndryshe dhe si Calcio Fiorentino, loja dërrmuese e Calcio Storico (futbolli historik) luhet vetëm në Firence në muajin qershor dhe vetëm nga katër skuadra që përfaqësojnë të katër lagjet e qytetit.

Loja vjen nga shekulli i 15-të dhe është luajtur fillimisht nga aristokratët, e madje, me raste, edhe nga papa në post. Dhuna e saj e pandarë ka lindur nga kohërat e dhunshme. Rivalitetet mes familjeve në Firencen e mesjetës (vendlindja e familjes famëkeqe Mediçi) shpesh shpërthenin në kaos.

Kampionati i ditëve të sotme - dy gjysmëfinale, të ndjekura nga finalja - zhvillohet në piazza (sheshi) të mbuluar me rërë përpara kishës së Santa Kroçes të shekullit 14-të.

Rregullat janë të thjeshta. Për pesëdhjetë minuta pas gjuajtjes së topit, dy skuadra me 27 meshkuj përpiqen të hedhin një top mbi gardhin 1,2 m (4 ft) në anën tjetër të fushës duke shënuar gol (caccia): nëse nuk ia dalin, skuadra kundërshtare fiton gjysmë "caccia".

Lojtarët mund të përdorin të dyja duart dhe këmbët për të pasuar topin dhe u lejohet të bllokojnë kundërshtarët me manovra mundjeje - ose me çdo mënyrë tjetër që e gjykojnë të përshtatshme. Sigurisht që do të bëhen me gjak. Njerëzit e humbin toruan. Por, sidoqoftë, dinjiteti dhe respekti duket se ruhen.

Skuadra fitimtare nuk ngre ndonjë trofe të madh argjendi, por në vend të tij fiton një lopë.

Calcio Storico është vetëm një nga mundësitë interesante, të pazakonta, emocionuese që bota ju ofron nëse jeni të gatshëm të eksploroni pak më shumë, të ktheheni diku tjetër, të shkoni majtas aty ku zakonisht shkoni djathtas. Canon ju fton të zbuloni dhe t'i regjistroni me fotografi ose video. Ejani dhe shikoni.