Canon CR-X300

Një sensor tipi 4K/UHD CMOS 1/2.3" me procesor figure DIGIC DV6 shkrep filmime të detajuara deri në 4K 30P me 4:2:2/10-bit. Videoja mund të nxirret në Enhanced Full HD që përfiton nga mbimodulimi në 4K.

CR-X300 ka objektiv zmadhimi optik 20x me gjatësi fokale prej 29.3–601mm (ekuivalent i 35mm) në UHD, si dhe opsionin e zmadhimit digjital 20x. CR-X300 vjen dhe me sistemin 4 Axis IS nga Canon për stabilitet të përmirësuar gjatë shkrepjes.

CR-X300 është tejet fleksibël falë daljeve të saj 6G SDI dhe HDMI, lidhjeve PoE++ si dhe të rrjetit me mbështetje për protokolle si Canon XC, RTP/RTSP, RTMP/RTMPS, SRT, FreeD dhe videotransmetim NDI|HX plus komunikim standard, protokolle transmetimi dhe protokolle komandimi.

CR-X300 kombinon vetëfokusim kontrasti me precizion të lartë me vetëfokusimin me pikasje faze në shpejtësi të lartë, duke siguruar fokusim të saktë të subjektit, edhe në ndriçim të ulët.

CR-X300 ka kapacitet për panoramim, anim dhe zmadhim precizioni të lartë deri në ngadalësim 0.3 gradë/sek, edhe me presete, dhe është i pajtueshëm me pultin Canon RC-IP100, aplikacionin Remote Camera Control plus opsione të zgjedhura palësh të treta.

CR-X300 vjen me një filtër të brendshëm ND të graduar 1/8 me opsionin për të shtuar një mekanizëm filtri ND të përmirësuar 1/32 që shton një filtër përpara sipërfaqes të njësisë së objektivit, duke tejkaluar diapazonin ND nga 1/32 në 1/256.

CR-X300 vjen me një meny të personalizuar figure që mundëson sintonizim të imët të cilësimeve të figurës në një gamë të gjerë skenarësh shkrepjeje me kamera të tjera, si p.sh. Cinema EOS, për cikle efikase pune në konfigurime shumëkamerëshe.

Me nivel IP65 rezistence ndaj ujit dhe pluhurit, me veti të mëtejshme kripëlarguese për të punuar nga -15° në +40°C dhe në lagështirë 90%, trupi i hermetizuar vjen dhe me një fshirëse të integruar për një pamje të qartë.

Me programin drejtues² pa pagesë¹ për kamerat e internetit, mund të përfitoni videotransmetime të shtruara deri në 4K 30p me maksimumi 5 kamera të zgjedhura Canon PTZ³ përmes një lidhjeje të thjeshtë Ethernet. Në pajtim me shumicën e platformave të videokonferencës dhe programeve që kërkojnë UVC, ky program për Windows OS është një program drejtues virtual për USB që lejon integrim të lehtë të videotransmetimit, ideal për videokonferencë dhe leksione nga interneti.

1. Mund të nevojitet licencë pale të tretë
2. Programi do të ofrohet në qershor 2022
3. Vlen vetëm për CR-N500, CR-N300 dhe CR-X300