)
Ka tre lloje të ndryshme të lenteve për kamerat Canon të konsumatorit me lente të ndërrueshme, këto përfshijnë EF, EF-S dhe EF-M. Kur është fjala për zgjedhjen e lentes tuaj, duhet të siguroheni që po zgjidhni një lente që do të funksionojë me kamerën tuaj.
Mënyra më e lehtë për të zbuluar se cilat lente do të pranojë kamera juaj është të shikoni treguesit në montimin e lentes në pjesën përpara të kamerës tuaj.
Thjesht hiqni lenten nga kamera duke shtypur butonin e lëshimit të lentes dhe duke e rrotulluar lenten në drejtimin antiorar.
Nëse shikoni një rreth të kuq në montimin e lentes, kamera juaj do të pranojë lentet EF.
Nëse shikoni një rreth të kuq dhe një katror të bardhë, ajo do të pranojë edhe lentet EF-S.
Nëse shikoni një rreth të bardhë, ajo do të pranojë vetëm lentet EF-M.
Sistemi origjinal i kamerave EOS u prezantua në vitin 1987. Në themel të tij qëndronte montimi i lentes EF, duke lidhur për herë të parë lentet me trupin e kamerës në një mënyrë plotësisht elektronike. Përveç lidhjes fizike mes këtyre dy pjesëve, të gjitha komunikimet janë elektronike, duke lejuar një transferim shumë të shpejtë dhe në kohë reale të të dhënave. Canon ishte i pari që ndërtoi një motor që e drejton fokusin brenda çdo lenteje, në vend të përdorimit të motori brenda trupit të kamerës. Edhe me zhvillimin dhe evolucionin e vazhdueshëm të sistemeve të fokusimit, teknologjitë e Stabilizuesit të imazhit, elementet profesionale të lenteve dhe izolimin ndaj kushteve të motit, modeli origjinal i montimit EF mbetet i njëjtë. Të gjitha lentet EF janë të përputhshme me çdo kamerë EOS të prodhuar, duke përfshirë edhe serinë e re EOS M kur i përdorni me adaptorin e montimit EF në EOS M.
Lentet EF-S janë projektuar në mënyrë specifike për modelet EOS DSLR me një sensor me madhësi më kompakte - duke siguruar kështu lente që janë të ehta, të gjithanshme dhe jashtëzakonisht portative. Në gamën EF-S, inxhinierët e Canon shfrytëzuan madhësinë e sensorit APS-C për të prodhuar lente që janë jo vetëm më të vogla dhe më të lehta, por që u ofrojnë po ashtu fotografëve zgjedhje shumë më të mëdha me kënd të gjerë. Pronarët e kamerave me montimin EF-S kanë akses në oferta të plota të lenteve të lehta që variojnë nga 16mm deri në 400mm (të barasvlershme me 35mm).
Lentet me montimin EF-M prezantuar me gamën origjinale të kamerave EOS M në vitin 2012. Edhe më kompakte në krahasim me gamën EF dhe EF-S, ato janë projektuar për t'u përdorur ekskluzivisht me kamerat EOS M. Me një gamë nga ultra të gjerë në telefoto dhe në makro, ato janë mjaft portative për t'i marrë kudo me vete, dhe janë një zgjedhje e shkëlqyer për ata që kërkojnë një qasje më krijuese ndaj fotografisë së përditshme.
)