ARTIKULL LAJMESH

#FreeYourStory: një perspektivë unike

Krijimtaria, impakti dhe fuqia për të rrëfyer – fotot fituese nga një konkurs i menduar për gjetjen e rrëfimtarëve pamorë të gjeneratës së re.
Një burrë me një bluzë rozë mban një kamerë Canon para fytyrës. Blici hedh përsipër një dritë portokalli.

Krijimtaria, impakti dhe fuqia për të treguar një histori – kjo është ajo që përpiqen të arrijnë të gjithë fotografët me fotot e tyre. Mundësia për të shfaqur një perspektivë unike është shenja e fotografi të mirë dhe kjo është çfarë synon të zbulojë Canon me anë të frazës me thurje #FreeYourStory dhe konkursit të lidhur me të.

Për të marrë pjesë në konkursin #FreeYourStory, fotografëve të rinj u kërkohet t'i vendosin fotot e tyre në dy kategori – autoportretet e pasqyruara dhe perspektiva e drejtuar – ku aplikimet vlerësohen nga një panel jurie të pavarur, të cilët kërkojnë për foto që bien më shumë në sy. Juria ka përzgjedhur mes qindra aplikimeve për të arritur deri te fotot fituese dhe një përzgjedhje fotosh të arrira, të cilat mund t'i shikoni më poshtë. Do të dëgjoni gjithashtu edhe historinë pas secilës foto fituese të #FreeYourStory, si dhe do të merrni dhe komente nga disa prej anëtarëve të jurisë: përfaqësuesja e nderit e Canon dhe specialiste portretesh, Wanda Martin, përfaqësuesja e nderit e Canon, fotoreportere dhe producente dokumentarësh, Ulla Lohmann; dhe fotografi i udhëtimeve, regjisor dhe personazh publik, Michael Gray.

Fituesja e autoportretit të pasqyruar

Një pozë bardhezi e një fëmije të pasqyruar në një dritare, që duket sikur është pjesë e një prezantimi kukullash.

Karolina Dworzynska, Poloni, e ka shkrepur këtë foto teksa vizitonte një fshat përrallor me familjen e saj të re. Ajo pati vetëm një shans për ta shkrepur pozën përpara se vajza të ndërronte mendje dhe të ikte me të shpejtë. © Karolina Dworzynska

"S'mund ta besoja që isha fituese e kësaj kategorie," - thotë Karolina Dworzynska. "Nuk kam fituar kurrë asgjë në gjithë jetën time dhe ky ishte konkursi im i parë i fotografisë ku kam marrë pjesë."

"Më pëlqen të shkrep foto të fëmijëve, pasi të japin gjithnjë reagime autentike, dhe mund të dallosh gjithnjë emocionin në fytyrën e tyre. Synimi është të fiksoj çastin në kohë që më vonë në jetën time, fëmijët e mi të mund të shikojnë se si dukej fëmijëria e tyre dhe t'i rijetojnë sërish ato momente. Fatkeqësisht unë s'mund ta kem një përvojë të tillë vetë, pasi kam vetëm pak foto të kohës kur kam qenë vajzë e vogël. Mbase prandaj dhe fotografia është kaq e rëndësishme për mua."

Përshkruar nga juria si "lozonjare" dhe "befasuese", fotografia bardhezi e Karolinës ishte shkrepur gjatë një vizite të familjes në një fshat përrallor, ku kishte shtëpi të vogla të mbushura me personazhe të mekanizuara përrallash. "Ne ndaluam për të dëgjuar përrallën e Hirushes dhe aty vura re pasqyrimin e tim vajze në dritare. Ajo dukej si të ishte pjesë e përrallës, ndaj dhe e shfrytëzova rastin për ta shkrepur në foto. U përpoqa të nxjerr dhe një foto të dytë, por ajo aq e pati dhe u largua. Kështu që kaq ishte. Pata një rast dhe e shfrytëzova."

Një pozë bardhezi e një gruaje që zgjat dorën, pasqyruar kjo në një pasqyrë.

Kjo pamje nga Daria Liushnevska, Poloni, ishte në vendin e dytë në kategorinë e autoportretit të pasqyruar. © Daria Liushnevska

Një autoportret burri, i kërrusur në një shkëmb, pasqyruar në një palë syze gjashtëkëndore.

Kjo pozë nga Dominique De Laender, një tjetër kandidat për fitues, tregon teksa kërruset me aparatin Canon, pasqyruar në një palë syze dielli. © Dominique De Laender

Çfarë thonë profesionistët...

Varianti intrigues i Karolinës në tematikën e autoportretit të pasqyruar i la përshtypje jurisë. "Autoportreti i pasqyruar është një prej stileve më të vjetra dhe më të përdorura në fotografinë e autoportretit – shohim qindra të tilla çdo ditë në rrjetet sociale," - thotë përfaqësuesja e nderit e Canon dhe specialiste e portreteve, Wanda Martin. "Unë po eksperimentoja me autoportretet gjatë gjendjes së kufizimit të lëvizjes, ndaj kisha vërtet kërshëri të shikoja se si i ishin qasur të tjerët tematikës.

"Na erdhën disa zgjidhje vizuale shumë të zgjuara dhe krijuese. Fituesja për ne është një fotografi e bukur bardhezi, ku pasqyrimi i fëmijës shkrihet me botën e kukullave. Madje as nuk i veçon dot të dy botët nga njëra-tjetra dhe na pëlqeu se si iluzioni optik krijon një realitet të ri."

Pjesa tjetër e jurisë ishte dakord. "M'u desh ta shikoja për së dyti," - thotë përfaqësuesja e nderit e Canon, fotoreportere dhe producente dokumentarësh, Ulla Lohmann. "Kishte një element befasie, me pasqyrimet edhe të fëmijës së vogël edhe të fotografes – ishte diçka si e vjetra e kombinuar me të renë. Sa më shumë e shikon, aq më interesante bëhet."

"Vërtet që nuk e kishim parë një përdorim të tillë të pasqyrimit," - shton fotografi i udhëtimeve, regjisor dhe personazh publik, Michael Gray. "Na pëlqeu shumë precizioni në mënyrën si vjen fëmijë në vijë me lartësinë e kukullave. E bëri vërtet jurinë të ndalonte një copë herë dhe të mendohej se si ishte puna në foto, dhe kjo na emocionoi."

Një pozë bardhezi e disa fotove të së njëjtës fytyrë të pasqyruar në një pasqyrë.

Kandidati për fitues, JoJanni Cosico, EBA, ka përdorur pasqyrat për të shkrepur disa poza të fytyrës së tij. © JoJanni Cosico

Një autoportret gruaje në bardhezi, duke parë objektivin dhe duke mbajtur një kamerë mbi fytyrë.

Një autoportret më i zakonshëm nga kandidati për fitues, Sepiso Dean Mwamelo, Britani, por një pamje me impakt të ndjeshëm. © Sepiso Dean Mwamelo

Si të shkrepni autoportretin tuaj të pasqyruar

Fotoja e Karolinës tregon se sa e lehtë është të shfrytëzosh shanset e përditshme të fotografimit, kur je në linjë me krijimtarinë tënde. Sa shumë prej nesh kalojnë, për shembull, pranë vitrinave të dyqaneve çdo ditë dhe e humbasin shansin për një pozë të arrirë? Nga ana teknike është e lehtë të nxjerrës foto të tilla, të inkuadrosh subjektin e pasqyruar përkundër një pjese më të errët të skenës dhe të sigurohesh që kamera të fokusohet te pasqyrimi dhe jo te sfondi. Sfida është të gjesh një subjekt interesant.

Nuk është e thënë të planifikosh ndonjë shkrepje të organizuar apo të mbash kamerën e rëndë me vete: mjafton kamera kompakte e çastit Canon Zoemini S në xhep dhe e keni mundësinë të shkrepni më spontanisht, si dhe të krijoni printime çasti kudo që të ndodheni. Është një mënyrë e mirë për të kapur ato çastet fluturake me familjen, teksa pasqyra e integruar e kamerës e bën më se të lehtë shkrepjen e autoportreteve në grup.

Trajtimi bardhezi që ka përdorur Karolina për foton e saj i bën bashkë dy botët në secilën anë të xhamit, duke i dhënë më shumë fuqi iluzionit optik. Provoni t'i shtoni një filtër fotove tuaja me ngjyra përpara se t'i shpërndani në internet apo t'i printoni. Shkarkoni aplikacionin Canon Mini Print në pajisjen tuaj portative nga App Store dhe Google Play, dhe mund të shtoni filtra, korniza e distorsione si module për të krijuar foto unike, përpara se t'i printoni në Canon Zoemini S. Për më shumë frymëzim, hidhini një sy rubrikës #FreeYourStory.

Fituesi i perspektivës së drejtuar

Një djalosh që mban një kapelë dhe syze dielli duartroket teksa avionët luftarakë turq F-16 kryejnë një demonstrim, duke lënë gjurmë tymi kuqebardhë në qiell.

Këndi dhe kompozimi i kësaj poze ndihmoi Muhammet-in të dilte fitues në kategorinë e perspektivës së drejtuar. © Muhammet Samet Yılmaz

Muhammet Samet Ylmaz është zgjedhur si fitues i kategorisë së perspektivës së drejtuar të #FreeYourStory, me këtë pozë të goditur të pilotëve avionëve luftarakë turq F-16 teksa shfaqin aftësitë e tyre. "Pashë një djalë që e shikonte me krenari spektaklin dhe më erdhi ky imazh menjëherë në mendje. Zgjodha me të shpejtë një kënd të mirë dhe i dhashë një të shkrepur."

Muhammet-it i pëlqen të udhëtojë dhe mban gjithnjë një kamerë me vete. Në këtë mënyrë ka mundësinë t'i shfrytëzojë rastet siç i dalin - gjë që është sigurisht optimale kur vjen puna për fotografi me perspektivë të drejtuar. "Kur mësova se kisha fituar, m'u kapi gëzimi. Në fillim s'arrija ta besoja, ndaj e lexoja emailin parë e prapë", - thotë ai.

Çfarë thonë profesionistët...

"Anëtarëve të tjerë të jurisë, ashtu si dhe mua, na pëlqeu fort ai elementi personal te fituesi i kategorisë sonë të perspektivës së drejtuar," - shpjegon Wanda. "Ashtu si në rastin e fitueses së autoportretit të pasqyruar, është një foto e pazakontë familjare, por me një lojë vërtet të zgjuar vizuale."

"Është një pamje me të cilën gjithkush krijon një raport," - thotë Ulla. "Për mua teknika është njëra anë, por unë po kërkoja për një element befasie dhe rrëfimtarie, gjë që ta jep kjo foto.

"Unë në fakt e kam përdorur tematikën e perspektivës së drejtuar për t'i sfiduar pjesëmarrësit në një prej seminareve të mia kohëve të fundit, dhe do të inkurajoja gjithkënd që e lexon këtë që ta provojë si këtë, ashtu edhe tematikën e autoportretit të pasqyruar për të sfiduar veten që të mendoni ndryshe me fotografinë tuaj."

Mike është dakord: "Unë po shpresoja të shihja dikë që mendonte jashtë kornizave, sidomos me gjithë situatën që kemi tani në botë. Kishim plot material me foto që njerëzit i kishin nxjerrë në oborret e shtëpisë dhe them se kjo tregon se mund të jesh krijues kudo që të ndodhesh.

"Ajo që më pëlqeu me të dy fotot fituese ishte se përkonin më së miri me kërkesën tonë – rrëfimi dhe emocioni i shkrepur në pozën e perspektivës së drejtuar përcillej më së miri kur e shikonim të gjithë bashkë."

Një siluetë burri zgjat gishtin sikur përpiqet të cekë diellin që perëndon.

Kjo siluetë nga vendi i dytë në kategorinë e perspektivës së drejtuar, Fattih Ekmen, i jep një nivel të ri interesi perëndimit të bukur të diellit. © Fattih Ekmen.

Një grua me veshje sportive duket duke iu ngjitur një blloku blu, shkrepur nga lart.

Kandidatja për fituese, Angelika Arkuszynska, zgjodhi ta shkrepte nga lart për poshtë, duke krijuar iluzionin se subjekti po i ngjitej një muri vertikal. © Angelika Arkuszynska

Si të shkrepni fotot tuaja me perspektivë të drejtuar

Perspektiva e drejtuar ka të bëjë më shumë me gjetjen e subjektit të duhur dhe të këndit optimal për shkrepje, që të gjitha të jenë në vijat e nevojshme, se sa ka të bëjë me gjetjen e komandave të kamerës. Përgatituni të uleni apo dhe shtriheni përtokë kur shkrepni foto nga kënde të larta që të mund të arrini rezultate bindëse.

Idetë e thjeshta shpesh dalin më mirë, ndaj sapo të qëllojë rasti, shikoni për mënyra se si të shmangni pjesë të pamjes që nuk i shtojnë gjë rrëfimit të synuar. Provoni të luani me përmasat: nëse doni të bëni një subjekt të vogël që të duket i madh në lidhje me detajet në sfond, do t'ju duhet t'i shkoni më pranë me një objektiv të gjerë ose të qëndroni më larg por duke zmadhuar pamjen. Mund dhe të përfshini vetveten në pamje – provoni të zgjasni njërin krah përpara kamerës e të dukeni sikur bashkëveproni me sende në distancë.

Nëse i shpërndani fotot dhe videot tuaja me perspektivë të drejtuar në Instagram, mos harroni të përdorni frazën me thurje #FreeYourStory – do të na pëlqente të shikonim rezultatet tuaja!


Shkruar nga Marcus Hawkins

Produktet e lidhura

  • Kamerat pa pasqyra

    EOS R50

    Krijoni përmbajtjen më tërheqëse me këtë kamerë EOS R pa pasqyrë, nga fotot e mprehta deri te filmat 4K dhe transmetimet e drejtpërdrejta. Të gjitha në një pajisje të dedikuar.
  • Kamera-printerë çasti dhe xhepi

    Canon Zoemini S2

    Çoni autoportretet një shkallë më tej me printerin-kamerë në madhësi xhepi, të kompletuar me pasqyrë, unazë drite, shkrehës distance dhe pamje direkte.
  • Printerë për shtëpi

    SELPHY SQUARE QX10

    Ruajini kujtimet tuaja të veçanta si printime të punuara me hijeshi që mund t'i merrni kudo, në lidhje me valë.

Artikujt e lidhur

  • PRINTIM KRIJUES

    Printime lozonjare me Paperboyo

    Luani, printoni dhe postoni: Ylli i Instagram-it, Paperboyo, eksperimenton me Canon SELPHY Square QX10.

  • PRINTIME KRIJUESE

    Printerët më të mirë portativë të Canon

    Eksploroni gamën e printerëve kompaktë të Canon për të mësuar se cili është i duhuri për ju.

  • KAMERAT E ÇASTIT

    Rrisni krijimtarinë me printerë portativë

    Ndikuesi social i "Instagram", Joel Thorpe, flet për përdorimin e një "Canon Zoemini S" për të përfshirë printimet e tij në foto.

  • PRINTIM KRIJUES

    Planifikoni, luani dhe printoni

    Mësoni se si mund t’ju ndihmojë aplikacioni SELPHY Photo Layout që të gjeni ide emocionuese në projekte punëdoreje.