PRINTIM KRIJUES

Sillini projektet tuaja krijuese në jetë me aplikacionin SELPHY Photo Layout

Ekspertja e punëdores dhe blogere, Emma Jewell, tregon se si të krijoni projekte që ju lënë pa fjalë me ndihmën e aplikacionit Canon SELPHY Photo Layout.
Një dorë duke marrë një fletë të printuar me imazhe vibrante nga një printer Canon SELPHY CP1300 rrethuar nga rruaza, varëse dhe një grafik me ngjyra.

Ekspertja e punëdore dhe artiste, Emma Jewell, mishëron çdo gjë që shndrit, jo vetëm për nga emri, por dhe për nga natyra. Nga buletini i saj në Instagram, përplot me një larmi ngjyrash dhe punëdore të frymëzuara; deri te Craft and Cocktail Club i saj mujor, Emma ka një pasion për krijimin e gjërave – sidomos nëse bëhet fjalë për paraqitje vezulluese.

"Mendoj se gjithkush e ka një mjeshtëri, thjesht u duhet të gjejnë se cila është,” - thotë Emma, e cila zotëron markën e vet të punëdores, Sassy Crafting, dhe është kthyer në profesioniste të lirë të punëdores pesë vite më parë.

Një adhuruese e vetëdeklaruar e ngjyrave, vezullimit dhe "sistemimit të gjërave sipas radhës së ylberit" Emma pranoi sfidën që të tregonte sa mund të argëtohej me aplikacionin Canon SELPHY Photo Layout. Aplikacioni jo vetëm ju mundëson të krijoni struktura interesante fotosh, por mund të përdoret dhe si mjet krijues artistik dhe skicimi, me mundësi për të shtuar filtra, tekst dhe pulla e grafikë për ta bërë ideal për albume dhe fotoprojekte personale argëtuese. Dhe pasi të jeni të kënaqur me krijimet tuaja, printeri portativ me Wi-Fi, Canon SELPHY CP1300, ju mundëson t’i printoni në çast montazhet tuaja frymëzuese.

Këtu Emma tregon përse aplikacioni falas i krijimit të kolazheve Canon SELPHY Photo Layout dhe minifotoprinteri Canon SELPHY CP1300 janë kombinimi ideal për krijim punëdoresh.

1. Mbledhja e ideve

Një sërë rruazash dhe varësesh qafe ndanë një cope letre me imazhe varësesh dhe byzylykësh me rruaza.

Emma ka bloguar që nga viti 2014 dhe ka krijuar përmbajtje për marka si Hobbycraft, Cricut dhe Trimcraft. Asaj i pëlqen të bëjë krijimet e veta unike në vend që të blejë artikuj në dyqane.

"Mua më pëlqen krijimi i albumeve dhe personalizimi i rrobave," - thotë Emma, e cila e përdori aplikacionin SELPHY Photo Layout për të mbledhur ide për projektet e saj të punëdores. "Kam marrë frymëzim – motive dhe ngjyra të ndryshme – për një palë xhinse që kam dashur të personalizoj, disa ide për art shumëngjyrësh muri, një çantë makijazhi me temina, dhe disa bizhuteri me rruaza plastike alla vitet 90 dhe një zinxhir.

"Unë mbledh ide nga kudo, duke përfshirë Pinterest. Doja të bëja vërtet diçka me xhinse dhe motive lulesh, ndaj po merresh me margaritat. Përdora aplikacionin për ta përgatitur si ide dhe për të parë se cilat dizajne shkonin më shumë."

2. Modifikimi i ideve tuaja frymëzuese

Margarita pëlhure. një copë letre me pamje margaritash dhe një foto xhinsi me margarita përsipër mbi një sipërfaqe të bardhë.

Paraqitja Combination e aplikacionit ju mundëson sistemimin e fotove në përmasa të ndryshme dhe Emma e ka përdorur si opsion për të krijuar një fotokolazh me margarita për xhinsin që mendonte të personalizonte.

Margaritat e pëlhurës. një copë letre me pamje margaritash dhe një foto xhinsi me margarita përsipër mbi një sipërfaqe vjollcë, ndanë një printeri Canon SELPHY CP1300.

Aplikacioni SELPHY Photo Layout ka një sërë opsionesh për shtimin e filtrave, pullave, tekstit dhe grafikëve, duke ju mundësuar krijimin e fotokolazhit tuaj zbavitës.

Aplikacioni SELPHY Photo Layout ka gjashtë opsione strukture që mund të zgjidhen:

Select & Print: Ky opsion krijon një imazh të vetëm.

N-up: Ky opsion e ndan letrën njëtrajtshëm në dy, katër ose tetë foto për faqe.

Shuffle: Ky opsion i kombinon automatikisht në mënyrë të rastësishme fotot me formate të ndryshme kuadri për të krijuar një kolazh të gatshëm të fotove tuaja.

Bookmark: Ky opsion krijon dy faqosje gjatësore.

Combination: Ky opsion bën bashkë foto të madhësive të ndryshme (që mund të priten në vijim veç e veç pas printimit).

Label: Ky opsion ju mundëson të përdorni imazhet tuaja për të krijuar etiketa katrore ose të vogla.


Nëse keni shkarkuar versionin e fundit të aplikacionit, do të keni mundësi të krijoni një faqosje Bookmark me dy dizajne të ndryshme, në vend të të njëjtit dizajn të përsëritur. Ekspertët e punëdores përfitojnë gjithashtu opsionin për të zgjedhur nga një gamë e përmirësuar ngjyrash për tekst dhe grafikë dhe një funksion “mbivendosjeje të personalizuar” për një efekt unik pike UV, që i bën disa zona të imazhit të duken më të shndritshme se të tjerat, duke lejuar mundësi krijuese interesante.

Emma ka përdorur faqosje të ndryshme për kombinimin e ideve të saj. "Për disa, kam shtuar tekstin dhe disa prej ngjitëseve,” - thotë ajo. "Kam shtuar lulet ngjitëse mbi xhinse për të parë se si do të dukeshin. Aplikacioni më dha gjithashtu opsionin të shtoj një sfond me pika në një prej seksioneve,” - shpjegon Emma. "Kam përdorur tri foto dhe një zonë me pika që do të thotë që mund të shtoj shënime nëse dua.”

3. Printoni dizajnet tuaja

Një larmi materialesh shumëngjyrëshe dhe printimesh punëdoreje rreth një printeri Canon SELPHY CP1300.

Emma-s i pëlqejnë ngjyrat dhe vezullimi dhe dizajnet e saj shumëngjyrëshe dalin më së miri me Canon SELPHY CP1300, që realizon printime në përmasa kartolinash me një përzgjedhje finicionesh.

Një printer Canon SELPHY CP1300 duke printuar një fletë me katër motive të ndryshme me xixa.

Canon SELPHY CP1300, që mbështet Apple AirPrint, e bën më të lehtë krijimin e pozave të çastit për t’i vendosur në tabela e mure.

Printimet e Emma-s, që janë bërë shpejt e lehtë falë fotoprinterit portativ Canon SELPHY CP1300, kanë përkuar me stilin e saj të veçantë dhe vibrant. "Ngjyrat ishin vërtet të shndritshme dhe nxirrnin në pah të gjitha nuancat që dëshiroja të paraqisja. Madje printova dhe një skemë ngjyrash për njërën prej tyre, dhe me të vura re se sa besnike ishin ndaj ngjyrave të ekranit," - thotë Emma.

"Më pëlqeu sa shpejt printoi SELPHY CP1300. Procesi i dërgimit të fotove nga aplikacioni drejtpërdrejt te printeri është praktik, i shpejtë dhe i thjeshtë. Ishte gjithashtu e lehtë të ndërrohen gjërat ose nëse diçka nuk rezulton siç duhet ose nëse ndërroja mendjen – mund thjesht të printojë një version tjetër. Më pëlqen vërtet letra e madhësisë 6x4, sepse mund të nxësh disa foto në një fletë.”

Aplikacioni SELPHY Photo Layout mbështet gjithashtu printerin portativ Canon SELPHY Square QX10.

4. Gjetja e frymëzimit për projektin tuaj të punëdores

Një çantë makijazhi me një fletë shkëlqyese, penj dhe temina përmbi, ndanë një fotoje të një pale çizmesh të bardha me një efekt shkëlqyes, holografik.

Duke filluar me një foto për frymëzim – si p.sh. kjo palë çizmesh holografike – është një mënyrë e mirë për të nisur me projektin tuaj krijues. "Këpucët me elementin holografik ishin një pikënisje," - shpjegon Emma. "Një shembull i veshjes me të cilën mund të shkojë kjo çantë makijazhi.”

Këshilla kryesore e Emma për të apasionuarit e rinj të punëdores është të përdorni një tematikë argëtuese për të nisur projektin tuaj dhe vijoni më tej prej aty. "Mblidhni sa më shumë frymëzim të mundeni,” - thotë ajo. "Pastaj zgjidhni një imazh për të filluar, qoftë ngjyrë, artikull që doni të personalizoni ose edhe thjesht një foto e një palë këpucëve – përdoreni si pikënisje.”

Idetë e Emma-s zakonisht fillojnë kur është duke i dhënë zgjidhje ndonjë problemi dhe kërkon të krijojë artikullin e saj në vend që t’u drejtohet dyqaneve për ta blerë zgjidhjen. "Mbaj me vete një fletore për gjërat që më vijnë në mendje ndërsa bares," - thotë ajo. "Mendoj për gjërat që mund të dua të vesh vetë ose të përdor në shtëpinë time. Në vend që të blej diçka, mendoj 'Si mund ta bëj vetë gjënë që më duhet?'"

Qoftë kur eksploroni idetë tuaja të punëdoreve me printerin portativ Canon SELPHY CP1300 ose SELPHY Square QX10, aplikacioni SELPHY Photo Layout mund t’ju ndihmojë të shprehni krijimtarinë tuaj me fotokolazhe.

Për më shumë frymëzim punëdoreje, nga fluturat e punëdores deri tabelat e ideve – klikoni këtu.

Shkruar nga Lorna Dockerill

Produktet e lidhura

Artikuj të ngjashëm

  • Katër imazhe të printuara në SELPHY Square QX10 të vendosura në sipërfaqen me motive.

    PRINTIM KRIJUES

    Krijoni gjatë gjithë vitit

    Kërkoni për ide frymëzuese për SELPHY Square QX10 nga Jesus Sauvage.

  • Një imazh nga lart-poshtë i një përzgjedhjeje librash ushtrimesh me ngjyra, një kalendari, ngjitësesh dhe letrash printeri Canon.

    KËSHILLA PRINTIMI

    Organizohuni për shkollë

    Jeta familjare e sistemuar me pak ndihmë nga printerët SELPHY dhe PIXMA.

  • Një varëse muri me forma gjethesh tropikale, të prera me letër me ngjyra në rozë dhe të gjelbër dhe printime tropikale.

    PRINTIM KRIJUES

    Dekorime të thjeshta biofilike

    Kombinoni natyrën dhe dizajnin për të krijuar hapësira çlodhëse në shtëpinë tuaj.

  • Një printer Canon PIXMA G6050 dhe Canon Magnetic Photo Paper në një tryezë pranë krijimeve prej punëdoreje me letër, duke përfshirë një celular dinozaur, një kokë njëbrirëshi dhe ngjitëse në formë maceje.

    PRINTIM KRIJUES

    Punoni dekorime të stilizuara për shtëpinë

    Nisjani nga punëdoret dhe dekorojeni shtëpinë me Creative Park dhe një printer PIXMA G6040.