Luani me ushqimin tuaj: projekte fotografie ushqimesh të shëndetshme për t'i printuar dhe vendosur në kornizë

Është mahnitëse se në çfarë mund ta ktheni një punim të printuar bukur artistik me pak mendim krijues. Në këtë udhëzues do të shohim si të krijoni artin tuaj të veçantë argëtues me bazë ushqimesh, pastaj si ti kapni rezultatet me kamerën tuaj dhe të nxirrni printime vibrante për të paraqitur punën tuaj. Është një projekt i këndshëm për ta provuar me familjen, me gjasë keni gjithçka që ju duhet aty pranë dhe mund ta shijoni krijimin tuaj dhe si një ushqim të shëndetshëm çasti më pas.

Mblidhni një sërë ushqimesh plot ngjyra për krijimet tuaja me fytyra argëtuese. Fruta-perimet e freskëta janë ideale, jo vetëm që janë me ngjyra dhe mund të formohen lehtë, por janë dhe një mënyrë e mirë për të promovuar ushqimin e shëndetshëm. Domatet, specat, luleshtrydhet dhe karotat ofrojnë një buçitje ngjyrash, ndërsa frutat e tjera më të vogla të njoma dhe të thata mund të jenë të dobishme për sytë dhe tiparet e tjera të fytyrës. Gjërat që mund të shpërhapen si thjerrëzat e thara apo farërat, bëjnë gjithashtu më së miri. Disa ushqime si p.sh. gjevrekët dhe petullat kanë natyrshëm formën e fytyrës, ndaj mund t'u japin fëmijëve një fillim të mbarë me punimet e tyre artistike ushqimore.

Tani vjen pjesa argëtuese. Mblidhuni rreth familjes, zgjidhni një pjatë dhe sistemojeni ushqimin në një fytyrë, figurë të plotë apo formë tjetër që ju pëlqen. Zgjidhni ngjyra ushqimesh që plotësojnë apo kontrastojnë njëra-tjetrën dhe kini parasysh se disa artikuj të freskët bëhen më shpejtë ngjyrë kafe se të tjerat, ndaj ruajini për në fund prerjen e fetave të mollëve apo të bananeve. Për sa u përket pjatave dhe serviseve, pjatat e thjeshta në larmi ngjyrash janë më të përshtatshme, evitojini pjatat me motive komplekse pasi mund të tërheqin vëmendjen nga ushqimi. Mbani një thikë dhe një dërrasë ndoresh për të prerë dhe mprehur detajet më të imëta.

Provoni ta shndërroni një ushqim çasti të përditshëm në një strukturë tërheqëse si p.sh. stiva jonë e sandviçëve stil Big Ben këtu. Gjërat si buka, biskotat, drithërat dhe kekët mund të ndërtohen me lehtësi - dhe hejet e fshehura prej druri mund t'i mbajnë të fiksuara që të mos bien. Fëmijët do t'ia kalojnë më së miri duke krijuar atraksionet e tyre të famshme dhe do të jetë po aq argëtuese t'i shembni për drekë më pas.

Pasi të mbarojë arti ushqimor, kapni kamerën dhe përgatitni një pozë. Nëse shkrepni nga lart poshtë, provoni të vendosni një copë letre të ngjyrosur nën pjatë për një sfond më vibrant. Zgjidhni një ngjyrë letre që bën kontrast me pjatën apo ushqimin tuaj. Nëse keni të tillë, përdorni stativ për pozën. Stativi ju lejon të shkrepni në shpejtësi më të ulëta shkrehësi, çka me radhën e vet ju mundëson përdorimin e një ISO më të ulët me më pak zhurmë. Nëse nuk keni stativ atëherë shkrepja me dorë është më se e mjaftueshme, por mund t'ju duhet të përdorni ISO më të lartë. Me kamerën të vendosur në stativ, kjo ju lejon më shumë liri për të ndryshuar kompozimin e pozës suaj.

Drita nga dritarja është ideale për poza natyre të qetë si kjo. Dritarja ofron një sipërfaqe të madhe ndriçimi që jua lustron ushqimin me një dritë të butë dhe të njëtrajtshme. Zgjidhni një pikë pranë një dritareje të madhe - por kini parasysh të evitoni dritën e drejtpërdrejtë të diellit – dhe eksperimentoni për të parë nëse drejtimi i dritës funksionon më mirë nga lart apo nga ndonjëra nga anët. Nëse drita ju duket shumë e fortë nga njëra anë, mund të përdorni një reflektor apo një letër të bardhë për ta pasqyruar dritën nëpër hije nga ana e kundërt.

Mund të përdorni çfarëdo cilësimesh kamere me të cilat ndiheni komodë, por ja dhe një konfigurim praktik nga fabrika për poza me stativ: caktojeni kamerën në modalitet Aperture Priority (Av) dhe përdorni një aperturë niveli mesatar p.sh. f/8, ndërsa caktoni ISO në 100. Kamera e gjen vetë shpejtësinë ideale të shkrehësit. Me këto cilësime, shpejtësia e shkrehësit do të jetë pak a shumë e ngadaltë, ndaj caktoni një kohëmatës 2-sekondësh për të parandaluar lëkundjen e kamerës kur lëshoni shkrehësin ose përdorni aplikacionin Canon Camera Connect për ta shkrepur pamjen nga distanca nga pajisja juaj portative.

Pasi të keni nxjerrë foto të krijimeve tuaja, përse të mos i printoni? Mund të përgatiteni me lehtësi për printim me aplikacionin Canon Easy-PhotoPrint Editor. Transferojini imazhet në smartfonin tuaj duke përdorur aplikacionin Canon Camera Connect ose image.canon pastaj hapini fotot në aplikacionin Easy-PhotoPrint Editor, zgjidhni një madhësi letre dhe përdorni funksionin e prerjes për të hequr skajet e papërshtatshme. Mund dhe të zgjidhni nga një larmi filtrash për të përforcuar tonalitetet. Sigurohuni të caktoni Media Type e duhur në cilësimet te Print, në Matte ose Gloss dhe caktojeni cilësinë e printimit në Best. Ia vlen t'i ruani dhe presetet e printimit – në menynë Preset – që të mund të përdorni të njëjtat cilësime printimi punimet tuaja të tjera artistike ushqimore vetëm pak klikime larg.

Vendosni disa fletë Matte photo paper në printer dhe filloni të printoni. Pasi të mbaroni, shikoni mos i vendosni printimet në kornizë. Mund dhe të përdorni Canon Magnetic Photo Paper dhe t'i ngjisni krijimet tuaja në frigorifer ose të përdorni një Canon SELPHY Square QX10 për të printuar direkt mbi letër katrore fotografike ngjitëse! Punimet tuaja plot ngjyra do të duken fantastike të mbledhura së bashku në një kolazh në një mur apo mantel, dhe ku ka më mirë se sa ta fiksoni kujtimin e një pasditeje argëtuese me punëdore ushqimore?

Shkruar nga James Paterson