"EOS R5" mund të krijojë më shumë e më shpejt lidhje me valë falë Wi-Fi të integruar dybrezësh 2,4 GHz si dhe mbështetjes për standardet 802.11a, b, g, n dhe 802.11ac. Një lidhje gjithnjë aktive "Bluetooth Low Energy" e mban kamerën të lidhur me pajisjet inteligjente, duke mundësuar shfletimin, modifikimin dhe transmetimin e fotove në telefona e tableta nga vendndodhja.

Kamera mund të përdorë Wi-Fi për të komunikuar me pajisjet inteligjente, të ngarkojë fotot në renë kompjuterike përmes portëkalimit image.canon ose të dërgojë foto drejtpërdrejt përmes FTP.

Niseni ciklin e punës elektronike që rrugës, përpara se të ktheheni nga fotografimi. Hapni aplikacionin "Canon Camera Connect" në celular apo tabletë dhe "EOS R5" do të lidhet vetiu përmes Wi-Fi, për t'u mundësuar përdoruesve të shfletojnë përmbajtjen e kartës së memories të kamerës dhe transferimin e fotove për modifikim në aplikacionin "Canon Digital Photo Professional" ose për shpërndarje.

Mund dhe ta konfiguroni "EOS R5" për "Auto Image Transfer" që fotot të dërgohen vetiu në pajisjen tuaj teksa i shkrepni.

Aplikacioni u mundëson fotografëve ta komandojnë kamerën "EOS R5" përmes valëve – për foto dhe video. Zgjidhni ku të fokusoheni, rregulloni ekspozimin dhe shikoni se çfarë shikon kamera përmes "Live View" në distancë, duke lejuar shkrepjen me valë nga kënde që arrihen me vështirësi.

Për fotografët profesionistë që u duhet t'ua çojnë drejtpërdrejt fotot klientëve me shpejtësi e siguri, EOS R5 ofron FTP dhe FTPS të integruar duke përdorur Wi-Fi të integruar. Cilësimet e FTP mund të konfigurohen në kamerë ose jashtë linje përmes programit "EOS Utility" dhe të ruhen deri në 10 profile për përdorim çasti.

Një dorezë opsionale WFT-R10 Wi-Fi ofrohet për EOS R5, e cila ka dhe lidhje Gigabit Ethernet për rrjete me kabllo, dhe shton antena MIMO për Wi-Fi me rreze më të gjatë e më pak interferencë. Është shtuar dhe transmetimi i sigurt i pamjeve me SFTP.

Kur fotot vlerësohen apo etiketohen me shënime zanore, këto metadata mund të transmetohen së bashku me skedarët e fotove – informacion ky i vyer për fotoredaktuesit dhe personelin e agjencive.

Ekrani i statusit të transferimit FTP
Ky ekran, e kërkuar nga fotografët e lajmeve dhe të sporteve kur dërgojnë imazhe përmes FTP, tregon sa kohë do të duhet për të dërguar imazhet. Ky u mundëson fotografëve të marrin një vendim të informuar nëse duhet të qëndrojnë atje ku janë dhe për të përfunduar transferimit apo të kërkojnë një lidhje më të shpejtë diku tjetër.

Mbroni transferimin e imazheve
E dobishme për shumë fotografë të lajmeve dhe sporteve është mundësia për të "mbrojtur" cilat imazhe dëshirojnë të dërgojnë. Mbrojtje imazhesh do të thotë që të kyçen dhe të mos të fshihen dot aksidentalisht.