Kamerat APS-C pa pasqyrë dhe DSLR

Të jashtëzakonshme në cilësi, të vogla për nga madhësia
mostër krahasimi eos r10 aps-c

PËRMBLEDHJE

Çfarë është APS-C?

Sensori në një kamerë APS-C është më i vogël se sensori në një kamerë kuadërplotë. Kamera APS-C nuk shkrep gjerësinë e plotë të imazhit që do të prodhonte i njëjti objektiv në një kamerë kuadërplotë – ka një "faktor prerjeje" prej 1.6x, që ka efektin e zmadhimit brenda skenës, pasi subjekti juaj është po aq më i madh brenda kuadrit. Kjo do të thotë se përdorimi i një objektivi 200mm në një kamerë APS-C ju jep një barasvlerë fushëpamjeje me të objektivit 320mm në kamerat kuadërplota – me fjalë të tjera, "gjatësia fokale efikase" është 1.6x më e madhe.

Kamerat e APS-C EOS R System

Duke ofruar optimumin e teknologjisë së EOS R Series, gama APS-C e kamerave pa pasqyrë sjell krijimtarinë në duart të kujtdo.

Kamerat e APS-C EOS M Series

Qëndroni gjithmonë gati me një kamerë kompakte APS-C, të lehtë dhe të vogël me objektiv të ndërrueshëm që ofron cilësinë e kamerave DSLR.

Kamerat APS-C EOS DSLR

Kamerat APS-C DSLR ofrojnë një eksperiencë tradicionale regjistrimi me një trup më të madh, me lente të ndërrueshme dhe një okular optik që të mund të shikoni me saktësi ato që regjistroni, drejtpërdrejt nëpërmjet lentes.

Përse të zgjidhni APS-C?

Krahasim i EOS R10 kuadërplotë me aps-c

Afrohuni më shumë

Faktori i prerjes i një sensori APS-C i bën objektete e vogla apo më të largëta, më të mëdha në kuadër, çka në thelbë rrit gjatësinë efektive fokale të cilitdo objektivi me 1.6x. Ky mund të jetë avantazh i madh në zhanre si p.sh. fotografia e faunës së egër, aksionit dhe e sporteve. Përdorimi i objektivave të rendimentit të lartë por ekonomikë si Canon EF 70-300mm f/4-5.6 IS II USM në një kamerë APS-C jep një gamë zmadhimi efektiv të 112-480mm, duke e çuar në territorin e supertelefotos.

Ruani cilësinë

Mund t'i prisni imazhet nga një kamerë kuadërplotë për të krijuar të njëjtin efekt në rreze, por numri i megapikselëve do të reduktohet, ndaj imazhet rezultuese do të jenë më të vogla dhe kësisoj më pak të mprehta kur zmadhohen sërish. Shkrepja me një kamerë formati APS-C mund të kursejë dhe kohë e përpjekje nga prerja manuale e tyre në stadin e redaktimit.

krahasim i eos r7 kuadërplotë me aps-c
EOS 850D

Kompakte dhe me peshë të lehtë

Duke qenë se sensorët APS-C janë më të vegjël, kamerat mund të bëhen më kompakte dhe të lehta, çka është ideale për fotografinë urbane dhe të udhëtimeve. Duke qenë se nga një objektiv i projektuar për kamerat APS-C kërkohet një rreth më vogël figure, objektivi mund të jetë më i vogël dhe i lehtë, dhe për pasojë edhe më ekonomik.

Përputhshmëria e lentes

Mësoni më tej mbi llojet e ndryshme të objektivave të kamerave nga Canon dhe si të kuptoni nëse përshtaten me kamerën tuaj.

poster pa logo 201211 150million RFEFlens