PRISMAprepare
Përshpejtoni përgatitjen e dokumenteve dhe procesin e printimit me këtë zgjidhje përgatitore shumëfunksionale.
Në industrinë e sotme të printimit, afatet e shkurtra të realizimit dhe tirazhet e vogla nuk u lënë ofruesve të shërbimeve të printimit asnjë hapësirë për gabime, ndaj garantimi i vijimësisë së procesit të prodhimit është thelbësor. PRISMAprepare automatizon veprimet kyçe brenda procesit të përgatitjes, për procese pune efikase dhe printim me cilësi të jashtëzakonshme.
Një softuer
Një zgjidhje e vetme softuerike dhe e lehtë për t’u përdorur, për të kontrolluar dhe përmirësuar çdo aspekt të procesit të përgatitjes, që nga kompozimi, imazhet, ngjyrat, përmbajtja dhe struktura, deri te vendosja e dokumenteve dhe përfundimi.
Funksionalitet fleksibël
Përfshini elemente të tilla si skeda, tituj në pjesën e shpinës dhe printimin e të dhënave të ndryshueshme, për t’u shtuar më shumë veçori dokumenteve, duke mundësuar krijimin e lehtë të produkteve finale të detajuara dhe komplekse.
Përgatitje efikase e dokumenteve
Siguroni përgatitjen efikase të dokumenteve në të gjitha pajisjet, duke mundësuar printim të pandërprerë në çdo pajisje, si dhe duke thjeshtuar procesin e printimit industrial.
Qëndrueshmëri
Reduktoni ndikimin në mjedis duke korrigjuar në mënyrë dixhitale dhe duke simuluar prodhimin, për të mundësuar korrigjimin e gabimeve dhe optimizimin e strukturës para printimit.
PRISMAprepare: perfeksionimi i përgatitjes
Përshpejtoni kohën e dorëzimit
Thjeshtoni detyrat për të gjithë përdoruesit me një ndërfaqe "Ajo që shikoni është ajo që merrni" (WYSIWYG), navigim të thjeshtë përmes miniaturave dhe pamje paraprake të sakta në ekran për të reduktuar gabimet në produktin final.
Rrisni produktivitetin
Thjeshtoni proceset e punës përmes integrimit të përsosur me Adobe Acrobat PDF dhe shtesat që lejojnë finicion të saktë dhe printim efikas të të dhënave të ndryshme.
Përmirësoni shërbimet tuaja
Përfitoni nga mbështetja gjithëpërfshirëse për një gamë të gjerë materialesh të miratuara nga Canon, duke përfshirë letrën e zakonshme, skedat, materialet prej poliesteri, letrën me shpim paraprak dhe materialet e ngjyrosura paraprakisht. Arrini cilësinë më të lartë të printimit me sa më pak klikime, për efikasitet maksimal.
Kapacitetet kryesore
1. Përgatitje e kompozimeve
Bashkoni dokumentet nga burimet dixhitale dhe analoge, duke përfshirë skedarët Word dhe PDF dhe navigoni disa seksione lehtësisht.
2. Përgatitje e imazheve
Korrigjoni papërsosmëritë, si pjerrësitë ose njollat e vogla në dokumentet e skanuara dhe dixhitale, për të garantuar cilësi të njëtrajtshme të imazhit.
3. Përgatitje e ngjyrave
Ndryshoni ose optimizoni ngjyrat e imazheve me vetëm një klikim mausi, duke përfshirë kontrastin, ngopjen dhe ndriçimin.
4. Përgatitje e përmbajtjeve
Modifikoni tekstin, imazhet dhe grafikët e tjerë brenda aplikacionit.
5. Printim i të dhënave të ndryshueshme (VDP)
Bashkoni të dhëna nga baza juaj e të dhënave për të krijuar printime të personalizuara me cilësi të lartë.
6. Përgatitje e strukturave
Përgatisni me lehtësi broshura me rregullime automatike, skeda të personalizuara dhe printim pa marzhe, me drejtvendosje të WYSIWYG për dokumente të sakta me shumë palosje.
7. Përgatitje e materialeve
Caktoni materiale specifike për faqe individuale, seksione ose dokumente të plota për të optimizuar efikasitetin dhe për të ulur kostot.
8. Përgatitje e vendosjes së fletëve dhe prodhimit
Përdorni opsione fleksibël të vendosjes së fletëve për të krijuar dhe printuar çdo lloj strukture, ndërsa pamjet paraprake të sakta eliminojnë nevojën për prova fizike të printimit, duke reduktuar shpërdorimin.
9. Përgatitje e finicionit
Personalizoni procesin e finicionit pranë pajisjes së printimit duke u lidhur me softuerë dhe harduerë të përzgjedhur nga palë të treta.
Softuer përkatës për printim përmes uebit dhe automatizim të proceseve të punës
uniFLOW
Një zgjidhje softueri e integruar në ambientet tuaja për të menaxhuar të gjitha pajisjet dhe flukset e punës për printimin dhe skanimin.