KËSHILLA PRINTIMI

Pesë arsye përse PIXMA TR150 është ideal për printimin në lëvizje

Ju duhet të punoni larg shtëpisë apo zyrës? Pasja e një printeri që mund ta përdorni kudo ju jep një avantazh profesional – dhe mund t’ju ndihmojë dhe të fitoni më shumë klientë.
Dy punëtorë ndërtimi printojnë dokumente në një Canon PIXMA TR150. Në tryezën krah tyre ndodhet një kokore portokalli.

Është e rëndësishme të shfrytëzoni më së miri çdo rast kur ju duhet të punoni në lëvizje. Në vend që të premtoni nga emaili, sikur t’ia dorëzonit klientit të ardhshëm preventivin e printuar apo dhe kontratën për të nënshkruar, do të ishte një mënyrë e mirë për të siguruar punë.

Dhe mundësia e printimit në vend mund të jetë e dobishme për një sërë situatash. Trajnerët personalë dhe fizioterapistët mund të nxjerrin lista e skica ushtrimesh, që të sigurohen që klientët e tyre të bëjnë lëvizjet e duhura kur nuk kanë njeri pranë për t’i ndihmuar. Dhe kujdestarët mund t’i mbajnë nxënësit në rrugën e duhur me plane mësimore, fletë me pika kryesore dhe shënime përmbledhëse.

Kompaktë e portativë PIXMA TR150 dhe PIXMA TR150 with battery janë një zgjidhje e mirë printeri për këdo që kërkon të printojë kur ndodhet larg shtëpisë apo zyrës. Ja pesë arsye përse do t’ju ndihmonte ta bënit punën më me efikasitet.

1. Portativitet fantastik

Një burrë ecën me makinë me një PIXMA TR150 në vendin e pasagjerit krah tij.

Mundësia për të printuar në lëvizje e bën Canon PIXMA TR150 ideal për ata që punojnë larg shtëpisë apo zyrës.

Një burrë me xhaketë elegante mban një PIXMA TR150 nën sqetull.

Canon PIXMA TR150 është aq i vogël e i lehtë sa ta mbani me vete.

PIXMA TR150 është ideal nëse ju duhet një printer i vogël që t’jua nxërë tryeza juaj tashmë e ngarkuar, ose për të punuar nga zyra në distancë, ose për të vizituar ambientet e klientëve apo të bizneseve që kanë mundësinë e lidhjes në prizë. Mund ta fusni në çantë e ta merrni me vete, ta mbani në një sirtar, apo dhe të përdorni një kyç të përshtatshëm kundër vjedhjes, për ta mbajtur të sigurt. Nëse lëvizni rregullisht jashtë, ose zyrën e keni në makinë apo në kafene, PIXMA TR150 with battery vjen me një bateri praktike me të cilën mund të printoni deri në 330 faqe nga një karikim i plotë1.

Pasi ta keni lidhur baterinë me njësinë kryesore, duhet 2 orë e 20 minuta sa të karikohet përmes ushqyesit AC. Bateria mund të karikohet dhe me bateri të jashtme apo nga priza e makinës, me anë të kabllos së dhënë USB-C. Hidhini një sy treguesi të karikimit të baterisë dhe nuk do të mbeteni kurrë pa mundësinë për të printuar.

2. Lidhje me lehtësi

A man in a high-vis jacket prints out documents from his smartphone on a Canon PIXMA TR150 printer.
Një grua që punon nga shtëpia printon në një Canon PIXMA TR150 nga celulari.

Aftësia e printimit me valë ju mundëson printimin nga albumi i kamerës së celularit. Mund të përdorni dhe Wireless Direct për të printuar pa Wi-Fi.

PIXMA TR150 dhe PIXMA TR150 with battery vijnë të dy me lidhje me valë dhe mbështesin AirPrint (iOS), Mopria (Android) dhe Windows mobile për printim pa aplikacione drejtpërdrejt nga sistemi operativ i pajisjes inteligjente. Të dy printerët mund dhe të komandohen nga celulari inteligjent përmes aplikacionit falas Canon PRINT, që ju mundëson printimin e dokumenteve dhe të fotove të ruajtura në pajisjen tuaj ose në shërbimet me bazë reje kompjuterike, duke përfshirë Google Drive, Dropbox, OneDrive dhe Google Classroom, përmes PIXMA Cloud Link. Aplikacioni Canon PRINT ju mundëson gjithashtu shkrepjen e skanimeve të dokumenteve duke përdorur kamerën e celularit. Thjesht zgjidhni funksionin Smartphone Copy për t’i bërë kopjet lehtë e thjesht, dhe printojini, ruajini ose dërgojini me email drejtpërdrejt nga celulari.

Të dy printerët mbështesin bandat 2.4GHz dhe 5GHz2 Wi-Fi që të mund të kaloni në rrjete më pak të ngarkuara për një lidhje më të qëndrueshme. Plus, nëse jeni në mes të hiçit pa rrugëzues apo sinjal të mirë Wi-Fi, mund të prekni Wireless Direct për t’i bërë printimet drejtpërdrejt nga celulari, tableta apo laptopi juaj. Do të thotë se keni lirinë të shkoni kudo që t’ju çojë puna dhe mund ende të nxirrni printime që ju ndihmojnë të bëni punët dhe t’i mbani të kënaqur klientët (apo dhe shefin) tuaj.

3. Mbështetje për letër të specializuar

Një burrë i ulur në një kafene me një laptop printon dokumente në një printer Canon PIXMA TR150.

Canon PIXMA TR150 mund të jetë i vogël, por mund të mbajë deri në 50 fletë letre dhe të punojë me një larmi letrash.

Me një kapacitet prej 50 fletësh letre të thjeshtë nuk do të keni nevojë ta rimbushni shpesh PIXMA TR150 gjatë ditës së punës. Ky është një lajm i mirë nëse ju duhet të printoni një sërë pyetësorësh, një sërë provimesh për nxënësit apo dhe një pirg të tërë kontratash të gjata.

Të dy printerët mbështesin gjithashtu printimin në zarfe dhe letër të specializuar, duke përfshirë Canon High Resolution Paper, Matte Photo Paper, Double-sided Matte Paper, Restickable Photo Paper dhe Magnetic Photo Paper. Ky prakticitet bën që të mund të zgjidhni letrën që u përshtatet nevojave tuaja dhe t’i printoni adresat drejtpërdrejt mbi zarfe, që të gjitha komunikimet tuaja të duken profesionale. Mund dhe të printoni magnete frigoriferi të stemës dhe numrin tuaj të telefonit për t’ua dhënë klientëve tuaj. Ose nëse jeni mësues, mund të krijoni një yll të artë të personalizuar për nxënësit tuaj që kanë rezultate më të mira.

4. Shabllone të personalizuara

A Canon PIXMA TR150 printer on a table next to a man with a laptop.
Një burrë me një laptop printon dokumente në një printer Canon PIXMA TR150.

Nëse printoni shpesh të njëjtët formularë, mund të ruani deri në pesë shabllone në PIXMA TR150 dhe PIXMA TR150 with battery.

A vini re se ju duhet shpesh të printoni të njëjtat dokumente rregullisht? PIXMA TR150 dhe PIXMA TR150 with battery mund të ruajnë deri në pesë shabllone të gatshme për printim në çast, duke ju kursyer kohë me gjetjen e dokumenteve në laptop, celular apo tabletë. Formularë, kontrata, pyetësorë apo broshura mund të ruhen të gjitha në printer përmes Windows Driver3, që t’i keni gati për printim të shpejtë përmes ekranit 1.44-inçësh OLED të printerit.

5. Printime të mprehta, që zgjasin shumë

Një burrë qëndron pas një tryeze dhe mban një tabletë që tregon një broshurë pushimesh. Një printim plot ngjyra del nga Canon PIXMA TR150 krah tij në tryezë.

Realizoni printime të qarta me cilësi optimale në zonat e errëta. Boja hibride me një bojë të dedikuar pigmenti të zi krijon tekst të qartë, ndërsa ngjyrat me bazë ngjyruesi japin printime të gjalla.

Të dy printerët përdorin një sistem hibrid boje që kombinon bojën e pigmentit të zi me një fishek 4-bojësh ngjyrash me bazë ngjyruesi. Kjo do të thotë që mund të nxirrni tekst të qartë për dokumentet e rëndësishme ndërsa fotot dhe grafikët duken të pasur e vibrantë. Me teknologjinë ChromaLife100 nga Canon mund të rrini të qetë se fotot e printuara do t’ju zgjasin gjithë jetën4.

Për t’i mbajtur gjërat të thjeshta, printerët punojnë me dy fishekë, një për të bojën e zezë dhe tjetrin për të ngjyrat. Dhe për t’u siguruar që të mos ju mbarojë boja kur të jeni në mes të ndonjë pune të rëndësishme, kilometra larg dyqanit më të afërt, keni një nivel të lehtë kontrolli në ekran.

Kompakt, i qetë dhe praktik në punë PIXMA TR150 dhe PIXMA TR150 with battery do t’ju mundësojnë të jeni me takt dhe profesionalë gjatë gjithë kohës. Kudo që t’ju shpjerë biznesi juaj, merreni një TR150 me vete.

Shkruar nga Angela Nicholson

  1. Printuar përmes lidhjes USB pa lidhje Wi-Fi.
  2. Mund të mos ketë mbështetje për 5 GHz në rajonin tuaj.
  3. Shabllonet duhen ngarkuar në printer përmes drejtuesit softuerik të Canon vetëm duke përdorur kompjuter me Windows.
  4. Në bazë të provave të përshpejtuara nga Canon në vende të errëta ruajtjeje në kushte temperature, lagështie dhe ajri të kontrolluar, që simulojnë mbajtjen në albume me faqe plastike. Canon nuk mund ta garantojnë jetëgjatësinë e printimeve; rezultate mund të ndryshojnë në varësi të fotos së printuar, kohës së tharjes, kushteve të paraqitjes/ruajtjes dhe faktorëve mjedisorë.

Artikujt e lidhur

  • Përforconi biznesin tuaj me MAXIFY GX7050

    PRINTIMI

    Përforconi biznesin tuaj me MAXIFY GX7040

    Ideal për biznesin, Canon MAXIFY GX7040 është i shpejtë dhe fleksibël, duke dhënë rezultate të cilësisë së lartë me kosto ultra të ulëta pune.

  • Get-Inspired-PIXMA-TR8550

    PRINTIMI

    Printim me valë

    Kaloni në printer me valë në studion tuaj dhe printoni nga kudoqoftë - konfigurimi është i thjeshtë.

  • Printim krijues me aplikacionin "Easy-PhotoPrint Editor" nga "Canon"

    KËSHILLA PRINTIMI

    Aplikacioni Easy-PhotoPrint Editor

    Mësoni si të zotëroni aplikacionin argëtues e intuitiv "Canon Easy-PhotoPrint Editor".

  • Një printer Canon PIXMA në një tryezë në një zyrë shtëpie.

    KËSHILLA PRINTIMI

    Printeri optimal për zyrat e shtëpisë

    Bëjeni punën nga shtëpia të qetë me printerin Canon PIXMA TR4650.