Formate dhe mjete të larmishme regjistrimi profesional

EOS R5 C vjen me videoregjistrim të brendshëm RAW 12-bit me Cinema RAW Light deri në 2.6Gbps. Ofrohen tri opsione të Cinema RAW Light në EOS R5 C, përkatësisht LT (Light), ST (Standard) dhe HQ (High Quality), që japin një fleksibilitet më të lartë në ciklet e punës për nevojat e produksionit tuaj.

Ofrohet gjithashtu një larmi opsionesh të mëtejshme regjistrimi profesional, mes të cilash formatet 4:2:2 10-bit si Canon XF-AVC i qëndrueshëm në ALL-I ose Long GOP deri në 810Mbps, HEVC MP4 deri në 540Mbps dhe 4:2:0 8-bit H.264 MP4 deri në 150Mbps.

Përveç tyre, ka opsione për të prerë sensorin nga formatet 8K Full Frame në 5.9K Super 35mm dhe 3K Super 16mm, për objektivat e pajtueshëm optikë dhe nivele më të ulëta të dhënash.

Formatet e regjistrimit të brendshëm PQ dhe HLG, si dhe Canon Log 3, ofrohen në EOS R5 C për të arritur diapazon të jashtëzakonshëm dinamik duke ruajtur detajet si në hije, ashtu edhe në dritë. Edhe PQ, edhe HLG ofrojnë përmbajtje në formate të gatshme për HDR, për film dhe televizion, në spektër ngjyrash BT.2020, ndërsa Canon Log 3 ofron fleksibilitetin krijues për ta procesuar filmimin në pasproduksion.

Foletë dykartëshe (1x CFexpress Type B / 1x UHS-II SD) mundësojnë opsione të sofistikuara regjistrimi paralel ku në secilën kartë mund të regjistrohen formate, rezolucione dhe thellësi të ndryshme bitesh për të mbështetur një larmi ciklesh profesionale pune. Ofrohen edhe deleguesit tradicionalë 4:2:0 8-bit dhe regjistrimi në fole rele/dyshe.

EOS R5 C ka kapacitetin të nxjerrë RAW përmes HDMI në regjistruesit e pajtueshëm Atomos, si p.sh. NINJA V+ për regjistrim 10-bit 8K ProRes RAW deri në 30fps. Deleguesit XF-AVC mund të regjistrohen gjithashtu paralelisht në kartën SD për cikle efikase pune në pasproduksion.

EOS R5 C vjen me një larmi të gjerë mjetesh profesionale regjisure, si p.sh. Waveform Monitor, për të analizuar ndriçimin e një imazhi nga e majta në të djathtë dhe False Colour për paraqitjen vizuale të ekspozimit sipas një shkalle ngjyrash. Funksione të tjera janë regjistrimi DCI në 24p reale, këndi 180-gradësh i shkrehësit, mbështetja për Look File në importimin e 3D LUT dhe kodi kohor në hyrje/dalje.