Krijoni dhurata të mirëmenduara mirë në shtëpi me anë të printimit

Ndonjëherë, një dhuratë e thjeshtë dhe e bërë vetë mund të ketë domethënie të thellë për familjen dhe shoqërinë tuaj. Pavarësisht nëse po kalojnë ditë të lumtura apo të vështira, është e sigurt se do ta çmojnë një dhuratë të krijuar personalisht nga ju me dashuri dhe vëmendje përkundër sendeve të gatshme të blera në dyqan. Plus, mund të shkrydhni muskujt tuaj krijues të printimit.

Canon Creative Park është përplot me shabllone punëdoreje, që do të thotë se mund të printoni dhe përgatisni një buqetë me lule në cilëndo stinë, si dhe një kartolinë që t'i përshtatet, në një stil të zgjedhjes suaj. Këto dhurata jo vetëm që do të jenë më domethënëse për shkak të kohës që duhet për t'i bërë, por edhe do të zgjasin më shumë se lulet e vërteta - dhe do të shndrisin çfarëdo ambienti.

Punëdorja është gjithashtu një mënyrë më ekonomike dhuratash dhe mund të shërbejë dhe si aktivitet përqendrues - dhe krijimet tuaja mund gjithsesi të riciklohen (kontrolloni gjithnjë udhëzimet e riciklimit lokal) nëse ndryshoni mendje rreth subjektit apo nëse bëni ndonjë gabim rrugës.

Duke pasur parasysh sa më lart, Canon sfidoi entuziastin e punëdores, Martin Stone, të krijojë dhuratën ideale për partnerin e tij duke përdorur Canon Creative Park, një printer PIXMA dhe krijimtarinë e tij.

• Gërshërë
• Tabloja e prerjes
• Thikë letre
• Piskatore
• Ngjitëse me tubetë/ngjitëse me pistoletë/pika ngjitëse
• Vizore
• Printeri Canon PIXMA, si p.sh. PIXMA TS5350a Series
• Canon Matte Photo Paper
• Programi ose faqja e Canon Creative Park

Mund të bëni thuajse gjithçka si dhuratë për personin tuaj të dashur përdorur shabllonet e Canon Creative Park, nuk ka pse të jenë lule. Keni një motër, mbesë apo nip që ka fiksim dinozaurët? Atëherë bëjuni disa modele letre! Ose pse të mos provoni një punëdore me temë muzikore për atë shokun e fiksuar pas rrokut?

Për këtë projekt, Martin zgjodhi të bënte një buqetë dhe kartolinë punëdoreje. "Nga shikimi i dizajneve të luleve mund të mendoni se këto ishin tejet komplekse për t'u realizuar", - thotë Martin-i. "Por çelësi është tek organizimi - ka udhëzime të thjeshta dhe të lehta për t'u ndjekur."

Pasi të keni zgjedhur shabllonet për dhuratën tuaj, është koha të printoni. Këtë mund ta bëni duke u lidhur me printerin PIXMA përmes programit Canon PRINT në smartfonin tuaj ose përmes laptopit. Dhe nëse keni printer të pajtueshëm, mund të regjistroheni në PIXMA Print Plan¹ - një zgjidhje printimi me efikasitet kostoje që ofron plane fleksibël dhe sjell bojën drejt e në pragun e derës që të mos ju mbarojë më.

Martin-it iu duk i lehtë shfletimi në Creative Park dhe e bëri këtë duke hapur faqen e internetit në smartfon përpara se të shkarkonte dhe përdorte programin.

Çdo shabllon vjen me një lloj të sugjeruar letre për t'u përdorur, ndaj sigurohuni të lexoni udhëzimet. Këtu Martin-i ka përdorur Canon Matte Photo Paper (170 gsm), që është më e trashë se letra e zakonshme e printimit dhe krijon një model të qëndrueshëm përfundimtar.

Martin-i thotë se ka gjithnjë një qasje metodike ndaj punëdores. Pasi i kishte printuar të gjitha shabllonet, i sistemoi printimet në grupe për secilën lule, që të mund të fiksonte cili shabllon ishte për të cilën lule. "Kam mbajtur çdo shabllon të veçantë në këto grupe gjatë gjithë procesit, që të mos më ngatërroheshin punët", - thotë ai.

Pastaj Martin-i i preu të gjitha shabllonet përpara se t'i paloste. Ai përdori një mjet të bërë vetë për të shënuar skajet ku shfaqen udhëzuesit, për ta bërë palosjen më të lehtë. "Këto vija piketimi janë shumë të vogla dhe thelbi është te precizioni", - thotë ai. "Kam përdorur një palë pinceta cilësore të me maja të imëta për të piketuar përgjatë këtyre vijave. Është gjithashtu e rëndësishme t'i zmusoni [polironi] këto piketa për të pasur vija të pastra."

Ndonëse ka një shabllon buqete në Creative Park, mund të zgjidhni dhe sistemin tuaj të luleve nëse kërkoni diçka më unike, ose nëse marrësen e keni adhuruese të thekur të lulediellit për shembull.

"Më pëlqeu se si dolën lulet", - thotë Martin-i. "Kur u ula për herë të parë për të parë buqetën e luleve, mendova për llojet e ndryshme që doja. Larmia e gjerë e shablloneve më bëri të mundur ta personalizoj sa lirshëm desha. Kjo e bëri shumë më të këndshme, pasi mund të zgjidhja lulet që më pëlqenin më shumë, si dhe të kisha mundësinë të mendoja se çfarë do të donte marrësi."

Martin synoi të bëjë në vijim një kartolinë argëtuese 3D, çka plotësonte skicat e tij florale. "Kartolina 3D ishte vërtet e thjeshtë falë udhëzimeve hap pas hapi", - thotë ai. "Ajo që më pëlqeu gjithashtu është se sa vija të drejta kishte në shabllon, sa mund t'i prisja me të shpejtë me pajisjen prerëse."

Kur e bëri kartën, Martin-i vendosi t'i jepte një modifikim të vetin zarfit. "Zarfet priren të jenë elementi që hidhet në çfarëdo kartoline urimesh, dhe kjo ishte diçka që doja ta ndryshoja për shkak të dizajnit të bukur të zarfit", - shpjegon ai.

Martin-i krijoi sistemin e vet të mbylljes për zarfin që të mos e linte të hapej - ai përdori dy nga fotot e luledeleve nga dizajni i buqetës. "Kam vendosur njërën në kapakun e zarfit dhe tjetrën në bazë", - shpjegon ai. "E bëra këtë me ngjitëse shkume, kështu që u ngritën ca. Nën shtresën e shkumës në kapakun e zarfit vendosa një gjalmë, e cila më pas mund të përdoret për ta mbështjellë rreth e rrotull në formë tete për të përmbledhur zarfin."

Kur krijoni kartolina me porosi për më shumë se një person dhe kohën e keni të kufizuar, mund të përdorni Canon Double-sided Paper MP-101D që vjen me një zarf.

Martin-i thotë se do të bënte sërish një dhuratë punëdoreje. "Gjithkujt që ia kam treguar buqetën e letrës mbeti aq i impresionuar sa të gjithë e duan një. Është dhuratë ideale dhe më e mira është se zgjat për goxha kohë. Nuk ka më blerje lulesh të freskëta thjesht që t'ju thahen pas katër ditësh!"

Ai është frymëzuar gjithashtu nga Creative Park për të bërë një kurorë për vete për ta varur në derën kryesore. "Ndërsa kjo do të ishte për përdorim personal, e di se edhe shoqëria dhe familja do të ma kërkojnë një, kështu që mund të jetë dhe dhuratë e bukur."

Ju pëlqen ideja? Mund ta bëni një nga zero, si dhuratë të këndshme ose të përdorni shabllonet e kurorave të Creative Park për një dizajn më të thjeshtë. Në varësi të kohës së vitit, mund të provoni një kurorë sezonale për verë ose një ekspoze festive dimërore.

Pasi t'i keni përfunduar dhuratat, natyrisht, është koha t'i dhuroni. Qoftë nëse dëshironi ta mbështillni buqetën e letrës me letër kafe për t'ia dhënë shoqërisë, apo ta fusni në një vazo për t'i dhënë hare shtëpisë, dhuratat me punëdore të printuara janë një mënyrë e mirëmenduar dhe krijuese për të shfaqur interesin tuaj për të tjerët.

Pra, përse të mos e provoni? Dhe mos harroni t'i ndani krijimet tuaja në rrjetet sociale duke përdorur etiketën #MadeWithPIXMA. Dhe nëse jeni duke kërkuar për më shumë frymëzim, si p.sh. si të krijoni një kuti të personalizuar kujtimesh, ejani në Canon Club për më shumë këshilla dhe teknika punëdoreje!