ARTIKULLI

Canon EOS-1D X Mark III: Mundësitë e lidhjes

Canon EOS-1D X Mark III

Kryejini lidhjet shpejt e lehtë, qoftë nëse përdorni rrjetin e fushës në sportet që zhvillohet në stadium, qoftë kur ruani një histori me anë të celularit nga ana tjetër e botës. "Canon EOS-1D X Mark III" e bën më të lehtë se kurrë dërgimin e pamjeve tuaja atje ku ju duhen – përpara konkurrentëve.

Lidhja në rrjete me valë

"Canon EOS-1D X Mark III" vjen me "Wi-Fi" të integruar, që është ideal për komunikimin me pajisje inteligjente dhe kompjuterë, qoftë në studio apo në vend.

Celularët dhe tabletat me aplikacionin "Camera Connect' dhe "Digital Photo Professional Express"* mund të përdoren për shfletimin, modifikimin, retushimin dhe transmetimin e fotove kur jeni në lëvizje. Ato mund të veprojnë dhe si telekomandë e sofistikuar për kamerën, duke ju lejuar kompozimin në ekranin e pajisjes, të ndryshoni cilësimet e kamerës dhe të shkrepni foto dhe video. Edhe kompjuterët PC dhe Mac me programin "EOS Utility" mund t'i kryejnë këto detyra.

Dhe kur duhet lidhje më e fuqishme me valë, opsioni me adaptorin WFT-E9 me valë ju ofron rreze më të gjatë dhe më shumë qëndrueshmëri në zona me "kongjestion elektronik" si p.sh. stadiumet e futbollit. Mbështet standardin MIMO 802.11ac, i cili përdor të dy brezat 5 GHz dhe 2,4 GHz për komunikim në rreze prej deri në 150 metrash, si dhe mundëson lidhje me serverë të siguruar SFTP.

Lidhjet me "Ethernet"

Aktivitetet e mëdha sportive anembanë botës u ofrojnë lidhje me kabllo "Ethernet" fotografëve përgjatë pistave dhe fushave, që të mund t'i transmetojnë pamjet drejt agjencive të lajmeve teksa shkrepin. Ndaj dhe i kemi dhënë "Canon EOS-1D X Mark III" një fole të shpejtë si rrufeja "Gigabit Ethernet" që i transmeton të dhënat dy herë më shpejt se "1D X mark II".

Parametrat e lidhjes grupohen tani së bashku në skedën e tyre të menysë. Tani është e mundur të ruani deri në 20 profile lidhjeje për përdorim të shpejtë, me kredencialet e rrjetit dhe të serverit FTP të ruajtura veçmas, për të ulur kohën që nevojitet për të vazhduar nga puna në një pikë tjetër. Agjencitë madje mund t'ua shpërndajnë elektronikisht parametrat e lidhjeve fotografëve të tyre, të cilat mund të ngarkohen në kamerë përmes kartës së memories.

Lidhja me "Ethernet" tani mbështet protokollet e siguruara SFTP, që pengojnë interceptimin e pamjeve.

Canon EOS-1D X Mark III

Artikujt e lidhur