ARTIKULLI
Qoftë nëse shkrepni me inkuadruesin optik sensacional të "Canon EOS-1D X Mark III" apo nëse përdorni ekranin e tij të bollshëm me prekje 3,1-inçësh, nuk mund të mos vini re shpejtësinë, saktësinë dhe precizionin e sistemit të tij revolucionar të vetëfokusimit. Algoritmet e vetëtrajnimit të thellë janë programuar për të identifikuar sporte të ndryshme, ndërsa pikasja "Face and Eye" është bashkuar me mundësinë e avancuar të gjurmimit që ndjek sportistët edhe nëse mbajnë syze apo kokore.
Pavarësisht sa shpejt lëviz aksioni, "Canon EOS-1D X Mark III" lëviz më shpejt, duke rregulluar fokusin për t'ju dhënë përqendrimin e duhur në çastin e duhur.
Kur qarkulluam EOS 650 në vitin 1987, ne revolucionarizuam tregun e SLR me sensorët vetëfokusues CMOS linearë. Këta janë aq efikasë sa përdoren ende në modelet e sotme EOS DSLR – por "Canon EOS-1D X Mark III" ju shpie një hap më tej, me një teknologji të re.
Kur kompozoni, fokusoheni dhe shkrepni përmes inkuadruesit optik të "Canon EOS-1D X Mark III", ju përjetoni një revolucion në projektimin e vetëfokusimit. Një sensor i dedikuar figure CMOS përdoret ekskluzivisht për vetëfokusim, duke përmirësuar saktësinë dhe precizionin dhe duke mundësuar më shumë pika fokusimi në inkuadrues. Procesimi i vetëfokusimit kryhet nga një procesor i dedikuar DIGIC 8 që detyrë të vetme ka kontrollin e vetëfokusimit gjatë përdorimit të inkuadruesit optik.
"Canon EOS-1D X Mark III" vjen me 191 pika vetëfokusimi, 155 prej të cilave janë kryq për ndjeshmëri më të lartë – ideale për kapjen e fokusit të duhur te sportistët apo kafshët me lëvizje të shpejta dhe në nivele të ulëta ndriçimi. Këto pika vetëfokusimi mund të përdoren veçmas për fokusim tejet përzgjedhës, në grupe dhe zona të vogla që mund të lëvizen nëpër kuadër, ose së bashku me kamerën duke zgjedhur pikat më të mira për t'i përdorur automatikisht.
Sjellja e sistemit të fokusimit të vazhduar të kamerës mund të rregullohet në përputhje me llojin e aksionit që fotografoni. Thjesht zgjidhni nga cilësimet tona të katër rasteve ose përdorni cilësimin tonë "Auto" që zgjedh sjelljen më të përshtatshme për rastin konkret.
Që "Canon EOS-1D X Mark III" të ketë mundësinë të fokusohet me përpikëri në shpejtësi vazhdimisht të larta shkrepjeje, na duhet t'i japim një sistem tërësisht të riprojektuar reflektimi me pasqyra. Është thelbësore që pasqyrat e kamerës të kthehen sa më shpejt të jetë e mundur në pozicionet e tyre të pushimit mes çdo poze dhe të mos shfaqin "kërcim pasqyre", nëse pritet që të vazhdojnë ta shpien dritën te sensori i vetëfokusimit. Kjo është diçka që ndodh brenda "Canon EOS-1D X Mark III" deri në 16 herë në sekondë – një arritje e jashtëzakonshme e inxhinierisë mekanike.
Kur e përdorni "Canon EOS-1D X Mark III" si kamerë pa pasqyra, në modalitetin "Live View", vetëfokusimi kryhet nga sistemi ynë i mirënjohur "Dual Pixel CMOS AF". Ky kthen thuajse çdo piksel të sensorit të kamerës në piksel figure dhe në piksel vetëfokusimi për pikasjen e fazës.
"Dual pixel CMOS AF" mund të punojë shpejt gjatë shkrepjes së fotove, ndjekjes së objekteve në lëvizje përreth kuadrit dhe më shtruar kur shkrep video, duke lejuar efektet profesionale daljes nga fokusi nga njëri objekt tek tjetri.
Zbatimi i teknologjisë "Dual Pixel CMOS AF" në "Canon EOS-1D X Mark III" shikon pikselë që mund të përdoren për fokusim në të gjithë lartësinë e kuadrit dhe në mbi 90% të gjerësisë së tij. Performanca rritet në një nivel ku është e mundur të shkrepet me 20 fps me fokusim të shpejtë, të saktë dhe të vazhduar. I njëjti algoritëm vetëfokusimi me vetëtrajnim të thelluar që ofrohet gjatë përdorimit të kamerës në modalitetin me inkuadrues, ofrohet edhe për "Dual Pixel CMOS AF", ndaj mund të jeni konfidentë se do të ruhet qartësia e duhur në objektin, kafshën apo personin e gjurmuar.
< Kthehu te përmbledhja e "Canon EOS-1D X Mark III"
Disa momente janë të papërsëritshme. Ikin në të qindtat e sekondës, për të mos u kthyer më. Kapini me anë të "Canon EOS-1D X Mark III" – shikojini ngjarjet të ndodhin në kohë reale përmes inkuadruesit të tij shndritshëm optik, me zero vonesë dhe shkrepeni aksionin në 16 fps pa frikë*
* Shpejtësi maksimale shkrepjeje prej 20 fps në modalitetin e pamjes së drejtpërdrejtë.
Ne e kemi pajisur "Canon EOS-1D X Mark III" me një sensor 20,1 megapikselësh që është më i ndejshëm në kushte ndriçimi të ulët (deri në ISO 102 400) dhe shkrep më shumë diapazon dinamik. Ai punon krah për krah me një procesor DIGIC X për t'ju dhënë cilësi imazhi që është thjesht e jashtëzakonshme - edhe kur kushtet nuk janë të tilla.
Kur kohën nuk e keni në anën tuaj dhe pamjet duhet t'ia dorëzoni klientit sa më shpejt të jetë e mundur, drejtojuni "Canon EOS-1D X Mark III". Lidhjet e tij të avancuara komunikojnë me kabllot "Ethernet" në fushave, rrjetet "Wi-Fi" të stadiumeve, pajisjet inteligjente dhe laptopët, duke ju mundësuar modifikimin, shfletimin dhe transmetimit në çast – ose madje edhe dërgimin e pamjeve direkt te klienti sapo t'i shkrepni.
"Canon EOS-1D X Mark III" është një aparaturë produksioni filmik që nuk bën kompromise dhe që përdor teknologji nga gama jonë "Cinema EOS" për të arritur rezultate të jashtëzakonshme. Është mjeti ideal për gazetarët, producentët e dokumentarëve dhe këdo që punon seriozisht me videon në nivel profesional.
"Canon EOS-1D X Mark III" është projektuar për ta ndjerë si një zgjatim të shpirtit tuaj krijues – aq pranë të padukshmes sa mund të jetë një kamerë. Komandat përkojnë instinktivisht dhe menjëherë nën gishtat tuaj dhe një pult i ri "Smart Controller" ju bën të mundur zgjedhjen e pikave të fokusimit në mënyrë të shpejtë e instinktive.