Angazhimi ynë ndaj qëndrueshmërisë: ndërtimi i një të ardhmeje të printimit me model qarkullues dhe ndikim të ulët

Si organizatë, ne synojmë t’i realizojmë vazhdimisht synimet mjedisore për një përmirësim vjetor mesatar prej 3% në indeksin e emetimeve të CO₂ të ciklit të jetës për njësi produkti të vendosur në vitin 2008 dhe të realizojmë një përmirësim total kumulativ 50% deri në vitin 2030.

Kjo përfshin veprime të qëndrueshme në të gjitha linjat e biznesit tonë, duke filluar nga operacionet, prodhimi dhe transportimi deri te projektimi dhe paketimi i produktit.

Me kalimin e viteve, angazhimi ynë ndaj qëndrueshmërisë është njohur nëpërmjet një sërë vlerësimesh dhe çmimesh nga industria. Ndër më të fundit është vlerësimi EcoVadis Platinum për përpjekjet tona të qëndrueshmërisë, të cilat na vendosin brenda 1% të kompanive të vlerësuara në rang botëror, me një rezultat të përgjithshëm në 99%. Për vitin 2024, Projekti i zbulimit të karbonit (CDP) na vlerësoi me rezultatin A për ndryshimet klimatike ¹, hera e tretë që ne përfshihemi në listën e tyre më të lartë A, duke na vendosur në 2% të kompanive më të mira të vlerësuara në këtë kategori.

Ne po punojmë për të zgjeruar përdorimin e energjisë së ripërtëritshme në një larmi mënyrash, duke marrë në konsideratë prevalencën rajonale të energjisë së ripërtëritshme dhe iniciativat e vendeve të ndryshme. Për shembull, ne kemi instaluar panele diellore gjeneruese në ambientet e fabrikës “Thang Long Factory” të Canon në Vietnam, në “Canon Zhongshan Business Machines” dhe në vende të tjera ku energjia e ripërtëritshme gjenerohet dhe më pas përdoret. Gjithashtu, në pesë fabrika në katër vende prodhimi: “Canon Suzhou”, “Canon Vietnam” (“Thang Long Factory” dhe “Tien Son Factory”), “Canon Hi-Tech Thailand” (“Ayutthaya Factory”) dhe “Canon Prachinburi Thailand” certifikatat e energjisë së ripërtëritshme, që dokumentojnë vlerën mjedisore të energjisë së ripërtëritshme, u morën sërish në vitin 2024. Kjo do të thotë se në këto vende është përdorur 100% energji e ripërtëritshme, vende të cilat prodhojnë produkte për biznesin tonë të printimit, të tilla si pajisje shumëfunksionale për zyrat, printerë shtëpie me bojë dhe printerë me bojë në format të madh. ²

Shqetësimi kryesor i shumë bizneseve në lidhje me qëndrueshmërinë është realizimi i një efikasiteti energjetik më të lartë dhe ne bashkëpunojmë nga afër me klientët dhe partnerët tanë për t’i ndihmuar t’i arrijnë këto synime.

Teknologjia e printimit ecën me ritme të larta dhe zhvillohet shpejt dhe, për rrjedhojë, është e rëndësishme që ofruesit PSP t’i eksplorojnë investimet e reja në mënyrë të plotë, nga kostot operative fillestare dhe afatgjata e deri te mënyra se si teknologjia mund të përmirësojë performancën e tyre mjedisore në përgjithësi.

Gjithashtu, ne i projektojmë dhe prodhojmë produktet tona me qëndrueshmërinë në mendje që nga fazat më të hershme të projektimit, duke u përpjekur në mënyrë të vazhdueshme që të përmirësojmë produktet tona dhe performancën e tyre mjedisore. Për shembull, imagePRESS V900 përdor 7,5% më pak energji se modeli i tij pararendës dhe në “modalitetin e gatishmërisë” printerët ColorWave aktualë përdorin 22% më pak energji krahasuar me ata të gjeneratës së 1-rë.

Nëpërmjet forcimit të kërkimit dhe zhvillimit, ne gjithashtu vazhdojmë të përmirësojmë performancën e përgjithshme të printerëve tanë dhe të reduktojmë kostot, duke menduar me kujdes për të gjitha aspektet e portofolit tonë, përfshirë pjesët harduerike, softuerët dhe pjesët e konsumit.

Gama e printerëve imagePROGRAF me format të madh gjenerojnë një sërë përfitimesh të qëndrueshmërisë, duke përfshirë paketimin i cili është pa shkumë polistireni të zgjeruar (EPS), me depozita boje 100% të zbrazura dhe zero mbetje ³. Modelet përmbajnë një depozitë boje me ndërrim pa fikje dhe një nëndepozitë boje rezervë, që lejojnë vazhdimësinë e printimit edhe gjatë zëvendësimit të depozitës së bojës; kjo ndihmon në kursimin e energjisë dhe ruajtjen e produktivitetit.

Teknologjia “UVgel” gjithashtu përdor 50% më pak energji krahasuar me teknologjitë e mëparshme, ndërkohë që teknologjia “VariaDot” në printerët Arizona përdor deri në 50% më pak bojë sesa printerët me shtrat të sheshtë me gjashtë ngjyra, me pika fikse.

Megjithatë, pjesët harduerike dhe të konsumit nuk janë të vetmet që mund të ndihmojnë në mbështetjen e synimeve mjedisore të ofruesve PSP. Paketa PRISMA e zgjidhjeve softuerike i ndihmon klientët t’i optimizojnë ciklet e punës, duke përmirësuar përdorimin e energjisë dhe reduktuar ndërprerjen e punës. Edhe përdorimi i materialeve dhe bojës/tonerit në të gjithë flotën tonë është reduktuar falë gabimeve më të pakta në punët e printimit dhe përditësimeve në kohë reale të statusit të çdo printeri brenda një flote.

Ne po përpiqemi të bëhemi një biznes qarkullues ku çdo produkt dhe material projektohet, krijohet, ripërdoret, riparohet dhe riciklohet brenda një qarku të mbyllur.

Transformimi i mënyrës se si funksionojmë dhe i prodhojmë produktet tona për të kontribuuar në drejtim të ekonomisë qarkulluese është një pjesë e rëndësishme e strategjisë sonë të qëndrueshmërisë. Nëpërmjet novatorizmit të vazhdueshëm, ne angazhohemi t’i mbajmë produktet, pjesët dhe materialet tona në përdorim për sa më gjatë të jetë e mundur për të ndihmuar në reduktimin e ndikimit në mjedis për klientët tanë, si dhe organizatën tonë.

Nëpërmjet qasjes së biznesit me model qarkullues, ne rifabrikojmë dhe riparojmë pjesë, pjesë të konsumit dhe një sërë pajisjesh të portofolit tonë, duke ndihmuar që produktet tona të përdoren dhe të jetojmë më gjatë.

Rifabrikimi i një pajisjeje (e rindërtuar nga komponentë individualë në një gjendje si e re) nxit reduktimin e mbetjeve, zvogëlon nevojën tonë për burime të reja natyrore dhe redukton emetimet e CO₂ në prodhim. Për shembull, pajisjet e rifabrikuara Arizona kanë një gjurmë mjedisore CO₂ 32% më të vogël sesa një model i sapoprodhuar.

Gjithashtu, një numër i printerëve tanë shumëfunksionalë përfitojnë një jetë të dytë nëpërmjet gamës sonë “Të përdorura të certifikuara”, ku produktet i nënshtrohen një procesi riparimi, duke ndihmuar që pjesët dhe hardueri të mund të përdoren më gjatë.

Për shkak të qasjes qarkulluese, që nga viti 2008 në të gjitha operacionet në nivel global janë ricikluar për ripërdorim 47 681 tonë plastikë nga produktet e përdorura. Dhe shumica e printerëve me bojë me prodhim me volum të lartë kanë një jetë të dytë falë riparimeve më së shumti lokale.

Printimi me klimën në mendje shkon përtej teknologjive të printerëve dhe kur bëhet fjalë për materialet, nuk ka pasur kurrë një llojshmëri më të madhe të opsioneve ndër të cilat mund të zgjidhni. Për më shumë se një dekadë, kemi ofruar një gamë të gjerë të materialeve të qëndrueshme për çdo lloj zgjidhjeje digjitale, si dhe bashkëpunojmë nga afër me prodhuesit e materialeve për të testuar pajtueshmërinë e materialeve të reja dhe të ardhshme para se të hidhen në treg.

Ne punojmë vazhdimisht për të reduktuar ndikimin në mjedis të prodhimit tonë në të gjithë zinxhirin e furnizimit me letër, që nga materialet e papërpunuara, energjia, konsumi i ujit, emetimet dhe menaxhimi i mbetjeve.

Nëpërmjet materialeve të imazheve nga Canon, ne ofrojmë materiale të ricikluara dhe të certifikuara nga ClimatePartner, të cilat përdorin celulozë nga burime të certifikuara nga FSC dhe PEFC. Gama jonë me letër zero ofron letër me zero emetime të karbonit të përshtatshme për aplikimet në printimet e fletëve dhe me format të gjerë.

Zgjidhjet e qëndrueshme të printimit po bëhen gjithnjë e më të rëndësishme dhe industria e printimit në tërësi po përshtatet me shpejtësi për të zhvilluar zgjidhje më të qëndrueshme për të arritur synimet e rëndësishme për gjurmë mjedisore me emetime neto zero të karbonit.

Shumë ofrues PSP janë të vetëdijshëm se qëndrueshmëria duhet të jetë prioritet në kuadër të strategjisë së tyre më të gjerë të biznesit. Gjithashtu, ata e dinë se futja e praktikave të qëndrueshme në operacionet e printimit mund të jetë e ngadaltë dhe merr kohë dhe duhet të balancohet përballë një sërë realitetesh të tjera operacionale, nga çmimet e larta të materialeve e deri te mungesa e punëtorëve të specializuar.

Ne do të vazhdojmë t’i vlerësojmë produktet, shërbimet dhe operacionet tona me qëndrueshmërinë në mendje, duke bashkëpunuar nga afër me klientët tanë për t’i ndihmuar të realizojnë synimet e tyre të qëndrueshmërisë, ndërkohë që i mbështesim në trajtimin e nevojave më të gjera të operacioneve të tyre.