INFORMACIONI I PRODUKTIT

Vetëfokusimi më i shpejtë, më instinktiv në botë.¹

EOS R3 i mban gjërat të mprehta që të mund të ruani fokusin. Eye Control AF, njohja e avancuar e subjekteve dhe ndjeshmëria në ndriçim të ulët bëhen të gjitha bashkë për një eksperiencë të pabesueshme në shkrepje.

Vetëfokusimi më i shpejtë, më instinktiv në botë.¹

EOS R3

EOS R3 është programuar për të njohur makinat dhe motorët e garave, nga makinat e Formulës deri tek ato të GT dhe Rally.

© Vladimir Rys / Canon Ambassador

Një revolucion në vetëfokusim: Eye Controlled AF

EOS R3 ofron një mënyrë krejt të re dhe natyrale fokusimi: zgjidhni një pikë AF ose subjekt për t'u gjurmuar, thjesht duke i hedhur sytë. Një gjysmëshkrepje e butonit të shkrehësit të kamerës ose e fokuson pikën e zgjedhur AF ose fillon gjurmimin e vazhdueshëm të subjektit të zgjedhur. Me pak fjalë nuk ka asgjë tjetër të ngjashme me këtë.

Kombinimi i Eye Controlled AF dhe i Focus Tracking e bën EOS R3 një kamerë mahnitëse për aksion. Po shkrepni atletikë në pistë? Thjesht zgjidhni vrapuesin që dëshironi duke e parë me sy. Shtypni butonin dhe EOS R3 do ta gjurmojë atletin, duke e veçuar nga turma. E njëjta magji mund të bëhet me gjithçka tjetër nga politikanët në konferenca shtyp, motorët në pistat e garave dhe deri dhe zogjtë në qiell.

Sistemi Eye Controlled AF kalibrohet me lehtësi dhe cilësimet e kalibrimit mund të ruhen për përdorim në çast dhe madje edhe të ndërrohen mes aparateve përmes kartës së memories. Një kamerë e vetme mund të programohet për fotografë të ndryshëm ose për të njëjtin fotograf që mban ose syze ose lente kontakti. Natyrisht, zgjedhja e pikave AF është e mundur dhe duke përdorur ose Multi Controller të kamerës ose Smart Controller tonë unik.

EOS R3

Shikojeni Eye Control AF në veprim teksa fotografi zgjedh motorin e dytë me sy, dhe kamera fokuson në një subjekt të ri.

EOS R3

EOS R3 njeh dhe sytë dhe gjurmon fokusimin për t'i mbajtur sytë të mprehtë.

EOS R3

Gjurmimi i fokusit ndihmon në mbajtjen e syve të lojtarit të mprehtë teksa bën goditjen.

EOS R3

R3 mund të gjurmojë kokoret e motorëve në kuadro prej 30fps

Gjurmim i gjeneratës së re për subjektet

Duke përdorur të njëjtën teknologji AI vetëmësimi të thelluar të zbatuar tek EOS R5 dhe R6, ne e kemi sjellë AF e EOS R3 një shkallë më tej. Kamera dallon njerëzit, kafshët dhe tani edhe automjetet e sporteve motorike.
Qindra mijëra imazhe nga fotografë dhe agjenci janë përdorur për t'i mësuar kamerës saktësisht se si duket bota reale – dhe se si lëviz.

EOS R3

• Njërëzit. Kamera dallon dhe fokuson te sytë e subjektit që gjurmon. Nëse sytë nuk janë të dukshëm, përparësi merr fytyra në vend të tyre. Nëse asnjëra nuk është e dukshme (për shembull kur një futbollist kthehet beftas), EOS R3 i jep përparësi kokës së subjektit e në fund trupit. Kapacitet njerigjurmues i kamerës është optimizuar për gjurmim më të mirë të subjekteve që mbajnë një helmetë ose maskë – ideale për pamje spektakolare nga sportet.

• Kafshët. Qentë dhe macet njihen nga teknologjia subjektgjurmuese e kamerës, si edhe shpendët – edhe kur janë në fluturim.

• Automjetet. EOS R3 është programuar për të njohur makinat dhe motorët e garave, nga makinat e Formulës deri tek ato të GT dhe Rally. Mund dhe të diferencojë mes automjeteve me kabinë të hapur dhe mbyllur, duke u fokusuar te kokorja e pilotit kur është e dukshme. Motorët e garave njihen gjithashtu dhe edhe këtu ofrohet mundësia e gjurmimit të kokores së motoristit, duke e mbajtur në fokus të mprehtë gjatë garës.

Gjurmimi i subjekteve tani mbështetet për të gjitha cilësimet e zonës AF. Dhe falë shpejtësisë së sensorit me nivele dhe ndriçim të pasmë të EOS R3, fokusi modulohet deri në 60 herë në sekondë kur përdoret shkrehësi elektronik në 30fps, duke garantuar gjurmimin tonë më të arritur ndonjëherë AF në kamerat e Canon.

Avantazhi i Dual Pixel CMOS AF II

Teknologjia Dual Pixel CMOS AF II e kamerës e kthen secilin prej 24 milionë pikselëve të saj në një sensor fokusimi, që grupohen së bashku për të dhënë 4779 pika të zgjedhshme AF dhe zona të përmasave të ndryshme. Këto mund të vendosen absolutisht kudo në kuadër për mbulim 100%. Edhe pikselët që nuk përdoren për pikën e zgjedhur të fokusimit vijojnë të përcjellin informacion te motori AF Tracking i kamerës, për saktësi të pabesueshme.

Teknologjia Dual Pixel CMOS AF II në EOS R3 është sistemi më i shpejtë dhe më delikat AF në botë për kamerat me sensor kuadërplotë, me mundësinë për t'u fokusuar për vetëm 0.03sek1 dhe në ndriçim deri në min. -7.5EV.2 Ky është aq i errët sa është thuajse e pamundur të shihet përmes inkuadruesit optik dhe EVF e EOS R3 e mundëson dhe shkrepjen në këto kushte.

Sensori me ndriçim të pasmë

Teknologjia Dual Pixel CMOS AF II e kamerës kthen secilin prej 24 milionë pikselëve të saj në një sensor fokusimi.
EOS R3

Kjo pozë është nxjerrë në -7.5 EV, duke treguar se si fokuson EOS R3 në prag errësire.

  1. Llogaritur në bazë të rezultateve të testeve të shpejtësisë së AF në përputhje me udhëzimet e CIPA (rezultatet mund të ndryshojnë në varësi të kushteve të shkrepjes dhe objektivit të përdorur). Mbështetet në metodën e matjes së brendshme. Kushtet e testit: • Ndriçimi në çastin e matjes së distancës: EV12 (temperaturë normale, ISO 100) • Modaliteti i shkrepjes: M • Objektivi në përdorim: RF24-105mm F4-7.1 IS STM, Kur shkrepen foto me butonin e shkrehësit manual • Modaliteti i AF: Single- point AF (qendror) • Funksionimi i AF: One-shot AF
  2. Gjatë shkrepjes së fotove me objektiv f/1.2, Centre AF point, One-Shot AF, në 23°C/73°F, ISO100. Me përjashtim të objektivave RF me "Defocus Smoothing Coating"

Artikujt e lidhur

  • PRO Article

    ARTIKULLI

    A mund të garojë Canon EOS R3 me vrapuesin e vogël e të rrufeshëm gushëbardhë?

    Fotografi italian i kafshëve të egra, Bruno D'Amicis, vë EOS R3 në provë duke fotografuar një zog të rrallë dhe me shpejtësi marramendëse në brigjet e Abrucos.

  • PRO Article

    ARTIKULLI

    Dalja në terren të çrregullt me Canon EOS R3

    "Tejperformon mbi gjithçka tjetër që kam punuar në të kaluarën!" Fotografi i sporteve motorike, Vladimir Rys, provon Canon EOS R3 në shkrepjen e tij të parë të makinave elektrike Rally.

  • PRO Article

    ARTIKULLI

    Jeta në korsinë e shpejtësisë me objektivat supertelefoto nga Canon

    Fotografi i sporteve motorike, Vladimir Rys, merr timonin e objektivave Canon RF 400mm F2.8L IS USM dhe RF 600mm F4L IS USM në një fotografim makinash të shpejta Rally me modelin Canon EOS R3.

  • PRO Article

    ARTIKULLI

    Shpjegimi i Eye Control AF

    Mësoni detajet e sistemit mahnitës Eye Control AF nga Canon, që cakton apo ndërron pikën AF duke pikasur se çfarë po shikoni ju.

  • Regjistrohuni tani

    Jini të parët që merrni përditësimet e fundit për EOS R3 dhe ruani kontaktin për lajme të mëtejshme teksa zhvillohen.