Canon PowerShot ZOOM

Canon PowerShot ZOOM krahasuar me…

… celularë, kamera kompakte dhe dylbi.
CANON POWERSHOT ZOOM
PowerShot ZOOM është një stil krejt i ri kamere nga Canon që përmbledh një objektiv të gjatë e të fuqishëm në një trup të vogël, duke ju ofruar mënyra të reja për t'i sjellë subjektet tuaja të preferuara shumë më afër dhe për të kapur më shumë detaje sesa shumë prej celularëve në qarkullim.

Me zmadhimin e shkallëzuar prej 100mm, 400mm dhe 800mm¹ në një trup jo më të madh se mausi i kompjuterit, PowerShot ZOOM ofron një përvojë unike shkrepjeje. Ka madhësinë e dorë dhe ju rri më mirë në dorë se telefoni, por ama mund të shkrepë foto të pasura, të detajuara dhe filmime në Full HD të subjekteve që janë larg. Me mundësitë fantastike të lidhjes me Wi-Fi dhe Bluetooth, karikimin praktik mes USB-C, stabilizimin e fuqishëm të figurës dhe një shkrepje mbresëlënëse konstante në 10fps, është ideale për shkrepjen e argëtimit në familje, aktivitetet sportive dhe gjallesat e kopshteve, me funksion “Full Auto” pa kokëçarje.
Pamje të shkrepura duke përdorur PowerShot ZOOM

Pamje të shkrepura duke përdorur PowerShot ZOOM

Pamje të shkrepura duke përdorur PowerShot ZOOM

Fuqi autentike objektivi të gjatë në një trup të vogël në madhësi xhepi

PowerShot ZOOM është më shumë si teleskop xhepi në madhësinë e dorës dhe bën foto e video Full HD duke përdorur dizajn zmadhimi të shkallëzuar me dy gjatësi fokale optike - 100 mm ose 400 mm - me një konvertues digjital 2x për t'ju shpënë më tej në 800 mm. Ndërrimi i menjëhershëm mes secilit zmadhim bëhet me një lëvizje të shpejtë të një çelësi në kohë reale, që të mund t’i shihni më pranë objektet e largëta pa qenë nevoja ta hiqni syrin nga inkuadruesi super i qartë, i cili është më praktik nën dritën e diellit pasi nuk ka shkëlqim verbues në ekran, ndryshe nga telefonat.

Afrohuni. Pastaj afrohuni edhe më. Nga 100mm në 400mm, dhe pastaj edhe më tej, shikojeni PowerShot ZOOM në veprim.

Kështu që lëreni telefonin në xhep herën tjetër që dëshironi të kapni një moment të largët. Telefonat inteligjentë ndonëse janë të aftë për rezultate të shkëlqyera në afërsi, shpesh nuk ia dalin dot kur vjen puna për shkrepjen e fotove në distanca të largëta. Disa telefona inteligjentë mund të reklamojnë aftësi për zmadhim me rreze të gjatë, por për shkak të përmasave të tyre të holla, ato përdorin një kombinim teknologjish alternative, si p.sh. zmadhim digjital, zmadhim hibrid dhe dizajn optik me palosje, për kapjen e fotove dhe të videove në distancë. Kjo do të thotë që stabilizimi i figurës është i kufizuar dhe të shumtën e herës nuk jep cilësinë e figurës që përndryshe arrihet me një aparat fotografik të dedikuar që përmban objektiv origjinal Canon.

PowerShot Zoom mund të përdoret me lehtësi edhe me njërën dorë. Nuk ka nevojë të vendosni çfarë programi të zgjidhni në celular, apo të rrini duke përdorur dy gishta për të inkuadruar pozën, duke rrezikuar ta humbni fare momentin; PowerShot ZOOM jua shmang këto kokëçarje duke punuar sa hap e mbyll sytë për të kapur çdo moment fluturak.

Ashtu siç mbani një celular në xhep, aty mund të mbani edhe PowerShot ZOOM, pasi është i lehtë dhe i vogël, pa ju rënduar si kamerat e zakonshme. Dhe kur e nxirrni, mbajeni rreth kyçit me rripin e dorës për ta pasur gjithnjë ndoresh. Dhe pastaj, pasi të jeni gati për shpërndarje, lidheni lehtë me programin Canon Connect.
CANON POWERSHOT ZOOM

Pamje që shkarkohen duke përdorur programin Canon Camera Connect në një celular të pajtueshëm për më shumë fleksibilitet kur bëhet fjalë për ndarjen e fotove në rrjetet sociale.

Një alternativë më e vogël, më e lehtë dhe më e thjeshtë për një zmadhim kompakt

Kamerat e udhëtimit me objektiv ofrojnë rreze telefoto shumë të fuqishme dhe sigurisht ofrojnë cilësi fantastike figure, por përmasat e tyre dhe pesha më e madhe nuk i bëjnë gjithmonë praktike - si dhe nuk mund t’i mbani në xhep. Kur jeni duke ecur dhe nuk doni të mbani aksesorë të tepërt me vete, ose keni nevojë për diçka që është e bukur dhe diskrete, por që arrin t’jua sjellë momentet më pranë, PowerShot ZOOM është zgjidhja e duhur pasi është e shpejtë dhe mund të zmadhojë menjëherë për të kapur subjektet dhe detajet e largëta me lehtësi. Thjesht ndizeni, inkuadroni dhe shkrepni falë menyve të thjeshta dhe strukturës së thjeshtë të butonave.
CANON POWERSHOT ZOOM
Shpejtësia është aty ky PowerShot ZOOM jep më të mirën e saj. Duke qenë se është Full Auto, ju ndihmon të drejtoni e shkrepni pa qenë nevoja të mendoheni për cilësimet optimale. Procesori i fuqishëm DIGIC 8 i kamerës bën të gjithë të menduarin për ju, duke ju lënë të lirë t’i gëzoheni momentit dhe të shkrepni pamje super të detajuara, si dhe filma në Full HD nga sensori i saj 12MP CMOS. Dhe me motorin konstant në 10 fps, është ideale për shkrepjen e kafshëve ose të fëmijëve që luajnë, pa i shqetësuar, qoftë në park apo në shtëpi.

Po aq e fuqishme sa dylbitë, por shumë më fleksibël

Ndërsa mund të keni qenë duke menduar të blini një nga dylbitë mahnitëse me stabilizim figure të Canon, PowerShot ZOOM ofron një rreze të krahasueshme telefoto me mundësi regjistrimi në foto dhe video Full HD, si dhe veçori të tjera fantastike që e bëjnë shokun tuaj më të mirë në natyrë. Për shembull, mund të lidheni me telefonin tuaj për të gjeoetiketuar fotot e shkrepura në aventurat tuaja në natyrë, si dhe ta ndani pamjen drejtpërdrejt, që të mund ta shohin dhe të tjerët atë që shihni, duke ju lejuar t’i gëzoheni momentin dhe të shkrepni pamje me detaje të bollshme. Për më tepër, mund t’i ndani kujtimet tuaja aty për aty. Ideale për ditët e sporteve shkollore, rastisjen e kafshëve të egra dhe regjistrimin e zogjve fluturakë dhe gjallesave nëpër kopshte, kamera vjen me shpejtësi dhe peshëlehtësi, plus tri zmadhime të ndryshme ku mund të kaloni në çast, plus një kohë shumë të shpejtë karikimi, që ta merrni e shkrepni me plot kuptimin e fjalë në çast.
PowerShot ZOOM
Burri lidh dhe ndan fotot e nxjerra me Canon PowerShot ZOOM drejt celularit

Përfundimi

Siç e keni kuptuar, PowerShot ZOOM mund të arrijë cilësi më të lartë nga distanca sesa shumica e celularëve, si dhe të shkrepë ndërsa ju bëheni pjesë e momentit, ndryshe nga dylbitë. Ajo lidhet me telefonin dhe jua sjell më pranë subjektin me mënyra të reja dhe emocionuese, duke ju mundësuar të jetoni momentin, si edhe ta shkrepni në të njëjtën kohë. Me funksionet praktike dhe karikimin e shpejtë, është teleskopi ideal i xhepit që e keni gjithnjë pranë në pëllëmbë të dorës.

Një përmbledhje e përfitimeve

• Zmadhuesi 3-nivelësh me zmadhimin e arrirë optik2 ju mundëson kapjen e momenteve edhe nga qindra metra distancë.
• Regjistroni në Full HD ose shkrepni foto në 12 MP për të marrë rezultate fantastike falë një fotostabilizuesi me 4 akse dhe më pak lodhje për sytë me inkuadruesin 2.36 me fotostabilizim.
• Shkrepini pozat në natyrë në mënyra dinamike falë shkrepjes së vazhduar prej 10 fps, si p.sh. fotografinë e shpendëve për të shfaqur krahët në fluturim.
• Me përmasat e vogla, karikimin me USB-C3 dhe kohën e bollshme të punës, është ideal për ta mbajtur në xhep apo në dorë për ato momente që s'duhen humbur me familjen apo në natyrë.
• Me komandim të plotë automatik, kamera jua zgjeron pamjen me thjeshtësinë e bukur. Shikoni qartë përmes një inkuadruesi të shndritshëm dhe ndryshojini me lehtësi cilësimet bazë në menynë e thjeshtë.
• Ndani pamjen e drejtpërdrejtë nga kamera dhe ruani kujtimet përmes aplikacionit "Canon Camera Connect". Lidhuni me Wi-Fi dhe gjeoetiketojini fotot përmes lidhjes Bluetooth®4 me celularin.

Produktet e lidhura

  1. Gjatësitë e përmendura fokale janë ekuivalente të 35mm.
  2. Zmadhimi është përkatësisht 1.2x / 4.8x / 9.6x në 100/400/800mm, gjatësitë fokale të përmendura këtu janë ekuivalente të 35mm dhe 800mm është zmadhim digjital 2x prej 400mm gjatësie fokale optike
  3. Kamera nuk vjen me karikues. Kërkesa minimale për karikim është një burim elektrik që përputhet me USB PD duke ofruar minimumi 5V, 1.5A me dalje USB Type-C dhe duke përdorur kabllon e dhënë USB Type-C nga të dy anët. Kur shkrepni video ose foto korrenti i kalon vetëm kamerës pa karikuar baterinë e brendshme. Koha e karikimit me Canon PD-E1 është afro 1 orë 50 min.
  4. E pajisur me teknologjinë Bluetooth® me energji të ulët. Fjala markë dhe stemat e "Bluetooth®" janë marka të regjistruara tregtare pronë e "Bluetooth SIG, Inc." dhe çdo përdorim i këtyre markave nga "Canon Europe Ltd." bëhet me licencë. Markat tregtare dhe emrat tregtarë të tjerë janë të pronarëve të tyre përkatës. "Wi-Fi®" është markë e regjistruar tregtare e "Wi-Fi Alliance".
    Stemat, marka dhe fjala "Bluetooth®" janë marka të regjistruara tregtare në pronësi të "Bluetooth SIG, Inc." dhe çdo përdorim i këtyre markave nga "Canon Inc." kryhet nën licencë. Markat tregtare dhe emrat tregtarë të tjerë janë të pronarëve të tyre përkatës.