FOTOGRAFIA E AVENTURËS

Bukuri e egër: pesë këshilla për të përmirësuar pozat tuaja të aventurës në natyrë

Fotografi i stilit të jetës, Jake Baggaley, del për eksplorim në akullin e dëborën e Suedisë dhe zbulon përse EOS M6 Mark II është shoku më i mirë i një aventuristi.
Dy burra me çanta shpine patinojnë përgjatë një liqeni të ngrirë.

Fotografi i natyrës dhe i stileve të jetesës, Jake Baggaley, ka një pasion për aventurën. Si vrapues terrenesh të çrregullta dhe alpinist i apasionuar, ai frymëzohet dhe nga peizazhet e ashpra dhe pamjet dramatike të botës natyrore. "Unë jam rritur në New Forest [në jug të Anglisë] dhe më pëlqente të qëndroja përjashta,” - thotë Jake. "Gjithashtu me ka pëlqyer të merrem me kamerat. Babanë e kam profesor fotografie – teksa rriteshim kemi pasur dhe një dhomë larjeje fotografish në kuzhinë – kështu që këto interesa u bënë shumë natyrshëm bashkë me kalimin e viteve.”

Vrapi në terrene të çrregullta bëri që Jake të njihej me njerëz të rinj duke e ndihmuar dhe të krijonte një drejtim të tijin artistik. "Nuk është se u vura ndonjëherë të bëhesha fotograf natyre dhe shumica e punëve të mia kanë qenë dokumentarë shoqërorë, por ja që kështu nisa të marr punë në fushën e aventurës në natyrë,” - shpjegon ai. Klientët e Jake tanimë përfshijnë “The North Face”, “Another Escape” dhe “Adidas”.

Kur doli një shans për të fotografuar peizazhet e mbuluara me dëborë dhe liqenet e ngrira të Suedisë qendrore mbi ski dhe patina akulli për kompaninë e ekspeditave pa impakt mjedisor “Do The North”, ky ishte projekti i ëndrrave për Jake-un. "Vizituam rajonin e Dalarnës për patinazh dhe parkun kombëtar të Fulufjället për ski në natyrë. Ishte vërtet e veçuar dhe dëshiroja të nxirrja akullin e gjerë dhe peizazhin e largët e të pamatë," - thotë ai.

Një kamerë peshëlehtë ishte thelbësore për këtë, çka e bëri modelin kompakt Canon EOS M6 Mark II, me ekranin e tij anues 180˚, Wi-Fi të integruar, video në 4K dhe sensor 32.5MP APS-C, një shoqërues ideal. Pajisur me objektivin Canon EF-M 32mm f/1.4 STM, ai ofronte një specifikim të fuqishëm në një paketë të vogël portative.

Këtu, Jake demonstron si ta shfrytëzoni më së miri kamerën gjatë aventurave dhe tregon se është e mundur të kapni pamje marramendëse të natyrës pa qenë nevoja të udhëtoni dhe shumë larg shtëpisë.

1. Bëhuni krijues, pavarësisht motit

Një burrë me xhaketë të verdhë patinon përgjatë një liqeni të ngrirë. Një kishë e bardhë në sfond pasqyrohet në akull.

Loja me pasqyrimet mund të arrijë disa rezultate interesante.

Një vijë me haski të kruspulluar në dëborë. Një shtëpizë e mbuluar me dëborë mund të dallohet në distancë.

Fotografimi në natyrë në dimër mund të jetë i vështirë për shkak të ndriçimit të dëborës, por kjo mund të ndihmojë me krijimin e kompozimeve interesante dhe jua nxjerr subjektin më në pah.

"Dalja maleve është një mënyrë për t’u ndjerë më të lidhur me mjedisin,” - shpjegon Jake. "Natyra më emocionon për të shkrepur foto. Kur jam duke vrapuar, e kam gjithnjë mendjen ‘ku të ketë ndonjë pikë të mirë për foto?’ Eksplorimi i natyrës në dimër mund të ofrojë shanse të pazakonta për të qenë krijues," - thotë ai. "Luani me këndet, dritat dhe elektrikët e kokës për t’i bërë më emocionuese mjedisin e zymta."

Dimri i zymtë skandinav paraqiste situata të vështira ndriçimi, ideale për të sprovuar aftësitë e kamerës së Jake-ut në ndriçim të ulët, e cila ka një diapazon ISO prej deri në 25,600. "Më befasoi se si ia doli Canon EOS M6 Mark II me ndriçimin e ulët dhe apertura e gjerë e Canon EF-M 32mm f/1.4 STM e bëri të lehtë shkrepjen kur u errësua. Në Suedi orët me ditë janë shumë të shkurtra dhe s’patëm shumë kohë të përgatitemi. Ishte më shumë e tipit të nxirrje foto rrugës."

Në ambiente të shndritshme me dëborë, Jake sugjeron kalimin në modalitet manual për të evituar humbjen e detajeve. "Matësi i kamerës kërkon të errësojë çdo gjë, pasi kap të bardha nga të gjitha anët. Kështu që më mirë të shkrepësh në modalitet manual që të kesh kontroll të plotë mbi ndriçimin pa e hequr fare dhe dëborën.

E përse të mos nxjerrësh dhe ca silueta? "E mira me dëborën është se mund të kapësh silueta të qarta të pemëve,” - thotë ai. "Hijet mbi dëborë të japin nuanca të ndryshme të bardhe, që janë interesante për të luajtur me to.”

2. Njësoni kompletin

Një grua që mban një çantë shpine portokalli ecën përgjatë një peizazhi të mbuluar me dëborë.

EOS M6 Mark II ishte kamera ideale për fotot e Jake-ut, pasi është aq peshëlehtë e kompakte saqë mund ta përdorte me lehtësi gjatë gjithë udhëtimit.

Kur dilni për aventurë, kamerën duhet të keni mundësi ta nxirrni shpejt për të reaguar shpejt, përndryshe mund t’i humbisni çastet spontane. Canon EOS M6 Mark II peshon vetëm 408g dhe mund të shkrepë deri në 14 kuadro në sekondë (fps).

"Ajo që më emocionoi te Canon EOS M6 Mark II ishte sa e vogël e peshëlehtë ishte," - pohon Jake. "Ne bëmë goxha ski në natyrë dhe patinazh në liqenet e ngrira. Kështu që të kishte pajisje të mëdha e të rënda, të ngadalëson kudo, por duke qenë se shkrepnim aksion, shpejtësia e lartë e kuadrove e Canon EOS M6 Mark II ishte ideale. Unë e kapa kamerën përpara çantës sime dhe kjo më vlejti më së miri me kushtet ekstreme, sepse nuk m’u desh të ndaloja, të hiqja dorezat apo të hapja çanta.”

3. Shtoni interes me praninë e njerëzve apo të detajeve

Një burrë me xhaketë të verdhë ecën përmes dëborës drejt një shtëpize trekëndore.

Jake sugjeron të përfshini njerëz në pamje për të dhënë një ide të hapësirës.

Këmbët e dy skiatorëve, trupat e tyre mu jashtë kuadrit. Çifti pasqyrohet në akull, që ka motive të gjurmëve nga patinat e tyre.

Motivet dhe gjurmët e patinave në akull ndihmojnë të shtoni interes në këtë kompozim, siç dhe bëjnë pasqyrimet dy skiatorëve.

"Unë përpiqem të kthej çka do të ishte një pozë e thjeshtë në diçka më emocionuese duke shtuar një element njerëzor," - thotë Jake. "Kur ke një person që bashkëvepron me peizazhin kjo të jep më mirë idenë e hapësirës.”

"Më pëlqenin pasqyrimet në akull dhe vijat e krijuara nga patinat tona. Dëshiroja t’i përdorja gjurmët e patinave për t’i shtuar në kompozim e për t’i bërë fotot më interesante.”

Jake përdori modalitetin e shkrepjes në seri 30fps RAW të Canon EOS M6 Mark II për t’i fiksuar patinatorët në kuadër teksa rrëshqisnin në fushëpamje. "Po të mos kishim kohë për shkrepur por të më dilte një skenë e bukur, përdorja modalitetin e shkrepjes me 30fps në seri për t’u siguruar që ta kapja trupin e patinatorit aty ku më duhej. Kjo ishte shumë e dobishme – dhe prej aty mund t’i besoja vetëfokusimit.”

4. Zgjidhni një objektiv praktik

Tre patinatorë me çanta shpine kalojnë mes një liqeni të madh të ngrirë. Majat me dëborë janë të dukshme në distancë.

Objektivi i mprehtë Canon EF-M 32mm f/1.4 STM i mundësoi Jake-ut të shkrepë peizazhe të gjera ndërsa ruan detajet në afërsi dhe eviton distorsionin.

Detajet dhe qartësia janë thelbësore për fotografinë e arrirë të aventurave. Objektivi super i mprehtë Canon EF-M 32mm f/1.4 STM ka një gjatësi fokale standarde të barasvlershme me të 50mm dhe mund të shkrepë vargmale dramatike po aq mirë sa dhe detajet e imëta të patinave, çizmeve dhe rrotave. Kështu që, çfarëdo që t’ju sjelltë aventura juaj, ju mjafton të mbani me vete vetëm një objektiv.

“Kjo gjatësi fokale e barasvlershme me 50mm ishte e preferuara ime për pozat në natyrë, pasi të mundëson shkrepjen të gjithë peizazhit me një person të vogël [në kuadër] pa qenë nevoja për distorsionin super të gjerë që vëren ndonjëherë me to,” - thotë ai.

"Është një gjatësi e mirë fokale për çdo rast, për poza të gjera të peizazhit, si dhe për detaje të afërta me thellësi të ulët qartësie. Mund ta përdorësh për gjithçka.”

5. Përdoreni dritën e dimrit në avantazhin tuaj

Tri skiatorë terreni kalojnë përmes një peizazhi të mbuluar me dëborë. Rrezet e diellit ndriçojnë një shtyllë orientuese pas tyre.

Jake-u sugjeron të luani me dritën dimërore për t’i bërë më interesante skenat që përndryshe do të ishin të zymta.

Një foto e shkrepur me një dron e një burri që ecën mes halorëve në një peizazh të mbuluar me dëborë. Një vijë gjurmësh në dëborë mund të dallohet pas tij.

Drita e artë që merr shpesh në ditët me diell të dimrit skandinav ndihmon në hedhjen e hijeve të gjata, atmosferike.

Pavarësisht se ku ndodheni – nga pyjet deri te majat shkëmbore – magjia e lindjes së diellit dimërak nxjerr gjithnjë foto që bien në sy. Dhe ka një arsye përse ky spektakël është i preferuar nga fotografët e aventurës, si Jake. "Ajo që më pëlqen më shumë nga lindja e diellit në dimër është se ndodh diku në orën 9 a 10 të mëngjesit dhe jo në 3 a në 4. Kështu që mund ta marrësh me nge daljen për të shkrepur lindjen e diellit në dimër. Shpesh në ditët me diell të dimrit, dielli është poshtë gjatë gjithë kohës, kështu që merr atë dritën intense dhe të butë, por me hije të gjata e të thella," - thotë ai.

Përfshirja e dritës spektakolare të artë në videot 4K të aventurave tuaja është më se e thjeshtë me Canon EOS M6 Mark II dhe Jake ka vënë re se mund t'i retushojë e kombinojë filmimet me videot 4K të nxjerra me Canon EOS R kuadërplotë. "Filmimet nga Canon EOS M6 Mark II mbajtën nivelin e filmimeve të bëra me Canon EOS R. Mund t'i përdorja të dyja së bashku dhe dukeshin super të pastra."

Shkruar nga Lorna Dockerill

Produktet e lidhura

Artikujt e lidhur

  • FOTOGRAFI PEIZAZHI

    Ndjekja e aurorës boreale

    Bashkojuni Markus Morawetz-it dhe familjes së tij në një udhëtim 9,000km me Canon EOS R.

  • Një grua e veshur në xhaketë dimri në të kuqe të ndezur duke ecur drejt ujëvarës Skogafos në Islandë, teksa rreth saj bie dëborë e dendur.

    FOTOGRAFI PEIZAZHI

    Fotografi e goditur peizazhesh

    Si të nxirrni "autoportretin skenik" ideal me fotografen dhe ndikuese sociale, Ása Steinars.

  • Një person me veshje ecjeje malore dhe një çantë të madhe shpine qëndron në majë të një të dale shkëmbore me qenin e vet. Në sfond, mund të shihen hektarë shkorreti të largët.

    FOTOGRAFIA E AVENTURËS

    Fotografia e aventurës në natyrë

    Fotografja Anna Blackwell udhëton në natyrën e Dartmoor-it me një Canon EOS R6.

  • FOTOGRAFIA DIMËRORE

    Si të nxirrni fotografi më të mira në dimër

    Shfrytëzojeni më së miri këtë stinë të bukur me fotografin Vladimir Medvedev.