A crowd of people watch music on a huge festival stage in the sun. Photo by Bart Heemskerk.

FOTOGRAFIA E KONCERTEVE

Fotografi tashmë i famshëm i muzikës rok, Bart Heemskerk, duke folur për shkrepjen e frymës së koncerteve

"Muzika është dashuria dhe fotografia është mjeti," - thotë fotografi muzikor holandez, Bart Heemskerk. Ai fotografon festivale e koncerte të mëdha anembanë Evropës, duke nxjerrë në pozat e tij emra të mëdhenj të skenës si Nick Cave, Lana Del Rey dhe Dua Lipa – një rol ky që e ka shpënë drejt ftesës së lakmuar për të fotografuar dhe grupin Rolling Stones.

Kësaj vere ai do të shëtisë përreth 40 festivaleve të ndryshme për t'i fotografuar, i prirë nga pasioni i tij për muzikën. Këtu ai na tregon historinë e tij frymëzuese, shoqëruar plot këshilla që mund t'i provoni me një kamerë tuajën kompakte nëpër aktivitetet e hapura të kësaj vere.

"Gjithnjë dëgjoja radion dhe regjistroja emisionet me sukseset e kohës kur isha fëmijë. Më vonë fillova të shkoj nëpër koncerte me babanë dhe u apasionova me skenën e koncertit kur ndoqa festivalin "Pinkpop" në Holandë në moshën 15-vjeçare," - thotë fotografi tani 33 vjeç.

Disa vite pas përjetimit të tij të parë të festivaleve muzikore, Bart i ra rasti të merrte hua një "Canon EOS 400D" (një version i mëhershëm i Canon EOS 800D). Ai shpejt kuptoi se duke pasur një kamerë me vete, mund të argëtohesh edhe më shumë gjatë ndjekjes së festivaleve - duke shkrepur gjithë argëtimin që ndodh edhe larg skenës, përveç fotove krijuese të grupeve më të mira të botës.

Pas kohës së kushtuar krijimit të një katalogu me aktivitete muzikore të fotografuara për pasion, ai e la punën si mësues për t'iu përkushtuar karrierës si fotograf: "Dhjetë vite pas ndjekjes së festivalit tim të parë, isha kthyer tanimë te "Pinkpop" i nënkontraktuar për të fotografuar grupin Kensington, të cilët i kisha njohur kur u ofrova t'i fotografoja falas kundrejt hyrjes falas në koncertet e tjera të tyre," - thotë Bart. Vitin tjetër, ai mori një telefonatë që nuk e priste – nga legjendat ndërkombëtare të muzikës rok, Rolling Stones, të cilët i kërkuar që t'u bënte fotografi.

"Rolling Stones po shkonin në një turne në 2014 dhe më kishin parë në internet – kishin kërkuar atje për fotografë në Holandë. Kështu që kontaktuan me festivalin "Pinkpop" dhe pyetën atje. Ai ka qenë një çast surreal!"

Grupi e ftoi t'u fotografonte turneun evropian, çka i siguroi atij hyrjen në kuintat e disa prej muzikantëve më në zë të botës. "Turnetë me Rolling Stones të jepnin ndjesinë e familjes," - thotë Bart. "Ne bënim shakara. Keith [Richards] ishte tipi më i veçantë për të punuar. Kishte shumë humor. M'u desh të fotografojë edhe takimet e përshëndetjet me adhuruesit dhe prenotuesit, si dhe mora një lejekalim për të gjitha zonat që të mund të lëvizja lirisht - në kuinta, përpara skenës. Isha pjesë e grupit, darkonim së bashku, shkonim së bashku në provat e fonisë e kështu me radhë."

Bart i ruajti kontaktet me Rolling Stones pas kësaj dhe madje dhe iu bashkua sërish në turne në vitin 2017.

Artikujt e lidhur
A rock musician on stage at a festival plays the guitar. Photo by Ben Morse.

FOTOGRAFIA E KONCERTEVE

Rroba banje, diell dhe rrokenroll: 10 këshilla për fotografinë e koncerteve

Fotografi i koncerteve, Ben Morse, tregon se si të shkrepni në koncerte foto profesionale si për yjet e rrokut, si dhe përse modeli kompakt "Canon PowerShot SX740 HS" mund të jetë kamera juaj ideale për koncertet.

A group of friends pose holding sparklers, facing the camera with their faces illuminated by the sparkler light.

FOTOGRAFIA E FESTAVE

Bëhuni më krijues me fotografinë e festave

Dëshironi të kapni emocionin e festave dhe festimeve? Mësoni se si të fotografoni të gjitha ato momente gazmore në mënyra krijuese.

Gjeni dritën e mandej punoni me të

"Asnjëherë s'mund ta dini se si do të jetë ndriçimi dhe kjo është dhe nga pikat më interesante të të qenit fotograf koncertesh. Thjesht duhet t'ia dilni mbanë me ndriçimin që keni," - thotë Bart.

Për të nxjerrë maksimumin e ndriçimit, ai rekomandon që të lëvizni përreth dhe të mos qëndroni në të njëjtin vend. "Nëse drita ndriçon nga lart mbi fytyrën e dikujt, poza është krejt ndryshe nga ana e majtë në krahasim me rastin kur qëndroni përballë tyre, apo kur shkoni edhe më mbrapa," - pohon ai.

"Drita përsëritet. Nëse një artist qëndron pas mikrofonit dhe unë vë re një të rreze të verdhë, të bardhë apo të kaltër drite që i përsëritet në fytyrë teksa artisti shkon para-mbrapa mes saj, unë thjesht shkrep pozën kur i bie mbi fytyrë apo kur i vjen përreth, për të marrë një siluete të këndshme."

Nëse po fotografoni një grup të mirënjohur, nëse i shikoni koncertet e tyre në internet mund t'ju ndihmojë për t'i paraprirë asaj se çfarë do të ndodhë. "Ndonjëherë, shihni një artist që hidhet në turmë gjatë këngës së dytë dhe e këtë e shikoni dhe në një natë tjetër, e një tjetër më vonë, kështu që pak a shumë e dini që do të ndodhë aty ku po qëndroni. Kështu që thjesht ju duhet të zgjidhni vendin e duhur."

Për cilësimet e kamerës dhe këshilla mbi fotografimin me kushte të ndryshme ndriçimi, lexoni këshillat tona të fotografisë së koncerteve.

Përdorni kuadro të larmishëm

Kur vjen puna për të zgjedhur se si të fotografoni koncerte e festivale muzikore, "Njerëzit shpesh e vënë subjektin në mes të kuadrit dhe shkrepin shumë foto të së njëjtës gjë, thjesht të zmadhuar tek artisti kryesor, gjë që mund të rezultojë e mërzitshme," - thotë Bart.

Përkundrazi, ai sugjeron që të keni larmi në krijimet tuaja, duke i inkuadruar subjektet në të majtë apo të djathtë të pozës. "Kapni një pozë interesante të një artisti, zgjidhni një a dy, e pastaj nxirrni një pozë të gjerë ose ndonjë përfshirje me turmën. Nëse vendosni ta mbani subjektin në qendër, duhet të jetë duke ndodhur diçka - mbase ndonjë hedhje, me krahët e artistit të hapur, ose të gjithë duke parë kamerën."

"Synimi është të kapni emocionet e festivalit dhe çdo festival ka atmosferën e vet të veçantë."

Sun sets above a huge festival display. Photo by Bart Heemskerk.

Mos i humbisni momentet kyçe të koncertit

"Kamerat kanë shumë aftësi të fokusohen në ditët tona, kështu që nëse artisti lëviz para-mbrapa, preferoj të përdor më mirë vetëfokusimin se fokusimin manual," - thotë Bart. Duke zgjedhur pikat e duhura të vetëfokusimit, ai ka mundësinë të ruajë qartësinë e subjekteve edhe nëse këta e marrin skenën me vrap, hidhen mbi turmë apo bëhen pjesë e një rutine kërcimi të shpejtë.

Me një kamerë kompakte si Canon PowerShot SX740 HS, kur klikoni në butonin e menysë mbrapa kamerës mund të zgjidhni një modalitet vetëfokusimi te "Shooting Settings (Cilësimet e shkrepjes)". Gjurmimi i vetëfokusimit ndjek subjektin tuaj, p.sh. kur këngëtari lëviz nëpër skenë, që të mund t'i shkrepni lëvizjet pa pasur frikë se mos pozat dalin të turbullta.

Te "Shooting Settings (Cilësimet e shkrepjes)" mund të zgjidhni dhe modalitetet e shkrepjes dhe të zgjidhni "High Speed Continuous (E vazhduar në shpejtësi të lartë)". Kjo ju bën të mundur të vazhdoni të shkrepni foto për sa kohë e mbani të shtypur butonin e shkrehësit.

"Modalitetin e shkrepjes së vazhduar e përdor normalisht në rast se kam duar që më dalin para kamerës ose kur sytë e këngëtarit janë të mbyllur," - thotë Bart. "Një kërcim nga Eddie Vedder i grupit Pearl Jam, për shembull, ndodh brenda një sekonda dhe duhet të gjesh formën ta shkrepësh. Por në rast se është ndonjë kantautor apo dikush që ndodhet pas pianos, apo ndonjë artist që thjesht qëndron pas mikrofonit, mund të përdorni pozat njëshe. Thjesht zgjidhni të duhurën sipas rastit."

Kamera më e mirë për fotografi koncertesh

Shumë festivale muzike nuk ju lejojnë t'i merrni me vete DSLR e mëdha, përveç nëse keni akreditim si të shtypit, ndaj ju bën punë të merrni një kamerë të vogël me zmadhim të fuqishëm, si p.sh. Canon PowerShot SX740 HS, këshillon Bart.

"Do të jeni në mes të turmës, kështu që do të ishte ide e mirë të mbanit një kamerë me ekran rrotullues [që të mund të shkrepni nga më shumë kënde]. Mund të ndihmojë nëse kamerë me stabilizim figure, si p.sh. stabilizimi me 5 akse i PowerShot SX740 HS. Ka shumë njerëz që lëvizin përreth jush nëpër aktivitete dhe [sidomos nëse e mbani kamerën lart apo me kënd] stabilizimi i figurës mund të ketë ndikim të madh në shmangien e dridhjeve të kamerës."

Nëse përdorni një kamerë me objektiv të ndërrueshëm, si p.sh. Canon EOS M50, Bart rekomandon të merrni thjesht dy objektiva me vete nëpër aktivitete. "Unë vetë marr një objektiv të gjerë dhe një objektiv teleskopik që të mund të shkrep poza të gjera së bashku me lëvizjet në një sërë distancash apo gjatësish fokale," pohon ai.

Objektivat fiksë, si p.sh. objektivi "Canon EF-M 32mm f/1.4 STM", kanë aperturë më të gjerë, për të mundësuar më shumë dritë në poza dhe për të ofruar ekspozime më të shkurtra, ndërsa objektivi "Canon EF-M 55-200mm f/4.5-6.3 IS STM" ju bën të mundur zmadhimin dhe zvogëlimin e skenave.

Sekreti i nxjerrjes së pozave interesante në koncerte

"Ajo që them gjithnjë është se koncertet duhet t'i fotografoni ashtu siç i përjeton publiku, jo ashtu siç do t'i shihte fotografi," - thotë Bart. "Ditët e sotme, çdo koncert ka gjëra që ndodhin përreth skenës kryesore, si p.sh. tregje ushqimore. Synimi juaj duhet të jetë të kapni ndjesinë që krijon festivali dhe çdo festival ka atmosferën e vet të veçantë për të shkrepur. Mund të keni dëshirë p.sh. të nxirrni perëndimin e verdhemë të diellit me njerëzit që rrinë përreth duke pushuar e shijuar muzikën. Mbase ka disa të tjerë që bëjnë joga apo ushtrime me rrathë. Këto momente janë shumë të vyera.

"Nëse ndodheni në ndonjë karusel apo jeni ngjitur te njëri nga vinçat që ka pamje të mirë mbi festivalin, këto do të ishin dhe raste të mira për të përdorur objektivat me kënd të gjerë, për të nxjerrë një pamje të të gjithë festivalit. Në këto raste nuk ju bën punë të përdorni objektivin me zmadhim, pasi ashtu do të nxirrnit vetëm një pjesë të vogël të së tërës."

Pas fotografimit të kaq shumë grupeve në koncerte atmosferike, a ka ndonjë foto që i pëlqen më shumë Bartit? "Them se fotot e koncertit të 2013 me Kensington në 'Pinkpop'," - përgjigjet ai. "Ishte hera ime e parë që fotografojë në skenë në një festival kaq të madh. Më jep emocione edhe sot kur shikoj ndonjë prej atyre fotove. Por unë dal rregullisht në turne me Armin van Buuren, DJ, dhe nja dy vjet më parë nxora dhe një pozë jashtëzakonisht të bukur të tij në Majami, në "Ultra Music Festival". Pas koncertit ai e shikon foton dhe më thotë: 'Kjo më përmbledh që të gjithin në një foto të vetme.' Kur artisti të thotë një gjë tillë, besoj se kjo e bën të veçantë si foto apo jo?"

Shkruar nga Lucy Fulford

Produktet e lidhura

Artikujt e lidhur

"Get Inspired" është burimi juaj kryesor i këshillave të dobishme të fotografisë, udhëzuesve të blerësit dhe intervistave inteligjente - gjithçka që ju nevojitet për të gjetur kamerën më të mirë ose printerin më të mirë dhe të krijoni ide të ardhshme krijuese.

Kthehu tek të gjithë artikujt