Cilësia e imazhit - EOS-1D X Mark II
Cilësi, detaje dhe gjerësi
Rezolucion, ndjeshmëri dhe gjerësi - jo më bashkërisht ekskluziv
Sensor CMOS 20.2 Megapiksel Kuadro e Plotë
Një sensor CMOS 20.2 Megapiksel kuadro e plotë me gjerësi të lartë, i zhvilluar dhe prodhuar nga Canon, pakëson zhurmën në shpejtësi ISO të lartë dhe të ulët gjithashtu. Ky sensor i veçantë është i pajisur me mikrolente pa boshllëk për të garantuar cilësi të lartë të imazhit në të gjitha kushtet e shkrepjes. Lentet pa boshllëk do të thotë që nuk ka humbje të dritës midis secilit piksel pasi e gjithë drita që bie në sensor drejtohet në pikselat më poshtë. Kjo përmirëson kapacitetin e grumbullimit të dritës dhe raportin sinjal-zhurmë.
Me rritjen e numrit të pikselave të regjistrimit, në krahasim me EOS-1D X, 20.2 MP në EOS-1D X Mark II bëjnë të mundur më shumë aftësi prerjeje duke ruajtur ndërkohë nivelin e jashtëzakonshëm të detajeve. Në të njëjtën kohë, gjerësia e rritur e ekspozimit bën të mundur që kompozimet të ekspozohen tepër dhe/ose pak pa shumë humbje detajesh.
Korrigjimi i shmangies së lentes në kamerë
Kur u prezantua kamera origjinale EOS-1D X, ajo përfshinte funksionet e korrigjimit të ndriçimit periferik dhe të shmangies kromatike, ndërsa një funksion tjetër i korrigjimit të shformimit ishte i përfshirë në kamerën EOS 7D Mark II. Duke i përmirësuar këto opsione të përpunimit në kamerë, EOS-1D X Mark II përfshin këto funksione bashkë me një funksion të ri të korrigjimit të zbërthimit që zbatohet tek imazhet JPEG gjatë regjistrimit. Ky funksion i lejon fotografët të punojnë me hapje më të vogla të diafragmës pa u shqetësuar për përkeqësimin e cilësisë së imazhit që shkaktohet nga zbërthimi.
Në të kaluarën duhej të regjistronit të dhënat e korrigjimit të lentes me anë të softuerit EOS Utility1. Në kamerën EOS-1D X Mark II, sidoqoftë, ndriçimi periferik, korrigjimi i shmangies kromatike dhe të dhënat e lentes për korrigjimin e shformimit janë të ruajtura tashmë në kamerë2, duke mos pasur nevojë të korrigjoni shmangiet e lentes në skedarët JPEG me anë të një kompjuteri. Kjo veçori pranon po ashtu të dhëna nga çdo lente në të ardhmen që ka të integruara të dhënat e korrigjimit të shmangies, duke e bërë kështu të panevojshme të regjistroni të dhënat me EOS Utility.
1 Të dhënat e korrigjimit të lentes nuk kërkohen për korrigjimin e zbërthimit
2 Lente të caktuara nuk i kanë të dhënat e korrigjimit të shmangies
Optimizues dixhital lentesh i integruar
Me EOS1D X, softueri Digital Photo Professional i Canon ofron zgjidhje për të korrigjuar shtrembërime të ndryshme të lentes dhe imazhit. Në kamerën EOS-1D X Mark II, këto funksione të korrigjimit janë të integruara në kamerë me një funksion të posaçëm të Optimizuesit dixhital të lentes.
Digital Lens Optimizer imiton performancën e lentes me një seri funksionesh matematikore duke kopjuar çdo fazë të udhëtimit të dritës përmes rrugës optike. Duke përdorur këto informacione, Digital Lens Optimizer mund të korrigjojë një sërë shtrembërimesh tipike optike dhe humbjen e rezolucionit të shkaktuara nga filtrimi i kalimit të ulët të kamerës, duke aplikuar një funksion të anasjelltë në çdo shkrepje për ta çuar imazhin më pranë mënyrës si duket skena për syrin. Kjo krijon imazhe të detajuara, me cilësi të lartë duke u dhënë fotografëve fleksibilitet të madh pune me apertura të mëdha ose të vogla pa u shqetësuar për shtrembërimet dhe difraksionet.
Ndërkohë që korrigjimet e shtrembërimeve të lentes mund të aplikohen në skeda JPEG ndërsa shkrepen imazhet, Digital Lens Optimizer aplikohet gjatë përpunimit RAW brenda kamerës.
Stili i figurës me detaje të përsosura
Stili i figurës ‘Detaje të Imëta’ i zhvilluar fillimisht për EOS 5D dhe EOS 5DS R është përfshirë në EOS-1D X Mark II për të rritur në maksimum sasinë e detajeve të kapura nga sensori 20,2 megapikselë i kamerave. Ky konfigurim i jep prioritet gradimit të toneve dhe thekson detajet e imëta. Detajet e imëta janë synuar për imazhet që do të përdoren direkt nga kamera, po prodhim tjetër më pas.
Stili i figurës me detaje të imëta ka tre parametra qartësie të ndryshueshme të cilat japin më shumë kontroll në qartësinë e performuar në kamera në skedat JPEG. Parametrat janë të ngjashme me ato që gjenden në filtrin Unsharp Mask në Adobe Photoshop dhe softuerin DPP të Canon.
Kursori ‘Strength’ rregullon sa qartësi i aplikohet anëve të imazhit. Kursori ‘Fineness’ përcakton sasinë e detajeve që qartësohen, lëvizeni majtas për të qartësuar detajet më të vogla. Kursori ‘Threshold’ përcakton sa kontrast duhet të jetë në një pjesë të figurës para se të konsiderohet si anë dhe të qartësohet. Në konfigurime të ulëta mund të qartësohen edhe anët delikate.
AWB: Prioriteti i ambientit/Prioriteti i bardhësisë
EOS-1D X Mark II ka mundësi zgjedhjeje të parametrave Balancë Automatike e Bardhësisë (AWB) që kanë një qasje të ndryshme ndaj dritës artificiale. ‘Prioriteti i Ambientit’ synon të ruajë disa prej toneve të ngrohta të ngjyrave nga burimet e dritës artificiale me qëllim që të ruajë atmosferën e një skene, ngjashëm me konfigurimin AWB të zakonshëm në kamerat e tjera EOS, ndërsa ‘Prioriteti i Bardhësisë’ eliminon shumicën e ngrohtësisë nga ndriçimi tungsten dhe mundohet të japë imazhe me ngjyra neutrale aty ku është e mundur.
