Canon MAXIFY MB2150 Series

Një printer, skaner, fotokopje dhe faks i gjithanshëm i projektuar për zyrat në shtëpi që kërkojnë një cilësi printimi të shkëlqyer në mono dhe me ngjyra me një kosto të ulët për faqe. Me një furnizues të madh me 250 fletë dhe një furnizues automatik të dokumenteve me 50 fletë, seria Canon MAXIFY MB2150 prodhon printime të jashtëzakonshme me ngjyra të gjalla dhe tekste të qarta duke përdorur bojërat e saj DRHD rezistente ndaj fërkimit dhe shënimeve. Seria Canon MAXIFY MB2150 printon faqe në A4 me një shpejtësi të lartë 19 ipm në mono dhe 13 ipm me ngjyra, ndërsa koha për nxjerrjen e faqes së parë (FPOT) është vetëm 6 sekonda.

Nga konsumi i tij i ulët i energjisë me vetëm 0,2 kWh (TEC) e deri te fishekët e bojës me ngjyra me rendiment të lartë dhe me zëvendësim individual, kursimet kanë gjithmonë përparësi. Fishekët e bojës së zezë sigurojnë një rendiment ISO me 1200 faqe dhe ata me ngjyra 900 faqe, duke ju lejuar të punoni me më pak ndërprerje. Paketa e shumëfishtë opsionale me 4 ngjyra ofron efektivitet edhe më të lartë në printim.

Printimi në dy anë dhe mbështetja për një larmi madhësish dhe lloje të letrës - nga letra e thjeshtë A4 e deri tek etiketat, zarfet, letra fotografike si dhe kopjimi i kartave të identitetit me dy anë - e bën më të lehtë punën me aktivitetet e zakonshme të printimit në zyrë. I ndërtuar për produktivitet, printeri është i shpejtë dhe i lehtë në përdorim: pavarësisht nëse po printoni, kopjoni, skanoni ose dërgoni fakse, janë të gjitha lehtësisht të arritshme me ekranin me ngjyra TFT 6,2 cm (2,5”) të serisë Canon MAXIFY MB2150.

Apple AirPrint (iOS), Mopria dhe aplikacioni Canon PRINT mbështeten të gjitha, ashtu si dhe printimi nga reja kompjuterike, si dhe skanimi dhe ruajtja e dokumenteve në shërbimet më të njohura të resë kompjuterike, duke përfshirë Google Drive, Dropbox, Evernote, OneNote, OneDrive dhe Concur. Modaliteti i Pikës së aksesit do të thotë se përdoruesit e pajisjeve inteligjente mund të lidhen me printerin edhe pa një lidhje Wi-Fi.

Filtrimi i adresave IP siguron të drejtat e aksesit vetëm për disa përdorues të zgjedhur, ndërsa mbështetja e protokollit SMTP bën të mundur skanimin-tek-emaili në mënyrë të sigurt brenda një rrjeti zyre. Administratorët e sistemit mund të konfigurojnë me shpejtësi dhe me lehtësi printerin dhe të kufizojnë veprime të caktuara, si p.sh. skanimin te USB-ja.

Administratorët e sistemit do të vlerësojnë përputhshmërinë e Protokollit të menaxhimit të thjeshtë të rrjetit (SNMP) të serisë Canon MAXIFY MB2150, një standard i menaxhimit të pajisjes që e bën të lehtë integrimin e printerit në rrjetet ekzistuese të zyrës. Protokolli SNMP bën mundur një gamë të gjerë funksionesh monitorimi të mirëmbajtjes, duke përfshirë nivelet e bojës, statusin e gabimeve dhe numërimet e faqeve.