VËMENDJE KRIJUESE

Shprehuni me printim: visheni zemrën mbi mëngë

Bëhuni pjesë e diskutimit për shëndetin mendor dhe çlironi krijimtarinë tuaj me këto dizajne elegante dhe frymëzuese.
Një printer Canon printon një fletë me tri dizajne zemre përmbi. Rreth tij ka lapsa me ngjyra, një pako letre stampimi dhe një bluzë e bardhë me një stampë zemre përmbi.

Kur ndiheni të mërzitur, biseda me miqtë dhe familjen mund të jetë vërtet e dobishme, por ne e dimë se ndonjëherë është e vështirë t'u drejtohesh të tjerëve për të kërkuar ndihmë. Pikërisht këtu mund të ndihmojë projekti ynë krijues me dy ilustruesit kryesorë, Ricardo Cavolo dhe Agathe Sorlet. Tregoni se keni nevojë për përkujdesje - ose se jeni të gatshëm të ndihmoni të tjerët që kanë nevojë të tillë - duke veshur dizajnet e tyre të bukura me zemër që jo vetëm duken elegante, por i shërbejnë qëllimit për t'i dërguar një mesazh delikat të tjerëve se jeni të hapur për diskutim në lidhje me mirëqenien.

Modelet komplekse dhe me ngjyra stil kaleidoskopik të Ricardo-s që banon në Barcelonë janë frymëzuar nga arti popullor dhe kultura e tatuazheve. Veprat e tij të artit zbukurojnë muret anembanë botës nga Franca në Hong-Kong në formën e muraleve gjigante dhe janë shfaqur gjithashtu në faqet e librave dhe madje edhe në kartat tarot.

Agathe, e cila jeton në Bordo, Francë, ka një qasje më të thjeshtë stilistike. Klientët për vizatimet e saj të ngrohta dhe të mprehta përfshijnë The New Yorker, The New York Times, Yoplait dhe WWF.

Këtu Ricardo dhe Agathe na flasin për dizajnet e tyre dhe se si mund t'i përdorni ato për të rritur krijimtarinë tuaj dhe për t'u lidhur me të tjerët në lidhje me shëndetin dhe mirëqenien mendore.

Zgjidhni një dizajn

Një ilustrim shumëngjyrësh që tregon një grua të veshur me tri dizajne zemre. Zogjtë me sy në krahë fluturojnë rreth kokës së saj.

"Simboli i zemrës përshtatet më së miri pasi është i pranishëm në të gjithë punën time," - thotë artisti dhe ilustruesi spanjoll, Ricardo Cavolo, i cili realizoi një seri dizajnesh të ndërlidhura që tregojnë një histori kronologjike për fushatën. “Kam pasur idenë të krijoj një kronologji pasi kalova depresionin disa vite më parë dhe e di që ky është një proces shumë i rëndësishëm”. © Ricardo Cavolo

Një ilustrim i një zemre të madhe rozë që përqafon një grua të vogël.

“Këto ditë, shumë gjëra ndodhin brenda ekraneve, në botën virtuale”, - thotë artistja franceze, Agathe Sorlet. "Të jesh në gjendje t'i printosh këto dizajne në botën "reale" mund të na ndihmojë vërtet duke na mundësuar të rilidhemi me realitetin dhe momentin dhe të kemi një perceptim të ri të vizatimeve." © Agathe Sorlet

Ricardo dhe Agathe të dy zgjodhën zemrën si pikënisje.

“Zemra është një simbol për të folur për shëndetin mendor dhe nevojën për të ndarë me të tjerët situatën që po përjetoni, pavarësisht nëse janë miqtë apo familja juaj”, - shpjegon Ricardo. “Secili prej ilustrimeve të mia përfaqëson një hap në atë rrugë. E para, e cila paraqet një person, ka të bëjë me vendimin që keni nevojë për të folur – ky është hapi më i vështirë dhe më i rëndësishëm nga të gjithë. E dyta ka të bëjë me faktin kur flisni me dikë dhe e treta tregon rrethin e ndihmës që mund të merrni nga kushdo që ju do."

Agathe dëshironte që dizajnet e saj të ndiheshin "ngushëlluese dhe plot dashuri për t'u marrë me temat e shëndetit mendor dhe të vetmisë në një mënyrë pozitive". Çdo imazh përfaqëson "një moment gëzimi në diskutimin me tjetrin dhe dashuri", - shpjegon ajo. “Doja të paraqisja një personazh femëror me zemër të madhe, sepse zemra mund të simbolizojë të gjitha llojet e ndryshme të dashurisë – nga familja juaj, miqtë tuaj, të dashuruarit dhe kafshët, por edhe dashuria për veten”.

Silleni dizajnin në jetë

Një printer Canon ndodhet në një tryezë, prej saj del një fletë me dizajne zemre. Pranë tij shihet një krah duke hekurosur një stampë në një bluzë të bardhë.

"Duke shfaqur këto zemra në veshje, shpresoj që njerëzve t'u bëjnë punë nga aspekti i komunikimit dhe t'i përdorin për t'u ndjerë më të fortë e për t'i bërë të gatshëm të kujdesen për shëndetin e tyre mendor", - thotë Ricardo.

Së pari, zgjidhni dhe shkarkoni dizajnin ose dizajnet e zemrës suaj. Tani do t'ju duhet vetëm:



Me programin falas Canon PRINT, mund të lidheni me printerin tuaj Canon PIXMA TS7450 Series me Wi-Fi direkt nga telefoni. Letra e stampimit është në madhësi A4, që të mund të printoni një motiv më të madh ose disa më të vogla, në varësi të preferencës suaj. Përdorni programin Canon Easy-PhotoPrint Editor për të sistemuar me lehtësi disa motive në një faqe.

Pasi të keni printuar dizajnin në letrën e duhur të stampimit, priteni me kujdes (tepricat e letrës përndryshe shfaqen në stampim). Vendoseni tekstilin në tryezën e hekurosjes dhe vendosni se ku dëshironi ta vendosni dizajnin në bluzën apo veshjen përkatëse, më pas hiqni letrën mbështetëse dhe vendoseni në tekstil. Vendoseni fletën e pergamenës që vjen në paketimin e stampimit mbi dizajn dhe hekurosni stampën. Në fund, hiqni pergamenën dhe jeni gati!

Lexoni udhëzuesin tonë për përdorimin e letrës së stampimit për të printuar në tekstile, ose çojeni një nivel më tej duke e zbukuruar printimin tuaj me qëndisje.

Këto dizajne mund t'i ndani me shoqërinë dhe familjen, duke shpjeguar se sinjalizojnë gatishmërinë për të diskutuar çdo gjë që mund t'ju shqetësojë ose ju bën të ndiheni të frikësuar ose të shqetësuar.

"Ju mund t'i përdorni zemrat si një flamur për të treguar se në cilën pikë të procesit jeni," - sugjeron Ricardo. “Shpërndarja është pjesa më e mirë e projektit. Arti ka të bëjë me lidhjen me njerëzit. Dhe kjo është një mënyrë e mrekullueshme për t'ia arritur."

Përqafoni anën tuaj krijuese

Një ilustrim i një zemre të madhe që po ha një grua të vogël e të qeshur.

"Canon PIXMA TS7450 Series është shumë i dobishëm për projekte si ky, sepse mund t'u japë gjallëri," - thotë Agathe. "Shpresoj që njerëzit të mund të ndjejnë gëzim dhe dashuri kur shohin ilustrimet e mia dhe që të ndihen më pak të vetmuar."

Një grua qëndron ulur në një karrige, e relaksuar dhe lexon një libër për vëmendjen. Ajo ka veshur një bluzë të bardhë me tri ilustrime me zemër.

“Jam shumë e lumtur që ilustrimet e mia mund të përdoren në ‘jetën reale’”, - thotë Agathe. "Unë mendoj se kjo i jep më shumë ngrohtësi projektit." © Agathe Sorlet

Ka shumë aspekte pozitive nga të qenit krijues, pavarësisht nëse bëhet fjalë për të bërë fotografi apo për të mbajtur ditar. Si fillim, të detyron të ngadalësosh dhe përjetosh momentin, të tërhiqesh nga streset e punës dhe të jetës.

“Nëse jam duke punuar me artin tim, jam i lumtur. Thelbi është se sa dhe si e investoj energjinë time në këtë”, - thotë Ricardo, i cili kishte depresion për një vit pasi kishte vuajtur nga një rraskapitje nga puna e tepërt, por që nga marrja e terapisë ka gjetur një ekuilibër më të mirë.

"Vizatimi ka luajtur - dhe vazhdon të luajë - një rol të rëndësishëm në mirëqenien time të përditshme dhe shëndetin mendor," - thotë Agathe. "Në thelb, më ndihmon të shpreh emocione që përndryshe nuk mund t'i shpreh. Unë i shpërndaj shumicën e vizatimeve të mia në rrjetet sociale, por gjithashtu mbaj ditarë personalë të ilustruara si një hobi për të shprehur emocione, ankthe dhe frikëra të caktuara."

Mos u ndalni tani

Një ilustrim i një gruaje që e përqafojnë shumë zemra të vogla, duke mbuluar plotësisht trupin e saj me kokën që del nga lart, një buzëqeshje në fytyrën e saj.

Zemrat në ilustrimet e Agathe-s përfaqësojnë të gjitha llojet e ndryshme të dashurisë, nga familja dhe miqtë, te kafshët shtëpiake dhe dashuria për veten. © Agathe Sorlet

Një ilustrim i një forme zemre që përmban fytyra të ndryshme, secila me dy grupe sysh, si dhe disa diej të buzëqeshur.

Ricardo tenton të dizajnojë kryesisht në fushën digjitale "kështu që të punosh mbi këtë dhe të jesh në gjendje ta printosh në shtëpi dhe të shohësh rezultatin dhe formatin përfundimtar është shumë e kënaqshme", - thotë ai. © Ricardo Cavolo

Udhëtimi juaj i punëdores nuk ka pse të fillojë dhe të përfundojë me këtë projekt. Pse të mos lini që dizajnet e Ricardo dhe Agathe t'ju frymëzojnë për të zhvilluar dhe printuar motivet tuaja? Madje mund dhe të përdorni të njëjtën teknikë për të printuar modele që mund t'i përdorni për qëndisje. Siç thotë Agathe: "Nuk është e thënë të jesh ilustrues profesionist për të vizatuar. Të gjithë mund të krijojnë dhe kjo është vërtet e dobishme për mirëqenien dhe shëndetin tuaj mendor”.

Me një printer Canon PIXMA, mund ta lini imagjinatën tuaj të endet e lirë. “Ta kesh këtë teknologji në shtëpi do të thotë që të kesh një ide, të punosh mbi të dhe më pas ta printosh e të shohësh rezultatin përfundimtar”, - thotë Ricardo.

Dhe përfundimi i projektit tuaj nuk është e thënë që të shënojë dhe fundin e diskutimit. “Shëndeti mendor nuk është negativ – ka të bëjë me përmirësimin e të gjithëve”, - përfundon Ricardo. "Ne nuk duhet ta lëmë këtë temë që bëhet tabu dhe duhet të sigurohemi që të bëhet diçka për të cilën mund të flasim lirisht."


Shikoni faqen tonë në Pinterest për më shumë këshilla dhe teknika punëdoreje.



Shkruar nga Rachel Segal Hamilton

* Pajtueshmëria e Light Fabric Iron-on Transfers LF-101: PRO-100/PRO-100S, seria TS (përveç serive TS31xx/TS20x), seria TR (përveç serisë TR45xx), seritë MG77xx/MG75xx/MG68xx/MG67xx/MG57xx/MG56xx/MG36xx, seria iX68xx

Pajtueshmëria e "Dark Fabric Iron-on Transfers DF-101": PRO-100/PRO-100S, seria TS (përveç serive TS31xx/TS20x), seria TR (përveç serisë TR45xx), seria G (përveç serive GM40xx/GM20xx), seritë MG77xx/MG75xx/MG67xx, seritë iP87xx/iX68xx

Produktet e lidhura

Artikuj të ngjashëm

  • Black Canon PIXMA printer with a colouring printout and print paper on a desk.

    VËMENDJE KRIJUESE

    Largoni stresin nga tryeza e punës

    Ju tregojmë disa mënyra të thjeshta për të lehtësuar presionin çdo ditë.

  • Një bluzë e bardhë me një model të printuar qëndisjeje me bimë shtëpiake, pranë një pakoje stampash me hekurosje Canon.

    PRINTIM KRIJUES

    Printoni motive qëndisjeje

    Krijimi i veshjeve emocionuese ose i artit mural është i thjeshtë përmes motiveve të printuara me qëndisje.

  • Një person që shkruan në një ditar, faqet e mbushura me foto dhe ngjitëse.

    PRINTIM KRIJUES

    Shprehni vetveten me ditarët krijues

    Shënimi në ditar mund të jetë një mënyrë për të shprehur krijimtarinë tuaj, si dhe për të përmirësuar gjendjen mendore.

  • Një varëse muri me forma gjethesh tropikale, të prera me letër me ngjyra në rozë dhe të gjelbër dhe printime tropikale.

    PRINTIM KRIJUES

    Dekorime të thjeshta biofilike

    Kombinoni natyrën dhe dizajnin për të krijuar hapësira çlodhëse në shtëpinë tuaj.